Mee...lemongrass (將軍澳中心) (已結業)

兩個人諗住食大餐，去左將中既呢間試下佢既越南野。點都要食啲菜之馬拉盞炒通菜。好食，不過當然係油同唔太健康啦。同埋要注意都偏辣，唔好辣既我諗要同佢講聲。米紙卷係點俾自己。諗住唔食主食，清清地。哇，原來都幾大份，仲卷得好厚身，飽死。個豬扒我幾推介，絕對係平靚正！份量都大，所以兩個人食都幾飽。串燒都好食，肉質好好。仲有啲菜同生果伴碟，俾我掃光哂！老公叫左個湯麵。我見佢都食哂。最後點都要個甜品結尾！超開心，因為我一直都好鍾意食芒果糯米飯。老公仲話呢個係拖鞋飯，笑死。

將軍澳中心重新裝修，食物種類選擇愈來愈多，同老公兩個人突然想食泰式野，見新開就想黎試下。鐵板牛柳粒 $88鐵板既關係，所以一上菜獲氣重，而且很香，唔好睇細細碟，食落好多牛!!牛質嫩滑，很入味。無骨酸辣鳳爪沙律 $68酸酸辣辣，份外開胃，鳳爪表面爽脆，愈食愈不能停口，而且無骨很方便，不用LUR骨。馬拉盞炒通菜 $64上菜時很香馬拉盞味，yum yum份量很多，配埋炸蒜很滋味，菜炒得很翠綠新鮮。炒金邊粉 $76有兩大隻蝦，大大隻而且新鮮彈牙，碟的一邊有炸蒜、辣粉、糖及青檸，方便自己調味，金邊粉炒得乾身，條條分明，酸辣味道無得輸。很驚訝地有一個角落可以買台式飲品，而且唔貴，玄米喬麥奶茶 + 珍珠 $24這個是老公點的，他說珍珠煙韌，奶茶味香濃。黑糖鮮奶+鮮草，少甜 $25見到佢用meji奶沖，所以即嗌!!!仙草爽滑，感覺比涼粉嫩滑一些，唔錯!

Mee...lemongrass ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎MEE...喇沙-$84 好大碗 兩個人share先會食得哂 配料好豐富 有大蝦 蜆肉 蟹柳 魚蛋 豆卜 雞蛋 魷魚 湯底非常濃郁 喇沙味正宗 麵係米粉同粗麵 口感不錯 地道串燒 - 雞/牛 $66 有雞/牛串燒 味道好濃 旁邊有菠蘿，青瓜，麵包做配料 馬來蔗蝦（3件）$74 蔗蝦新鮮炸好超脆 好大舊啖啖肉 蝦肉肉質都幾彈牙。幾鐘意米粉做配料 係蔥油米粉 好香口 同蔗蝦好夾。軟殼蟹米紙卷（6件）$64 米紙卷既質感係煙韌既 軟殼蟹好香口 加埋勁多生菜無咁熱氣食落清新D。芒果芝芝冰茶 $33好有驚喜係飲品係買一送一既。芝士奶蓋整得唔錯wor 幾濃厚 重奶味 芒果冰茶好清新。伯爵珍珠奶茶 $25 伯爵茶味好重 同好味既比例岩岩好 珍珠好咬口 大大粒的好香黑糖味。 ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎地址 將軍澳唐德街9號將軍澳中心L1樓135號舖電話號碼23688814營業時間11:30 - 22:00⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎#monstergirlshk泰式 #monstergirlshk

