Mama Mia! Pizzeria (已搬遷) 新店位置

上星期日叫外賣，兩款雞翼外觀幾好，太多汁，但味道就很差！意大利粉同Pizza幾好食😋。已經叫過好多次，今次是最差的一次，希望他們下次可以改善一下，會再比多次機會佢。

又去九龍城買嘢食 本身打算去買大粒雲吞 突然發現對面多了一家賣 PIZZA 嘅地方 更加發現在裡面弄pizza的是一個外國人 吸引了我去看看 初步見包裝及各方面都ok 看一看manuel 便嘗試叫了三樣食物 一是pizza 辣腸pizza 白汁意粉 同buffalo wings.....pizza方面好正宗 再加上櫥房裡面那個大厨應該是外国人(我微微聽到英文有少少鄉音 可能係意大利人) 非常正宗 個底非常薄 啲辣腸又厚又香 好多芝士 好好食 但真係有點漏 另外發現了他們應該可以一個pizza一樣一半味道 有意思; 至於那個意粉 比較乾身 不太多汁 味道不錯 就算放在冰箱裡等明天再吃 重新再炒熱都不錯 我會建議這個意粉當snack 不用太过focus; 到了buffalo wings...嘩 利害! 我覺得非常好吃 啲汁好多 唔喊 再加上blue cheese 簡直excellent 攪到我之後日日都想再試 bravo bravo總括來說非常不錯 可以試 也可以再试再试 唯一有樣野是我自己覺得 在門口落單的幾個小朋友較經驗尚淺 有少少不靠譜 可能同里面大厨熟一點會比較好 費事俾人玩來玩去

.@mamamiapizza.hk （九龍城）.我平時唔係一個Pizza人 所以都比較少出Pizza Post..但都收到好多dm想我試多d唔同嘢.. 🤣 拿.. 你哋同我講嘅嘢我會記得有機會我會試嘅今次咁啱需要外賣 一於試試位於九龍城呢間我都見近期幾多人推薦嘅Pizza.1.韓牛12” Pizza $1589.5/10.Tbh.. 好味wor..😳我本身麻麻pizza係因為我比較驚油膩膩嘅口感.. 佢唔會..韓風pizza嘅配搭我又係第一次係pizza到食（可能我孤陋寡聞🤣）味道 & pizza底嘅口感我都鍾意泡菜係正宗韓國口味 成個pizza嘅辣度都高過正常你expect嘅泡菜辣.. 所以好開胃..反而好驚喜係作為一個pizzatopping嘅韓牛不馬虎.. 份量多之餘.. 每塊都唔係肉碎.. 都幾大塊.. 口感 & 牛味你都會覺得係好嘢 🤣..呢個pizza係12”total 605g幫大家仔細度過 每塊都係ard 95-102g卡路里每塊 姐係total /6其實每塊卡路里唔高.2.蒜油大蝦意粉 $989.3/10.我覺得係ok嘅但因為相比pizza嘅滿足感我就會覺得嗰錢買pi

今晚突然間好想食九龍城呢間Pizza🥰 上一次食已經覺得好有驚喜 真材實料又抵食 係ig見到佢哋有新口味Pizza就決定order番個番屋企食👅呢到有成10幾20款Pizza可以揀 包有1款啱你口味😎 今次就試下新推出 韓式口味嘅韓牛些唷🤩 小店真係好有心 堅持不斷研發新口味 今次用上韓牛同泡菜整成出面未見過嘅韓風pizza🍕 用料特意挑選老字號韓國餐廳提供嘅韓國泡菜 加上韓牛🐮 酸酸辣辣 又開胃又惹味🤤 除咗Pizza之外 我哋仲叫咗一個Mama mia小食拼盤同埋蒜香虎蝦辣椒意粉 🍝 小食拼盤一次過滿足晒你五個願望 有齊炸芝士Mama Mia肉丸 BBQ sauce雞翼 余均益雞翼同松露意大利雲吞👅 雞翼好Juicy 好入味😍 肉丸嘅醬汁同雲吞嘅醬汁都好濃味 可以一次過試晒真係非常正👍🏻蒜香虎蝦辣椒意粉 一打開蓋就聞到蒜頭香味 意粉軟硬適中 仲有4隻彈牙虎蝦 以後朋友gathering叫外賣又有多一個好選擇🌟

叫咗個意式肉腸9'同自製9'，個餅底係好食鬆軟嘅，不過個意式肉腸啲配料少到啲肉腸淨係係個尖先有幾粒，反而自製9' (菇，茄，橄欖)就差唔多佈滿成個pizza，唔知係咪自製多料啲。仲叫咗個bbq雞翼同意大利雲吞，雞翼有5隻，算中大size，味道尚可，不過個雲吞，收78蚊，得嗰5隻，仲要冇乜饀，就真係掠水啲囉！！開盒嗰陣真係媽媽聲 😠 睇其他食評話意粉不了，睇到個雲吞咁，應該意粉類嘅都不了。食呢度真係食pizza好，仲可能係自製嗰隻。。。。

