Magic Touch (大鴻輝(荃灣)中心) (已結業)

Magic Touch算是冷門、冇乜人知又少分店嘅壽司店的高速線壽司 （只有荃灣，天水圍店和新開的將軍澳店）😆-首先講吓呢間壽司店嘅少少背景先 其實佢就係爭鮮旗下嘅壽司店之一 個人認為係「高級版嘅爭鮮」點解咁講呢？就係因為佢採用高速線運送壽司 即叫即做💯而且佢嘅用料新鮮、食得出係比較高質😍睇到呢度大家係咪以為高級版嘅爭鮮就等於貴呢 絕對唔係！價錢親民、CP值高！就係呢間壽司店嘅少少簡介-食物方面NANA最鍾意嘅一定係芝士蟹子軍艦！！！呢個軍艦係爭鮮都有 但成日都因為迴轉壽司嘅關係佢嘅紫菜都會淋左 而MAGIC TOUCH就唔會有呢個問題，所以芝士蟹子軍艦就變成100分嘅軍艦（真係可以一個人幾碟呢😍）第二推介嘅軍艦係吞拿魚蓉軍艦！佢吞拿魚吞拿魚唔腥而且好綿密 吞拿魚控絕對唔可以錯過！-壽司方面炙燒三文魚壽司係一個唔錯嘅選擇 三文魚上面有燒過嘅芝士 增加左三文魚嘅鮮味！而封面嘅櫻花蝦炸蝦卷係新品 櫻花蝦同炸蝦都十分脆口 再配搭埋沙律醬 令成個味道更融洽😻-整體黎講MAGIC TOUCH價錢親民、配套完善、壽司新鮮！絕對係一個唔錯嘅壽司選擇 重點係暫時都未有太多人識 所以唔使好似其他壽司店等

//食物 🌕🌕🌕🌑🌑佢嘅魚生都算新鮮，味道唔錯，但壽司以外嘅食物就唔係好掂了😂佢個豆腐份量好足，但一上菜就見到佢個汁有成層油喺面，食落都好漏😭烤魚個皮都好油，一啲都唔脆😂//價錢 🌕🌕🌕🌕🌑價錢合理，都係十幾蚊一碟壽司，埋單平均一百蚊位🙋🏻‍♀️//位置 🌕🌕🌕🌗🌑位於荃灣，鐵站過去都要行七分鐘，唔算好近😐//環境 🌕🌕🌕🌕🌑佢係列車送壽司嗰種，兩個人已經有卡位坐，都幾舒服😌//總分 🌕🌕🌕🌗🌑

這店原本的枱都較寬敞，之前二人來都是給予大大的卡位，價錢比爭鮮貴點，但都是大眾化價錢。二人限一枱，十分寬敞。這是近月第二次光顧，感覺它的壽司質素比平價壽司好得多，但價錢不會貴很多，所以性價比高。這次與孩子同來，多試幾款，叉燒烏冬，賣相不錯，價錢相宜，故材料都算豐富，不過，叉燒就略肥了。此外，我們叫了唐揚炸雞和魷魚鬍。炸物方面真的一般，炸得過燶，感覺是很大陣萬年油的味。餃子仍只是一般而矣。反而刺身丼很抵食，刺身份量和質素令人滿足。刺身有其鮮味，厚薄適中，這個價錢算相宜。

好久沒有去連鎖式的火車線壽司店食壽司 , 當日就去到 Magic Touch 荃灣分店 , 吃壽司 ~用高速靜音火車運送壽司 , 既穩陣又安全快捷 ~綠茶, 是用個別包裝的茶包 , 保證衛生 ~我們吃了好多壽司 , 比較喜歡的有下列幾種 ~炙燒一本星鰻 $18/碟 : 一定有兩貫星鰻壽司 , 飯質不錯 , 炙燒過的星鰻既軟嫩又香口 , 算是好吃 ~一貫 Double 吞拿魚壽司 $18/貫 : 所謂 double 就是赤身魚生件 + 吞拿魚蓉 , 魚生味道濃厚鮮美 , 吞拿魚蓉夠綿滑 , 口感甚佳 ~汁燒原隻千手螺 $26/碟 : 這個螺真的好吃 , 味道清而爽口 , 街坊價錢 , 居酒屋級數 , 是必吃推介 ~溶岩芝士厚切鰻魚反卷 $48/碟 : 一碟有六件 , 食物跟 menu 的圖沒有多大差別 , 半溶的芝士跟鰻魚反卷是出奇地匹配 , 口感和味道都很好 ~本篇完 ~

