Mee...lemongrass (將軍澳中心) (已結業)

小朋友返左學 就是家長食下午茶既好時機 今日發現左原來將軍澳中心開左間新野 即刻幾埋媽咪同媽姐食 食完再一齊去接放學🙌🏻下午茶都幾抵食 不過我地又比佢主菜餐牌吸引左 價錢又唔係太貴 所以最後係嗌左1個下午茶餐再散叫左幾款下午茶就嗌左T1-喇沙粉麵 圖片與現實相同 好難得 有大蝦🍤蜆肉 蟹柳❤️豆卜雞蛋🥚全新齊料重要好大碗 喇沙唔會好辣但就好香 軟榖蟹米紙卷 這個好健康 有齊3色椒 牛油果 🥑菜 當然唔小得軟榖蟹啦 一口放入口好正 而且紙包得好簿好簿 十分出色👍🏻泰式蠔仔蛋💛熱辣辣 超多蠔 同埋好大隻 再配埋個汁 絕對唔比打冷既蠔餅失色 好味！另外 下午菜可以加$28要埋香芒椰汁糯米飯🥭不過小小失色 我覺得個汁唔夠杰 唔能夠每一口都充滿椰漿 反而個手作班蘭椰絲卷幾好 好少地方見過 其實好似冇😂每一口都好多椰絲 我鐘意這個💚最後 點左2杯飲品 桂圓珍珠鮮奶 覺得太甜 要走甜先得重有杯好似叫芝芝蘋果 佢芝士唔算好好味 但這個價錢不過不失 蘋果汁反而幾好 唔假同埋不太甜搵日晚上黎食都得 真係又抵食又多選擇比$時候見到 好得意呀

今次小編黎到食泰國&馬來西亞菜，外面排晒隊，好彩好快有位😘心諗間野係咪真係咁堅呀我地叫左波士頓龍蝦喇沙$86，上面大大隻原，冰鮮龍蝦黎講，肉質尚算彈牙，用咁重味既喇沙都吾會蓋過龍蝦鮮味，入面有米粉同油麵mix埋一齊，啲豆卜好吸味好正肉骨茶$86濃厚藥材味😋，好好飲😋一啖接一啖飲吾停，同馬來西亞既肉骨茶幾乎一樣味💕鐘意肉骨茶既你一定要試😘軟殼蟹米紙卷$68入面有3色椒、牛油果、芒果、軟殼蟹包實，色彩繽紛，令成個人好開心，軟蟹炸得好香脆，好足料👍🏻米紙卷煙韌💕地道串燒（牛、雞）4pcs$66好好味，燒得一啲都吾乾身外脆內淋，好juice，沙嗲汁仲好香添呀😍招牌無骨海南雞（半隻）$128肉質嫩滑😋，又吾會話好肥好多脂肪，皮薄肉嫩，份量多，色澤光鮮❤，啖啖肉，啲骨去得好乾淨😋

呢間馬來西亞餐廳我已經食過好幾次，性價比都幾高，喺將軍澳見到有佢嘅分店，所以就入咗嚟食晚餐啦！想講我哋兩個人食咗$400到，飽到食唔晒，份量真係好夠，抵食呀！牛柳粒$88份量好多，食極都仲有，都整得唔錯，整得幾香，都可以叫做色香味俱全。肉骨茶$86啲肉好食，如果可以再濃味d 就好啦哈哈！可能呢排我食得重口味咗啲😝😝軟殼蟹紙米卷呢款菜式比我嘅感覺好fresh，食落都覺得好新鮮，軟殼蟹好食🥰🥰炭燒豬扒喇沙$72塊豬扒嘅蜜汁都幾香，肉質唔鞋，幾好食。而喇沙都整得唔錯！最後食多個甜品芒果糯米飯$48，真係勁滿足！呢個甜品係平靚正之選💕另外呢一間餐廳有一個野飲既bar 鋪，野飲另外自己俾錢買。我叫左芝士黑糖珍珠鮮奶，味道還好。野飲勁大杯👍👍而家仲做緊買1送1嘅優惠，所以都買得過！

