M18 (已結業)

難得去到樂富，當然即刻上openrice search下呢度有咩好嘢食。見到第一間就係M18，就試吓佢嘅招牌芝士撻啦。注意，應該係A出口一出轉左就係，唔需要根據呢度嘅B出口指示。芝士撻只係＄12個，仲有五送一優惠（但又有幾多個人可以食到六個呢？ 一定要同朋友些牙）。餅皮用咗勁重牛油，對於鍾意食曲奇皮嘅我來講，真係非常之正。餡料用左全cream cheese，足料，但食唔出落左其他芝士味，亦都冇拉絲效果，味道比較單一。但以呢個價錢來講，真係冇嘢好講，抵食滿分。