Madera Cafe (創協坊) (已結業)

話說久唔久都會過嚟黃竹坑做野，上次試過呢度嘅咖啡同牛角包覺得可以翻食所以又行過呢度買，好彩做嘢地方都近嘅講番主角喇，牛角包一貫正正常常牛油香幾濃，咖啡師會幫你翻熱，所以襯熱辣辣就擺入口食相都無影！咖啡就更有驚喜！上次嚟幫襯覺得ok啦，正常價錢正常表現，總比starbucXs好，starbucXs嗰啲淡如水嘅東西...自己就覺得飲質素緊要過飲有型。今次啲咖啡仲香濃咗，barista話原來轉咗咖啡豆，係3種豆炒埋一齊，怪唔得味道複雜得嚟又有強勁嘅after taste！已經變成正常價錢，喜出望外！有機會過嚟黃竹坑做野一定再幫襯！老實講，如果係港鐵站行過嚟都係兩三分鐘，好過去幫襯有型無實嘅starbucXs啦！仲近啊！

飯餐吾平，俾我果時係凍，再焗完又硬又乾，一打開份量少到呢。較年長架位職員態度恶劣。lunch time 得果十個八個客，勁燥底，self service, 返工受氣，落街買飯都睇面色咖啡基本ok.

時隔一段時間，終於有返啲時間落去買杯咖啡。又見哥哥仔，好耐無見呢位會幫我拉花嘅哥哥仔過來。想講，其實呢度嘅員工都好用心，同客人之間都會傾下，輕鬆下，同埋都好用心去做至少對我同我個fd都係唔錯。以笑待人，他人必定以笑待之。呢杯薄荷特濃朱古力咖啡好耐之前出，我都想講朱古力味cover左薄荷味，但大致上都不失不過呢隻貓貓拉花好得意好用心，杯徑唔夠大都拉到，係犀利同埋latte都係keep住質素唔差得過出邊嘅咖啡店，只有好過同埋之前都有買過早餐package，加埋朱古力牛角包，味道好好啊即刻整出來嘅係香口外脆內鬆軟，好鍾意食得閒落去飲一杯輕鬆下放鬆下心情真係唔錯，同埋之前仲有試左個包，賣相唔係好吸引，但係皮好鬆脆，我好喜歡。不過我都有聽同事講呢度有啲批入面未必暖，所以我都建議可以加熱多一陣陣，等批入面熱左先攞出來

呢間鋪頭啲夥計唔係咁友善就已經出晒名，咖啡貴過又難飲過Starbucks。佢哋個餐牌上面啲嘢，好多都冇，佢哋標榜自己有鴛鴦或者奶茶，但次次去都係冇，佢哋賴部水機壞咗。咁你不如唔好寫上去好過。嗰度有個好肥好高嘅員工，永遠都係黑口黑面，啲表情都唔知點咁，比其他木口木面嘅更加木口木面，見到都唔開胃。而且佢感冒都唔顧清潔，佢嗰日戴晒口罩成個病樣咁樣，打乞嗤用隻手揞口鼻之後都冇洗手就攞杯野俾你，慌死你唔會中招咁樣。俾咗張會員卡你又唔講點樣用，都唔知有冇用處。你跟嘢完全唔值得去幫襯，寧願行遠少少去Starbucks好過。

平時返工總想搵啲理由俾自己抖一抖黎到樓下cafe鬆一鬆都係唔錯嘅選擇，員工都nice，咖啡味道都唔錯以前好少飲嘅我變得鍾意左咖啡仲記得第一次有個過來頂更嘅哥哥仔拉左隻bear bear俾我，即刻覺得無咁悶好有心思嘅員工，值得讚之後又一次遇見，趁無咩客嘅時候，拉左隻天鵝，好QQ其實每個人沖嘅咖啡都會有唔同嘅味道，飲嘅人都會有唔同嘅感覺，每日都會落去小休嘅我，雖然都有飲到過自己唔係太鍾意嘅味道，但係大致上黎講，我覺得呢間舖嘅咖啡係值得推薦嘅可以一試

今天去了這間小小 cafe 買左杯咖啡，等待中見到 muffin 想買回來一試，見 set 價錢平$18 所以要了，俾錢時哥哥並沒有計 set 價，佢話因為之前咖啡已俾錢，所以要分開計。👍🏻明白兼有道理，也很有原則，但欠了人情味。回來office 一試這個muffin , 硬不在話下，以為他有 reheat , 但原來只是一個動作，完全是冷冰冰硬骨骨的一個muffin , 這樣的一個不美味兼欠缺人情味的咖啡店，我已找不到原因再幫襯。

The menu is limited but it offers the essentials of a quick cafe in an office building. I had a croissant and I found it a bit too greasy. The cappuccino I had was alright, it hits the spot but doesn’t leave me wanting for more. If I go back it’ll be due to convenience.