Mee...lemongrass (彩園廣場) (已結業)

開始可以出街食夜晚飯之後，我都唔敢話周圍去食飯，都係揀d附近既餐廳。聽落好似好求其，但係其實呢間絕對唔求其，調番轉我覺得佢絕對係其中一間北區最好食既餐廳之一。首先我覺得餐廳環境好乾淨企理，用餐時都好舒服，食物質素更加係好高。首先一定要講呢個秘製特色牛骨湯河，性價比絕對係100分，料勁多勁豐富，牛肉牛腩夠淋又充滿牛味，牛丸煙韌彈牙，牛柏葉爽口，另外個湯底都勁出色，搞到我忍唔住飲哂成個湯。跟住令我覺得無得彈既係呢碟馬拉盞炒秋葵。廚師處理得好好，秋葵食落完全唔會有滑潺潺既感覺，調番轉個質感好爽好好味，我從來無食過咁好味既秋葵，因為我本身唔係太鐘意果個味道，而家少少辣非常惹味。仲有叫左一品牛柳粒，鐵板上令個牛柳粒更加惹味，蝦餅彈牙皮夠簿得黎又脆，最後軟殼蟹米紙卷賣樣靚，餡勁足料好好味。

今日同朋友去到上水屋邨商場食下泰國野，雖然唔係旺區，但質素同性價比絕對超值😋無骨酸辣鳳爪沙律：份量15-20隻左右la, 上枱夠哂凍，唔會好似其他餐廳咁擺到暖哂👍🏻，偏辣既，酸味都夠，咬落爽趣多汁😛，去骨都去得幾乾淨。個底會有幾塊生菜隔住d汁，唔會浸住馬來海鮮炒粉絲：夠哂鑊氣😎，上枱仲熱辣辣出哂煙既，配菜有芽菜、青椒、蛋絲等，海鮮有魷魚、青口等，唔算話太多海鮮。粉絲炒得幾好，仲有d咬口，但唔會太韌，又唔會炒丁斷哂，仲可以好輕易夾起，味道上唔會好咸好濃味，幾易入口既😋地道串燒：牛肉同雞肉本身已經醃好左，唔洗點醬都有香味同少少甜味，沙嗲醬幾好，唔太濃唔太搶，點多多都唔怕😳。感覺上串燒唔會太油膩同熱氣，配菜有d雜菜同菠蘿粒中和下。👍🏻MEE喇沙：其實係滲滲黎，用米粉溝油麵，一啖麵有兩隻口感，喇沙湯底都夠味，配料都算多，整體份量一個男人都夠飽既。兩種麵好在唔會索湯，食到最尾都唔怕吸哂d湯🥰香芒椰汁糯米飯：有4件，整到壽司咁，賣相幾口可愛😂糯米飯煙煙韌韌唔會硬，口感岩岩好，味道上唔會太重椰汁味，食完唔會喉乾。芒果屬清甜，唔會好酸都唔會好濃味。另外仲有d芒果粒仲配菜。火灸芝士黑糖形珠鮮奶：奶味比較

今晚難得同媽媽二人世界，決定帶佢食餐好，經過我一輪資料搜集後，發現北區有間特色的星馬泰餐廳，就決定帶佢來試試打開menu，發現食物的選擇非常多，款款都很想試，重點是價錢實惠，不知不覺間我地二人就點了六款食物！由於我自己好鍾意食海南雞，每逢餐廳有海南雞我都必定會點！一上菜，就見到海南雞份量出奇的多，想不到還配了湯和菜，真的非常抵食，加上味道不錯，海南雞本身已起了骨，岩晒我呢種懶人，食落啖啖肉，而且肉質非常嫩滑，推介至於炒金邊粉份量適中，味道酸酸甜甜的，食落幾開胃，入面還有幾隻大蝦吸收了金邊粉的味道精華，非常豐富還有一款令我地驚喜的是地道串燒，我地揀了牛肉雞肉各兩串。串燒燒得剛剛好，非常惹味，若想味道更濃的話，亦可以點一點串燒旁的沙嗲醬調味。另外，媽媽點的軟殼蟹米紙卷亦不錯，中間夾雜了一些菜及蘿蔔等，感覺很清新健康，同樣亦有醬提供，方便食客自行調味。最後又怎能缺少甜品呢？由於最近疫情關係去不了旅行，所以我地特意點了較地道的甜品，芒果椰汁糯米飯同椰汁西米糕。兩款甜品的外觀都非常精美，吃之前亦忍不住拍多了幾張相打卡呢

