M6冰室 (已結業)

放假其實九成都係出去食早餐，好少會響屋企自己煮！屋企附近大部份早餐都試過，唯獨呢間仲未食過，所以今日我要去呢度～我要咗一個五香肉丁米同熱鴛鴦，老公就叫咗沙爹牛肉蝦仁公仔麵配熱檸茶！五香肉丁雖然係罐頭嘢，但我又覺得佢放落碗嘅份量恰到好處，而米粉亦唔會太硬或者太淋！幾好食！而熱鴛鴦味道就一般，啡及茶味不太突出，普普通通啦⋯⋯而沙爹牛肉蝦仁公仔麵都唔錯，不過多咗兩粒蝦仁感覺有啲畫蛇添足，同碗嘢唔太夾！檸檬茶亦係冇乜茶味，但炒蛋同多士都幾好食，蛋炒得好靚，唔會太老，而且多士都好香脆👍🏻

平時經過都好多人排隊唔係幾想等位琴日最終都同同事試下食左 豬潤牛肉麵- 豬潤厚鮮牛肉有質物唔太林配雞湯有薑絲味道好夾奶油豬 即叫即整。約$50 蚊同事叫左個咖喱牛脷飯 好正厚切牛脷 煎到面乾脆 唔會成片牛脷林曬 仲要有四五片 配沙律菜 飯 賣相幾好 都係$56

我地九個人平日12點幾黎到 唔介意分枱坐 職員話有位好快安排到比我地落單有少少混亂但侍應姐姐都好好禮貌 讚!午餐：叉燒蕃茄湯意粉+鮮奶日本蛋+厚多士 $48蕃茄湯底好濃有蕃茄粒 叉燒都幾多舊一d都唔姑行意粉軟硬適中唔會煮到過林炒蛋幾大份 有蛋味而且夠滑厚多士暖暖地 牛油查得幾平均幾香 好食熱檸茶唔會太澀但又冇咩茶味 中規中矩食完成個餐都幾飽又滿足其他人食完走先我地4個食我比較慢差唔多1個鐘 但姐姐無趕我地走整體感覺良好 可以回購!

親測附近咁多間冰室嘅叉燒滑蛋飯都係m6最得我心 炒蛋好滑又唔會太油叉燒大塊份量都幾多仲要食親叉燒都係啱啱好嘅少少蜜汁 食落唔會乾柴又唔會太肥今次再黎埋佢嘅瑞士雞髀煎蛋飯 都幾好味但沙律副嘅係汁有啲似M記個泰式辣醬有啲奇怪😂😂決定下次都係食返叉燒炒蛋飯最好味 堂食50幾蚊仲有野飲🤤🤤🤤

新年後返工，當然要食啲邪惡嘢安撫下唔想返工嘅心。厚切餐肉煎蛋脆皮菠蘿包 下午茶$34一見就睇到個厚切午餐肉，又邪惡又滿足，加埋個脆面嘅菠蘿包，邪惡度再升級。切開時仲冒緊煙，真係即刻煎而唔係煎定放喺度，其實嘢食夠熱真係好緊要呀！鮮忌廉雞湯配仿鮑魚火腿絲通粉配鮮奶炒日本蛋、厚多士 下午茶$36有大量嘅仿鮑魚絲同火腿絲，同事走火腿換嚟更多嘅仿鮑魚絲，忌廉雞湯又係夠哂熱，而且通粉唔會煮到太腍。日本蛋好香濃，厚多士如果可以再脆啲就好啦！不過咁嘅價錢真係無得輸。凍華田要讚埋呢杯凍華田，夠哂華田味，唔會太淡又唔會太多奶味。下午茶由兩點開始，仲有好多款式，由$32起，好多就算加凍飲都係$40有持，絕對係鰂魚涌打工仔福音。

午餐menu長期唔轉 依家應該好少餐廳會咁做 因為...(請自行猜測原因)👉🏻👈🏻 但出奇地多人 午市幾乎全場爆滿💩They have a long-living menu which is rare in Hong Kong nowadays💩But they could maintain a large number of guests in lunch hours... unbelievable🥳個椰香咖喱豬扒飯係一流嘅👍🏻豬扒肥瘦均勻 又冇骨 啖啖肉 每塊都有肥有瘦 咬落鬆鬆軟軟 唔會食到一口肉質籤維😃咖哩唔會太辣 老少咸宜 加埋椰汁 令成碟咖哩味道都好濃郁 令人沒齒難忘🤤The pork chop is boneless, medium well with a little fat⭐️which is a perfect match with the coconut curry👍🏻奶茶就教科書水準⭐️ 茶香奶滑 更有少少茶澀味 我比85分Their cup of milktea is great! If you come to this restaurant, you must

