Meraviglia Bar e Ristorante (已結業)

"態度"真係要改善第一次, 同坐輪椅朋友去響門口,我哋都係研究下邊個位置最方便我哋朋友 Waiter態度已經非常不禮貌 可能覺得我哋問長問短塞住人哋個門口講掛, 都已經特登搵咗唔係peak hrs, 都算啦! 送餐嘅時候擺落枱其實態度可以好D嘅, 半掉落嚟 好唔願意送過嚟gum 輪椅朋友勁唔好意思 覺得係因為佢先所以有咁不平等待遇第二次,係有大有細+輪椅,因為location方便 唔使上上落落 所以決定去多次 點知都係犯賤經歷. 今次我哋打電話book咗枱先講明輪椅.真係問多一句 "小姐!我都話咗得㗎喇 你哋呢就得啦!" 你咁嘅態度我以後都唔嚟la.....

與朋友聚會是個不錯的選擇！平日下午到，不用等位，朋友介紹了燒乳豬，有湯或沙拉。乳豬皮好脆而d肉有肉汁，沒有over done，沒有燒焦及靭的感覺，恰到好處，正！餐後來杯Americano，完美的一餐。有泊車優惠添。

約埋朋友帶埋BB一齊去食個下午茶，餐廳環境寬敞舒適，一入門口BB已經比啲玩樂設施吸引，由於係廚房仔同搖搖馬呢啲設施，我哋大人好放心俾佢自由探索，一邊睇住佢玩一邊叫嘢食👍🏻嗌咗一個fish&chips 同埋一份燒雞沙律，薯條唔算好脆但係有口感，係我鍾意嘅厚薯條，燒雞沙律醬汁開胃，雞肉燒得有焦香味餐枱隔離有個書架，入邊有好多書都適合BB睇，我揀咗一本嚟氹BB坐定定食飯，效果好好🤭 總體來講會再encore

就黎暑假啦最近d朋友都問緊 有咩好地方去玩….天氣又熱🔥我最近帶左佢地佢親子餐廳佢地好鍾意你地有時間都去下親子餐廳佢哋好鍾意呢一度原因好簡單因為大人可以涼住冷氣 食住野 咁睇住d細佬佢哋要玩，當然係冇得涼冷氣啦🤣🤣🤣咁先可以放咗佢哋電⋯⋯呢度全部係落地玻璃小朋友可以係出面玩 老媽子可以係入面食野影相同埋呢度有個水池可以玩水如果鍾意玩水嘅小朋友記得帶多套衫嚟食飯未有小朋友嘅我當然係着重食物啦🍝Carbonara🍝係老媽子叫俾d細佬食嘅🍝🍝我見到d細佬都食得好開心好好味唔知係咪因為玩得太攰 成嘅特別快 特別好味🍗Roasted Free Range Half Chicken🍗半隻烤雞就係我叫嘅熱辣辣 喺屋企夜晚就唔想食🦴🦴見到佢哋咁開心 肯定要叫d chill D嘅食物 打吓卡都要啦😂🍕Pizza Hawaiian🍕而我個朋友叫咗pizza🧀🥨🥖🥓🍗pizza 味道都唔差 薄批得來 仲可以拉絲🧀🧀🧀🧀🥗Caesar Salad🥗黎到呢啲西餐廳點可以冇沙律啊？🥙🥗🥦🥬🥒🫑🫒🥕🌽今次老闆推介呢一個 聲稱係有機菜嚟嘅如果鍾意素食嘅朋友 鍾意食有機食物嘅朋友嚟到呢度都啱你地址：沙田白石角香港科學園

科學園多左好多餐廳、位於湖畔的Meraviglia 係一間意大利親子餐廳、餐廳空間感十足、有好多小朋友玩樂設施都好啱比較細嘅BB玩、中午時份坐近窗邊仲可以睇到太陽照射下嘅音樂噴泉閃閃發光真係好寫意。Lunch set 送上的麵包籃有好幾款麵包、粒粒蕃薯包暖暖地好軟熟、小朋友都啱食。另外我地叫左烤紐西蘭三文魚扒配烤焗千層茄子同芒果沙律好豐富、三文魚扒有兩大塊、配菜蘸上黑醋汁都好好味。煙三文魚pizza 等候時間較長、即叫即焗、餅底熱辣辣好香脆。地方寬落舒適、又有湖畔靚景、好適合放假帶小朋友、毛孩來chill下或者一大班朋友開birthday party！另外、餐廳用自家種殖香草烹調食材、新鮮又食得放心。

👧🏻😋👅🍽✨有機寫意親子寵物友善餐廳🥰-Meraviglia Bar e Ristorante🇭🇰 沙田白石角香港科學園第二期科技大道西10號浚湖樓地下S040號舖 🇭🇰-🌱餐廳主打有機天然嘅蔬菜同無激素肉類🌱浚湖樓個大型音樂噴泉, 搭正13:30就起音樂, 睇住表演食野好正😋🌱親子餐廳有大量放電設施, 要文靜仲有好多玩具同書, 最正係室外有個充氣水池滑梯, 要玩記住帶衫換😆-🥜 🥗 🥑 🥭 有機堅果及乾果意式田園沙律伴牛油果 Mixed Green Salad $258💯超多款唔同沙律菜, 新鮮牛油果, 車厘茄同芒果, 提子乾, 腰果杏仁, 勁豐富😍💯黑醋沙律汁酸酸地令個沙律顯得更fresh -🧈 🦪 🍝白酒煮蜆意大利扁麵 Linguine Vongole (Regular) $308✨全殼蜆勁新鮮超大隻, 肉質彈牙嫩滑✨個意粉汁都好重海水同蜆味, 仲好香牛油同蒜味, 濃郁鹹香但唔涸喉😍-🐓 🍆 🥕 🌽 🥦 🍅 意式燒走地雞半隻配有機時令蔬菜及串茄Roasted Free Range Half Chicken $328💯走地雞雞肉真係特別結實, 雞皮金黃色勁脆口, 就算雞胸都好滑好好

