Mamma Mia Gelato

營業中

休息中

呢一年都係慢慢開始冇咁鍾意食甜嘢，佢哋呢間有無糖雪糕，食過超級多次！仲要喺沙田希望可以keep住做落去！個人推介無糖黑芝麻，提拉米蘇同埋榛子朱古力口味！對於我啲戒咗甜嘅人嚟講佢哋同平時普通雪糕係冇乜分別

呢一間位於沙田新城市嘅意式雪糕舖頭🍦，用天然材料製作Gelato🎐，味道自然、口感綿滑💕。呢度仲有無糖Gelato🌟，要戒糖嘅朋友都適合！舖頭嘅主打仲有開心果💚，同埋榴槤味💛。遲啲夏天☀️仲有期間限定嘅山竹味添🤍。.🍨無糖熱情果(雙球甜筒$68)食得出完熟熱情果嘅天然酸甜味🤤，微酸嘅熱帶水果味🌤️，同埋香濃果香，好食。仲有熱情果核碎增加口感👅，比例啱啱好。.🍧無糖番石榴(雙球甜筒$68)呢一款味道嘅特色係番石榴嘅天然清甜🎐。而且賣相仲係紅肉芭樂🌸嘅少女粉紅色㖭。食落味道清甜😋，配合埋意式雪糕軟滑又煙靭嘅口感🫦，好正。.🍩金莎朱古力(單球$45)有榛子🌰同埋朱古力嘅香味，加上低糖嘅配方😆，濃郁感啱啱好。裏面仲有榛子碎粒🏅，做足金沙嘅元素。

經過沙田新城市，睇到本地無糖雪糕都幾吸引。試左3球83蚊。店主刮雪糕時就好hea，雪糕連球都成唔到，size超細，可以話我人生都未見過甘細size ge雪糕球。裝雪糕的容器望落去就好膠，雪糕味道來講平平無奇，且雪糕好快融化，三種味道完全混合埋一齊，只可以食到甜味，食唔到雪糕本身ge味道。好甜，都唔知標榜ge無糖到底是真是假。總之唔值尼個價錢，比佢10蚊都嫌多，完全中伏。店主一路黑口黑面，態度極差，唔想做就唔該你收檔。

上星期終於食到夏季🏖️不定期限量發售嘅山竹雪糕🍨😋～等開賣期間見到都有唔少山竹fans同我一樣，提早5-10分鐘過黎排定隊🤭。好彩山竹雪糕冇令我失望，入口清甜，食完一球好似食咗好多個新鮮山竹🤤；我忍唔住仲加咗球tiramisu雪糕☕️，入口好creamy，tiramisu味濃郁，全部雪糕都係無糖、無脂肪，夠晒健康～

次次行過都見到幾多人幫襯不過可惜係次次食得太full都冇試到今日未食dinner之前就食咗甜品先我地order咗雙球開心果同特濃朱古力男朋友最愛嘅朱古力入面仲有d粒粒朱古力而開心果都好滑好香濃好難得喺香港食開心果嘅甜品係咁濃個味好正r💪🏻

來自意大利的雪糕，雪糕採用新鮮水果及天然材料脫脂奶製造，百份百天然及沒有人工香料或色素。🌕開心果Pistachio（另+$6）·奧力奧曲奇Oreo 💲68+6 = 💲74（雙球）🌟Oreo係我必點嘅雪糕味🥰，比錢嘅時候店員話開心果味係特別味，所以另加$6。Oreo充滿香滑嘅奶香味😚 開心果味真係有香濃開心果嘅味道，而且不會過甜👍🏻

今日約咗朋友喺沙田行街，之前戴住口罩其實一直都唔會喺街食雪糕，今日咁啱見到呢間Mamma Mia Gelato 💛💛 於是就決定買返個單球黎食下！呢間雪糕店非常之健康㗎佢仲提供埋低糖嘅選擇嘅，我思前想後之下呢，就揀咗一個開心果味gelato，咁佢都可以免費轉甜筒嘅，咁我就決定買返個開心果味嘅甜筒雪糕開心果味係超香濃，而且個雪糕好香滑，超級推介！朋友就叫咗個榴槤味，不過榴槤味就真係因人而異😂我自己本身唔好榴槤於是就冇食不過聞落去個榴槤味都係超濃郁嘅

