Mee...lemongrass (已結業)

前排天氣一直下大雨，令人心情都很鬱悶，好想吃點清新刺激的食物，中和一下這種心情。想著我同老公婚後都沒有到過將軍澳食飯，不如來點新意，到呢個地方搵食啦！呢個餐廳嘅外觀很有東南亞風情，帶點泰馬風原來真的不出我所料我地等左陣位，就可以入座，入座限時1.5小時，總算在外等候都有點預算。他們的餐牌都十分吸引，大大張圖片，引到我們口水在流飲品方面除了一般的梳打或是龍眼冰等，更不乏特色飲品好似呢杯變色特飲，只要倒下旁邊的檸檬酸，飲品就會由藍變紫，女生一定很喜歡我地今次點左個小食拼盤，食物款式蠻多的包括有雞翼、春卷、串燒（牛和雞）、蝦餅，還有放在中間的無骨鳳爪春卷的餡料都很豐富喔另外我們點了一個蒜蓉炒芥蘭我地真係好鐘意食菜哈哈任何菜都覺得好好食此外仲點左一個蟹肉炒飯蛋炒飯炒至乾身，然後上面放上一大堆蟹肉拌勻再食，既可吃到飯香，又能嚐到蟹鮮呢一餐嘅價錢覺得可接受上菜快，員工很有禮，而且自動自覺加水！加分

經朋友介紹,叫我快啲嚟試下呢間Mee...lemongrass,佢話好正好好食一定好啱我口味,就趁住今日打完風落咗波,放工費事交通擠逼唔想出去太遠嘅地區,於是乎就嚟咗就近嘅東港城入面呢間分店,食完仲可以順便去一田超巿入貨歸家去添。 嚟到之後大吃一驚,超多人等位呀!!!可能真係個個打完風都唔想煮晚飯,又或者係冇餸可以煮(?!)好彩就係我哋得兩個人,等枱嘅速度應該會比人多快啲啲,大約等咗十至十五分鐘左右就可以入座喇。 我同阿肥睇完個餐牌之後,大家都雙眼發光因為好多嘢都係我哋兩個好鍾意食嘅嘢嚟,兩個人得兩把咀,都叫咗以下咁多款嘢食： 1. (306)秘製特色牛骨湯河$62蚊：呢個湯河令到阿肥十分之喜出望外,因為湯底好清,冇乜油,但仍然有好濃嘅牛骨味,入口十分清香,阿肥話食得出呢個湯係熬製咗好耐,好正!而入面嘅餸超多,有牛肉+牛丸+牛腩+牛柏葉,好牛之人必定大推牛肉片切得厚度夠薄,所以唔會好韌,亦冇肥筋。牛丸又夠彈牙,其他餸料全部醃得入味,呢碗湯河可算係超級高水準之作 2. (605)馬來蜜汁炭燒厚切豬扒配菜飯$68蚊：見到佢餐牌裡面嘅小食,如果淨係叫一塊淨豬扒都要七十幾蚊塊,心想一定係好東西

見坑口開左間新野食，就決定同朋友試下。我地係午餐時間去，所以就叫左兩個套餐，同埋叫左碟馬拉盞炒通菜。先講下個馬拉盞少少通菜，佢個味都幾濃，馬拉盞好出，同通菜真係好夾，唔錯!喇沙就嗌左海南雞喇沙同魚蛋喇沙。海南雞喇沙個海南雞都幾滑，個喇沙好掂，佢好濃得黎好足料，非常推介一定要黎食喇沙。佢d虾新鮮又大隻，又夠足料。另外，嗌set有個甜品同沙律，相當豐富！個人好中意呢個豆奶紫米冰，甜而不膩，好飲，仲有紫米咬下，做型幾得意，好正！

近期係東港城新開呢間，lunch同夜晚都好多人排隊，好彩可以用app拎飛，呢樣幾好。今晚屋企冇煮飯，一於試下新野。波士頓龍蝦喇沙$84-新開期間既優惠，原價要$168，見差唔多每枱都有叫，我地都叫嚟試下。湯底幾濃郁，上枱前見匙羹有啲醬諗都冇諗就撈哂落去，後尾先知係辣醬所以都幾辣。龍蝦肉質都結實，唔會好霉，仲有豆卜、魚片做配料，呢個價錢都唔錯。軟殼蟹紙米卷6件$66-紙米卷入面仲有芒果同黃椒紅椒，軟殼蟹份量都啱啱好，唔會少到食唔出，味道中規中矩都ok。香茅牛肉撈檬粉$64-香茅味夠出，略嫌牛肉有啲老。檬粉份量夠多又唔會碎，幾好食。秘製肉骨茶$76-好大碗，豆卜好索味，排骨有幾夠舊未至於老到咬唔開，湯都好飲。泰色奶茶(凍)$24-都幾大杯，味道偏甜，我覺得都可以。整體嚟講都唔錯，仲有其他菜式想試，唯有留返下一次

