Mango Tree Café (已結業)

西式泰國菜～正正正～自從第一次來，就期待著第二次！室內環境舒服，枱月台之間唔會好迫夾～店員服務好，快得黎又有禮貌餐牌同餐廳的主題好夾～成個感覺好不錯呢好吸引丫！我見好多人都叫了蝦醬炒飯～所以自己又叫個來試下呢個蝦醬炒飯味道唔會太重，又唔會太油，味道還可以，加埋隔離啲配菜，口感層次都幾多～可以一試～呢個係紅咖喱八爪魚墨汁意粉，紅咖喱唔算話真係超辣！有少少椰香～ 配搭都幾特別～不過份量就有點少⋯我喺呢一間店嘅最愛，五味脆皮雞！正呀喂！！外皮超脆，肉質滑！次次來到我都一定環食！加埋旁邊嘅青檸汁，酸酸地好醒胃冬陰公炸雞翼，全部變成一字骨，唔會好難先食到～好貼心呢～

平日嘅晚上經過Yoho Mall嘅Mango Tree Cafe, 未到7點店入面好似已經有d滿，見佢有個一周年特價主菜，望落都好似幾吸引，於是就入左去食好西喇！星期一至四嘅晚飯時間佢每日都有一款特價小菜，入到嚟唔試下又好似好唔抵咁。今晚輪到森巴牛仔骨煲 （半價左 $74），我都唔執輸叫番個先。由於肚餓嘅關係，所以另外叫左個芝士黃咖哩大頭蝦伊麵，個伊麵價錢唔平，但幅相好吸引到我！先嚟左個森巴牛仔骨煲先，雖然佢做緊半價，但份量一d都唔細！牛仔骨有好多件，不過就唔算係好多肉，好惹味同開胃，兩個人食完個牛仔骨煲都已經飽左一半喇！另一個重頭戲係芝士黃咖哩大頭蝦焗伊麵，一上枱已經覺得顏色好靚，食慾大開！！黃咖哩好香，唔辣，而且同佢幅圖個樣都差得唔遠。味道唔會好濃，但係都好夠味，隻大頭蝦都好大隻！唔錯唔錯！雖然呢餐唔平，不過食物係有水準嘅，下次可以再去試下其他食物！

依間假日總係好多人排隊，好彩我地平日去就唔洗等位✨烤豬肉鮮蝦米紙卷。入面好多菜好健康，豬肉同蝦好少得一舊仔⋯味就ok既但孤寒左d✨雞·牛肉沙爹串燒。好香好好食👍🏻✨馬拉盞雞煲。雞ok，好油⋯味道係ok既，個日做緊優惠幾抵食✨金不換茄子肉碎。又係好油⋯同埋我唔係好鍾意食茄子，決定唔評論😂✨青咖哩雞。有少少辣，撈飯好食，但咖哩太稀啦好似水咁，我唔鍾意依種🙁食完飯仲有好多咖哩剩✨蟹籽海鮮炒飯。依個幾好，唔會炒到油淋淋，好香！✨泰茶拉米蘇。球thai tea雪糕味道幾特別，真係好似飲泰茶咁，但tiramisu就麻麻地了，無乜味既✨班蘭布甸。👍🏻好食！好香班蘭味，俾個讚佢！依間唔算差，感覺不過不失，環境舒服適合聚會傾計~

雞肉串燒（午市小食 $20）普通貨識，冇特別。炸雲呑 （午市小食 $20）得三塊，唔抵食好在上枱仲辣口（熱）凍咖啡（餐飲）淡到呢！！失敗！冬陰公魚蛋河粉$58中規中矩。豬頸肉撈面 $68食到把幾火！點油多到似湯麵，我食左兩啖已經想反胃🤢 撈面上枱只係微暖，加上甘多油，真係十分難食。估唔到黎Mango Tree都會中伏。同Element 嗰間真係冇得比！！！埋單剛剛$200，E個價錢元朗好多選擇，我以後都唔會幫襯！！！

食品質素ok, 服務態度差劣！本人一行8位於2月19日到這店午膳, 約於中午1時35分點菜, 是一次過下單的。約於10分鐘後先後來了３個菜(咖哩大蝦, 扎肉生菜包,泰式抄粉絲), 食物品質ok.我們邊食邊閒天...時間過了約20至30分鐘, 餘下的餐點没有來, 便查詢侍應(這位較有禮貌)跟進。約過了10分鐘,(因同行兩老都坐到感覺有點冷), 其間只來了冬蔭公湯, 於是再查詢另一位侍應,回復是'食物不是我們整,係要續一上菜' , 說話語氣不禮貌。 之後的15分鐘先後上了菠蘿抄飯和Phad Thai Pizza , 但仍欠腍魚柚子沙拉(因看見其他枱的客人都已食完離坐)，我們決定取消不要了, 只要求盡快上甜品(因是跟餐), 便告知侍應以上, 和告知要意見書填寫, 跟著過來的是剛才不禮貌的男人(當日是帶眼鏡, 年齡較其他侍應年長點,因沒有名牌又沒有提供姓氏,只能這樣描述), 他說是這店的經理, 這裡最大, 因新開並沒有意見書(本人上次到此店是上年10月, 所以並不是新開, 最少都開了數個月),並說有什麼可跟他說,於是我們便問他有否其他投訴和說意見的方法, 他說沒有.其實餐廳漏單情況時有發生,