晚上同老公光顧這店，二人卻給予大大寬敞的座位。壽司款式都尚可，但不是「應有盡有」。我們點了一款內有蟹子、蟹膏及蟹肉，還有一隻炸軟殼蟹的丼。我哋覺得這個丼份量非常十足，不過蟹膏及肉都只是平平無奇。但那軟殼蟹卻令人感到滿意，因為價錢都很抵啊！還叫了不同款色的壽司，可以睇下相片得悉好壞。大眾化的價錢，有好味的壽司，加上舒服的環境，實在是一好地方。下次帶埋孩子來，因為有火車🚄送上你叫的食物，不過不是每次，我們叫左幾次，都是得一次來，可能火車太繁忙了😅

《Magic Touch》 — 屬於爭鮮旗下嘅壽司店🍣餐廳採用平板電腦來點餐 之後壽司就會放係新幹線列車上🚝再送達您嘅座位～佢有多款壽司、軍艦、刺身、卷物、炸物、烤物、前菜、湯、甜品、飲品和定食供選擇👍🏻每個月亦有唔同嘅新品～ 我好想食有高速線列車嘅壽司店 但又絕對唔會幫襯元X壽司🙅🏻‍♀️ 於是上網搵睇吓有冇其他類似嘅嘢 所以就比我發現到呢間《Magic Touch》🤩p.s. 個人覺得如果佢改個好d嘅店名 應該會更加多人幫襯🙊🤣 -Lunch:▪️火焰三文魚 ($20@2)▪️火焰玉子 ($10@2)▪️廣島蠔散壽司 ($14@1)▪️炙燒一本星鰻壽司($16@2)▪️黃金蟹肉船 ($12@1)▪️吞拿魚蓉軍鑑 ($10@2)▪️辣味三點盛 ($30)▪️炸軟殼蟹 ($42)▪️明太子青口 ($20)▪️海老三點盛 ($28)▪️熔岩芝士厚切鰻魚飯卷($48) (呢款唔推薦 個芝士好奇怪)-總括而言：壽司質素同爭鮮迴轉壽司差唔多 我覺得唔差 而且抵食嘅😋但食物種類就比爭鮮多好多🥰👏🏻 座位幾闊落 下次encore會試下午茶🥳***下午茶真係好抵食‼️最平$8就有一碟三嚿嘅壽司($8-$16)-💰: ~$50

近日發現高速線既其他選擇，就係爭鮮既朋友-magic tough ，佢呢度一個人食都唔尷尬，用自助回餐形式，見佢價位幾抵食，去試一試個下午茶，本身聽到佢係爭鮮旗下都期望唔大，不過最後意料之外！🤣蝦壽司3食.🦐本人都幾鐘意食蝦，一次滿足3個願望-熟蝦正路，甜蝦都叫爽口，赤蝦就厚肉地又鮮甜😽海膽魷魚.下午茶關係，有好多一碟三件既選擇，佢都唔係一pat 既感口，魷魚都係爽身既星鰻壽司.星鰻口感唔同普通鰻魚，我覺得呢度都算燒得唔錯，口感冇咁林貝類3食.當中有赤貝，帶子同北寄貝，本人大愛赤貝，難得呢度厚肉地，而且食完覺得冇腥味同苦澀味，帶子都切得薄薄地，而北寄貝就不過不失啦***下午茶比起其他時段抵食好多，有時間真係值得一試🤭

荃灣美食實在太多，如果食壽司都有太多選擇！當然貴有貴食平有平食，但要數到性價比值最高真係要試下大鴻輝嘅Magic touch !!!😎😎😎😎😎店舖入面環境舒適乾淨、所有嘢都自助、自助點餐、簡單方便、壽司用自動路軌傳送，即點即整👏🏻👏🏻👏🏻👏🏻👏🏻食日本嘢真係最重要食材要新鮮（比起第一次食仲愈嚟愈好）、份量又夠😋😋😋😋😋最後兩個人食咗廿幾碟壽司加埋一都係$450蚊！抵到爛！絕對滿足👍🏻👍🏻👍🏻👍🏻👍🏻

今日同女朋友行荃灣，想食壽司，又唔想食元氣，印象中大鴻輝有間爭鮮高速板，都幾抵食，又有抽獎，幾4點去食下午茶，誰知竟然要等位，今日是閒日，但等左10分鐘就有位，睇睇Menu先我叫咗個三文魚吞拿蓉丼，我女朋友叫左個五色海鮮丼，加多碟三文魚壽司及三色壽司，都是用Ipad落單，落單5分鐘左右，食物就從高速線到，大家睇到食物賣相唔錯，但下午茶份量就小了小小，但睇返三十幾蚊算正常，刺身肥美，新鮮，叫滿$100仲送抽獎，但我地抽唔中，順帶一提係要加一既，所以2個人食左$110，都抵食，值得推介。