星期6既下午,都要等左好耐位...叫左個海鮮喇沙午餐,加多6蚊轉飲咸檸七都快上菜有2,3隻仔既無骨鳳瓜,夠凍,都夠酸係唔夠辣海鮮喇沙都足料, 豆卜,蝦,半邊蛋,"油'魚,蜆各2隻.蝦唔會好霉,好好架喇麵同米粉各一半份量,麵似係油麵既麵質,我麻麻地,米粉都索晒喇沙既湯湯底都夠濃,硬係覺得都幾重味精甜品似係椰汁糕,唔會好實,不過個人麻麻地咸檸已經整爛晒,唔使自己篤. 下次會再來

繼續不斷地係將軍澳發掘好嘢食，呢間新開嘅馬來菜就真係啱哂我口味首先上嘅係海南雞飯，估唔到係成set嘢咁上，有去骨嘅雞，菜心，冬瓜湯，醬汁同埋油飯雞肉全部都係去骨嘅，食起上嚟好方便，擺盤有花生，車厘茄，芫茜，醃蘿蔔絲作點綴，色彩繽紛，望落都好開胃夾起全係雞髀肉，食落雞味濃，肉質鮮嫩，配埋個充滿雞油香嘅油飯，真係十分正宗嘅馬來西亞海南雞飯味道菜心大大碌好清甜，同海南雞一樣係凍食嘅因為本身冇expect佢個海南雞飯會有菜，所以另外叫咗個蒜蓉炒通菜好多乾蔥，蒜粒調味，炒得夠香好惹味不過即使係蒜蓉炒，都落咗少少辣椒，食落帶微辣我哋仲叫咗個馬來蜜汁炭燒厚切豬扒撈檬超級大嘅一碗撈檬，配料多到滿瀉，而且豬扒真係好大塊又厚切，食落啖啖肉蜜汁炭燒過嘅豬扒仍然好juicy，肉質好腍，仲帶有點香茅味添最後仲有個地道串燒拼盤(牛)，有烘過嘅多士，新鮮嘅青瓜粒，蕃茄仔同菠蘿，仲有兩款醬汁可以點一款係橙黃色嘅經典沙嗲醬，另一款係有紅洋蔥，辣椒，青瓜同白醋嘅汁一種夠惹味，一種又清新，兩樣都試勻哂就最正沙嗲牛肉串燒好香，外表燒得乾，入面肉質都好腍唔會韌因為呢度仲係好新，成日都有好多人排隊等位，不過又真係幾好食，服務都幾

今晚同細佬到東港城晚飯，順便為之後打風的日子做糧倉的準備。東港城其實都有不少餐廳，但要等位的我想只有一兩間吧，其中一間便是這間Mee...Lemongrass。今晚點了軟殼蟹米紙卷秘製特色牛骨湯河馬來蜜汁炭燒厚切豬扒撈檬手作班蘭椰絲卷龍眼冰軟殼蟹米紙卷 $66前菜是最後上菜的。賣相很漂亮，餡料有青紅黃椒、生菜、芒果和軟殼蟹，雖然軟殼蟹經油炸過，但配合蔬菜和米紙卷著吃，感覺好fresh。秘製特色牛骨湯河 $62份量比正常的多，有牛筋、牛腩、牛丸、牛柏葉、牛肉、白蘿蔔，我想普通女仔只吃餸也飽了很多，河粉不會太碎或過淋，湯底也不錯，沒有太多味精。馬來蜜汁炭燒厚切豬扒撈檬 $66份量好大！！！兩個女孩子分享吃就好。配料有花生、酸蘿蔔絲、炸蒜頭片等，主角豬扒稍為熟了些，但味道不錯的，而且很大塊。檬粉軟硬適中，配撈汁吃非常開胃。手作班蘭椰絲卷 $36這個竟然是第二個上菜的，是個凍甜品。餅皮略為硬了些，餡不錯，不太甜，整體來說椰香和班蘭香剛剛好，不會偏重某一方。龍眼冰 $26比想像中好喝很多！原本以為會非常甜，但實際甜度適中，而且龍眼肉也有不少。