Mee... lemongrass於將軍澳中心再開了新分店，與東港城分店相比，新分店地方更見闊絡，亦開設了飲品外賣店，開張其間有買一送一的優惠。飲品餐牌有很大的轉變，有鮮果茶、芝士奶蓋、珍珠奶茶等，外賣杯賣相討好。鮮果四季春茶 十勝紅豆伯爵奶茶四季春茶近年很流行，茶味帶花香，香氣怡人。鮮橙切片隨了有點綴作成，亦為四季春茶帶來淡淡的柑橘香氣。伯爵奶茶不如港式奶茶般濃香，而是帶有佛手柑的淡淡香氣，配上腍甜的十勝紅豆，可以中和馬拉菜式的濃烈口味。牛骨湯河牛骨湯河端到枱上先聞到牛骨湯清香氣味，原來牛骨清湯經長時間熬煮，再加入羅勒葉後聞到幽幽香味。湯河材料豐富，有牛肉、牛丸、牛腩及牛柏葉，河粉不粗不幼，吸滿牛骨清湯後味道鮮甜又滑溜可口。雞絲喇沙雞絲喇沙想不到有兩隻中蝦，雞絲亦非雞胸肉，而是雞脾肉拆絲，即時加分。豆卜吸滿喇沙湯，味濃帶辣，十分惹味。喇沙用上油麵及米粉，既有油麵的煙韌又有米粉的爽口，配上喇沙湯底很不錯。馬拉盞炒秋葵馬拉盞醬帶有發酵蝦仔味及辣椒蒜頭味，減去秋葵本身滑潺潺感，秋葵變得惹味，爽脆可口。馬來一品牛柳粒牛柳粒一口一粒，肉質嫩滑，肉汁豐富，濃香味美，令人食不停口。

將軍澳中心最近翻新完，發現多咗好多新餐廳，就去咗呢間望落幾吸引既泰式餐廳食晚飯~招牌無骨海南雞飯～海南雞最正就係唔使lur骨，可以食到啖啖肉，估唔到佢哋呢度嘅海南雞分量幾多，食到泰式香料味道，雞肉質感結實，但食落唔乾身，尚算juicy~成個套餐跟左湯同埋有碗油飯，蘿蔔湯足料，蘿蔔香味滲透出來~油飯幾驚喜，沒有滿口油膩感，少少油香配上少量泰式香料令整碗白飯味道昇華🤤馬來海鮮炒粉絲～粉絲炒得夠鑊氣，海鮮分量尚算多，有蝦有青口魚片魷魚等等，馬來醬汁滲透了粉絲入面，尚算入味，我個人鍾意重口味少少，叫侍應哥哥拎咗啲辣椒醬俾我~粉絲份量都幾多，適合兩至三個人share🤔順帶一提，有位好後生既男侍應好好人，佢話辣椒醬有款比較水啲，有款就比較稠啲，佢攞晒兩款黎俾我試，而且態度勁nice，夠醒目，好欣賞佢🤩泰式蠔仔蛋～上菜嗰陣因為鐵板嘅關係，仲聽到吱吱聲，嗰陣已經流晒口水🤤蠔仔大大粒，熱辣辣一啖咬落去蠔汁已經流晒出嚟，新鮮嘅味道配合炒雞蛋一流🤤仲有份泰式醬汁，淡淡的酸味令整個味道層次更有驚喜🤩手作班蘭椰絲卷～第一次見呢個配搭，椰絲唔會整到好乾身，食落濕濕潤潤配埋斑斕味道嘅班cake皮食落感覺幾有趣，不過

海南雞飯-絕對要食的一款菜式。油飯香味撲鼻。雞味濃郁。入口雞肉嫩滑。除了喇沙。海南雞飯真是不二之選肉骨茶-本人要求會比較高。因為我經常食。這次睇菜單時已經決定一定要點.湯味濃入口感覺滿足。藥材味滿出。再加以特製木碗盛裝。更顯特式。肉骨亦肉骨分離。易入口

之前去將軍澳中心行街，已經見到呢間東南亞餐廳，覺得裝修幾靚，開放式設計幾有特色。見到成日有好多人幫襯，已經有興趣，今晚就同囡囡嚟食晚飯。呢度雖然係東南亞菜，但係好特別，有台式飲品叫，叫咗個芝士黑糖珍珠鮮奶，珍珠好彈牙。我每次到東南亞菜一定會點招牌無骨海南雞飯，再配個清炒雜菜同埋香脆鱸魚。海南雞飯跟例湯，油菜，油飯好香，海南雞都算滑，唔錯。喜歡清炒雜菜，炒得很香，有多款蔬菜，秋葵、芥蘭、椰菜、菇及紅蘿蔔等，很健康。香脆鱸魚炸得脆卜卜，配酸酸甜甜的醬汁，很惹味。最後來個泰式甜品香芒椰汁糯米飯同椰汁千層糕，芒果香甜 ，糯米飯軟糯，吃完甜品捧著肚子離開。