最近成日落雨，由上水火車站行過彩園商場完全唔使淋雨，所以就揀咗其中一間食肆試吓。餐廳嘅選擇好多元化，越南菜泰國菜新加坡菜甚至台灣珍珠奶茶都有...2個人唔係太肚餓，叫左一個拼盆，馬拉盞通菜，1碗喇沙share。拼盤入邊有春卷，牛油雞翼，串燒，泰式鳳爪，炸蝦餅...1次過滿足曬多個願望。喇沙嘅材料非常豐富，而且湯底好正好濃郁，油麵加米粉嘅配搭好好食，份量足料，2個人食都夠飽。食完主菜梗係要食埋甜品啦，椰汁糕同芒果糯米飯都好好食，而且個芒果糯米飯好似壽司咁一件件，share 食就唔怕分唔暈啦。

第三波疫情爆發後真係好少出去食飯，近日確診數字開始回落至個位數字，限聚令亦慢慢放寬，小妹先放心出去嘆番個午餐🤤MEE... 喇沙 $82 見餐牌上面有👍🏻推介，MEE...喇沙其實係海鮮喇沙，海鮮配料相當豐富，有齊哂🦐🦑、魚蛋、蜆、半隻蛤蛋、索湯嘅豆卜..... 重點係哩度嘅Laksa 麵底用上米粉加油麵，做法正宗馬來海鮮炒粉絲 $76平時食親泰菜都係揀炒金邊粉居多，小妹今次就揀咗炒粉絲😆份量十分有睇頭，粉絲較金邊粉有咬口，煙煙韌韌咁，而且食得出係即炒出嚟，鑊氣十足👍🏻馬來一品牛柳粒 $92另外再叫左個廚師推介牛柳粒，用鐵板上嘅牛柳粒仲熱辣辣嘅，牛柳軟稔有牛味，配上香濃嘅黑椒味💯💯送飯一流😋香芒椰汁🥥糯米飯 $48嚟到甜品時段就必選芒果糯米飯啦，哩個糯米飯外表睇落平平無加咁，但俾到小妹驚喜喎，佢嘅芒果係超級甜，仲帶少少荔枝味添，搞到小妹食到停唔到口呀，椰漿另上可以自己調教甜度👍🏻👍🏻

呢間應該係上水唯一一間食東南亞野既餐廳。上次我同大家介紹過外賣，今次我去堂食，試多幾款菜式～1️⃣十勝紅豆伯爵奶茶&十勝紅豆抹茶（各$32）飲品黎到，我先諗起我冇叫少甜，我仲擔心左一下。🙈但飲落唔會好甜，抹茶味夠。👍🏻最正都係啲紅豆，夠林又夠甜☺️。❕除咗可以堂食叫野飲外，餐廳外設有飲品corner，就好似一間手搖飲品店咁，經過想淨係買杯飲品都可以架～2️⃣馬拉盞炒通菜（$64）均衡飲食點少得蔬菜。呢碟通菜色澤好靚，通菜好新鮮～少少辣好惹味，食落仲好有鑊氣添！❕唔想食炒菜，呢度仲有好幾款泰式沙律俾你揀～3️⃣馬來蔗蝦（3件）蝦肉真係包喺一條蔗仔上面先拎去炸。外面夠脆口，蝦肉夠彈牙，食到入面仲有微微蔗香味！伴碟仲有米粉，好欣賞米粉唔會一夾即散。❕喜歡香口炸物既朋友可以試試！而米粉就建議用此店既魚露甜酸汁撈黎食。4️⃣地道串燒（牛、雞各兩串）（$66）串燒淋上有少少椰香既醬汁，另外有沙嗲醬俾你點。沙嗲醬同平時食開既有啲唔同，我詞窮唔識形容😆，但朋友認為個醬幾正宗幾有風味。側邊仲有啲配菜、麵包。我地覺得個醬幾好，用左麵包點黎食。❕菠蘿非常甜😋，食完咁多肉，再食返幾舊菠蘿，解膩一流～5️⃣馬來蜜汁炭燒厚切豬扒撈檬（

