Magic Touch (T Town) (已結業)

平時有餡嘅玉子燒見就見得多，但呢個扮cream brûlée嘅玉子燒確實第一次見！🤔 真係好想知道佢係甜定鹹添！即使點咗件黎比我見吓⋯😏份量完全唔多，基本上三口完成！只不過$8就冇得怨細件啦！😌如果你煮開餸都知，唔夠鹹落鹽、唔夠甜落糖⋯兩者會中和大家！而呢件玉子exactly就係咁！😂 味道其實佢以鹹為主，甜嘅部份就只有焦糖嗰部份⋯😂 以焦糖玉子黎講，佢唔夠甜，或者話係偏鹹咗啲！加上佢比平時嘅乾身，鹹味突出少少添！但都至於鹹到接受唔到嘅！☺️ 但呢個價嘅玉子，OK啦！😄

一場嚟到天水圍試吓最新嘅高級版magic Touch啦，先來就食一食熟 我哋試咗呢一個炸蝦卷裏面有沙律醬好開胃好好味好值得推薦。再嚟呢個左口魚嘅卷物啦，裏面嘅餡料其實就冇乜特別但係上面嗰塊燒左口魚真係非常之好味日因為佢燒到滑滑，又唔係完全熟晒 加埋木魚覺得好香成件事好完美啊。另外叫滿左＄60左右每人就可以加一蚊換了一碟炸蟹鉗，好香口加埋少少椒鹽相當之唔錯啊。另外呢兩款壽司都好值得推薦架，嗰個蟹腳呢真係好多肉好好味啦，芝士蝦亦都好香，我覺得比坊間嘅炙燒壽司做得更加好，同埋有好多殼係因為我哋個湯勁多蜆！

尋晚肚餓,諗起呢間餐廳,因為之前食過都唔錯~去到唔洗等即有位~呢間餐廳有賣點就係落order就係自己係部pad度自己揀自已篤,想食乜就自己篤~咁樣就唔洗怕人地miss左你張單,又或者人地聽錯俾錯野你~除此之外,仲可以check埋有乜黎左,有乜未黎~食物會由輸送帶送到你面前~~呢個管理非常之好~值得好多餐廳學習首先第一樣牛肉烏冬就非常一般,真係可以唔洗再試~牛肉好刃,應該係太熟緣固啦~湯底冇味,d烏冬都唔知點形容如何差第二樣就係炸軟殼蟹呢個就好好多~~蟹身炸得好脆,入面仲有好多蟹肉,加多小小鹽落去,咸咸地又脆,第三樣就係當日特價貨炸蟹鉗,平到你唔信,只係1蚊一開始我都唔信,落單,真係1蚊出單...呢間原來日日都有唔同優惠,大家去到要留意下~至於質素如何1蚊雞,你仲想點,但擺得入口既~~未至於中伏非常差咁啦~最後個甜品蛋糕就略嫌硬左小小咁啦~但食落口又幾甜既~~

全自助日料 這間分店地方非常寬敞。我與友人選擇坐在卡位。點餐方面基本上用tablet進行，一次只能點四樣，然後按下點餐便可以繼續再點。不消一會兒，壽司🍣坐著那火車駛到我們的卡位。這個設計非常有趣，也得到好多小朋友喜愛。一個一個緊緊盯著什麼時候火車會來。 我們叫的食物不太多。 三文魚刺身令我挺驚喜。 本來三十多塊，我也沒有太大期待。誰知是厚切的三文魚。正好我非常喜歡厚切。而且質素也相當不錯，雖然沒有達到入口即化的程度，但口感也是挺豐富。 而另一樣意外叫的鯖魚也挺不錯。首先它的骨很少，外皮烤得酥脆，肉質挺鮮美，配合檸檬汁中和了油膩的味道。只是20$，物超所值！ 而其他都表現一般。 手卷即令我稍失望。 因為選擇很少，而且味道一般，飯又鬆散...算是敗筆。

