MangoChaCha (已結業)

之前已經黎食過一次， 因為係出面真係食唔到愛文芒果，所以一定要再黎mangochacha..今次都係叫左必食既窩夫，其實同某間同樣來自台灣既xx弄比較，mangochacha 既窩夫真係好食好多，最主要係窩夫上碟係夾住雪糕同cream, 而呢度既芒果雪糕真係好好食，充滿果肉。而窩夫皮暖暖脆脆的， 充滿蛋香味，食哂成個窩夫都唔覺得好溜好甜，而且窩夫每一啖都有雪糕同cream!!!!對比其他食窩夫既甜品店， 味覺和質感相差很遠， 所以mangochacha 既窩夫真係必食，我食完都好掛住好想再黎食呀！ 另外都叫左一個芒果湯圓，店員話係新出，所以都試下，湯圓內係芒果醬，都幾有趣，咬落去係可以食到d 芒果肉定唔知芒果絲，所以感覺係真材實料，都唔錯既。而最特別就係個湯， 並唔係普通食湯圓既疆汁，係桂花味嫁，好有趣，飲落好清香。總結下次再黎食都係會食窩夫，實在太好食啦!

之前去過台灣試過，見到有團購價惠就試下，團購$15買$30現金券，每人每次只限用一張，我和老公可以用兩張。（芒果窩夫配黑糖漿$68）窩夫暖暖地脆脆地，加埋芒果雪糕和忌廉，不錯，黑糖漿可有可無。（芒果糯米糍$38）這個實在太差，入面芒果已經唔多，糯米皮成pat粉咁，完全是不合格的芒果糯米糍，許x山好食好多。另外，只要落單前like 佢地fb，就可以有小杯芒果汁送。

星期六晚去完Mikiki食飯之後，出左去尖東行下，諗起之前買左既Coupon就黎到期，於是就去左Mangochacha啦。之前團購用$15買$30現金coupon，買左2張。今次去到門口，岩岩好有2個走左，所以唔洗等就入得啦。其實之前刀食過2次，覺得不錯。今次有Coupon就更加抵啦！主打當然系用台灣愛文芒整既棉棉雪花冰na之前試過1次舊情人，黑糖挫冰覺得麻麻，冰既口感無雪花冰甘好，所以唔會再叫。D冰入口即溶，有濃郁既芒果味又唔會過甜，佢每台刀會提供1樽仔既海鹽，俾你1邊食1邊加。我刀几中2呢種食法，食落有另1種感覺，最中2食佢既芒果冰淇淋。本來想試下芒果啊拉莫，不過姐姐話coupon唔可以叫，佢推介點芒果waffle或芒果拿破侖。1來到，賣相刀唔錯，有D星星糖伴碟，而且仲熱熱地。由於太過鬆脆，1用刀切就飛到周圍刀系.. 味道真系唔錯，有芒果粒同吉士夾心，甜度適中，佢話吉士系自家製所以唔會太甜。唯一一樣要彈既就系隻碟，因為系完全平既，我覺得唔太方便，1切就會飛到周圍刀系。今次total用左$66埋單(扣左$60coupon後)。如果唔想食太多既，可以考慮2個share1個雪花冰刀OK。

開左好耐都未去過，因為夜晚次次經過都排長龍，但今晚成班人一齊等就去就試下啦。個卡位岩晒成班人hea下傾下計，啲款式雖然唔係好特別，我試晒兩款冰，個棉花冰既texture真係入口即溶，而另一款淡淡嘅刨冰同黑糖亦好夾。哩次試左招牌菜，下次去試下冬日限定嘅甜品先😋

As expected, the MangoChaCha Snowflake Ice - HKD58 is utterly delicious. The thick layer of snowflake ice is made with milk and Irwan Mango, which is light and mellowy in texture with a tangy mango flavour. Toppings include diced Irwan mango, condensed Milk and a scoop of Mango ice cream. You just can't stop digging in.Salt is highly recommended for the snowflake ice, which sounds weird but once you tried, you can't stop adding! The salt incredibly elevates the sweetness of the mango!I also trie

