Mee...lemongrass (彩園廣場) (已結業)

住左北區一段時間，一直未幫襯過依間餐廳。有日行過見到店內顧客不多便決定光顧一次，相信亦會係唯一一次。(原來顧客少係絕對有原因嘅…)坐低發現枱面有用過的牙簽及咖啡漬，要求侍應抹枱。竟回覆剛才已抹左🙄只好叫她黎睇一下，結果她黑住面咁清潔。及後見到地面有很多紙巾垃圾，但基於已落order及不想睇面色，只好當自己時運高睇唔到。最精彩係4份唔同食物有著同一特性，淡而無味，只有油膩。連簡簡單單的一杯桂圓紅棗茶都可以整到似一杯有色的水般，果真是神一般的技術。唔明點解咁樣嘅食物質素及服務態度仍然能夠繼續生存？重點係間鋪嘅價格並不便宜。

今日買外賣，無骨海南雞喇沙，逐d放d麵落湯底度，食幾啖之後望到d麵有啲黑色，望真啲原來係小強🪳😰😨究竟d麵煮咗幾耐，放喺度幾耐？衛生應該一般😡以後都唔會再幫襯太過份！！！好彩我習慣性望住啲食物去食飯，唔係掛住望手機🥵🥵🥵本身之前堂食過，諗住味道唔算差，份量都ok可以一試。點知今日俾個甘既經驗我😤如有小蟲都算🫠當睇唔到，但蟑螂真係完全沒辦法接受！！！！永遠blacklist !!!!

海南雞，好乾，好似過熟雞…豬扒炸過龍，一咬痴牙…湯好咸肉骨茶勁油，肉似下欄食過megabox分店十分好…但食呢間分店真係天淵之別，真心破壞晒形象，難得黎呢區諗住食呢間無死

上水彩園商場入面竟然有間裝修特別嘅新加坡菜而且餐廳中坐得舒適 啱曬一家大細叫咗半隻海南雞皮脆肉嫩一啲都唔油膩雞肉味濃郁厚切香茅豬扒外面炸得脆卜卜豬扒非常鬆化入味 用嚟送飯一流

我和母親中午光顧,點了兩碗的海南雞喇沙,兩杯凍奶茶及一碟牛肉串燒.用餐時,兩杯的凍飲來到的時候冰已經溶了,完全不凍.海南雞爽而無味,像我在健身後吃的雞胸肉一樣,喇沙湯也是淡而無味,豆卜入口也是苦的,我的母親故吩咐店員一碟魚露調味,但那碟魚露居然是酸的,平生從沒嘗過酸味魚露,真是令我大開眼界.串燒方面,一串串燒牛肉只有可憐的三粒,我的母親當場忍不住哈哈大笑,還好味道還算不錯.最後總數$184,完全不值.誠心建議店家早日倒閉,不要為禍人間,阿門.

其實珍珠奶茶都唔係好考技巧.但係都可以煮到啲珍珠十粒裏面有八粒係未熟㗎???? 非常失望！一共買咗兩杯珍珠奶茶，雖然買一杯第二杯半價, 唔會再幫襯！never again. end.

見到佢個menu有個迷你雞煲 咁我地2個人 唔算太餓 再睇落裝修不錯 決定一試入到去未坐低見到得3枱客都已經打個突7點 食飯時間在後面果台客人 已經在投訴打邊爐啲牛肉黑色 由於已落order叫個雞煲 所以叫多一個主食 雞煲都有6-7夠雞 味道帶點泰式既味道香芧 檸檬葉 洋蔥 但食落去微暖 應該煮好一大煲 放落個鍋仔度熱一熱就出失望以為呢個係伏 跟手叫多個炒粉絲 份量足夠但難食到一個點 粉絲無味 好似落左2滴老抽吊個色 雖然7十幾蚊 但你都唔好比啲咁既野我食 我食左2啖已經擺唔落口 雖然好曬 但沒有辦法 最後埋單既時侯 忍唔住同個收銀講 你啲野好難食 佢無回應我 找錢既時候講左句多謝一路行出門口一路講 點解可以咁難食

好耐無黎食，叫左個撈檬，啲檬粉硬到好似未煮既粉絲咁！完全食唔到入口🤢$62既雞絲扎肉檬，就係得面頭果幾舊。。。。馬拉盞炒通菜個碟底成碟油🤢啲菜仲要好老難食！無下次！

✨無骨海南雞喇沙（$80）呢間賣既海南雞十次有八次都係俾全部雞胸🥲但因為上水選擇少叫喇沙既話佢湯底係好食既我唔係要求全部都係雞脾但起碼每次雞脾同雞胸樣樣俾啲就已經好好多啦🥲✨馬來蜜汁炭燒厚切豬扒配喇沙（$74）呢個豬扒好好食❤️有陣時諗起又會叫黎食

Umm…呢間野一開波其實做得幾好又有台式飲品又有東南亞美食見佢門口好似幾令 就試一試佢我坐係最入面 好熱 流汗💦叫左個豬扒檬撈 都幾十蚊架又加配左個黑糖鮮奶食完埋單 下次不了真係唔好食

