Mad for Garlic (已結業)

今日同朋友聚舊，而呢個朋友係痴蒜者，肥仔當然要搵間咩都有蒜嘅餐廳Mad for Garlic，入到去好似去咗古堡一樣。坐卡位好似入咗石洞一樣，感覺都幾有趣。小食有我最like嘅蒜頭蕃茄白酒煮鮮活藍青口辣椒加上蒜頭白汁嘅活藍青口，咪睇佢細細隻，食喺上嚟鮮甜度仲勁過啲大青口，難得係廚師煮到隻隻都咁嫩口，滑到好似布甸樣呢個pizza不得了，痴蒜者一見到就開心到癲咗，不過又真係好香蒜味嘅~上枱嘅時侯仲可以加芝士，加到成個批都係滿足埋先我0呢隻芝士粉絲，薄批底脆，加埋酸酸甜甜嘅菠蘿，鮮味嘅蝦，我第一次食咁多蒜嘅pizza，味道非常好。唔怪得好多枱都叫呢個蟹肉白汁意粉，大大舊原條蟹肉，食落非常鮮甜，意粉都彈牙。最後就叫咗個芝士蛋糕，芝士味極重，質感厚實。肥仔今次又食飽飽。

晚上約了一大班朋友來聚會朋友說這間很好食，所以特登來嘗試一下。因為人數的關係，叫左好多唔同的菜1. Snow Pizza - 超好食😋叫左多芝士，勁薄，好重味😋😋（必叫之選）2. 蒜包 - 幾有gimmick，廚師會先將蒜蓉塞落塊包度， 再幫你切開，但有小小熱氣🤭3. 蒜意粉 - 蒜片應該炸過，超香，好似薯片咁（必叫之選）4. 蒜蓉包 - 中間個d係蒜頭，俾你塞粒蒜入塊包度，幾特別5. 牛肉牛油飯 - 🤭🤭相較其他菜，牛油飯反而好普通，無咩特別6. Carbonara - 因為份量太少的關係無食到，聽聞好似普通7. 牛扒 - 好細件，性價比唔夠高🤭🤭但其實係煮得幾好食，但只係太細🙈🙈

第二次食呢間了之前食pizza，pizza係我鐘意既質感不過今次想食其他野裡面既設計好有歐陸酒窖既特色蒜蓉包塔呢個塔既頂頂係怖滿啲蒜蓉，服務員會幫我地將啲蒜蓉塞入個包裡面蒜蓉既份量完全唔吝嗇，麵包好脆不過就唔太夠熱，相信熱辣辣會更好味凱撒沙律第一次食caesar salad 係咁大條羅馬生菜😂好特別上面的脆脆增添左爽脆既口感蒜蓉蕃茄白酒汁炒八爪魚八爪魚好軟淋，唔會咬唔開啲汁配上法包好好食熱板煙肉飛魚籽韓國牛油飯呢個熱板飯有少少辣，好惹味令我不其然地有不斷想食的衝動份量都好多

星期五放工同朋友去食晚飯 可能時間仲算早 唔洗點等就有枱! 仲係卡位~呢間野喺首爾都好出名! 不過就未食過啦~~開咗咁耐 今次第一次黎食!首先叫咗個garlic bread tower, 見到人人都會叫 所以應該係必試既!好可惜既係個店員一擺低盤野都無機會比我地影相 就黑口黑面拎咗刀叉黎幫我地切開佢唔知隔壁枱係咪都會有人幫手切啦 但嗰日位店員唔單止西哂面咁仲張個bread tower切低既時候飛到成枱仲有我成身都係蒜 都無講聲唔好意思我真係呆咗唔識比反應......至於個bread tower其實無咩驚喜 不過真係好多蒜.....之後嗌咗個 蝦 菠蘿 炸蒜 pizza. 呢個真係超級正!! 多蒜就緊架啦 配合返店名 MAD FOR GARLIC~但Pizza夠薄夠脆 唔會成完一塊就飽到試唔到其他野 呢個食兩塊都仲可以繼續食~~叫咗兩個pasta~~ 忌廉汁蟹肉意粉 & 辣蕃茄汁煙肉意粉前者無咩特別 蟹肉幾足料 唔會話得少少.....後者都唔錯 有少少辣味感覺惹味啲值得一讚既係意粉既軟硬都適中 唔會話煮到勁淋咁樣去到後面先上個蕃茄八爪魚蜆+法包既starter. 呢個份量細咗少少不過都要