之前一直都有去旺記，M6响旺記隔離反而忽略咗，咁啱今日要買外賣，試咗38蚊抗疫餐，叉燒蛋飯，配熱奶茶。個外賣拎到返公司個飯仲熱，啲蛋同叉燒份量都幾多，蛋炒得好滑，質素幾好，奶茶既奶有啲過多，味道普通。呢間餐廳食物都幾好味，都幾有驚喜，下次想試下堂食，佢堂食都幾多人，可能要早少少嚟先有位。外賣既抗疫餐有個椒鹽豬扒飯，下次可以再試，餐廳既人流無旺記多，可能因為裝修唔夠旺記好，但勝在食物幾好味，同埋都抵食！

今次係喺星期日下午去左試M6冰室。本身都有食過其他鰂魚涌嘅冰室，知道鰂魚涌其實都幾多呢類型嘅冰室，但搭車經過見到有新餐廳都會想試一試。▫️▫️▫️▫️▫️▫️▫️▫️▫️▫️咁今次係食咗佢嘅午餐6號set，蕃茄湯底配叉燒，其實同隔離嗰間冰室嘅某一個餐幾乎係一模一樣。不過唔同嘅係呢一間好似好食啲👏🏻😍～好食在呢一個番茄湯係稀D，真係一個湯嚟，但係都好有蕃茄味，同埋食到有一粒粒嘅蕃茄！🥫▫️▫️▫️▫️▫️▫️▫️▫️▫️▫️另外好出色嘅就係我地加左$5轉左嘅奶油豬，好均勻嘅奶同油，超級夠熱同脆嘅包，重要啲奶又係滲入個包到！😋😋欣賞！（btw係有兩片奶油豬，張相只係影到一片，因為第二片食緊😂）▫️▫️▫️▫️▫️▫️▫️▫️▫️▫️室內環境方面都坐得幾舒服，同埋唔知係咪星期日嘅關係，職員冇趕/催過我哋走（鰂魚涌好多冰室都會限時食/趕人）間鋪好新好乾淨✨每枱都會有紙巾🧻同埋好似係用日本蛋🇯🇵

今次再黎試下佢地既茶餐。✨蛋沙律牛角包牛角包好鬆脆， 配上足料同少少凍既蛋沙律， 一凍一熱加埋，好好味。.✨脆皮菠蘿包配厚切餐肉煎蛋菠蘿包有烘熱過，餐肉表面肉煎得脆卜卜好香口，再加隻煎蛋，口感豐富，滿足味蕾。.🏠 M6冰室🛤️ 鰂魚涌英皇道953號地舖📍港鐵鰂魚涌站A出口，步行約3分鐘-----#hkfoodie #hkfood #hkfoodblogger #hkfoodlover #hkfoodieblogger #hkfoodstagram #hkfoodblog #hkfoodies #hkfoodpic #hkig #hkigfoodie #hkigfood #hkeats #hkfinedining #茶餐廳 #茶記 #冰室 #quarrybay

鰂魚涌/太古坊呢邊有好多唔同類型既食店，冰室都開左好幾間，今次試下呢間新開既M6冰室。我叫左個祕制葱油香煎雞扒飯，雞扒有2大件，雞皮煎得香脆可口，肉質嫩滑唔會鞋口，味道唔會過咸，配上佢甜甜既葱油汁同食仲正。如果係食量唔大既女仔，根本唔會食得哂。😻😻😻另外我欣賞佢既葱油汁係另上，鍾意沾幾多汁就自己決定。配上既雜菜唔係hea用水煮， 係用蒜蓉炒過，非常好味，但如果雜菜再多啲就加更好。😋😋😋熱檸檬茶就係正常茶記水準，茶味唔會苦澀，唔錯。👍👍👍其實呢間我已經黎過幾次， 店員既服務態度非常好又有禮貌，價錢公道又好食，會長期幫襯。😸😸😸

有良心既新餐廳, 外賣連飲品都只係$38蚊.  對於我地係寫字樓返工,又無飯帶的打工仔 , 疫情期間真是一種恩賜,大家共渡難關, 好食 & 抵食, 一定支持你--M6冰室

鰂魚涌新開冰室，試左火腿通粉，好味，通粉彈牙，多士烘得好均勻，………👍👍👍價錢合理，大眾化……佢地用既外賣盒好好，有分格，唔使特別註明分湯己經會幫你分湯，好細心