Mamma MIA

營業中

休息中

暫時最後一篇因為懶得郁唔想出去，所以就叫咗外賣平台送上嚟（下面係平台價）🛍️媽媽精選套餐 ($120)套餐跟一個意粉、甜品、飲品/濃湯。🍝蕃茄忌廉蟹肉意粉意粉勁多配料，好掛汁好creamy😳 番茄味道上冇話好出，但就剛好帶點fresh，中和翻啲膩嘅感覺🍅 😗凍蜜桃烏龍·水果茶又大樽又靚，飲落好清新，可以解膩🍰朱古力·芝士蛋糕如果set嚟講，可能有人會想食啲酸酸甜甜啲嘅甜品，但係呢個套餐就冇得揀，如果真係驚太飽嘅話建議散嗌就夠。蛋糕有淡淡朱古力味，芝士蛋糕啱啱好，唔會好膩，唔太芝士👌🏻Dai C的話💭：親身去叫過一次外賣，店主好nice好有禮貌👍🏻 無論食物嘅包裝、味道，定係店主嘅態度都感受到佢好有熱誠Btw個外賣袋仲係保溫袋嚟😳❣️留意翻呢度得外賣架咋！

已經幫襯過好幾次嘅意粉店👐🏻今次叫咗個蕃茄忌廉蟹肉意粉 🦀🍅同 水牛芝士肉醬意粉🧀🍝 仲有加咗個南瓜忌廉濃湯🎃由上年開始食過一次之後 都會久唔久叫嚟食嘅小店今次食水凖依然！都係好夠味道 夠醬汁同幾足料😺👍🏻個湯係放係個唧唧袋入面 唧出嚟飲都幾方便同埋佢個湯我覺得真心出色！！🥣✨✨天水圍嚟講 唔多好食嘅西餐選擇所以算係一間幾唔錯嘅意粉店 好有誠意希望可以繼續保持住水凖啦～😽順帶一提 有次去拎佢地嘅take away 係2位姨姨負責煮同招呼 招呼我個位姨姨都幾nice～

第一次吃係外賣個時叫外賣，有2個意粉2碗湯仲有甜品送外賣過黎先230幾 第一次吃時己覺得好吃甜品有冰袋落住 好有心今次男朋友去店舖買外賣翻去吃$185蚊既2人餐，原價係170$我地加咗果茶所以先貴15蚊果茶好飲一定要試！總共試過4個意粉，最好吃係黑松露第二係蟹肉蕃茄意粉，呢個唔係蕃茄汁，反正係白汁加少少明太子feel好吃！卡邦尼還好！蕃茄肉醬意粉可以唔洗試🤣因為有更好既選擇！佢既甜品都唔馬虎，芝士蛋糕，抹茶蛋糕都好吃！芒果布甸都係Tiramisu 未試！個人建議，呢間必須試下！好有心有heart❣️加油🩷

搵盡成個天水圍西鐵附近，得呢間有沙律賣$42呢個份量同味道相當抵，仲有埋冰袋，外賣速度快（應該一早整好咗幾份）菜新鮮，雞味道都唔錯，會再買只可惜沙律款式唔多，沙律醬得一隻，如果可以轉醋就好

第一次係呢間叫外賣睇完熊貓食評決定一試完全無令我失望仲想去店鋪幫襯個紙袋好靚～叫左南瓜湯～係用唧唧袋裝好夠熱辣手食晒個意粉先飲都仲係辣咀飲得出唔係開粉hea你既南瓜湯～下次會想試埋蘑菇湯蕃茄忌廉蟹肉意粉份量好足叫左多汁食到底仲有少少汁唔錯蟹肉方面好大方份量算多個人好少食蕃茄汁多數食白汁，但呢個真心推介餐具都好有心思架最出乎意料係跟餐送既甜品居然有個細既保溫袋裝住以跟餐送既甜品份量真係唔錯同埋幾好食，賣$40我都會幫襯

第一次食呢間係我朋友介紹😋，上次係佢屋企食完之後對佢嘅食物念念不忘🍝🍰，可以話係屯元天絕無僅有嘅意粉店👍😳😳😳今日返尋味，食第三次！！因為呢間係冇得堂食，於是就要咗外賣🛵今次我叫咗佢嘅：🤪💔抵抗失戀沖喜套餐✌️包一個意粉➕湯➕甜品🚩佢個湯先係最正😭每次飲都好綿密, 好似 將啲南瓜打到好溶嗰個質感，再加cream🤤🤤🤤🤤🤤 ❤️每次都必叫佢嘅南瓜湯🚩至於意粉就叫咗🍝蕃茄忌廉蟹肉意粉😋佢d蟹肉好鮮甜，個汁唔係番茄膏嗰隻，佢應該係張忌廉加上蕃茄粒，唔會酸👍🚩甜品：提拉米蘇個人覺得食完意粉加個湯已經好飽，個甜品都多cream，如果係d酸酸地 or 清新d嘅甜品會好d😉🙈

初時叫過外送好食，就諗住去食堂食點知原來舖位冇做堂食，只好外賣返屋企食上次食完蟹肉蕃茄忌廉意粉真係一試難忘，坊間平民小店，好少有用蟹肉做既菜式，估唔到真係夾到忌廉同蕃茄其他食過黑松露，同卡邦尼意粉都係普通左少少，同埋我唔鐘意煙肉，偏偏呢兩個意粉就落好重手煙肉另外想講蘑菇湯，制作同包裝都睇得出誠意，個包裝仲比埋個保溫袋你keep住，好細心下次一定會再試好多人讚嘅tiramisu，亦希望小店再出多d好味既食品，加油