Mama

營業中

休息中

嚟過幾次 覺得小店幾抵食 所以想支持下但今次真係好失望同嬲今次book左位2:30 但好明顯間店舖無留位所以即使我book左位都要等左35分鐘先入到係出面餵左蚊好耐入到去 唯一一樣想食嘅雞扒all day breakfast無左 咁侍應同我講可以換成雞柳 我ok左但送到上嚟兩條雞柳係兩隻手指公大小小嘅size咖啡好難飲 好奶 我朋友個杯啡成杯無飲過如無意外應該唔會再嚟 唔會留枱就唔好整個book位function

明明社交平台睇咗開9:30am，點知原來之前一晚10pm佢出咗個限時動態，話暫時唔做早餐住，改開11:30am。而我哋當然唔知道啦，繼續9am 去到排頭位😑一個疑似老闆娘嘅物體見到咁神心咁早到（我哋仲早過老闆娘到）😑就叫我我哋不如入去涼住冷氣等😍邊有咁有人情味嘅小店㗎？😍😍最後等到11am，終於可以叫嘢食。叫咗個腐乳三文魚炒意粉及all day breakfast 。其實本來呢兩樣嘢都好好食。不過食到一半嘅時候，朋友話不如叫埋醬爆芝士包。點知，原來呢個醬爆芝士包，係要訂位嘅時候訂埋的。我哋Walk in，當然唔知道啦。但係可能老闆娘見我哋咁神心一早嚟到，到最後，就話整埋俾我哋食，皇天不負有心人呀果然😍呢個醬爆芝士包簡直係世一，明明我哋已經食咗意粉同all day Breakfast，飽咗半肚，但係仍然都仲可以覺得呢個醬爆芝士包勁好食，仲要停唔到口，啲醬爆芝士仲要唔漏，點解可以咁勁嘅？之後再嚟冧酒巴斯克蛋糕及原味巴斯克蛋糕。本來冧酒已經好好味，但又未去到最好味。點知食完個原味巴斯克蛋糕，我咁肯定呢一個巴斯克蛋糕係世一🤤就算之前佢旅行專登去食巴斯克蛋糕，亦都食唔到咁有水準嘅味道。我唔識得點

睇到社交平台後突登來買芝士蒜蓉包，最得意嘅係來過4次，冇一次係買到，而服務態度好差嘅店員每次都會有唔同嘅理由話個蒜蓉包not available 。第一次來，大約五點左右，在門口店員話依家係佢哋落場時間佢哋要休息，暫不供應蒜蓉包第二次來，大約六點半，店員話原來佢哋個蒜蓉包要5點半前先有得賣，暫不供應蒜蓉包第三次來，大約一點半，店員話佢哋個蒜蓉包時段係2點半至5點半，暫不供應蒜蓉包第四次來，大約三點半，店員話佢哋岩岩賣咗最後一隻蒜蓉包，今日暫不再供應蒜蓉包，下次可以早啲預留。我完全唔明白點解佢哋店員唔可以第一次就同我講個個時段係2點半到5點半，不過就好快怕會賣晒，你可以早啲致電預留。點解係要我每一次去佢先透露少少information 俾我？重點係，我事後再打電話，都係冇人聽，已經嬲到唔想再幫襯呢間cafe。從來都唔留openrice comment, 今次嬲到要突登開個account留。

慕名而來三點排隊喺前台人手登記左，等到三點半。入座前眼見有4/5張空檯都唔執，明知有人喺室外等緊位，咁熱嘅天…已經少有怨言。 終於入座準備落單，先被告知冇意粉冇意飯，連常餐都要少塊雞扒，招牌醬爆芝士包又冇，基本上除左蛋糕乜都冇。 有冇人明咁熱嘅天等左咁耐，仲要我坐好先同我講乜都冇曬。問店員明知有人等位點解唔早啲通知，得到嘅回覆係「啱啱先賣完最後一份」，嘢食又冇道歉又冇就咁白等半個鐘。 喺知道庫存情況下係咪應該問下等位客人會唔會受影響？冇理由expect所有客人淨係黎食蛋糕，主食完全冇曬。定係你地唔清楚自己餐廳食材庫存廚房前台0溝通🥵 退一萬步黎講，先不論啱啱完售嘅餐點，室內menu嘅意飯早就mark左sold，但室外menu又唔update… 利申自己即刻走左不對食物作評價，純粹針對餐廳處理不當同員工態度，真係第一次有咁差嘅體驗😰

有啲隱世既 cafe 朋友介紹巴斯克芝士蛋糕好食，一心諗住去食咖啡味，點知原來日日都唔同，都好，今日食到開心果味同提子冧酒味，個提子冧酒食到嘩嘩聲，個酒味好香唔搶味，提子比冧酒浸到入哂味，除咗食材質素有返咁上下之外，相信老闆應該在製作都花咗好多功夫 另外仲叫左個招牌醬爆芝士包，不得了，甜甜既忌廉配咸香既蒜蓉牛油醬，堅得 😆😆 咖啡好香，雖然唔係果味好重果隻，但配蛋糕就非常搭配食過呢度既蛋糕，過幾日已經心思思想去食埋其他口味