本身都中意食蒜頭，覺得好香好夠味，上網仲見到好多人話蒜頭好健康😁喺銅鑼灣見到呢間啲蒜頭為主題嘅餐廳，就叫埋朋友一齊去試下😋😁雖然係星期一，七點未夠，但係都接近客滿，好在朋友一早訂咗位👍原來佢當日有牛扒半價，唔怪得之咁多人仲有紅酒買一送一，所以同朋友飲返杯，本身唔係好識飲紅酒，所以揀咗隻平嘅澳洲紅酒，味道都唔錯幾易入口👍餐廳送嘅麵包，蒜蓉味好香，個包外脆內軟😋之後叫咗一個garlic snowing pizza, 上菜嘅時候佢會即刻批啲芝士絲上面，個Pizza仲有蝦同埋蒜片，好香，個pizza 又唔會太厚😋之後就係當日半價嘅牛扒，牛扒都幾大塊，肉味重，$200性價比真係好高👍👍

去完銅鑼灣做嘢，係時候要醫下肚仔，去到時代廣場，幾十間餐廳唔知食咩好，上OpenRice睇下，見到呢間幾多好評，即管試吓係龍定係蟲先叫咗兩個午餐，每個餐都跟沙律/餐湯+飲品招牌意大利薄餅（$128）餅底夠薄夠脆，侍應會喺薄餅送到時，即席磨上芝士絲，見到由無變成滿滿嘅芝士絲，實在興奮炸蒜片絕對係焦點，焗過嘅蒜片十分香噴噴，滿足到你嘅嗅覺同味覺。偶爾咬到一口菠蘿粒，又會突然感覺到清甜無比烤澳洲牛柳杯牛油餡角配蒜香忌廉汁（$228）餡角係中空嘅，牛油味濃郁，食嘅時候要動手將佢切成一半，再放入其他材料材料有牛柳，三色椒，洋蔥，原個蒜頭醬料有蒜蓉忌廉汁同芝士醬將以上材料放入已切好嘅餡餅內，加上醬汁，咁就大功告成了蒜蓉忌廉汁絕對能夠提起牛柳的鮮味，三色椒亦令整個餡餅感覺更清新，加埋蒜頭，絕對滿足晒色香味俱全嘅要求，仲可以自己動手做午餐添是日沙律🥗黑醋嘅酸甜，配合橄欖嘅清香，爽脆嘅沙律菜，令人食慾大增DIY提拉米蘇配意大利手指餅及咖啡甜酒又係一道可以有得食有得玩嘅甜品。甜品上枱嘅時候我地一臉迷惘，侍應好好人，見到我哋唔知點食，特登過嚟教我地首先要將手指餅浸入咖啡同埋甜酒，浸淋之後再加上橙色嘅醬，食入

有冇人同港🐷一樣 都係好中意食蒜 仲要食到成口蒜味先過癮🤤----------MFG特色蒜蓉包塔 ( $48 )個包食落有啲似法包 烘得幾鬆脆 入面包住蒜蓉 上枱時係成座塔咁 會有專人幫你扑爛切件 食落就係蒜落包咁～-The Mad Mexi Nacho Pizza ( $158 )Pizza加左辣免治牛肉 墨西哥脆片 芝士 各種蔬菜等等 配埋自家製莎莎醬 咬落去又脆又軟 口感勁豐富🤓食落唔算辣 餅皮都幾薄 不過就冇咩蒜味😂-蒜香忌廉汁蟹肉及龍蝦肉意粉 ( $168 )意粉好creamy 蟹肉同龍蝦肉份量都ok 蒜味都算輕😬