當意大利薄餅遇上九龍城本土口味會發生甚麼事？開業只有數月的Mama Mia！Pizzeria 近日推動一款創新芫茜薄餅，滿滿自家製芫茜青醬，茜控必定滿足！店內亦有其他素食薄餅選擇，想做成純素版的話可以走芝士。九龍城新開的街坊薄餅小店，區內不見有其他手工薄餅店，住這區的朋友想耍廢可以留意一下。薄餅店以外賣為主，店內只有個小空間可以立成，薄餅也有件裝散賣，方便趕住醫肚的人。薄餅即叫即製，除了傳統番茄醬之外，還有做羅勒青醬、黑松露醬和千島醬等等，都幾多元化！薄餅分9“和12”，胃口好的話一個人都可以食一個9“。芫茜 HK$118新推出的芫茜薄餅特別配搭芫茜青醬，再加上日曬番茄乾和菲達芝士，吃起來味道非常有層次，芫茜味其實唔算好重，我本身唔食芫茜都接受到。跟薄餅仲附一個芫茜醬，吃起來有點像印度料理的薄荷醬，點住食非常正。松露 HK$138各種菇菌類種在芝士之中，出爐之後會再加黑松露醬，一路拎返屋企一路被香氣引誘，絕對想在路邊打開就地正法。這款薄餅就配了個大蒜沾醬，充滿蒜香又帶些sour cream感非常好味。喜歡吃薄餅的九龍城街坊終於有好野食啦！

I have ordered dozens of time from Mama Mia. This time the taste is very different:1.) The pastas are not Al Dente and have no saltiness to it, giving it a plain wheat taste which is not pleasant on its own. The chef must have forgot the salty water ( or not salty enough). 2.) Pasta sauces were way too salty, perhaps to compensate the lack of flavor from the pasta. (Except for the Carbonara which the sauce is made with cheese, so not much difference.)3.) The pesto is not well mixed. There are cl

今晚去朋友屋企house warmingParty food又點可以冇pizza喎🤣🤣🤣(其實係自己想食)所以叫左近近地既外賣pizza.除左pizza我地都有叫其他野食所以只係叫左一個share辣肉腸pizza呢個pizza勁多芝士!!! 入口勁香芝士味 又唔會好膩 岩岩好👍🏻Pizza皮口感偏軟 唔係煙韌果種所以個pizza邊唔會界到個嘴🤣辣肉腸都係香口 唔食得辣我覺得都可以試下.最impressive係醬汁 質地偏稀會食到成手、成枱都係🙈🙈🙈有啲似sour cream既味道酸酸甜甜 勁開胃.另外叫左BBQ雞翼醬汁偏濃味 有啲咸 唔食太多係ok既🙈

正午時分去order pizza 及其它小吃，下單時間是12：07, 服務員說5 到10分鐘就好，只有老外廚師一人在廚房，中午正好我下的是第一張單，儘管廚師要準備其它食材， 你也應該馬上先把站在門口等候的客戶訂單先完成！ pizza 出爐後，才去炸芝士條及雞翅，penne 是最後才做，pizza 都已經入盒12分鐘！ 外賣12：27 才ready 但回到家又發現叫的甜點不見了， pizza 鹹到不得了！ 服務員太差勁了，我回去退款時間還特意跑開， 店長半句話也不說！ 花了$508 買了一肚子的氣！ 再也不幫襯這家店！

初嚐第一posttttttt請大家多多指教🤪😚黎到九龍城 次次都食泰國野食到悶悶地 今次試新野 點知都有啲驚喜！✨😍▫️招牌Pizza MAMA MIA 12吋($178)係手工pizza黎 食落嗰口感幾好好軟熟面料都算足加埋佢配既芝士醬 一流唯一挑剔係味道偏向重口味小小如果鍾意重口味既朋友仔應該會鍾意好食指數:8/10◾️伏特加直通粉($108)無酒味 小小辣但又有小小酸酸甜甜係越食越想食嗰種可能我見識小 第一次食到呢個味道 幾得意好食指數:8/10▫️BBQ雞翼($88)正常既BBQ醬味 無特別驚艷值得一讚係外賣返到屋企 嗰雞翼皮唔會話淋哂 都重有小小脆好食指數: 7/10整體黎講 都唔錯 但價錢算係比較貴耐唔耐食一次都ok既雖然佢有二人餐 但肥妹仔計過條數 散叫抵好多 只係無左野飲 但其他party set大家就自己計吓數啦味道: ⭐️⭐️⭐️價錢: 🤑🤑🤑🤑推介: 👍🏼👍🏼👍🏼效律: ⭐️⭐️⭐️⭐️5分滿分

呢一間係九龍城嘅手工薄餅店🍕pizza嘅口味都真係幾特別😋今次就試咗避風塘味 好有驚喜🥳食落好香口之餘 仲食到海鮮嘅鹹香味😍Pizza口感外脆內煙韌 都真係唔錯！