之前在顯徑食過幾間很不錯的食肆，所以有空便想再來看看附近可有什麼「新發現」。🤔這間食肆有點隱蔽，在大街背後的巷仔裹，唔留意分分鐘找不到；店舖面積不是很大，大概只有十多個座位，店內放有很多「貓咪的擺設」，很是可愛！😍我們叫了兩份珍寶全日早餐、例湯、美式咖啡 及 壹份芝士蛋糕。😋珍寶全日早餐都幾大份，包括：煎雞扒、煙肉、炒滑蛋、炒小啡菇、新鮮沙律菜、鮮忌廉薯蓉 及 酸種麵包，雞扒嫩滑生熟度控制得幾好，可惜煙肉煎得太乾身變硬。😅紅得像紅酒一樣的紅菜頭湯，帶有獨特的甜味，幾好；據說紅菜頭對身體有很多好處，真係有益又好味。🥣原味巴斯克芝士蛋糕軟滑好味，帶有濃濃的芝士香，可惜表面有點過火(燶咗)，如不是就更好了；美式咖啡就比較普通，沒有什麼香味，但也唔難飲。☕️#珍寶全日早餐 $118#紅菜頭湯 加$10#美式咖啡 #原味巴斯克芝士蛋糕 $42#Mama地址: 大圍上徑口村15號地舖電話: 61379278

朋友食過位於顯徑上徑口村的一家小店 Cafe「Mama」後讚口不絕，無論主食、麵包或甜品皆做得用心出色，今天帶同家人專誠到訪-Brunch: 番茄燉牛肋條意大利飯 $118配指定飲品，+$10 轉朱古力咖啡將牛肋條切成小粒方便進食，牛肋條爽滑帶筋有牛香；充滿番茄香的意大利飯煮得剛好，有半生熟的口感，加入香甜胡蘿蔔更添層次感朱古力咖啡甜度適中，質感細滑，濃香的可可香及醇厚的咖啡香非常平衡美味指數：8.5/10-Brunch: 珍寶全日早餐 $118煎雞扒、煙肉、炒滑蛋、炒小啡菇、新鮮沙律菜、鮮忌廉薯蓉及酸種麵包煎雞扒嫩滑富肉汁而不油膩；煙肉煎得香脆可口；炒蛋細滑有蛋香；炒啡菇菇香濃郁；薯蓉薯香豐富；酸種麵包口感煙韌配指定飲品，點選蜂蜜柚子茶美味指數：8.5/10-自家製巴斯克芝士蛋糕 (士多啤梨) $48採用日本忌廉芝士，入口軟滑細緻，士多啤梨香天然，作為飯後甜品非常滿足美味指數：8.5/10

.#foodie #hk #hkfoodie #HTB美食推介【顯徑自家製小店｜🍰用心烹調每日限量蛋糕】鋪頭細細但係賣野嘅類別都唔少，有特色意粉、自家制麵包、芝士蛋糕同咖啡☕️ 近排仲新推出咗韓式下午茶，梗係要黎試試佢～但係小店經營人手少啲，所以會慢少少，不過小編表示絕對值得等！！！！.🐨午餐肉厚蛋芝士韓式三文治 $50推薦度：⭐️⭐️⭐️⭐️韓式三文治入面材料非常豐富，有午餐肉、椰菜炒蛋、芝士、蜜糖芥末醬，一上枱厚度同份量都好驚人，勁足料、勁吸睛！唔係嗰啲切開得中間有料嘅三文治，而係啖啖都食到每款食材😎麵包好鬆軟外面輕輕烘脆咗，午餐肉同芝士味最出鹹鹹地嘅，炒蛋最特別嘅就係椰菜，一黎飽肚感上升，二黎令到個三文治更加健康，最緊要就係，椰菜大大粒口感好豐富，哩個配搭好明智！.🐨柚子醬雞鎚 $28推薦度：⭐️⭐️⭐️⭐⭐見有小食就加埋黎試下，雞鎚炸得好脆，保持到雞肉肉汁，唔會好乾～ 柚子醬酸酸地，去除到雞鎚嘅油膩感🍖好抵食！！.🐨巴斯克芝士蛋糕 $42推薦度：⭐️⭐️⭐️⭐️⭐追趕潮流尾端嘅小編，當然要試埋佢哋每日新鮮整嘅芝士蛋糕啦🍰賣完即止！大家想試特別味道就要早啲啦～ 今次試咗原味，如果好飽都可以入黎食芝士蛋糕