今晚去將軍澳搵朋友，之後朋友帶我去食一間新開泰國菜。Mee喇沙好足料包括豆卜，蟹柳，大蝦，蜆，魚蛋，雞蛋。蝦爽口陣牙，蜆肉又冇沙，喇沙湯底好濃郁又香，麵仲要系米粉混合油麵幾特別。軟殼蟹米紙卷，軟殼蟹好肥美，薄薄的紙米卷包住三色椒，生菜和芒果肉，沾上秘製甜甜酸酸醬幾美味。小食拼盆泰式鳳爪夠入味又爽口，炸蝦餅又彈牙又香口，雞翼又皮脆肉嫩，串燒又燒到好香，沾上沙嗲醬更加好味道，春卷又好足料又脆口。香芒椰汁糯米飯，碟是一隻拖鞋幾得意，糯米好煙韌又甜甜地又有椰香，芒果又超級甜。飲品要自己去隔離買仲做緊買一送一好抵。

放工去將軍澳站交收貨品後，決定去將軍澳中心睇下有咩食。行到餐廳前面被佢嘅宣傳牌吸引住，決定入去試下伏唔伏。坐低就叫了杯紅豆牛奶，一飲非常香奶味，原來係用3.6牛乳，正。主角上場，原隻波士頓龍蝦喇沙，龍蝦肉非常結實，咁嘅價錢，剩係食龍蝦已值回票價。食完喇沙，另外再叫了馬拉盞通菜肉骨茶，啲肉非常嫩滑，入口即溶。軟殼蟹米子卷，卷內除了蟹外，還有青，黃椒和芒果，口感十分清新。最後清哂所有食物，非常滿足。

呢個商場自從裝修之後好多餐廳都變得好貴 而呢間餐廳我之前都試過其他分店 味道同價錢 性價比都好高而今次睇中咗佢個龍蝦喇沙麵而嚟 同朋友仲叫咗其他食物包括炸蔗蝦, 炭燒厚切豬扒撈檬,米紙卷再加2杯飲品(茉莉仙草鮮奶同黑糖珍珠鮮奶)食物分量非常充足 不過始終味道同埋質素先至係最值得讚賞 個喇沙湯底味道非常濃香 麵條吸晒味道 好正 仲要配埋龍蝦真係抵到不得之了 夠大隻又好味 非常之滿足豬扒撈檬d豬扒都非常厚身亦都唔會好"鞋" 炭燒就更加香米紙卷係我嘅最愛 我通常都一定會叫 蔗蝦炸到脆卜卜夠香口 另外飲品都好大杯 唔會差過出面手調飲品呢間已經成為我呢個商場內的至愛

又到約朋友吃飯的晚飯時間，忽然想吃東南亞菜，就嘗了一下朋友家附近新開張的餐廳。點小吃是基本吧，先來點了個鳳爪沙律，酸酸辣辣，鳳爪切好一塊塊吃起來很方便，非常開胃 朋友正在鍛鍊緊肌肉，要多吃蛋白質，所以就點了半隻海南雞啦 海南雞份量意外地多，而且火喉剛剛好，沒有煮過頭所以口感很滑，配上醬汁很棒！我跟我朋友兩個人超快就把雞吃光 主菜我們叫了個很難出錯的pad thai，有兩隻蝦都算係咁，水準的確不錯。可惜有一點辣，我吃不到太多，只好打包回家給家人再吃 意外驚喜！ 這間店竟然有台式珍珠奶茶喝，款式也挺多的。叫了杯芝士黑糖珍珠奶，有種濃厚的感覺，跟外面買的水準(和價錢)差不多，如果感興趣可以試試 甜品當然是我最愛的芒果糯米飯，芒果有一點點酸，可能因為不在對的季節吧。但餐廳把糯米飯熱好再澆上甜椰奶，也彌補了一些，總體還是okay的 最後每人200元左右，其實主要是因為做完運動大胃口啦，不然應該不會這麽貴吧？ overall食物很不錯又飽肚 吃得很滿足！