如果譚仔無人排隊，舖入面有吉位，而正對面果間就排哂長龍，全院滿座的話，咁我諗呢間野應該唔會伏得去邊，而相信都應該會幾好食下。環境都Keep得幾乾淨企理，侍應帶我地去位嘅時候，已經見到D餐具Menu 準備好哂，係全場爆滿GE情況下，無俾客睇到張檯未清，我覺得呢樣野係好值得欣賞。媽媽今日擺檔生意好，話要食餐好，咁岩我又肚仔餓，於是開始肆無忌憚咁叫野。地道串燒- 2牛同2雞($62)，平時食開D泰國野，串燒係唔會有擺盤，呢間竟然有，又有菠蘿、蒜容包、車厘茄！真係好有誠意！串燒可能預先燒好左，所以有少少凍，不過無礙佢GE美味，肉質係淋GE，唔會烤到又老又柴，唔錯，呢個Set跟2個醬，1個係紅咖哩，一個好似醋GE味，2個都幾好食，個人偏愛紅咖哩多D！叫左個馬來海鮮炒粉絲($68)，事關媽媽話粉絲難炒，自己十年都唔會想試煮一次，因為整日都痴底，又會Gel住一舊，調味會有D地方有D地方無，家下有得唔洗煩到自己，梗係要試Wor！粉絲炒得好入味，而且都幾充料下，又有魷魚、蠔、大蝦、洋蔥、芹菜、蛋、芽菜等等，廚師人品真係好，夠大方！因為叫左個有海鮮GE餸，於是就叫左個素菜喇沙($62)平衡返，廢事食咁多肉

馬來一品牛柳粒牛肉其實煮得生熟程度剛剛好，肉質帶稔無渣個汁係黑椒燒汁呧，夠曬味道，岩曬送飯而且廚師加入彩椒粒、洋蔥同炸蒜，更加惹味最緊要大大碟，熱辣辣，多到滿瀉咁濟，超抵食秘製肉骨茶佢既肉骨茶係馬來西亞底，所以係藥材底，非胡椒底不過藥材味微微，唔洗怕過補，骨頭正正係軟骨位置，超正，有成四、五條咁多！仲有豆卜吸曬精華！軟殼蟹撈檬粉成隻軟殼蟹炸左，直接食就得，超方便而且個撈檬有曬生菜絲、椰菜絲、花生，令口感多樣化個醋又勁醒胃，好好味！珍珠奶茶冰椰汁紫米冰時下飲品店咁多，點少得呢Ｄ冰不過貫徹東南亞式，沿用亞式飲品,加冰,好似食甜品一樣!有紫米既糯、珍珠既QQ!個奶茶茶底係泰式,特別香濃深色!餐廳仲有好多菜式選擇,有炒粉麵飯、咖哩、小食、沙律,應有盡有價錢算大眾化,可做飯堂!

馬來菜款式特別豐富，有鹹有甜，有濃有淡，所以次次食親都覺得好有新鮮感😍😍。最近樓下開左間新既馬來菜餐廳，見到仲要有平食成隻龍蝦既優惠😎😎😋，咁就梗係仆過去食啦。可惜，去到個陣啲龍蝦就已經俾人點晒🤢🤢所以，就叫下其他野試試啦😂😂我地點左個南海雞🐔喇沙米線🤤🤤上菜個下都呆左一下，米線份量好大份，俾2個女仔食都完全夠，好彩我地個陣都餓到傻😖，一人一個都搞得掂。米線夠彈牙，而且沾上喇沙，味道好過癮，食唔停口。喇沙湯底微辣，不過奶味略重，所以整體都很香滑。雞肉鮮甜，選用既部位亦都啖啖肉🍖。不過，肉質未算特別滑，但都合枱炒金邊粉超超超級好食🤤🤤🤤🤤🤤夠惹味，而且唔會炒得太油，醬汁同配料落得好足料，食左一啖之後，瞬間就清左盤芒果糯米飯，味道鹹鹹的，可能個人一向都唔算特別鐘情呢種鹹食，所以就覺得一般般不過，我個女朋友就狂食飲品簡左magic soda（post IG story 之選，變色個下好靚😂😂😂）同 荔枝冰，味道沒有太多特別，只可以話夠清甜，配濃味既菜食特別適合。

次次經過都大排長龍，香港人有一個不二法則就係：多人排既就唔會伏。今次間餐廳除左唔伏，仲幾好味！餐牌選擇都幾多，同埋我幾喜歡呢種餐牌，有D有圖，但唔係全部，仲係白底＋好colorful叫左個雞絲撈檬！撈檬係我通常夏天都會揀既食物。一黎無咁熱，二黎有醋，酸酸甜甜特别開胃！佢個撈檬都好足料！最喜歡D一絲絲既食物好交融既個種感覺。炸蒜令個菜都生色不少。仲有花生！好脆！無失望！另外叫左個炒貴刁。炒貴刁最緊要係D粉每條都佔上調味，顏色，而且每條分明！佢個貴刁做得好出色！油唔會過分地多，而以上所講既條件佢都做到啦！而且有大大隻蝦，同埋加左少少辣，好惹味。如果再多少少辣就更好啦！呢個飲品係全晚最吸睛既！本身無諗住叫，但真係差不多枱枱都有，所以忍唔住想試！我想講佢真係好大杯！2個人飲就差不多！1個人飲你基本上就唔使食啦！D愛文芒好甜！個味道剛剛好，唔會過份。沙冰打得好融！我好喜歡呢個口感！蝦餅好好味！唔係得粉！真心食到蝦肉。而且炸得好脆！用黎做餐前少食or傾計小食都好。但個份量個人覺得可以再多2件。最後就係呢個甜品。因爲芒果糯米飯，椰汁西米糕個D好多地方都有得食，所以叫左呢個班蘭椰絲卷。咬左一啖發現係凍