難得今日放早，朋友話想食泰國嘢，喺將軍澳食嘢就不嬲多人等位，見呢度啱啱新開人頭湧湧，我哋都嚟湊下熱鬧等左一陣就入得！聽日到你覺得呢度嘅裝修好企理，店員服務態度都幾好，個個都笑面迎人，我同朋友都超鍾意食牛肉嘅，所以就試咗一個鐵板牛柳粒，同埋牛骨湯河，個湯河入邊有牛腩，牛柏葉，牛肉，牛丸，啱晒我哋呢啲牛魔王！另外朋友仔就話想試吓芭堤雅蝦醬炒飯，咁另外就清清地叫個清炒雜菜，而呢間鋪頭隔離黐住里的茶，想飲台式飲品嘅話可以直接喺堂食叫，每台都有人飲緊，睇嚟都幾受歡迎！牛柳粒一嚟到就已經聞到好香，個汁都幾香濃，啱晒撈飯！牛肉一啲都唔鞋！湯河原來嚟到係好大碗嘅，我諗一個人都食唔晒，超級足料，個秘製湯底好香濃，好正！朋友話佢個蝦醬炒飯都好掂！唔會過鹹！好惹味！我哋叫咗兩杯北海道3.6紅豆牛奶，好好飲！

今晚入左將軍澳，晚試時間當然要食個晚餐，好多餐廳在港，門庭若市，但在這個天氣涼涼的日子，會想食泰國菜嗎？複雜、層次、奢華，是當代泰國菜的特色。呢間【Mee...lemongrass】把泰國菜融合埋馬來西亞既菜式，東南亞美味集錦。相對今晚是一場微型的味覺旅行，走遍香港角落🇭🇰同你食食食🍽️店頭特色菜單宣傳，吸住我眼光的龍蝦叻沙！！這間新開張的泰式馬菜館，佔地都好大，沒有侷促感，裝潢走簡約摩洛哥風，一望就覺富有當地地方色彩的料理，會令人想起曾經有過的旅程。餐廳內設有很多位置同鄰座距離較近, 不過座位算坐得幾舒服。平日晚7點多, 餐廳內已經座無虛席。留意到，現代泰國的料理，很多時蘊含了西方飲食的風格。因為曼谷，本身就是一個東西交滙的地方。所以新馬越緬泰印…等各式風味料理也在Menu入面！不過款式眾多, 很多款都想試, 眼闊肚窄, 只好order幾款同媽媽share齊齊食。店內的裝修亦很趣緻，亦有公雞裝飾，可能海南雞都是它們主打之一吧！🔹馬拉盞炒通菜-轉蒜蓉 $64媽媽怕馬拉盞很辣所以都轉了蒜蓉炒，想不到很有穫氣, 每條通菜都是短短的, 似乎是餐廳特意令食客食得方便。通菜清翠嫩綠, 當中有少少蝦

香葉蝦仁米紙卷，雖然話係小食，但係米紙卷入邊已經有檬粉，所以都幾飽肚㗎，配埋個酸辣汁，有食撈檬嘅感覺馬拉盞炒通菜，馬拉盞好香呀，再配埋乾蔥去炒，特別好味喎甜品就叫咗手作斑蘭椰絲卷，佢係用一塊班蘭味嘅班戟皮包住椰絲同埋椰漿，唔會太甜，係一個幾特別嘅甜品火炙芝士黑糖珍珠鮮奶，飲品仲有買一送一添，飲品係用外賣杯上，食完飯都可以拎走繼續飲，黑糖夠掛杯，面頭嘅芝士奶蓋鹹鹹地好好味，珍珠亦夠煙銀韌，驚喜之作呀

又係一星期一次的 「無飯」日即是家中不煮飯 出外消費一下今天去到將軍澳中心話說將中裝修左幾年 終於開返好多野食啦…..有一間店 晚晚都有人排隊 門口重有個大大張foamboard推介波士頓龍蝦喇沙（原隻）$84阿媽話必點,,睇黎佢想食波士頓龍蝦…當然 一上台 都好震動, 波士頓龍蝦佔碗一半,真 大隻,蝦肉質彈牙，龍蝦頭都好多膏，夠香，個個搶住食 一碗唔夠食呀!!!除左龍蝦喇沙,招牌無骨海南雞 都要點下既~肉質嫩滑，啖啖肉 D 花生炒得好脆香脆鱸魚配青芒果汁 又一打卡菜色 成條魚上枱 立體感好強炸得好脆口, 連魚骨都可以食, 魚肉又切好上碟 方便食用青芒果條 有降降熱氣既用途而甜品方面叩左椰汁芒果糯米飯..我好似第一次食 好怕飯又甜 椰汁又甜,,咩都甜既芒果糯米飯今次改觀左,,, 芒果超甜又大舊 糯米飯同椰汁又唔算甜 重點唔係假甜另外仲有碗椰漿仔 可自行調配口味 外形黎講好特別 似壽司另外而家飲品做緊買一送一優惠，大大杯都係10幾蚊，平過出面既飲品店叫左杯芒果芝芝冰，芝士奶蓋唔太濃 媽咪都岩飲 另一杯係 出面飲一定過30蚊既十 勝紅豆牛奶, 奶味好濃 走甜 ,飲完都好好瞓