對呢間餐廳念念不忘...今次試晚餐...終於唔係坐門口位喇..佢地做緊餐廳週年慶..星期一至四每日唔同款煲仔菜..今日輪到雞煲😍😍岩曬我呢啲唔食辣既人..雞煲唔辣但都好好味...佢個豬扒飯.次次必叫..雞翼都係...3個人五樣餸一個甜品..唔過份😂🤣🤣佢個紫米湯圓又係好食架..一碗可以食三個人...好大碗架...我囡好鐘意呢間餐廳啲哥哥..可能靚仔卦🙈🙈不過我覺得午餐最抵食.同埋好似味道好食啲🤔

晚飯時段７點半，6大1小不想排隊，見到這兒有位，二話不說即時入座。ＭＡＮＧＯ　ＴＲＥＥ其他分店往往都是座無虛席，唯獨這兒是例外，莫非元朗選擇太多？非也，光顧便明白。首先，侍應落單時不夠專注，點了１０樣東西，菜單打印出來只有７樣，跟她重覆一次才如夢初醒第二，要求另一位侍應給我們拿筷子，他不是走來我們桌前，返而只在茶几位呼叫回應跟著上菜時語氣也是硬蹦蹦的，雖不至無禮，但叫人聽得不舒服。。。第三，食物質素不合格。冬陰功湯＄７８只辣不香，辣椒粉甚是搶喉菠蘿炒飯亦不夠香，青咖喱亦做得太稀，叫人驚訝的是一大碗咖喱只配２小片法包，倒不如一開始叫客人另點飯／包類好了。。。小朋友點的芒果汁等了十多分鐘才來，原以為是鮮榨的，誰不知她嚐了一啖面色便變了它是芒果味糖水加點芒果蓉的沙冰，味道極甜。來芒果樹還是不要點芒果為妙。。。

之前見有朋友係呢間另一分店食過已經一直心思思想試，不過對於住新界地區既我黎講又確實有點遠！不過而家開左入黎元朗，冇理由唔試下？！ 當日我地一行三人，成兩三點先到，但由於星期日冇tea set，我地又唔算好餓，所以叫左個二人餐share 前菜嗌左個-札肉生菜包肉碎入面混合了札肉粒，豐富左個口感！味道都唔錯，不過有點兒辣，而家生菜好少，食晒生菜仲有好多肉碎淨主菜我地簡左有點fusion既-沙茶醬豬肋骨！非常有驚喜！味道幾特別，同平時食開的ribs味道唔同，連友人都讚不絕口。只係略厭有點咸同焗燶左少少之後仲有個-泰式大蝦炒粉絲味道不過不失，唔算太特別。之後又到我最愛既甜品環節！今次嗌左個有泰國特色既甜品-泰茶拉米蘇其實佢係普通既Tiramisu 上面配以泰式奶茶味既雪糕球！但係就好好食！！首先佢既雪糕好濃泰式奶茶味，而且好滑。而佢既Tiramisu 亦都做得唔錯，芝士好香同幼滑。兩者加埋一齊食就出奇地夾同好食 同友人一人一啖好快食曬！之後見佢甜品咁出色就再追加多個-三色椰子爽今次既椰子雪糕亦都唔錯！只係下面的啫喱就普普通通下次會再試下其他食物同甜品

之前食完佢個下午茶...今次試下佢午餐...又俾我坐返果張檯🙈可能我拎住BB車比較阻..🙈午餐選擇都好多..98起..湯/沙律+主食+飲品仲可以加$20轉特飲/小食...我認為加埋小食會飽到爆...我本身係大食開都覺得會好飽..今次食佢豬手飯加冬蔭雞翼（必食）雞翼好入味..豬手夠曬淋...老公就食佢串燒撈面加肉碎沙律..我覺得淡左啲...今次冇加特飲..飲左個泰底奶茶（偏甜）🙈🙈都係特飲好😂😂

今日同老公囡囡去hea嘆..呢間餐廳夠曬空間..帶小朋友黎食都唔怕迫..呢間餐廳仲好喜歡小朋友...下午茶仲有咸有甜.我覺得佢特飲好好飲丫..好開胃食到好飽丫...甜品選擇仲勁多..想食曬咸點加甜點$98就得架喇

哈哈，今日心情好好所以選擇咗又係呢一間泰國餐廳去食晚飯。之前都講過呢間餐廳面積九大不需要等候時間太久。所以又食多次。店員帶我們入去餐廳坐低左，我們看了餐牌一陣。個經理過嚟問我們食什麼，我不太看得懂個餐牌的內容所以就問了她一句。佢嘅語氣話俾我聽佢10分不耐煩。原本大好心情的我，搞到我有少少嘈嘈地。咁就是但求其點了個二人餐，同埋覺得比較抵食。前牌我都來食過呢間餐廳嘅冬陰公雞翼同埋泰式金邊粉。蒜蓉包，兩塊，味道可以。泰式冬陰公雞翼咖喱大蝦泰式金邊粉