上水站附近見有Mee Lemongrass 星馬泰菜餐廳，之前係其他地方都有分店，仲未食過，呢日係上水做野，午餐搵附近餐廳都唔算多，所以就黎試試！午市套餐都多選擇既揀左一個海南雞喇沙，一個馬來蜜汁炭燒厚切豬扒喇沙。疫情期間免收加一，一個餐$68。碗喇沙既麵底係摻摻，姐係米粉加油麵，喇沙湯底係馬來西亞style ，有椰香味，不過辣味就靠佢上菜時面頭的一pat辣醬，要自己撈一撈佢。海南雞一般，唔係好滑，不過份量都夠多既！塊豬扒好大塊，似炸完再加蜜汁整過，味道調教得唔錯，甜甜地，不過粉漿多左少少。上水站餐廳選擇比較少，佢呢間好似係附近唯一一間星馬泰餐廳，如果住附近間唔中食下都ok 既！

我地一致覺得最好味嘅就係香芒椰汁糯米飯$48。雖然而家已經係芒果嘅尾季，但係餐廳選用嘅芒果仍然係好香甜多汁，配埋軟糯嘅椰汁糯米飯，真係100分另外，我都好鍾意馬來蜜汁炭燒厚切豬扒撈檬$68。份量比想像中巨大，豬扒肉質爽得嚟又嫩，甜甜地嘅蜜汁再加埋撈檬汁，真係特別開胃整體嚟講，呢餐飯嘅性價比都算高(下午茶餐更抵)食物價錢屬於係街坊價，份量夠多味道都好，店員又nice而且餐廳位置都好近火車站，算係好方便。

2人限聚令下，好耐好耐冇出街食晚餐，今晚終於忍唔住要去近近地的彩園商場食下泰國嘢。我同老公兩個人總共叫咗四樣嘢食再加一杯飲品。第一樣係海南雞喇沙，啲雞皮同肉都好爽滑，個喇沙嘅味道亦唔錯，食完啲雞肉你會見到個碟底有隻雞的第二樣係個併盆，樣樣都好味，特別個蝦餅，好彈牙又唔油膩第三樣係軟殼蟹米紙卷，呢個出呼意料咁好味，因為有大量嘅新鮮蔬菜包享入面，好清新，可以平衡番個併盆嘅炸物。最後我地叫了一個甜品，椰汁西米糕，呢個西米糕真係好好好味，佢面頭有一層椰汁布丁，下面隋咗西米重有幾米粟米同椰果/椰子碎，我下次一定會再叫呢個甜品食。另外，有一段小插曲，就係我食食下跌咗隻筷子落地，我都未執番個待應已經攞咗對新嘅俾我，佢地的招呼真係值得一贊。 完

食個悠閑既午茶，人生唔會檬渣渣🤣閒時講吓D爛gap，落雨唔使去擔摭有得食就好去食，全面禁堂唔使食人生聞以食為先，無嘢食好快升仙純粹無聊講下笑，做人快活過神仙———————-☕️1-飲杯檸檬茶.......做人唔會檬渣渣茶香澴郁檸飄香.....飲一啖更覺芳香😆🥤2-凍飮檸檬茶...冰涷解喝更升華😇———————-🐔馳名套餐海南雞......肉質嫩滑好廚藝👍配埋喇沙真係抵⋯⋯好食好味無走雞😋———————-🐂秘制特色牛湯河....牛腩牛丸牛柏葉👏仲有牛肉點小得.....美味牛骨湯好得✌️————————🐷厚切豬扒頂瓜瓜⋯⋯軟熟口感味適中份量足料大大碟.......食完包包歸家中🥳————————入門口電子檢測，健康衞生無有怕食埋今日既堂食，唔知何時有得食生活越來越緊湊，健康人生正能量盼望疫情快援和，人人開心笑啊啊⋯⋯❤️💕💪💪🙏🙏

想食喇沙……上水真係無咩選擇，依間馬來西亞嘢，我覺得佢最吸引係剛開業嗰期出面嘅買一送一飲料😂😂依家無啦，只得買第二杯半價。講返食物，整體食物都可以的，味道都係較濃的，午餐下午茶都算食得過，但晚餐時間食真係比較貴，因爲佢係無晚市套餐的。今晚叫左2個炒粉，一個炒貴刁，一個炒金邊粉，2個都好惹味咖😋來唔來食一次好了😆不過佢地個份量係少左嘅🤭而喇沙方面呢…依間算係暫時上水最算正宗和有味的了，佢地有個配龍蝦海鮮嘅，我覺得試一下，影張相，打個卡都好嘅🤣