本身好鍾意食東南亞野，通常食開都係出去九龍城或者港島個啲地方，但係估唔到係將軍澳都有一間咁既餐廳，仲要好多人排隊，咁我跟大隊試下。地道串燒（牛，雞）：間鋪頭既裝修好似普通連鎖餐廳咁，但係第一道餸送上黎，估唔到個樣可以咁地道。個串燒串得好香口，肉質都幾嫩，真係有驚喜。軟殻蟹米紙卷：呢個我自己好鍾意，啲菜同啲三色椒放得岩岩好，仲可以balance返軟殻蟹既油炸感，成件事食落好清新，同埋第一次食紙米卷係軟殻蟹既，我自己覺得比傳統既更好食haha。馬拉𦾟炒秋葵：其實呢間餐廳既菜式都幾新下，又係未見過既馬拉𦾟秋葵，個味道都幾濃下，係幾好食既。炒金邊粉：佢個隔離放左好多辣椒係度，我本身都好食得辣既（我自認為），所以諗都唔諗就撈曬落去，好辣。但個粉係好食既，不過真係要小心落。手作班蘭椰絲卷：呢個又係未試過，佢入面有啲椰絲係度，整體感覺都幾得意。

將軍澳行街，跟朋友找個地方食飯。行過見到這間mee...lemongrass.  喇沙，海南雞飯專門店給引入去。當然叫番個招牌無骨海南雞飯，有烚葉菜，一碗湯，雞肉嫩滑，油飯甘香味道不錯。Mee喇沙，足料湯味濃郁略带微辣，魚蛋豆卜，蝦蟹棒，蛋。椰奶香味濃。麵質爽口。蜜汁炭燒厚切豬扒，微焦帶甜，夠juice香口美味。夠份量素春卷，雖然是炸但一點也不油膩。特色飲品好出色。東方美人水果茶和鮮橙四季春茶好清新。

將軍澳又開多了一家分店，以前試過銅鑼灣店的，但水準來說反而將軍澳好像更美味點。無骨海南雞飯有海南雞、油飯、冬瓜湯，油菜（菜芯）雞肉真的沒有骨的，連碎骨都沒有，雞肉嫩滑不鞋口，超抵讚油飯味道不太重，要配着醬油才好吃點冬瓜湯清甜不俗油菜有點冷，不是熱吃的肉骨茶跟以前相比份量小了超多排骨的肉很腍，⻣肉一咬分離很多配菜，反而覺得浸了湯的豆卜比排骨更好吃富士蘋果茉莉綠茶    茉莉綠茶茶味清新，配上鮮艷的富士蘋果完全絕配    已列入近期至愛，幾乎經過都要買一杯    新張期間，買一杯減8元，亦可買一送一，超划算鮮果四季春茶    四季春茶味突出，但是鮮果的味道混合之後對我而言太過複雜，不過不失的味道

Lovely lovely lovely ( have to repeat it 3 times) restaurant!!!!! Love its decoration, its menu( honestly more than 90 percent of the items there suits my taste!)The waiter there is sooo friendly! Mango sticky rice is a must try item! It was serve hot with a fresh juicy piece of mango on top with coconut sauce! It was so Devine!They have really great drinks as well! We have tried green tea with cheese topping and Hokkaido milk tea with red beans! Both are really great blend! Will definitely reco