好岩鐘意食蒜既人黎呀！！咩野都係蒜 好多款式可以選估唔到甜品都會有蒜既成分但係太飽 食唔落甜品介紹番主食先～招牌意大利薄餅有蝦、菠蘿、仲有好好好多蒜呀❤️個醬好夠 食落唔會乾曾曾呢個會推薦大家試熱板烤MFG招牌肉眼扒配蒜頭山唔知係唔係熱板上我地掛住傾計遲左少少食 肉眼扒過老切起黎都好un 食都好難咬無咩肉汁有少少望仲叫左個Garlic Bread Tower係好多紅蒜係個包上面 成左一個小山既法包但影唔切相 服務員好快手就幫我切開左😂😂整體都好好 食完好神奇地唔會好大口氣同蒜味係口值得一讚！下次好想試埋佢甜品呀！

我都有六、七年沒有去過時代廣場九樓以上的地方食過飯，咁岩之前一兩次經過時代廣場，見到好多食肆都唔同哂，見到有一間專食有關蒜頭的韓國西餐的餐廳，很有點Fushion的味道，於是同老婆去試下。這間餐廳位於時代廣場。我們大約七點十五到達，去到都不算多人，好快就有位。【牛柳闊條麵配蒜香忌廉球】喜歡食闊麵既朋友，這個值得推介，總覺得闊麵要吃得正宗，就係個醬汁，一食落去好有獲氣，又不會吃得滿口油膩，簡直是美味的意式傳統，再加埋蒜香幼滑忌廉球，值得一試。【烤澳洲牛柳伴牛油餡角配蒜香忌廉汁及墨西哥辣椒醬】燒牛柳伴墨西哥包，呢個食法我第一次試，切開這個包，這個包質地非常煙韌同埋青椒洋蔥加埋個醬汁入去一齊食，真係唔錯。【西柚特飲-Grapefruit Ade】我去到型格西餐廳點都要叫杯野飲嘆下，我叫左杯西柚特飲，用了新鮮西柚汁加左梳打，味道勁Fresh。

聖誕前夕約朋友食生日飯，見呢間餐廳幾多好評就決定去試下。2個人叫左3樣野，第1碟上場既係Garlic Snowing Pizza，賣相一般，而且唔係我喜歡既鬆脆口感，有點失望跟住到Crab and Lobster Pasta，呢碟估唔到有驚喜❤️❤️濃濃既忌廉汁配合大量既蟹肉同龍蝦肉，好味到即刻想叫多碟🤩🤩最後係Dancing Salsa Rice with Beef，個飯整得幾乾身，味道唔錯，食得辣既就一定要撈埋d配菜食，會更加好食整體黎講，餐廳坐位夠闊落，食物亦都幾好，由其係個意粉，絕對值得為個意粉encore😋😋P.S. 最後見到隔離枱叫左份斧頭扒，好大份，不過好似好正咁🤤🤤搵次約一大班人去試先得

原本唔覺得有咩特別，諗住都係garlic 姐…原來garlic 都可以整咁多菜式，仲做埋主題餐廳，個frd 係都話要試下，就睇下佢有幾勁。Garlic Bread Tower成舊都係蒜蓉，又香又好味。感覺就係蒜蓉包既威力加強版，啖啖都可以食到成口都係蒜蓉。拉開入面幾多蒜蓉？！！Garlic Snowing Pizza炸蒜片，芝士條，加上薄薄既脆口餅底，令筆者食完一塊又一塊。好彩每一塊唔算太飽肚，食多少少都唔驚飽肚。Ribeye Steak with Cheese Gratin牛肉叫左medium，口感好細嫩，加上一舊原隻garlic，配搭好特別。好有情調既感覺