成日都見到呢間野,但一直冇去食。今日終於去左,價錢都唔算太貴。同朋友叫左4支牛串,有SATAY SAUCE仲有新鮮既PINEAPPLE,唔錯唔錯!中意食牛既我地仲叫左牛柳粒,係HOT PLATE上,好熱,肉係入口慢慢MELT,唔會CHEWY。同時叫左個春卷,裡面好多STUFFING,份量都多,食泰菜當然唔少得泰式鳳爪,呢碟真心份量多,酸酸SPICY好開胃。飲品叫左杯里的茶既水果美人茶,冇四季茶咁濃,都幾好飲。呢度COUNTER有玩具CORNER,小朋友可以一人拎一份,但我唔係小朋友,冇得拎小玩具。呢度上菜好快,岩晒趕時間既人。同埋都唔洗等位。感覺上呢間泰菜平過一般既商場泰菜店,可以一試呀,飲品亦多選擇。

東南亞的美食百食不厭，酸酸辣辣開胃菜式為這個悶熱的天氣爭添了幾份活力。胃口多多少少都會變得好起來。估唔星期日都有午市套餐，實在糸好抵食。午市套餐都有Mee喇沙食，跟埋甜品，前菜，野飲由+2蚊起，CP值相當高。大蝦，蜆肉，蟹柳，魚蛋，豆卜，雞蛋，豐富得呢，最欣賞既系濃郁的椰香味喇沙湯底，勁惹味！海鮮質素算不錯，蝦肉鮮甜爽口，蟹柳實在飽滿。麵底由米粉與油麵相拚組成，馬拉語稱為「參參」，即系雜錦的意思。再配上芽菜，有多種層次，口感很特別。印尼炒飯，也是午市套餐，濃厚豉油惹味，飯底乾爽，炒得很香，伴有蝦片同沙爹串，印尼風味強烈，不過炒飯有少少燶左，如果火候把握好d會更好。香脆蝦餅，金黃酥脆，蝦膏彈牙。香脆鱸魚配青芒果汁，鱸魚一整條，起哂骨，但依然保留魚型美態，賣相靚仔。青茫果爽脆開胃，少少偏辣，魚肉就實實在在，超級正。套餐加32蚊有茫果糯米飯，大大碟賣相好得意，似一碟壽司，茫果雖然不算太甜，但幾新鮮，糯米飯現蒸，口感糯軟，沾上花生碎椰奶，好邪惡！

終於有機會試將軍澳新開嘅馬來西亞菜，星期日嘅2:30 pm，都好多人等位，2人枱等咗半個鐘，但都值得嘅。叫咗Mee...喇沙同埋素菜喇沙，好快就有得食，味道唔錯，份量都幾大。餐飲就一般，唔太好飲。唔知係咪想客人去旁邊嘅“里的茶”買呢😆😆里的茶外賣飲品有買一送一，單杯減$8，好抵！叫咗一杯十勝紅豆炭焙烏龍奶茶同埋一杯玄米蕎麥奶茶。兩杯都好好味😋十勝紅豆好甜，玄米蕎麥茶就好香，仲要好大杯，難怪咁多人買。

將軍澳中心呢排開咗好多新嘅餐廳，其中一間係食星加坡馬來西亞野嘅，裝修企理，而我同朋友都好鍾意食星馬泰菜，冇理由唔試吓架！首先叫得海南雞專門店，一定要試下個海南雞飯啦，叫咗半隻海南雞，加一個油飯，呢度嘅海南雞係冇骨嘅，而且滑到飛起😍😍😍😍啖啖肉，啱晒懶人！加埋油飯，超級正！另外就試咗個軟殼蟹米紙卷，有超多生菜同三色椒，夠晒健康！配甜酸醬食夠晒開胃！朋友叫咗個炒金邊粉，好惹味😋😋😋😋😋都仲可以叫里的茶嘅台式飲品！紅豆牛奶好好飲！而且仲係用3.6牛奶！唔緊要左個芒果糯米飯，好似一舊舊壽司㗎，大家share嚟食就話咁易👍🏻大滿足！