Mami Cook (已結業)

呢間嘢早兩個月食都仲係OK嘅。早兩日再去買見到裏面做嘢嘅人完全唔同晒，懷疑唔知會唔會係轉左手。啲味道變咗好普通完全唔似傳統韓國食品亦都唔似之前咁樣有返韓國嘅味道。以前最鍾意食佢嘅辣豬肉便當，以前個豬肉前中大辣辣中大請好好味。前兩日先變咗好似淨係用啲辣椒醬炒豬肉變咗好似食大陸嘢咁樣完全冇食。另外叫咗個豆腐湯，個湯裏面得兩舊豆腐，仲未好似辣椒醬開水。以前便當啲配菜非常好食，啱啱我遲啲蛋好硬啲芽菜完全冇味好似淨係搵滾水馺。

依間嘢之前幾好食嘅，不過前兩日啱啱買過見到裏邊做嘢嘅人唔同咗，懷疑係咪轉咗手，冇以前咁好食。以前個味比較似韓國味，而家好似一啲外行人做嘅韓國嘢食，得一個剩係得辣嘅味道個味道好單調冇以前好食。以前好鍾意叫佢嘅辣豬肉便當，啲豬肉甜中有辣，辣中又甜，非常之好食，啱啱再去食過一次，個味道剩係得個死辣味，啲配菜又比較冇以前好食，個蛋好乾。令我叫咗佢豬肉辣湯，個湯裏面好少料，得一兩粒豆腐，個味好似淨係辣椒開水。

點了幾次外賣，最鍾意辣豬肉的味道，甜辣甜辣，五花肉浸滿了泡菜的汁，肥而不膩，可以送兩碗飯。不過女仔都唔是好夠食，菜量再多滴滴就好啦，飯可以少啲。下次都會繼續點的。

尋日晚餐突然好想食韓式便當，經過九龍城見到居然有一間好似家庭式嘅外賣店，幾新淨，便行入去睇下有冇正嘢。舖頭主力賣韓國菜，炸雞、炒粉絲、紫菜飯卷都有，價錢中上。密桃小丸子叫咗個牛肉便當，啲配菜估唔到都幾豐富喎，有好多芽菜！我覺得合唔合格就要睇下啲Kimchi醃得好唔好味，呢一間都尚好，唔會太辣，但我覺得可以酸多少少就perfect 喇！最特別佢有啲腐皮，甜甜地少少辣，幾好味，仲要有鵪鶉蛋，細細粒食落去咸咸甜甜咁幾得意。啲牛肉同椰菜一齊炒，上面仲有塊小小嘅蛋餅，所有嘢嘅調味都恰到好處，唔會太甜太辣，最緊要係熱辣辣即叫即整，好味。中間嘅酸瓜我覺得係醃得最好，食到停唔到口😋😋😋整體來說，$83一個便當係有啲貴，但佢嘅配菜好多，份量都幾夠，味道唔錯，所以我諗之後如果突然想食都會再買！

叫咗外賣自取，叫咗個翠玉瓜pancake，一個牛肉炒粉絲同一個辣豬肉炒粉絲。個翠玉瓜望落去覺得好可憐，成$50淨係幾片翠玉瓜有啲蛋漿喺上面，點知食落口真係好脆好好味，雖然$50貴咗少少，但係好味程度我會再食再幫襯。個辣豬肉炒粉絲我覺得真係好辣，望落去都紅紅橙橙好多辣椒粉，不過算係惹味嘅。牛肉炒粉絲就正正常常，幾好味。總括而言我覺得都係一間好餐廳，嘢食都算好味，味道係濃啲，如果想食韓國嘢都可以去試吓

經朋友推介，特登係呢排收工嘅時間行過嚟呢間韓式餐廳試食，雖然舖頭主打外賣無法堂食。但餐牌嘅價錢對比其他韓式餐廳平好多，而且味道好好。食過一次之後返唔到轉頭。特別係舖頭menu係牛嘅嘢食真係好好味，F1嘅烤牛肉紫菜飯烸卷、B9的烤牛肉蓋飯。鍾意食牛同韓式嘢嘅一定要試下。另外，一啲辣嘅嘢食都有特登調返符合香港人，唔會話太辣連我本身唔係太食到辣都handle到，而且唔會話因為咁個風味好似少咗咁。係一間值得一試再試嘅舖頭

一開張個陣明明味道係好好味，依家啲味道簡直係難食。。好明顯係用即食食品加熱再賣翻出黎，仲要收成7、80蚊。啲味同平時去開超市買個啲韓國食品味道差唔多。咁不如我自己去超市買完再加熱黎食咪仲抵！唔知係咪轉左手，之前啲嘢食仲係好好食個陣成日都見到有另一個啊姨係度煮野食，最近經過都好似唔見佢。衛生仲要感覺唔太好，雪櫃入面啲食物淨係用膠袋包住，等食物又要等成4，5個字先攞得。對客人嘅態度仲要唔友善，真係冇乜理由再幫襯。

從未試過如此差的經驗話說琴日買左個排骨湯飯外賣首先等拎餐已經感覺很差我等左10分鐘個收銀哥哥先行埋黎話睇下我張單結果等左成20分鐘我先成功拎到我個外賣其間食物熊貓啲單響個不停所以可能人地唔憂做 唔太在意我地呢啲walk-in客人返到屋企先係真正中伏嘅開始打開個盒見到全部都係粉絲就知出事結果裡面得 😭兩塊薄薄排骨😭同 😭3塊薄過我啲水晶甲嘅肉片😭(薄到我覺得要稱讚阿姐嘅刀工🥺)誇張到我啲韓國朋友話「唔知以為係啲員工食淨再裝俾你🤣」沒有良心的店 做生意不是這樣做吧양심이없은식당 장사이렇게하는게아님

今日朋友揸車無意經過，求其買咗個飯盒上車食，點知覺得幾好食，就買多盒魷魚🦑試吓，個汁有少少辣又幾好味，肉質鮮點爽滑，估唔到九龍城都有間咁高質嘅韓式料理，雖然冇設堂食，但勝在夠好食。

九龍城新發現，原來除咗食泰國菜之外仲有其他選擇⋯⋯韓國菜。哩間只做外賣不設堂食嘅韓國舖頭叫Mami cook by Kim’s Korean Food Store。舖頭唔係好大，直入店內放置個雪櫃擺放店主自己醃製嘅韓國前菜（類似韓國街買緊嗰啲）有泡菜，蘿蔔粒，蘿蔔絲，菠菜，小薯仔，炒蘑菇，堅果魚仔，辣青瓜粒，生醃八爪魚，生醃魷魚，芽菜，蛋捲......。雪櫃旁邊擺放紫菜飯卷。我第一次試唔敢買好多，只係買咗泡菜，蘿蔔絲，蛋捲，兩條紫菜飯卷，泡菜豆腐湯，泡菜煎餅，甜辣炸雞。由於好多外賣，落單後都要等30分鐘（好食都值得等👍🏻）由於佢係自家製，食物唔會太過濃味，我食過韓國街啲泡菜，太濃味，食完都會覺得好口渴，哩度吾會，我覺得好好味。甜辣炸雞好入味，一盒有15件，我都忍唔住一個人食咗五件😋。價錢唔貴👍🏻下次可以試其他嘢食