Mayse Pizzeria (已結業)

叫咗Pesto Pizza, 大概直徑12吋，$158，餡料尚算多，好夠味，餅底夠脆。特別在有腐乳，店員/主說是自製的pesto sauce。我見pesto sauce係深綠墨綠色，相信汁係連pizza一齊焗，如果焗起先落pesto sauce，可能味道更fresh。兩個人食唔係好夠飽，要加食物，叫了 grilled cheese panini，喜歡panini夠脆，係麥包，雖然內含足夠芝士，不過得一種餡料感覺太悶。加一支lemonade，兩個人大概二百三十幾埋單，喺咁嘅環境、地點、好似略貴。講滿足度，pesto pizza抵食過grilled cheese panini。不過喺佐敦食西式素唔係好多地方喺一間店內有咁多選擇，無乜所謂。

市面上都有好多酸種pizza, 但純素酸種pizza就只有呢間。 而且每款pizza 配搭都好吸引， 亦可以走五辛， 啱晒五辛素嘅朋友。 今次食左冬陰公同松露pizza, 加埋佢地嘅辣粉， 夠晒辣。 仲有連皮炸薯條， 好啱幾個朋友一齊去。 推介

一直知道大埔有一家純素麪包店，但一直未有機會試。超驚喜竟然在佐敦開分店！！店舖近冠南華。今日終於一試！點了Truffle love ，材料簡單但味道層次豐富。餅底：灰黑色餅底有心思。脆得黎唔會太薄👍🏻厚薄適中，可以單手食😂因為有啲pizza個底太薄要兩隻手托底先食到。toppings: 有我最鍾意嘅火箭菜😍 仲有菇菇，當然唔少得松露醬同重中之重純素芝士😋 全部味道都好濃有自己特色但撈埋一齊食又好夾喎。一定會再食，已經諗定下次試冬蔭功味pizza。

之前聽說大尾督有間拉脫維亞純素麵包店，不過有點遠又好少去踩單車所以未食過。最近佢哋在佐敦開純素薄餅店，當然立即去試下。餐牌上只有薄餅和Panini兩樣嘢，口味有傳統也有新奇配搭，當然全部都係純素啦！薄餅店位於佐敦吳松街，油麻地永安後面條街，亦都近廟街，這一帶好有香港情懷。店內座位不算多，採半自助形式，暫時只收現金。室內設計色彩繽紛，一種開心又活潑的感覺，店員都很親切，而且在努力練習講中文，有點可愛。餐牌上有七款薄餅和四款Panini三文治，當中有傳統配搭亦有特色口味，當然全部都係純素。飲品有咖啡和Kombucha，也有手工啤酒。店內亦有少量純素麵包和天貝脆片可以買到。Pesky Pesto HK$158見好多人都去試冬陰公，所以我揀下第二款。手工餅底香氣十足又好咬口，配以香濃蕃茄醬和多汁車厘茄，一圈圈劃上去的青醬帶點中式風味，食真啲發現係腐乳味，中西芝士合璧幾有諗頭，最特別仲有粒粒核桃，一個人食一個都無問題。

佐敦吳松街新開嘅 Mayse Pizzeria，所有嘢食，包括啤酒都係純素㗎。店舖裝修簡約，同埋以粉色為主。🩷💗暫時主食有兩款，sourdough 薄餅同意大利包三文治（Panini）。真漢子今次試咗：🍕 Tom Yum Pizza $158最大特色就係佢係辣㗎啦 🌶️，但辣度較弱，而且分佈得唔係好平均，即係有一塊係 BB 辣，第二塊就小辣。薄餅除咗有唔少香草營造泰式嘅口味，最特別係有啲種子餅鋪响面，食落口好香脆。🍪薄餅可以隨自己喜好加配料（要加錢，詳情見附圖），而如果你想唔要某啲配料如蔥蒜，都可以落單時講定㗎。🧄🥪 Panini Truffle $80麵包烘到成塊熱浪咁，所以食落口脆卜卜，有松露醬就一定味道好香濃啦，餡料有啲菇，菜，同純素芝士添。🧀啤酒就係普通啤酒咁嘅味啦，另外我發現我唔記得影飲品嘅餐牌添，sorry。 😂 佢哋有供應咖啡，汽水，啤酒。雖然佢哋門口有八達通嘅標誌，但可能新開張關係，暫時只收現金。另外熟悉吳松街嘅朋友都知呢條街有幾麻甩啦，所以一間素食薄餅店，仲要咁 western ，開响呢度都幾別樹一幟㗎。🌱🚩