今晚在將軍澳行商場買嘢見到呢間餐廳係之前在銅鑼灣食過覺得好食，一於再入去試過睇餐牌同樣噤多美食，但今次飽飽地唔太肚餓，所以只係叫左個無骨海南雞喇沙和一杯Purple Rona試吓無骨海南雞喇沙，油麵入囗軟身，米粉唔鞋，喇沙湯底甜甜地少少辣，豆po爽口，索左湯底更美味，海南雞冇骨冇肥膏肉唔梅Purple Rona，係由藍蝶花、青檸、冧酒和冰mix埋一齊而成，所以有藍色效果，而且飲落好fresh，甜甜酸酸，好透心涼

放工去開坑口取貨，就打算係坑口解決埋。見咁耐無食泰國菜，又咁多人排，實無伏。於是就揀咗呢間❤森仔同女友個日都好餓，於是嗌咗兩個主食、一個小食同兩杯嘢飲。首先講下主食，我哋嗌咗招牌無骨海南雞飯同做緊大特價嘅波士頓龍蝦喇沙🤤首先講下個海南雞飯先，一般泰國菜都畀人一種好油嘅感覺，我女友就最憎食油膩嘢，海南雞飯啱晒佢，一個set配左三隻漿，食到係好新鮮嘅雞味，肉質好結實，又冇味精，原味原味，好健康嘅一個set，啱晒同長輩同鍾意食清淡嘢嘅朋友仔食。飯質煮到啱啱好又唔油，但又有海南雞飯個飯有嘅味。伴碟有清菜，堅係健康。跟住再講下第二個主食，當呢個波士頓龍蝦喇沙上枱嘅時候，真係嘩咗一聲，絕對唔係圖騙。個碗本身已經好大，隻龍蝦更大，仲要好多肉，肉質鮮美彈牙。ps鉗都好多肉，本身上碟時已經幫你卜開咗，仲開唔到可以以搵staff攞鉗😉😉個粉係鴛鴦粉，粗麵加米粉，椰香同辣味配搭得啱啱好🤗少少辣，好易入口！香芒軟殻蟹米紙卷尼個紙卷嘅饀係生菜、黃椒、紅椒、芒果同炸軟殻蟹，菜較多，食起嚟好fresh，點埋酸汁好開胃😋珍多椰汁冰食泰國菜點少得椰汁冰！有香濃椰汁味，有好多一條條嘅綠色啫喱條。好好飲！Cool爆鮮芒果沙

今日9月2日往東港城，見好多人，姑且一試肉骨茶套餐。肉骨和湯明顯分開煮，肉骨白雪雪，淡而無味；湯無肉味，明顯是上枱前才放埋一碗內，而且是微暖，十分馬虎。勝在環境和衛生不太差，但仍有改善空間。

工作上的好拍檔決意離職，真係好唔捨得....就在她last day安排一頓告別飯局。說明為她而設的告別飯局，那便由她決定一切。她揀了在家附近新開的餐廳，是吃泰菜和馬拉菜。餐廳設計富泰國風情，好似芭提雅沙灘上的小木屋。地方不算很大，但座位不少，有多張二至四人，泊牆有一排長櫈配二人枱。餐廳內的裝潢和擺設也挺有心思，綠葉般的牆身、擺放多款泰國啤酒、大黑板上的手繪菜式圖、枱上的餐具等，都幾特色。看看餐牌，附有部分菜式相片，設計挺精美，分別有廚師推介、小食及沙律、喇沙、撈檬凍食、健康菜類、炒粉麵飯、咖哩、甜品和多款飲品。******************************友人第一時間話要吃喇沙，有六款選擇，選了Mee...喇沙 Mee... Laksa （$78），有齊大蝦、蜆肉、蟹柳、魚蛋、豆卜、雞蛋 和魷魚，足足七種食材，好豐富。上枱時熱辣辣，陣陣椰香，加上放滿食材，滿滿一大碗，很吸引。第一時間呷一口熱湯，稀稠度適中，面層並沒有大量油光，感覺不太油膩。啖啖滿有椰香味，入口順喉，但如加多點香辣就更合我倆口味。麵底是摻摻麵，即是米粉和油麵，兩者都煮得剛好，保持咬口，亦很入味。麵料有爽彈鮮