話說係尖東食完韓國部隊鍋,口痕痕,當然要食番個甜品啦,偶遇mangochacha,見佢門面四四正正,專食芒果野,又突然想食芒果,咁就衝左入去,其實除左D staff 串嘴D,無咩禮貌之外,整體都同其他高水平糖水鋪無咩分別,正常setup,decor,收費,咩都做得正正常常,呢方面唔著墨太多黑糖冰,必食!!甜得來一D都唔溜,入面D芒果冰好棉好滑,同出面平時食開既好唔同,懷疑落足料XD最重要係D愛文芒,佢sell呢隻愛文芒可能無呂宋芒既甜同香,但係其實佢係好清甜,一D都唔濁氣,感覺上愛文芒就好似劉心悠,呂宋芒就係高海寧,咁講大家應該imagine到lol至於其他三野其實都唔洗點食,因為真係好一般呢隻酥皮,完全不值,千萬唔好食!相信大家都食過apple crumble, 呢個mango crumble 算係呢三隻一般野既最好,做到apple crumble 既上脆下軟,甜度亦都岩岩好,不錯,搭埋個開心果雪糕,一熱一凍幾正er....心太軟....老老豆豆,認真麻麻地,不過可以提一提既係,佢個芒果心太軟個心隻味好似鳳梨酥,鳳梨酥醬搭雪糕咁,中意食鳳梨酥既朋友應該會幾中意,不過小弟就覺得少怪喇l

尖沙咀有著各式各樣的甜品店 每家都各有特色 所以很少會吃到重覆的這次來到這家從台灣來的芒果甜品專門店 吃甜甜的芒果去!!各式各樣芒果做的甜品 每1樣都好想放進肚子裡 來吃之前1定不能把正餐吃太飽 不然那麼多的款式還真的不知道要怎麼挑呢如果只點1款的話就會心癢癢的想試更多然後如果點太多的話就會吃不下 還真揪結啊!!CHA CHA最特色的地方就是希望客人吃芒果的時候可以沾點海鹽試試這是第1次的嘗試 吃下口的時候感覺好新鮮喔 咸咸甜甜的結合能中和各方面的滋味下次在家也可以試著用這個方法吃芒果囉這次來點的是舊情人 最上層的是芒果口味的冰淇淋再來是芒果冰 底部還有黑糖冰和芒果肉的搭配 建議可以每層都先試1口把口味都試清楚之後 再把最喜歡的那個多搖幾口 免得被人家搶光光了哈哈這裡的冰有分幾種SIZE的 所以可以按人數來定到底是要大的還是小的芒果冰綿綿的 黑糖冰甜甜的 2種不同的滋味再加上芒果肉的口感絕對是芒果控要來1試的!!當然不能忘記鎮店之寶用海鹽沾著吃喔!!

雖然好鍾意食甜品，但我一直以來對芒果冇咩特別興趣，可能係我偏見，怕會酸吧。夏天有時都會試下，但多數都係失望收場TWT 有芒果香但又唔會太濃，而且唔會酸。。。。其實我都覺得唔容易（cry）不過人既天性係甘冇得搞，抱住失敗乃成功之母既心情，一次又一次甘去做食食敢死隊（姚明臉）見到呢間主打芒果既甜品店，第一野諗起既係：哇甘勇既LOL～～～～於是，我不得不讚賞一下我既冒險精神，拖左朋友仔入去～估唔到，今次有驚喜誒～！！（我呢D叫咩，努力既回報嗎哭哭）甘難得決定一定要寫篇野來紀念下。（雖然廢話可能會佔左3份2／／）話說我個胃任何時候都裝得落甜品，於是個日6點幾就去到，甘早去所以冇排隊就入到。基本上我一去到就比門口個櫃吸引住。。芒果面膜。。。？立刻諗起我一邊敷面膜一邊吃芒果的樣子。。。好吧，我離題了。總之，估唔到連芒果相關既副產品都有得賣啦。入到去見到餐牌，一打開就係冰冰同埋冰。。。心諗，唔通今次我又要自虐個胃凍到甘食冰（哭）好彩係個胃開始想抽筋既時候，比我見到窩夫同埋“zip”係道個張冬日暖暖乜乜乜LOL～～～～感動～於是係我大權在握既情況下，我（地）叫左窩夫，心太軟同埋拿破崙～～～～～～＋芒果