以前去大鴻輝食飯，必定會見到人山人海嘅情況，但依家冷冷清清咁，行到去magic touch，就去食壽司啦！入店鋪前，店員會先幫我地探熱，又有酒精搓手液提供坐低用平板電腦點食物，好快就會有食物由輸送帶送到。第一次樣就叫咗海膽軍艦，d紫菜仲係膽㗎，海膽好大片，又鮮又甜赤貝大隻到起碼有5cm，好厚，爽爽甜甜，好正啊！三文魚腩壽司，夠曬厚又肥美，最鐘意就成口油嘅感覺燒牛舌就比較薄，而且好韌，下次唔點肥牛蘆筍卷好清新，不過味道偏淡，如果有照燒汁就好最好玩係可以抽獎！我地中咗一枝飲品！真好運

🍣荃灣抵食台灣品牌高速線壽司🍣開心大發現了原來荃灣有一間台灣爭鮮開的高速壽司店，壽司最平$8 起，真心覺得好感動，即刻過左去試下🍣鰻魚壽司 $14 魚上面很多鰻魚汁，鰻魚軟熟🍣炙燒一本星鰻 $16抵食到爆大大塊星鰻，好香鰻魚鮮味🍣和牛肉眼帶子壽司 $28咁多樣食物，呢個壽司我最鐘意呢個，和牛的油脂香氣加上烤過的帶子，整件壽司味道很夾很香🍣富貴牡丹蝦兩食 $28大大隻蝦好滿足🍣花蛤鮮魚味噌湯 $14好足料，多蜆多魚多油，食得出煲了好耐，好入味🍣松葉蟹肉甲羅燒 $48以為好似日本咁有個爐燒，原來係無既，但都幾好食架🍣明太子帝王蟹壽司 $12🍣明太子帶子壽司$16🍣松葉蟹軍艦 $20🍣黃金墨魚壽司$12🍣火焰皇帝蟹柳壽司 $12🍣日式唐揚雞 $30🍣鹽燒牛舌 $30🍣山葵八爪魚壽司$12🍣北寄貝壽司 $14🍣三角腐皮壽司 $8🍣點滿$100 ,ipad 會有個遊戲玩，食了三百蚊，中了一支竹蔗水，玩得好開心，感覺好似去了日本食壽司咁，幾有趣🍣總括來講真係抵食，而且質素都唔錯，由其係軍艦的紫菜是脆的，食物多樣化又有飯，拉麵，串燒，又唔洗排隊，但唯一唔好的沒有提供乾及濕紙巾抹手，所以如果要保持衛生

叫左個手卷 掉左 同佢講 過左6分鐘出返黎俾人 （個手卷明明寫制作需時20分鐘）擺明係拎返之前果個啦個店員仲無咩禮貌 又無道歉 係到呃人 真係估唔到 間野咁對食客 真係當我地唔知

這應該是一間受小朋友歡迎的食店，有一條很長很長的迴轉壽司線，有一架送餐的玩具火車，有一塊點餐的iPad,感覺就像到了一個有magic的樂園般。可能店鋪在二樓，又位於充滿選擇的大鴻輝，午市也不算多人。午市定食也不算貴，看樣子也不錯，有些更有優惠，我點了迷你鰻魚五貫定食。食肆聲稱食物是即點即製的，所以也要等一陣子，那便要自助沖杯綠茶，預備些調料等吃的。說時遲，那時快，食物便到了！賣相頗好！麵豉湯入面有很多豆腐和三文魚，不腥但就没甚麼面豉的豆香。鰻魚飯的鰻魚很薄也不够肥美，下墊的飯只是微温，但巳經是整個定食最好吃的。壽司的飯是機壓的，又冷又硬，魚生頗為腥，欠缺鮮味。玉子和蟹柳就普普通通。對小朋友來說，食物不比玩具重要。但可惜，從前傻頭小子，現已大個，更深近視...埋單53蚊，當吃個lunch都合理。p.s.在吃飯期間，有一女子不斷說"D細路衝動"，我不知她所說何為，但亦想憑歌寄意回佢一句"而旁人仍不歡，罵我自滿，以心做伴，但我任人胡說，只是旁觀。"

朋友介紹 話價錢唔太貴 食物又新鮮 好食2030到 完全唔使等位 坐左四人卡位全部電子化 不過叫野食每次四款 揀揀下突然有小遊戲玩 原來係滿100蚊就玩一次 但完全唔識玩食物款式真係多 樣樣都想試咁 叫左好多野食 全部即整不過佢2130就截單

日式炸豆腐 ~ 可能功夫多，現在已經有好多舖頭冇做。炸小甜薯 ~ 健康抵食，無需任何調味料，已經好食，細細粒，又不太淋天婦羅蛋壽司 ~ 從未見過有其他舖頭有呢款壽司，雖然好熱气，但口感特別，外面脆脆，內裏係軟淋淋既蛋