今日黎到將軍澳站附近搵食見呢間好多人等位 之前係megabox見過都冇試今次湊下熱鬧先都好大好多張台都咁爆場每台基本上都會叫一碗龍蝦叻沙比人吸引左又跟佢叫先兩個人share一碗 再叫左d小食都好飽了！勁大碗～個叻沙湯好濃味， 個麵係有d米粉撈埋粗麵咁面頭果隻龍蝦夠大隻好新鮮！原隻龍蝦 🦞兩邊都有好多肉肉骨茶濃濃既藥材味有好多排骨，排骨肉勁林，浸到好入味有冬菇，腐皮，豆卜！ 有好多杞子，成個湯甜甜地～ 好補呀 酸辣鳳爪 勁推介 無骨既鳳爪做前菜份量都唔細呀！食極都仲有咁 酸酸地唔太辣好開胃！岩食唔到辣既人食軟殼蟹米紙卷有6大舊勁大舊 最鐘意食米紙卷點酸汁除左軟殼蟹 仲包左蕃茄 青椒 紅椒 芒果🥭好飽肚！好Fresh既之選勁多沙律🥗 比較健康既菜式中和一下其他咁heavy既食物野飲係亮眼之處 堂食度叫就要加一 同正價但店員話而家去佢隔離新開既飲品鋪買 買完再拎返堂食度飲呢就勁抵有買一送一優惠 一杯野都係十令蚊！好平呀～

今日同朋友去開將軍澳行街，經過呢間泰國菜，決定晚餐黎試下。環境方面同一般餐廳唔同，面門好開揚夠光猛，而且每張桌之間又夠闊落。價錢方面，泰國菜黎講唔係貴，價錢合理!食物方面，點左餐廳數量限定既波士頓龍蝦喇沙，一上菜比佢大大隻龍蝦嚇到嘩左聲，係原隻既龍蝦! 龍蝦一黎好大隻，二黎熱辣辣又厚肉!2個人食好足夠!而且喇沙仲係好正宗有油麵同米粉!另外，仲點左肉骨茶，肉骨茶個味岩岩好，唔會太濃都唔會太淡!入面仲搵得到成條既豬骨添! 主食仲叫左海南雞，面頭好細心甘用雞肉切左羽毛形狀舖面，雞肉夠滑口，食落唔會鞋!而且呢度既馬拉盞炒通菜都好推介，炒得好夠味，唔會好淡，辣辣地，用黎送飯一流!總括黎講，呢度d野食真心唔錯，真心值得推介，有時間會再來試下其他菜式!推介泰國菜之選

同朋友去左將軍澳食東南亞菜，呢間餐廳都有幾間分店，之前都食過，覺得好好味，所以就推薦朋友一齊食。我地叫左MEE喇沙，呢個招牌喇沙入面有好多海鮮，包括大蝦、蜆肉、蟹棒、魷魚等，好豐富，而且湯底好濃味！食東南亞菜當然要叫埋海南雞飯啦，呢度既海南雞好嫩滑，配埋油飯好好味啊！仲有秘製肉骨茶，呢個肉骨茶真係唔錯，佢既肉煮到好腍，入口即化。最後，就到甜品時間啦，我地點左芒果糯米飯，佢呢個碟係拖鞋形狀，好得意啊！呢度仲有台式野飲，我就揀左芝士芒芒，完美既一餐啊！

屋企商場又有新店開張啦，梗係要即時去試試佢啦。新張期間龍蝦喇沙半價優惠，老公見到都流曬口水話一定要試試。一上枱已經畀個份量嚇親呀， 嘩！居然係珍寶龍蝦喇沙，好大碗呀！龍蝦肉都好彈牙，不過不失啦， 個湯底非常濃郁喇沙香味，好正宗好入味。 真係好值得得一試，又抵食。扎肉雞絲撈檬份量都一樣好大碗， 扎肉同雞肉味道都不錯。最驚喜嘅連飲品都係買一送一， 咁好嘅優惠梗係要飲啦， 又大杯，味道都唔錯， 有茶味。今次食得好滿足，尤其是老公食到舐舐脷呀！