同媽咪係尖東食完好時，阿妹話好想食甜品，但尖沙咀啲糖水舖好多人，又唔想等位。於是由我發板，我話我食過一間甜品，幾好食不過好吊腳，有機會唔使等位，所以就帶咗好鍾意食芒果嘅媽咪去咗mango chacha去到大約八點九，真係唔使等位啊，不過坐得七七八八，我哋嗱嗱臨即刻嗌野食呢個芒果棉花冰加黑糖挫冰，係我大力推薦俾媽咪，之前食過已經好鍾意，媽咪話芒果冰好棉，黑糖冰又有另外一種口感，加少少海鹽味道昇華去另一個層次！另外兩款，試咗冬日限定，一個係芒果版crumble, 另一個類似拿破崙媽咪勁讚個crumble, 佢話老人家要食熱野😂 不過我嫌crumble唔夠脆，唔知係咪焗唔透、定係crumble 太大粒，我反而好鍾意個拿破崙！真係心心眼！custard，芒果加埋勁鬆脆嘅拿破崙，真係大啖大啖食唔停口！下次再食我都會揀呢一款😚食得好滿足，臨走見到芒果mask好有興趣試下，呢間鋪嘅芒果product真係做得徹底走嗰陣開始有人排隊，不過都唔算好多人，下次係尖沙咀再食甜品，都寧願行多幾步路過來食

呢間甜品店係朋友推介的!難得得閒就決定同朋友約埋一齊去食。可能去果時係下午既關係，一入去就有得坐。呢間甜品店格局簡約，感覺好舒服，好岩同朋友傾計甘我就叫左杯芒果汁同芒果窩夫(好似叫咩甜蜜夾心..我都吾太記得了)，芒果汁好快就送到上黎! 眼望好似好普通，一飲就上癮呀!可能我未去過台灣..吾知所謂既愛文芒味道係點既..所以一飲同我想像中的好吾同，感覺好特別。味道淡淡地、吾甜，好清新!之後到窩夫，因為係即叫即做，所以個窩夫都要等大約10分鐘先送到上黎。賣相吾錯，個窩夫面層熱熱地，內層有芒果雪糕，另外配埋黑糖漿，一個字正呀!一凍一熱，岩哂我口味!!同埋店員送上黎果時連埋支鹽俾我..話落左會更好味!有冒險精神既我聽完就更系試下啦，話哂芒果加鹽真係第一次聽。試後感: Haha~又係另一種味道，有令我驚喜既味道!! Good!整體我幾鐘意呢間D甜品，感覺好新鮮! 值得一食!*特別建議:落左鹽既真係正好多!!大讚!!

我係芒果甜品嘅擁躉，知道Mangochacha出咗冬天新產品，即刻心思思忍唔住去試吓！第一款係芒果拿破崙，外面嘅拿破倫酥皮好鬆化，入面夾住台灣愛文芒果粒粒混合好香滑嘅cream，一啖咬落去，脆中帶軟，超正！唯一美中不足係個酥皮焗得有點燶，不過整體都好好味，味道好夾！第二款芒果金寶就係我嘅至愛啦！平時蘋果金寶就食得多，芒果金寶真係第一次試。呢款甜品上邊有好香嘅牛油焗曲奇粒粒，用匙羹'畢'起同d芒果一齊食，食到停唔到口！開頭有擔心過啲芒果暖暖地會唔會好怪，不過最後哩款甜品竟然成為我全晚嘅至愛！