今個weekend又去咗邪惡社區中心渡假，去到都不外乎食食食同食！今晚開餐地點揀咗新開嘅Magic Touch，其實齋睇個名完全估唔到佢食咩，再睇埋佢裝修就見到有d數字卡位，都係未必估到佢係食日本嘢!每張枱都係寬闊嘅卡位，用平板點餐，有日文、中文同英文。點餐後旁邊就有個路軌送嘢食出嚟，但佢就唔似另一間廻轉壽司店咁，要禁個制送返個盤返去，而係要連盤咁攞嘢食出嚟，之後會有員工過嚟收走。茶、豉油、wasabi都係自助形式攪掂！刺身拼盤有三文魚、帶子、甜蝦同蟹腳，尚算鮮甜，不過不失。茶碗蒸蛋前茶小食螺肉~普普通通麻辣帆立貝裙邊~少少辣幾惹味！海膽壽司海膽好大隻，食落有甜味唔苦。魚籽玉子盒呢個唔錯，玉子厚厚，中間三文魚籽晶瑩剔透。三文魚壽司青瓜小卷雞軟骨串燒大蝦串燒上枱時香噴噴但蝦肉略嫌散同痴殻炸芝士年糕吉列炸蠔一客4件，新鮮炸起幾好味!叉燒烏冬呢個比較有驚喜，叉燒帶點焦香味，肥瘦適中，烏冬煙煙韌韌，昆布湯底清甜。燒鯖魚炸軟殼蟹脆漿厚薄適中，略嫌炸得比較老身唔夠金黄，可能油翻用多次。芥辣八爪魚軍艦軟殼蟹卷燒明太子青口明太子同青口幾夾，可惜燒得唔夠乾身。小龍蝦沙律軍艦同其他舖頭嘅唔同，似三文魚蓉多

早幾日收到佢哋派嚟嘅宣傳單張，見傳單上相片幾吸引，就去一試，去到門口，嘩。。。都好多人，之後撳飛攞位，大約等咗25-30分鐘，就入坐，坐低之後就開始點菜，好快就送到面前，點了極上刺身特盛（夠新鮮），吞拿魚刺身，三文魚刺身，甜蝦刺身（新鮮），生海膽壽司， 巨無霸鮮帶子（好鮮甜）， 和風牛肉烏冬， 烤骨腸烏冬（湯底唔夠味），之後再點了一些小食， 醬燒魷魚（ 燒到好乾好硬），麻辣裙邊（ 辣辣地幾好食），炸軟殼蟹，掛住食有啲唔記得影相，希望佢哋會再有更多選擇嘅刺身.

全新爭鮮壽司旗下品牌Magic Touch，咁搞笑係天水圍開啲咁高檔嘅日本餐廳，價錢比普通爭鮮貴兩三倍。不過始終都係爭鮮，又點可以同元氣比？講返今次試吓啲特別壽司，最吸睛係兩條自動輸送帶，上面嗰條，同元氣高速線一樣，用火車形去運送壽司，反而下面果條，就係用輸送帶傳送小食或者壽司去到你面前。喺壽司方面，都算係大件，又新鮮，不過味道就........... 最慘係啲服務質素，又係似譚仔嗰啲，廣東話唔鹹唔淡，聽到我R晒頭。

之前男朋友同屋企人去食過~有新幹線送d壽司話好得意,搵日會同我食~今日終於等到啦~!同埋男朋友屋企人去食~估唔到7點鐘都已經等緊位, 大概等左15分鐘先入得~我地6個人, 3,3 咁面對面坐,只係得一部機係最入面, 所以只有坐最入面既人先落到單, 頗為不便呢....刺身仲叫左劍魚腩, 油甘魚...唔記得左影,.....)壽司- 選擇少刺身- OK新鮮, 味道一般炸物- (蝦)粉太厚, (軟殼蟹)好食烏冬- 份量勁少, 味淡燒物- 鯖魚, 味道OK都算大條~

Sick leave睇完醫生同家人路過，見係抄元氣高速線就入去試下，下午茶時間無乜人，諗住爭鮮開會平啲，原來都幾貴，家人唔多啱食，種類太少，望住部機睇黎睇去都無野想點，但好在都唔難食，食左少少就埋單走人，下次食返元氣好過。

