Mee...lemongrass (彩園廣場) (已結業)

自從彩園廣場裝修過後，越來越多食肆進駐，最近仲開左mee...lemongrass呢間泰國野，急不及待要帶屋企人嚟試吓！祕製特色牛骨湯河，有牛丸牛肉牛腩牛柏葉，一碗入邊可以食盡四款牛，味道都唔錯！馬來蜜汁炭燒厚切豬扒撈檬粉，塊豬扒整得幾惹味，又夠厚，配合比較清淡嘅撈檬食，剛剛好！中和油膩感！ 小食拼盤份量好夠，又有雞翼蝦餅泰式鳳爪春卷同埋蝦餅，一碟可以滿足五個願望，我最鍾意食係串燒！仲叫左馬來一品牛柳粒，用新鮮黑椒調味，特別好食！肉又唔un又夠肉汁！最後仲叫左兩杯野飲，鮮橙高山翠綠茶同埋炭燒烏龍奶蓋茶，唔會太甜，唔錯！

以前既PHD變左呢間Me...lemongrass! 新餐廳果然好長人龍⋯我地2人叫左：𧐢仔蛋 （𧐢幾新鮮，蛋唔太乾/濕，味道剛剛好)泰式小食拼盤（每樣都整得香脆，牛，雞串燒未點醬都好入味）海鮮喇沙（海鮮好足料，稍嫌麵底太淋，如果硬身少少會較好）芒果糯米飯（好食，好芒果好甜，糯米飯軟硬適中）芝士芒果茶，招牌水果茶 （好飲，好有水果同芒果味，味道不太甜，同好大杯）雖然人多，但侍應態度都依然好好，上菜速度亦快，下次會再黎試！

媽媽話想試吓新店，即管試試啦！唉⋯等位等了接近一小時，但⋯嘥氣！食物的份量真的偏少⋯食物的味道超淡⋯我叫了一隻海南雞，但唔知點解無咗雞翼，髀位和胸位得一份⋯極度懷疑其實得半隻多啲啲嘅份量！今晚食咗五百多元，但真係唔知食咗乜！泰式蠔仔炒蛋⋯不吃也罷！份量少得嚇人！味道又超淡⋯適合三高人士食用。馬拉盞炒通菜⋯完全不覺有炒過，只係用馬拉盞撈一撈啲灼過嘅通菜！厚切豬扒菜飯⋯是否比肉片厚啲啲就叫厚切？啲飯是凍的！找不到值得再去的地方⋯相信不會有下次的光顧⋯

叫個 海南雞喇沙加杯伯爵珍珠等左30分鐘 催足幾次都無客就不斷拉入去堂食就快快手見佢入一兩檯好快有等左十五分鐘催完話出緊個外賣 等多等好 由26分等到56分前前後後30分鐘 效率呢？差評

同朋友係上水搵野食，明嘅就明，上水真係無咩野食。MEE 喇沙 湯底夠濃夠奶味，麵底係傳統兩種麵溝埋。我揀咗呢碗有好多料，估唔到啲料咁多，都唔hea 喎！兩隻蝦夠大隻夠新鮮彈牙！！豆卜同第二度唔同，呢度3粒豆卜好實淨，索湯得嚟好咬口，正👍🏻👍🏻👍🏻小食拼盤樣樣試啲確係正，值得讚嘅係雞亦，炸得好好味！串燒都好入味👍🏻👍🏻食完簡直想單點再食過！呢個軟殼蟹紙米卷雖然係遲咗好少嚟，不過真係好出色！軟殼蟹配牛油果係無得輸。最後，我地發現外賣飲品係買一送一，好抵呀。不過我地坐底咗就無計啦，水果茶唔hea ,好好飲。唔食嘢下次都可以嚟飲！另外，我地臨走前聽staff 講原來今日唔夠人呀，踢哂腳。不過佢地依然好好服務，抵讚👍🏻👍🏻👍🏻👍🏻👍🏻

今晚約左frd一齊去深圳，諗住上水去羅湖過關，去之前諗住食埋晚飯，見到呢間泰國餐廳係新開，而且裝修都好有異國風情，就一齊入去試下。見到menu，入面菜式價錢都正常唔算貴。首先叫左個小食拼盤，入面有五樣小食、雞翼、泰式鳳爪、蝦餅、春卷同串燒。雞翼同蝦餅整得好香口，加埋泰式甜酸醬好夾。串燒亦都好入味，加埋沙嗲汁岩岩好。另外，我地都叫左馬拉盞秋葵，少少辣幾惹味，份量岩岩好，兩個女仔都食曬。仲有海鮮喇沙都值得一試，幾足料有蜆、蝦同魷魚，有少少椰奶香，但如果個麵可以再入味d就更加好啦。最後點少得甜品，我地叫左芒果糯米飯同班蘭椰絲卷。芒果好甜加埋椰奶幾香，驚喜係班蘭椰絲卷，賣相唔算吸引，但班蘭cream加椰絲好香口，班蘭味都幾出。呢間如果住附近既街坊都可以一試，服務態度好好，見到店長同服務員都有問返客人意見，好用心。