最近喺九龍城嘅呢一間即叫即整手工Pizza🍕好多人去排隊～見到佢哋嘅Pizza口味都幾有創意！就試下！最特別係佢哋有芫荽味 面頭鋪滿芫荽醬同香料 食落好惹味💚批底外脆內鬆軟 真係唔錯

大人細路都好鍾意食Pizza今晚一於一家人一齊食Pizza 大餐出開九龍嘅我經過九龍城經過一間好搶眼黃色嘅Pizza外賣店「 MAMA MIA! Pizzeria 」 @mamamiapizza.hk見到Pizza嘅口味都有成11款選擇以香港風味為主迎合香港人口味包括冬陰功、芫荽等口味另外仲可以自選配料落Pizza度款式夠晒多元化咁吸引一於買佢哋返屋企先得呢度嘅所有Pizza都會撒上水牛芝士碎再加上蒜蓉香草醬配有一款調味醬另外仲可以選擇調味醬及配料但最吸引我嘅係佢嘅價錢係超抵9吋Pizza價錢介乎 $88-13812吋Pizza $108-158 炸Pizza 除咗有9”及12”選擇之外仲可以一片片Pizza買㗎❣️⊰⊹════════════════⊹⊱💬 ✎ 食後感 ：✨呢度嘅所有食物都係即order即刻新鮮人手製造所以每一款做出嚟嘅食物都好新鮮好熱辣辣我哋就鍾意試吓唔同口味所以一共叫咗三款pizza而9吋嘅Pizza切開成六片🧡️「 #辣肉腸薄餅 」當中我嘅姪仔們最鍾意食嘅辣肉腸鋪滿晒成個Pizza上面佢哋表示食落去啖啖肉有少少辣仲好滋味添🧡️「 #巴馬火腿薄餅 」我最鍾意嘅巴馬火

九龍城出名多好嘢食，我都好鍾意去嗰度搵食😋😋😋今次嚟到一間即叫即整嘅Pizza外賣店😋😋 因為pizza 同snack 都係店家自製，made to order，所以order 完要等大概15至20分鐘🥰 不過好味嘅嘢當然就係值得等待嘅👍🏻👍🏻 佢每月都會推出唔同嘅Special choice, 今個月嘅係避風塘pizza，芫荽pizza，冬陰功意粉同埋青口天婦羅😋😋 🔸芝士四重奏Pizza - 12寸 $128▪️Mozzarella, Cheddar, Buffalo, Gorgonzola 超級好味呀，成個Pizza鋪滿晒芝士，如果你係芝士控，就一定唔可以錯過啦😋😋😋芝士味道非常香濃，餅底邊位脆口，另外仲附上一個醬，可以點嚟食👍🏻👍🏻👍🏻🔸冬陰功意粉 $108▪️開頭驚會唔會好辣，但係食落又唔會喎😆😆有好香嘅冬陰功味道，入邊仲有海鮮🦐👍🏻意粉煮得軟硬適中👍🏻🔸青口天婦羅 $78▪️係今個月嘅Special 之一，個蛋黃醬可以點嚟食👍🏻外皮炸得好脆身，好特別啊🤤🔸MAMA MIA! 小食拼盤 $108▪️有炸芝士條、肉丸、BBQ雞翼，余均益雞翼同埋松露意大利雲吞。好豐富呀！樣樣野都想試，

今日黎到九龍城哩間pizza外賣店，哩到既食物及小食全部都係廚師新鮮手作，而且食物口味有創意，亦帶有香港特色，例如：芫茜Pizza、魚香茄子Pizza、臘味Pizza，係其他餐廳都搵唔到。餐牌上面有唔少口味既pizza、意粉及小食可以選擇，亦有多人套餐。🍕芝士四重奏薄餅（12寸） $128薄餅用上莫蕯里拉芝士、車打芝士、水牛芝士同藍芝士。餅底係薄批，所以會比較鬆脆。入口芝士味非常濃烈，尤其是藍芝士，味道好突出，芝士控必點！🧀️Mama Mia小食拼盤 $108（炸芝士條、Mama Mia肉丸、BBQ雞翼、余均益雞翼、松露意大利雲吞各二）炸芝士條內裏芝士係半溶狀態，芝士味道香濃；肉丸大大粒，肉質結實，唔會鬆散，配有蕃茄醬；BBQ雞翼表皮香脆，內裏肉質嫩滑，塗上惹味既BBQ醬；余均益雞翼塗上余均益辣椒醬（余均益辣椒醬係香港一間老字號，已經有90年歷史，以往都係食雲吞麵先加既，無諗過可以加係雞翼到～）味道微辣惹味，另配有藍芝士醬；松露意大利雲吞內有香草及芝士，味道較濃厚。🍝Tung Yum Gong pasta冬陰功意粉 $108哩個係期間限定菜式～用上彈牙既扁意粉，配料有新鮮既大蝦、青口、魷