聖誕節休息咗1日，又係時候繼續大吃大喝，今晚跟好友相約去銅鑼灣影燈飾，順便到附近食返餐好。最方便當然上Time Square 覓食，上面餐廳選擇特別多。去到11樓見到有間用蒜頭做主題嘅餐廳，見幾特別，而且仲好有聖誕氣氛，一於入去試試先。餐牌選擇都多，而且差不多每款有加蒜頭，連甜品都有蒜頭，好特別啊！Garlic bread tower 蒜蓉塔外型非常討好，侍應會先用刀叉將面頭蒜蓉塞入麵包中間，之後再幫忙切開4份，麵包入口外脆內軟，蒜香味十足，令人一試難忘！Cinderella 用橙汁，菠蘿汁，檸檬汁混合而成，味道酸酸甜甜，果香味濃郁。Tenderloin Steak SSAM澳洲牛柳軟嫩，肉味比較濃厚，同時可以加上蒜香忌廉汁，酸忌廉夾著牛油餡角同吃，真係非常滋味。Crab & Lobster Pasta 蟹肉鮮甜，龍蝦肉爽嫩彈牙，而意粉煮到軟硬度適中, 再拌勻creamy 嘅忌廉汁，真係好有水準，好好食！每款食物都做得非常好，而且即叫即整，全部新鮮熱辣，值得一讚！

提早約朋友慶祝聖誕節 順便去睇燈飾當然要去就近嘅mad for garlic 好好享受朋友已經係第二次黎 叫左佢推薦佢喜愛嘅幾味撚手菜好多選擇呀🙈🙈好在有軍師係度蒜蓉包塔滿滿一口的蒜蓉 為是日主題打開序幕☺️鬆軟麵包入口香噴噴 喜愛蒜味嘅朋友要試試野菌雞肉risotto 😁雞扒煎得不錯皮脆肉嫩 有不少原個蒜頭釣味飯身唔會太濕 粒粒分明☺️BBQ雞胸pizza 滿滿的火箭菜令人心矌神怡😆😆薄片pizza 令人愈食愈滋味特色辣燒烤醬好突出 但同時又食到甘甜蒜頭山招牌肉眼扒真係嚇一跳見到成碟都係蒜片朋友們都是蒜頭控 心情舒暢😂叫左五成熟 黎到燒到岩岩七成好juicy 加埋啲蒜片 口感豐富👏🏻Peach底生果茶🎊好fresh 而且rosemary 獨特香氣令整杯野生色不少 順帶一提 呢度上菜好快塊扒落左五分鐘就上到😱

一睇就知呢間野係專食蒜！我本身都鐘意食蒜，雖然有啲人覺得食完會口氣大，不過加左蒜確實會令餸菜添色不少！環境都幾浪漫Lunch set 選擇都唔錯，款式幾多Lunch set daily soup 蒜頭南瓜湯，味道出奇地夾8” garlic snowing pizza $128蝦、菠蘿、炸蒜片招牌意大利薄餅雖然材料好簡單，但係蜜糖既甜加上蒜片既脆口，味道好好味，一啲都唔會覺蒜片味太濃。侍應上碟後會再灑上芝士碎，更加正！我哋額外再加左Garlic steak US beef rib eye 220g $288招牌肉眼扒配蒜頭山一上菜，好香既蒜味！啲蒜片好脆卜卜！牛扒叫左medium ，熟成度都ok牛扒連蒜一齊食，好正！DIY tiramisu 配意大利手指餅及咖啡甜酒lunch set 加$25呢個係自己落手整既tiramisu ，自己鐘意落幾多份量可以自己決定。未試過咁樣食，不過都幾特別Lunch set 既咖啡 雖然已經有幾間分店，但係呢一間嘅服務態度好好！！！侍應勁細心，態度良好！！

鐵板烤招牌肉眼扒配蒜頭山 美國肉眼 $288成份牛扒都被炸蒜片鋪滿着實在係太澎湃啦牛肉煮到五成熟 食落充滿肉汁蒜味好香濃 但係冇喧賓奪主微辣檸檬忌廉魷魚韓風意大利飯 配醃漬蒜芯 $138非常美味嘅一道fushion菜意大利飯煮得恰到好處而且醬汁好香濃 辣得來又加咗啲檸檬酸中和醃漬蒜芯非常清甜 再配以魷魚真係好好食Garlic Apple Crumble $78估唔到甜品都可以搞搞新意思加入左蒜頭嘅蘋果金寶又幾好食喎 令人食完想再食