昨日放假瞓到點幾鐘先起身，lunch都未食就去咗同媽咪一田買嘢，買完嘢有點餓，見到格籬嘅mango tree啲下午茶set幾吸引，於是入去試下。我同媽咪分別都點咗鹹點+甜點（鹹點$78、甜點$48)但兩樣點晒只係$98咋，再加埋餐飲，我就加多$20點咗特飲。我哋點咗泰式香芧豬排包同埋冬蔭炸雞翼配芝麻蝦多士、春卷併盤（鹹點）豬排包塊豬排有肉汁，唔會炸到好乾，有口感值得試，但拌碟嘅薯角就唔似啱啱炸起，略為凍咗啲，有待改進.....至於個併盤就好好味，雞翼辣辣地，蝦多士又脆口最後點埋甜品，媽咪揀咗草莓香蕉薄餅，我就揀咗椰青班蘭奶凍，個奶凍比我預期中好食，食到底都仲有好多椰子肉，甜度啱啱好，yummy而個香蕉薄餅味道都唔錯，連平時唔鍾意食甜嘢嘅媽咪都話ok整體食物質素都算唔錯，有下次

今日無無聊聊，去咗Yoho度搵食。行行吓見到間泰式嘅餐廳。係Mango Tree，呢間餐廳喺香港都有幾間分店。本人都比較喜愛泰式食物咪行入去試一試囉。入到去坐低，服務員第一時間送上水和餐牌。因為個餐牌都比較多嘅泰式食物，最終我都係選擇左一份泰式金邊粉喎冬陰公雞翼加上自愛嘅泰式凍奶茶。個金邊粉唔太甜，味道適中，都想係上等貨。至於個冬陰公雞翼，炸得脆又好味。杯泰式奶茶比我想像中有驚喜，同喺泰國飲嘅味道差不多。

剛巧這天在元朗，下午茶時間看到這裡的餐牌很吸引的，就去試試看。下午茶套餐選擇也很多的，可以選咸點或是甜點的套餐，也可以多加$20套餐便可以咸及甜點各選一款。我呢 。。。當然要來一個完美的下午茶咸甜點都要吃啦，還附加了錢點了特飲。店內牆壁上的畫，店員介紹原來是請了一位畫家直接在店裡畫的，太利害了。我們兩個人，選了兩款咸點及兩款甜點。咸點 : 小食併盤 (冬陰功雞翼，香茅蝦多士，春卷)這款併盤非常認真的，三款小食配上三款不同的醬汁，雞翼好入味，炸得香脆。蝦多士夠酥脆沒有太油膩的感覺，春卷也不錯喔！咸點 : 香茅豬扒飽很喜歡豬扒飽裡用的醬汁，整個味道很配。甜點 : 香酥蘋果撻拌椰子雪糕，草莓香蕉薄餅配荔枝雪糕這是一頓下午茶完美的終結。蘋果撻的撻皮仍然香脆的感覺很新鮮。香蕉薄餅配上荔枝雪糕是意想不到的配合，很不錯呢。特飲 : Mango Cha Cha, Tropical Sangria

≪Mango Tree Café≫元朗新商場引入高檔的泰國菜，晚市經常都要等位，咁岩早食唔洗等。環境都幾舒服同幾靚，裝修用才深木色為主，帶啲植物元素幾relaxing。地方夠大，一大班人食飯都無問題。Menu係好多野食，但有啲雜咩都有。Fusion菜都可以fu得好少少☺/🔺芝麻蝦多士脆條 $88即炸熱辣辣、夠脆，份量有6件。配酸醋汁，都唔錯，但唔算特別同蝦膠唔夠彈，試過一次就夠 。．🔺燒八爪魚菠蘿沙律 $98睇相本來幾吸引，但原來係中伏之一🤦🏼‍♀燒八爪魚就OK嘅，都幾爽口。菠蘿太少，生菜又得三塊，有四份三都係三色椒，食慾下降。乜原來沙律係解三色椒? 伏到一個點，好唔值。．🔺紅咖哩雞 配 香辣蒜蓉包/白飯 $118紅咖哩好咸，唔辣。蒜蓉包都好咸，同埋得兩塊 ，最後要叫碗白飯撈汁食。雞肉份量都係幾舊雞柳肉咁。都係中伏之選🌚咖哩呢D咁普通嘅野都可以咁，真係扣哂分。整體食物質素一般，普通到唔普通，價錢偏貴，份量偏少，性價比好低，回頭率係0。元朗區我都係會揀返小茄子。/環境: 7.5/10賣相: 6.5/10味道: 5/10價錢: 5/10整體: 6/10地址: 元朗元龍街9號形點一期1樓10