喺彩園商場地下 隔離有里的茶 不過真係唔好飲😂餐廳係做泰菜 閑日去試個lunch set#緬甸咖喱雞配白飯 $58$58有湯有飯有嘢飲 都算係咁唔知個咖喱係咪真係緬甸咖喱 不過識落就同普通泰式黃咖喱一模一樣 連餐廳門口都有佢個包黃咖喱嘅樣 明明係泰國都買得到😂味道嚟講都幾好味！黃咖喱偏甜有椰汁香份量都算一般唔係話特別大 都叫做OK抵食配埋白飯易入口 好開胃送嘅餐湯都好飲係個泰奶麻麻地 雖然係真係泰奶 不過好似溝咗好多水咁 好淡口 同出面泰式奶茶勁甜爭好遠

在彩園廣場消費，有3小時免費泊車，正是吸引小妹到這裏的主因，停車場一出，就是《mee lemongrass》，熟悉的餐廳，印象良好！環境整潔光鮮，牆上葉紋花磚，是啡調色系中，份外清新！點了秘制肉骨茶 $82，真的喜歡這款湯水，濃濃的肉湯滲著藥材的香味，這碗當然也不例外，還有肥厚的冬菇，非常好味！招牌無骨海南雞 $138，是半隻的份量，海南勝在去骨，吃起來甚為暢快！它的幾款醬汁也是重點，自己偏愛濃醬油！肥雞皮薄，脂肪不太，肉質嫩滑！馬來蜜汁炭燒厚切豬扒配喇沙 $74，令人垂涎！湯底依舊令人停不了口 👍💖💖珍寶量的豬扒，就算是大胃王，都應該相當滿足！蔥油除了色彩上美觀外，亦有調味功能，跟豬扒一起食，更香更美味！手搖奶茶系列，店前的小角落，化身成奶茶店，不論堂食或外賣的飲料都是這裡即叫即沖！伯爵仙草奶茶 $25，茶味香濃，加上燒仙草的爽滑，正！十勝紅豆抹茶 $32，宇治一向是大愛，加上十勝紅豆，無得輸的組合 💖💖

去咗試龍蝦喇沙，要5:30後先開始供應，仲係有限量供應所以早一啲到之前係全隻波士頓龍蝦80幾蚊碗突然間被通知得返半邊波士頓龍蝦，要$58碗，變相加咗價龍蝦唔夠新鮮，啲膏有腥味，龍蝦肉冇龍蝦味叻沙湯底淨係得個辣字，冇乜椰汁味，仲好多味精添，食完勁口渴，仲有啲胃唔舒服淨係啲麵好食啲啲招呼一個好一個差啦唔想再去😕

早半年多前 , 一嚐青衣城二期的Mee.lemongrass一次後便結業了其他分店都比較長途跋涉偏遠 , 終於偕友人去上水再吃lemongrass自從疫症開始後少了很多大陸人來上水 , 令上水得以回復久違了的寧靜此上水分店離上水火車站只2-3分鐘步程 , 經一天橋便到一小型商場裡,再到地下層便到達店舖為半開放式 , 裝修以木色為主牆身及地板 , 配搭溫暖色系餐桌及椅 , 讓人不禁食多dmenu精美 , 有招牌推介 , 各款價錢尚算貼地$58 招牌無骨海南雞飯 - 雞皮及雞肉均極嫰 , 不同於一般泰國食的白烚雞整法及泰式是配冬瓜湯 , 雖然份量不多,但配以油菜及青紅蘿蔔湯略補不足 , 油飯相當高質 , 油而不膩 , 香得想添多兩碗食 , 非常推薦$58 半隻波士頓龍蝦喇沙摻摻 - 龍蝦略嫌細及不新鮮 , 喇沙湯則做得非常出色 , 約做到有8成馬拉味道又不會太辣湯底濃郁 , 摻摻份量多 , 好彈牙 , 都算是推薦之一跟餐+$14  芝士黑糖鮮奶 - 黑糖味出眾 , 混合芝士獨特味道 , 可能不喜太甜太濃人士 , 有少許漏設計貼心 , 並不需要即時在場飲晒 , 方便帶走再飲亦可如再食東南亞菜