MAMA Bakery (荃新天地2)

營業中

休息中

通常都係去A1 Bakery買麻糬波波，但係咁啱附近都冇呢間分店，又咁啱行到去Mama Bakery，一於就試吓其他麵包店嘅麻糬波波啦呢度嘅麻糬波波唔係散裝出售，而係袋裝；每個袋有4個芝士味麻糬波波，以及1個芝麻味麻糬波波芝士味麻糬波波嘅芝麻味唔算好出，而芝麻味麻糬波波就唔錯；口感方面，呢度做出平常食開麻糬波波嘅感覺，加上價錢唔貴，所以都值得推薦俾大家試吓

就是有点被诈骗了…香酥椰蓉面包🍞看起来巨像蛋糕，但其实是面包哈🤦🏿面包中间的椰蓉被烤得格外的酥脆，在咀嚼中椰子的香味在口中散发，也还不错🥥蛋挞做的很酥脆，内陷奶奶嫩嫩的，但又稍微有点甜了🏡这家面包店一般旁边就西餐厅，共用一个门面，可以在店内吃个饭，正好再来个小甜品咯

其實呢間嘢啲包都幾難食㗎喎，因為搵唔到地方買麵包，咁啱路過見到佢所以焗住買，以呢個價錢應該可以生產好少少嘅麵包，但係呢一間啲麵包十蚊左右一個但係質素不及普通街坊麵包店四五蚊一個嗰啲嘅質素好。衛生程度亦唔見得有幾好，佢哋將啲整好咗嘅雞批就咁擺喺度，亦都見到有顧客就咁伸手去摸啲雞批，但係摸完冇買到。如果 店員大媽全部都只係自己喺度傾計，同顧客講嘢又惡形惡相，好似惡霸咁樣，真係唔想見到佢哋。今次係第二次幫襯(絕對唔會有第三次)第一次係未試過所以試下~ 麵包質地又乾又鞋，味道亦麻麻！今次係搵唔到其他麵包店，咁啱路過焗住幫襯佢！我知錯！以後唔會再有以後，永遠唔會再有第三次喇！

放工經海濱返屋企個時， 成日見到啲人拎住個「mama bakery」 嘅袋心諗唔通６—７點有特價，終於忍唔住去睇吓， 雖然無特價， 不過佢嘅包款就幾特別第一次買就買左：　鮮奶炒蛋軟法包　$12雖然無影相，但整體個包算唔錯， 有啲似食緊加左沙律醬嘅蛋治麵包面有少少千島醬，所以甜甜哋仲有少少芝士係面， 所以焗完都幾香脆麵包本質算鬆軟中間嘅餡真係炒滑蛋，餡都算幾大個，雖然膠膠地， 但係真係滑，仲有啲蛋味第二次就買左　—　車打芝士條　$9.5芝士面都算香脆，芝士味都有少少，係唔夠咸香麵包鬆軟， 但有啲乾

前文都提過，因為落雨關係，行唔成山，踩唔成單車，同老婆晌「荃新天地二期」睇完早場，之後再晌「Itamama」食晏，食完晏就晌隔離附屬嘅「Mama Bakery」順便買咗件芝士蛋糕返屋企做下午茶！其實，晌門口已一眼睇到有好多唔同嘅烘焙產品，我哋就無好詳細咁睇，只不過，擺咗最近門口嘅當眼處，有一款「岩燒蜂蜜芝士蛋糕」，都唔喺話好細個，賣$18，個樣又幾好，就即管試一個（如有買其他產品，可以用換購價$16就得）。我哋只喺少少哋買得一件蛋糕，但都俾個咁大嘅紙袋，問過有無細啲嘅紙袋，可惜喺無嘅，我哋咁啱又無帶啲較乾淨嘅食物環保袋，所以，今次有啲唔環保！講到個「岩燒蜂蜜芝士蛋糕」，其實，都有啲似以前流行過一排嘅日式芝士蛋糕，不過，就烘得燶啲，形成一層「岩燒」嘅感覺。入口嘅質感都幾綿密，確有陣陣蜂蜜嘅清甜，而芝士嘅香味唔好似紐約芝士餅一類太霸道，整體感覺都喺輕盈啲，配杯紅茶，已好滋味。下次有機會過開去，再試試佢哋嘅其他產品！

路過見到有間新開麵包舖，見到蛋撻出爐即刻買。單件都係$5，價錢已經俾出面鋪頭平一半，仲要做緊，買三送一優惠，真係好抵食呀！一於買8件請埋同事食，都係$30，食下午茶都唔得呀！曲奇皮脆，蛋漿有蛋味，真係唔錯，值得推薦。