外賣午市套餐，今次試招牌無骨海南雞飯$68另加$18飲草莓芝芝冰茶👇🏽跟例湯有兩款醬汁（豉油和泰式醬）個湯雖然無湯料，但味道唔差。海南雞數量都算幾多，全部都無食到骨，口感唔係超滑，但都唔會鞋口，味道一般，唔算好特別。配有酸菜、菜心、一塊青瓜和半粒車厘茄，飯盒嚟講，蔬菜方便算多。油飯唔係好香雞油味，有點硬，不是太喜歡🙃加錢杯草莓芝芝冰茶好大杯，白色個層是芝士奶蓋，草莓冰味道普通。整體來說，午市套餐價錢唔平，味道一般唔特別，試過一次就夠。

每次用Openrice搜尋上水餐廳，呢間小店都一定係頭幾位，可惜一直都懶去。是日同屋企人行完街，坐開MTR就順道去上水試下呢間餐廳。當晚假日臨近7點，居然唔駛等位可以直接入座，暗地裡打左個底🤔。馬來西亞菜，但有珍珠奶茶、芝士奶蓋等飲品，其實都預左唔好飲😅。伯爵奶茶加珍珠，偏重奶味，一D伯爵茶香都無😐，珍珠正常有咬口；另外仲有一杯我無試嘅芝士芒芒，屋企人話好重芒味，個底唔錯，不過無芝士味，上層似係Cream多過Cheese。首先講左全晚最唔掂嘅大蝦炒金邊粉$74上枱果陣一陣魚露臭味，我唔抗拒食魚露，但唔代表中意佢陣味，同埋個味好影響胃口。不過入口食唔出魚露味，反而好重茄汁味，即使之後我地用咖哩汁撈埋黎食，個茄汁味都好出。一個無鑊氣、無鹹香、偏甜嘅炒金邊粉。至於兩隻大蝦都唔駛旨意有蝦味，肉質唔梅已經Pass。檳城炒貴刁 $74同樣係炒粉類，但呢個貴刁好味好多，亦有鑊氣好多，不過就鹹左D。貴刁同河粉分別，就係前者較厚身，炒起上黎無咁易碎，口感彈牙；配料亦好豐富，有青口、蝦、魚片等。緬甸咖喱牛腩 $76 + 白飯 $12牛腩分量唔少，而且每件都大大件、啖啖肉，肉質軟淋；咖喱偏甜，重椰香；美中不

上年疫情前食過一次🤣上個月黎開上水心思思想食，好彩lunch time 等一陣就有位。😋海南雞喇沙🍗 見好多人食海南雞於是試下。肉質腍滑，冇咩肉，蘸料足料，整體尚可。麵既份量好足，麵就腍，一夾都就斷😅湯底偏鹹不香。😋炸蝦餅🍤 套餐加錢可配其他小食！有蝦餅，串燒，春卷之類，一人份。炸蝦餅熱辣辣，雖然都係粉偏多，但都算大件，對得住個價，可以一試！奶茶係普通港式奶茶。見仲有唔同既沙冰等等，下次有機會一於再試下！

泰國菜🇹🇭Mee…lemongrass—————————————————————唔知大家鍾唔鍾意食泰國菜呢？呢間嘅食評又係好壞參半，我哋就嚟試一試佢🤔我哋去嘅係上水分店 平日下午去唔使等位 直接入得😆🐷馬來蜜汁炭燒豬扒撈檬💲6️⃣8️⃣豬排份量都幾多‼️但唔係好厚切..😖同埋有少少油？不過炭燒完佢有小小甜甜地 我都幾鍾意個味道😂🐔雞絲扎肉撈檬💲6️⃣2️⃣呢碗雞絲都俾得唔少㗎〰️不過就普普通通，正常發揮🤔不過呢碗食落冇豬排個碗咁濟🤭感覺就清新D.兩碗檬粉都可以自己再撈埋佢嗰個汁☺️um應該似白雲鳳爪個隻甜酸汁嚟 ？酸酸甜甜都幾好食😋仲有少少酸蘿蔔嗰啲🥕食落都幾開胃🤓檬粉都幾大碗，食曬都幾飽肚😼普通間中食下都可以☺️

一心想試馬拉餐，叫左個馬來蜜汁炭燒厚切豬扒配菜飯。 一黎個賣相都幾吸引。塊豬扒都吾系好厚啫！不過食落D味都吾錯。 D飯又麻麻，一舊舊。 越食越吾想食落去…… 去到食舊rip位。脂肪勁多，都算！ 剩系俾筷子同匙羹我。連刀都冇把 吾通要我落手食？最可惡係隻烏蠅，飛黎飛去。真係火滾！最後到杯嘢飲！真係叫左杯萍果茉莉綠茶。 點知佢真係俾兩塊萍果我 。 剩係俾支飲管我，又要叫我落手食啦…… 杯茶仲要又苦又澀，真攞命！ 我叫熱飲，不過杯野系暖的…… 埋單計數$117（加一）真係只可以講O雞蛋。 又一間被我封殺