位置好隱秘，唔係朋友介紹真係唔會搵到但一試非常驚喜佢地烘培功力明顯好強試左burger、麵包拼盤同巴斯克蛋糕麵包同蛋糕都非常出色麵包拼盤用的酸種麵包好煙韌，d toppings 勁澎湃，三種味道都調配得好好，尤其鍾意Parma ham配芝士，鹹香十足。但最正係塊包，如果可以畀多一小塊淨包就好巴斯克蛋糕唔會太甜，伯爵茶味好香，口感好滑，中間仲有少少流心，好正👍🏻Burger塊包香軟，好香牛油味塊肉好juicy，薯條相對失色 其他野同飲品都ok，中上水平，但麵包實在太搶戲，下次要來試佢個bagel 間鋪得10個位左右，週末都唔full，但有3-4個staff，出菜仍然偏慢，好擔心佢地會做唔住🤦🏻‍♀️希望呢d有質素的小店加油

今日係老公生日的大日子之前在Open Rice見Mama cafe有自家製蛋糕，所以早一個星期打電話來訂生日蛋糕同訂位，希望比老公一個驚喜。南瓜湯配酸種包 (晚餐加$10有餐湯)自家製酸種包脆卜卜，配南瓜湯真係好好飲。好有家的感覺❤️自家製青醬雞肉意粉 $98雞肉一啲都唔韌，意粉軟硬度適中、好味蕃茄嫩牛肋條意大利飯 $108牛肋條ok，食落好開胃，份量足夠。重點是Tiramisu蛋糕🎂老闆娘講是用意大利純正配方，同一般食開的Tiramisu蛋糕好唔同，食落好清新，配上本地士多啤梨作點綴。讚👍 最重要老公滿意！總結：下次會再來幫襯。

臨近新年，都要請假執屋和休息，難得天氣好，就帶著輕鬆心情，和朋友外出食個下午茶。 沒想過就在圍村內都有不少小店，開將5個月，就決定入座一試。餐廳地方不大，都可坐上10多人，門外還有bar枱位，坐下不久，每張枱都有人入座。 餐廳內播放著音樂，帶著柔和光線，感覺輕鬆又舒適。餐牌都相對簡單，有Brunch、下午茶、晚餐、韓式部隊窩、韓式三文治、自家製酸種麵包、巴斯克蛋糕和飲品。 飲品主要以咖啡為主，再有果茶花茶和一般餐茶選擇。 Brunch主食包餐湯和指定飲品一杯，如果下午茶就只有指定飲品，2者都可加HKD10轉其他飲品。雞蓉粟米湯，湯中滿滿肉絲和粟米蓉，真材實料。 餐飲凍百香果茶，有著清香百香果味，甜味淡淡，又可以解除煙肉和雞扒肉膩感覺。珍寶全日早餐 HKD118，包括雞扒、煙肉、滑蛋、小啡菇、忌廉薯蓉、新鮮沙律和酸種麵包，非常豐富。 製作過程需時15分鐘，送上枱賣相非常吸引。雞扒肉質滑溜、煙肉煎得香脆、滑蛋很滑溜。 小啡菇菇味香濃加了點薯蓉一起吃都不錯。 最愛沙律配柚子醋汁，酸酸甜甜夠開胃，配上煙肉和滑蛋，放上酸種包一起吃，多多左酸種包酸口感。牛角包窩夫配雪糕 HKD48，下午茶餐，用上

聽街坊講話好得，好有心做每樣野食，就過去試下，佢地有自己做面包同埋蛋糕Lunch價錢合理， 叫咗all day breakfast ，辣蜆意粉同埋煙三文魚芝士酸種面包， 辣蜆意粉好惹味，有驚喜，四籽酸種都好好味，食完再食左個開心果巴斯克蛋糕，勁香，唔太甜，一問下，原來佢地自己用開心果做個醬，咁多功夫，難怪咁香開心果味。老闆又好好服務，會問客人意見，又好笑容，會再幫襯。佢地蛋糕需要預訂，會試下訂俾朋友慶祝生日。

行開附近求其入～但發現有驚喜小店‼️食物好食❗️黑咖啡都高質❗️食物即叫即整‼️食得出是認真的味道‼️環境好舒服‼️半開放式廚房見到食物制作好乾淨‼️Staff 都好有禮貌‼️

朋友住顯徑，順便望吓佢附近有咩食跟住望到一間門口好特別嘅舖頭，入到去環境都算舒服，佢餐牌有分早餐、午餐同下午茶，最特別嘅餐就係有個腐乳卡邦尼，份量適中同非常之入味，算係高質嘅意粉，價錢唔算貴，不過係等耐少少。遠處望入廚房哥哥非常用心製作食物，感受到呢間cafe員工高質，食物又高質👍🏻👍🏻下次會再光臨🙌🏻

早餐去咗Mama，見到出咗新嘢，叫做“雲朵吐司”吐司上面嘅蛋白有D蜜糖，同蛋白好夾，令到清淡嘅蛋白有小小甜味同香味，切開仲有流心蛋。點住蛋汁食吐司，簡簡單單，一份輕盈又別致嘅早餐，配埋杯咖啡剛剛好。好開心小店keep住有新食物加入menu，今日呢個吐司有驚喜。