住天水圍附近嘅朋友一定要黎試吓呢間壽司店，又好食又好玩性價比又高！Touch screen 點嘢食跟住有火車送到、試咗個魚生好新鮮！特別推薦即炸軟殼蟹同焦糖三文魚壽司味增湯大碗抵飲，加左勁多蜆肉同豆腐、材料足唯獨甜品可以推出更多款式 有進步空間！店員嘅服務非常之友善、Touch個screen個店員唔夠一陣就會即刻過黎特別注意嘅係晚市比較人多，特別想你試呢間壽司店嘅朋友仔就一定要早啲去拎定飛啦如果午市去嘅話就冇咁多人

晚市時間來次次都要等位，今次等左差唔多半個鐘才有位，鋪內座位好少，唔怪之得咁多人等啦.....可能唔系因為食物好味，系因為座位太少。呢間餐廳的食物頗創新，有別於一般日本餐廳，刺身及壽司的選擇不多。另一個特色就系每一張枱都有一部自助點菜機，自己落ORDER，跟住有一架列車仔將食物送到你的座位，自己拿落來食。(不過見到2次食物送錯位羅...)好味推介：椒鹽蓮藕片，蜜糖雞亦，明太子帝王蟹捧壽司，白葡萄&桃味的汽水。

頌富商場新開爭鮮高速線🚅🚅magic touch 🍣價錢就比元氣 板長低d星期五 14:30 個埸都幾空餐具自己拎 已經擺哂喺個位上面 三文魚腩 $14 厚切 都ok✨帆立貝 $25 ✨口感吾錯 但尼個價錢應該可以好d芥八 ✨ 一般烏冬 $20 ✨d餸🍥煮到乜味都冇 可能岩小朋友食多d加一總共$98整體都ok🙌🏻

天水圍新開一間行精品路線嘅爭鮮壽司店，打著旗號用新幹線列車將食物送到客人面前。因為店鋪新開，整間店鋪都好整潔。當晚都只係等左約十分鐘就能入座。三文魚壽司小龍蝦沙律。有驚喜，醬汁口感十分豐富。吞拿魚中腹。厚切，沒有太重猩味。甘蝦壽司，一般。海膽壽司。不算太猩，甜甜的。麻辣裙邊，推薦！夠辣爽口入味彈牙。牛肉卷，很香牛肉味。蟹子壽司帶子壽司花之卷紫薯薯餅，炸出黎仍然新鮮。炸軟殼蟹，新鮮脆口，不太厚粉，中間啖啖肉三文魚丼北海道生乳酪蛋糕。極力推薦。性價比高。價錢中規中矩約10-30蚊一碟，壽司整體都算新鮮有驚喜。

本想入去餐廳試一試，只可惜足足在餐廳門外等了45分鐘等不是問題問題是，到我入座時居然職員同我講要補飛給已離開餐廳門外的客人入座先，咁係咪即係我明朝去攞飛夜晚去食咪唔使等位囉!我對這餐廳非常失望!

爭鮮又有新攪作，今次好似模仿元氣快線甘直接用火車將做好嘅壽司送到客人面前， 啲嘢食唔使喺旋帶上轉嚟轉去 ，俾人感覺乾淨衛生咗唔小 ，感覺乾淨咗。 不過可能新開張嘅關係， 有啲嘅款式好似仲未有，例如 燒多春魚，吞拿魚壽司等，不過整體感覺比爭鮮嘅壽司新鮮好多， 鮮味好多， 不過價錢就貴啲， 大約10至30蚊到一碟（壽司），而小食呢個就係佢15分至70蚊到一碟，抵唔抵食呢就見仁見智啦。 不過佢就好似喺元氣快線同普通爭鮮嘅價錢嘅中間。講番啲嘢食先整體就真係比普通爭鮮鮮味好多啦，同埋新鮮好多，咁但係有一個蟹棒收68蚊啦我就覺得有啲過嚟啦，因為佢好似唔係太新鮮食咗佢啲水水嘅感覺。總過黎講呢間嘢都算中上嘅， 如果想食下啲高級少少嘅日本嘢呢個係一個唔錯嘅選擇。 不過唔知係咪新就有啲混亂囉。 員工同員工之間好似成日都溝通不足夠甘。