和幾個朋友相約尖沙咀行街，大家本來打算乖乖留在海港城範圍內的活動，但忽然被朋友問起上次食冰的事（朋友竟然有睇的的食評呀！！）於是便一行人去了MangoChaCha。去到門口，看見玻璃窗上貼了冬季出品，返正這次我們也有3、4人，可以多試一點吧看menu，樣樣都好吸引...這次我們都沒吃冰，有新野當然試新野啦~由於上次已經想試waffle了，所以今次沒有order crumble，點了心太軟及千層（crumble等我下次再嚟試你）朋友order了芒果汁及芒果奶昔...試了一口芒果汁，很fresh！質感有點濃重，不是很「水」的那種果汁。芒果奶昔我沒試，但朋友說ok。我的芒果咖啡不錯，芒果味淡淡的，不是很甜（原本還在擔心呢）終於試到Waffle了，厚厚的一個女生應該很難把它蒸發掉吧！內裡的芒果雪糕含有粒粒芒果肉，勁fresh勁自然，與waffle亦出奇地夾，大大提高waffle的整體分數！waffle其實配有黑糖漿，但本人覺得就算唔加，成個Waffle都已經好好味lu~再來試試冬季的拿破倫，名字很有詩意叫浪漫千層酥皮做得很puffy，沒有油膩的感覺（比坊間很多甜品店出色），連同內裡的吉士醬，很

叫了兩個甜品，梳乎厘(上)同冰熱激情(下)整體來說，芒果真係非常出色，香甜不膩 。在店舖內也洋溢著香芒的氣息，感覺不錯。冷熱激情$56,有層熱熱地的脆皮包著條冬冰冰的芒果，但個皮燶左，好硬。入面條芒果雪到冰咁，都係好硬，都幾難咬，味道普遍，反而跟碟的雪糕同幾粒新鮮的芒果就好好味。梳乎厘$56，上枱時帶著香噴噴個芒果味，賣相又靚，最重要係每啖都有清清的芒果味，唔甜，呢個真係要讚。如果芒果的愛好者可以去試。

係澳洲返黎之後一直都有留意飲食雜誌邊到有好野食,見到呢間MANGOCHACHA係幾本雜誌都出現過,話係一間用台灣愛文芒做主題既甜品屋,覺得一定要試下,星期五同男朋友食完飯就過海去TST試下佢晚上9點半,門口多人到飛起,排哂長龍咁,心諗(有無咁好食啊?)好彩前面既人好快就走,等左20分鐘就有位,入面大約有50個位,都坐得仲算舒服..睇睇個MANU,原來佢地有新菜式仲要呢幾日先出梗係試下佢啦....P.S.佢地MANU諗個D product name好SWEET,我見到個名樣樣都試下,咩甜蜜夾心,戀愛層層.....係個舊情人名比較衰D....第一款價值58,熱戀金寶通常呢款甜品都係係酒店先可以食到,因為以我所知,制造過程都幾麻煩,而且呢個價都幾抵,口感方面,佢外層好似威化咁,好鬆軟而入面就有大大粒既芒果,講真熱左既芒果我真係第一次食,都幾好食啊,唔知係咪佢地用既愛文芒果同出面既唔同,好似食緊香芋咁,入口即溶,同個外層又好夾,低層仲有D脆脆,唯一就係細份左小小.....第二款價值68,愛文流心其實就係心太軟,不過芒果味既真係第一次,個皮都幾軟,熱度岩岩好,仲有啊,次次食親心太軟都係黑朱古力,

本身喜歡食芒果系甜品，見有團購現金券(用$33買$70現金券)買先知道有呢一間用台灣愛文芒果做主打嘅鋪頭 去到已經有人排隊，但吧枱可以唔洗等，即刻入去，裝修，，佈置都幾好，以橙白色為主，感覺頗為舒服，同朋友2個人點咗三款嘢芒果汁$38：頗貴的一杯汁，想試試全芒果的味道，但跟前2款比下下了，本身是想點芒果咖啡，但店員說賣完(7/10)金牌情人$58： 即芒果綿花冰，好軟綿綿，店員送上sea salt,提點加一點會更好食，由於這一款芒果香而不太甜，所以sea salt 剛好帶出甜味，很喜歡這款甜品，只是芒果肉少了一點，但上面的芒果雪糕也很好吃 (9/10)芒果夾心$68: 即芒果雪糕窩夫！正! 要等大概20-30分鐘, 脆脆的熱窩夫配凍冰冰的芒果雪糕，無敵!加少少黑糖漿,錦上添花~~等也是值得! 不用7分鐘已清碟 (9.5/10)如果沒有現金券，確實會覺得貴了點，等再有優惠再去吧!