天時暑熱，就梗係食雪糕啦熄Gelato，貪佢夠健康，聲稱小糖甚至乎無糖記得三球係一杯過，唔好叫人分開裝，如果唔係，係逐球計錢㗎🤣店員仲主動話試咗先再決定味道都得，非常好，試啱先買，一定唔會唔啱口味今日冇山竹味，好失望，店員話要八月先至返貨，唯有再嚟叫咗個番石榴、薄荷朱古力同埋無糖榛子朱古力番石榴：淡淡的番石榴味，有少少酸，甜甜地，雪葩咁嘅感覺，解暑一流薄荷朱古力：薄荷味重，有一塊塊朱古力，同埋比較軟滑無糖榛子朱古力：味道似金莎，榛子味重，配埋朱古力，味道好夾好濃郁食完仲可以回收隻匙羹，非常好

最近減肥，但係又想食甜品，就揀咗依間主打健康嘅gelato 😝😝 佢有好多特別嘅口味，咁我就揀咗個開心果雪糕，雖然佢冇落好多糖，但係食落都好creamy😍 啱晒啲減緊肥又好想食甜品嘅人，食完之後都冇咩罪惡感，值得推介🥰🥰😍

夏天咁熱 當然要食番杯凍冰冰嘅雪糕🍦但係食得多又驚肥 食gelato就最啱😍呢一間gelato最近都幾受歡迎👏最鍾意就係佢個開心果味 真係超級濃郁 好似食緊開心果醬咁💚💚

見近期呢間雪糕店非常人氣 即管去試下 去到見金莎味賣剩半球份量 店員話可以俾我試味 真係好人 望一望特濃朱古力好吸引 叫左球試下果然好正 入口唔苦70%可可左右 最重要係冇出面雪糕甜到漏 鍾意佢既零糖零脂 對得住個價錢 健康人之選 想食租野又要健康 唯有俾貴少少

想不到 3 月頭凍左幾日然後就開始熱，想食 Gelato 啦 😋朋友介紹沙田新城市商場有間賣意大利 Gelato 雪糕賣點是 0糖 0脂肪 ，店舖有得試食試食感覺幾好，就要一球tiramisu 味味道夠香濃，食落得確 0負擔gelato 質地好滑，好有係意大利食 gelato 的感覺 👍 

🍨雙球雪糕 $65🍨主打低脂低糖，係行健康路線嘅雪糕！味道相當唔錯，係份量比較細，價錢稍貴🥲🍓草莓芝士 (8/10)🍓芝士味比較淡，食到淡淡嘅cream cheese味比起Haagen daz 會冇咁甜。士多啤梨酸酸甜甜好開胃🥰💚開心果 +$6 (8.3/10)💚開心果味好濃😍比得上messina😋 啖啖滿足！🍓Strawberry cheesecake (8/10)🍓The cheese flavour was rather weak, could taste a bit of cream cheese in it, not as sweet as the Haagen Daz one. The sweet and sour combo of the strawberry was delicious 🥰💚Pistachio +$6 (8.3/10)💚Rich pistachio flavour 😍just as good as messina😋Such a pleasure!

本來見到雪糕櫃入面嘅strawberry cheesecake 雪糕同埋Oreo雪糕上面都好多餅好豐富，就諗住叫呢2個味道然後發現個店員。。叫極都唔應，原來隻耳仔塞住耳機😓😓😓後來落完單。。個店員裝左2杯雪糕出黎，strawberry cheesecake嗰杯係一塊威化餅都無既，oreo嗰杯就勁少然後我哋就問店員：「可唔可以落多啲餅？」佢話：「喺雪糕櫃入面嗰啲係裝飾，唔一定有架。」態度超級差，個雪糕球又細又無料，貨不對版，比錢買難受，強烈建議大家唔好再幫襯！🤬

假日去到新城市 到到都人山人海想搵啲野咬下過下口癮見到哩間雪糕店大部份口味都係得番小半桶睇黎真係好好生意就買兩球試下—————————————-㨂左特濃朱古力同榴連 雙球盛惠$65榴連再加$6未拎上手一望已經心諗個杯本身已經唔大球雪糕仲要咁細會唔會少左啲講番味道朱古力口味濃厚但係都係預期中既味道 無嘜驚喜榴槤又真係好濃烈既榴連味唔算好甜 味道唔假雪糕質地軟滑濃稠——————————————-店鋪標榜零脂同無糖/低糖可能因為咁 價錢比普通雪糕鋪貴一截味道幾好既 但試一次可以了黃店都係咁話