今日叫左兩樣食物，都幾貴，成$620，一份鮮牛肝菌意大利飯配松露醬，味道方面糸可以，regular份量都足夠，另一份系水牛芝士配意大利蕃茄及羅勒，可以，牛油果唔太新鮮，送左一份餐包，環境系舒服

上星期日同咗屋企人入大西北踩單車，踩到去科學園諗住食啲嘢休息下，我哋揀咗呢間門面好artistic嘅餐廳，原來佢係主打親子餐廳，入面有勁多比小朋友遊玩嘅設施，咁大人們就可以安心傾下計食下飯😬🔸 餐包有3款唔同種類嘅麵包，加上佢啲牛油融融哋咁，幾唔錯👍🏻 仲有可以分別落黑醋或者欖欖油，任君選擇。🔸 有機堅果及乾果意式田園沙律伴牛油果呢個沙律係店員極力推薦，所以我哋都嗌咗個細portion試吓。估唔到有勁多配料，除咗有機nuts同牛油果之外，仲有少見嘅芒果肉😋 令到成個沙律更加清新，真係冇推介錯！🔸 白酒煮蜆意大利扁麵 $308意粉嗌咗個basic少少嘅白酒蜆肉意粉，成兜意粉都好大碟，而且蜆肉大隻得嚟又多，好多都藏咗係底！意粉al dente，如果白酒味再重啲就更好😬🔸 意式燒走地雞半隻配有機時令蔬菜及串茄 $328/半隻燒雞嘅皮燒到好脆口，切開仲有啲雞油咇出嚟😆 食落好香口，加上佢係用咗走地雞，所以食落較有嚼勁但又不致於好鞋👍🏻 而配菜仲有好多添，全部都係有機嘅，食落較平時嗰啲鮮甜！🔸 Organic Lime Soda $58嘢飲嗌咗兩杯，其中一杯係lime soda，酸酸哋，夏天熱辣

呢間餐廳真係好正！佢係一間高級西餐廳，環境非常好，就喺科學園裏面。你可以揀喺戶外用餐，欣賞大自然既美景，或者喺室內享受舒適優雅既環境。佢嘅食物真係非常出色，全部都好高質素！佢地嘅用料都好新鮮，令到食物更加美味。我尤其推介佢地嘅有機堅果及乾果意式田園沙律伴牛油果，味道鮮美，令人回味無窮。意式燒走地雞半隻配有機時令蔬菜及串茄都好好食，雞肉嫩滑多汁，配上新鮮蔬菜，鮮甜可口。如果你鍾意海鮮，咁就一定要試住佢地嘅海鮮意大利飯啦！開晒啲講，我未食過意大利飯配啲咁新鮮嘅海鮮！帶子、蝦、青口、魷魚全部都非常非常好食，另外F海鮮分量超多，好似仲多過啲飯總括而言，呢間餐廳係一個非常好既餐廳，環境好、食物好、服務好，絕對值得一試。如果你鍾意高質素既西餐，咁就一定要嚟到呢度試下啦！

今日520💕選擇咗去科學園食晚餐，經過呢間意大利餐廳「Meraviglia Bar e Ristorante 」，見到全餐廳都有落地大玻璃，坐位寬闊、地方又大，除咗適合情侶，仲可以一家大細、一大班朋友生日聚會。門口位有兒童玩樂設施，戶外地方更是寵物友善、或者喜歡大自然嘅朋友。有機意大利麵包🥖，熱辣辣脆卜卜嘅麵包夾牛油，正😋Organic High Protein Garden Mixed Green Salad (with Mixed Nuts. Dried Fruits & Organic Avocado) 🥗有機堅果及乾果，配上意式田園沙律，仲牛油果、芒果🥰🥰Vongole with White Wine Sauce and Toasted Garlic Bread 🍲白酒煮大蜆配蒜蓉包，蜆肉好大隻好鮮甜，白酒、車厘茄、蒜蓉嘅湯底😋😋。配埋香脆嘅蒜蓉包，味道一流。Pizza Hawaiian🍕（Tomato Sauce, Mozzarella, Pinapple & Cook Ham）自家製蕃茄醬、水牛芝士、菠蘿及意大利火腿薄餅。薄嘅餅底係我嘅至愛😍Organic Lime Sod

#沙田美食 #小蓮星呑食沙田🔻 Meraviglia Bar e Ristorante 沙田白石角香港科學園第二期科技大道西10號浚湖樓地下S040號舖/餐廳面積非常大，設有室外座位看到科學園金蛋及湖景，適合一家大小及攜同寵物用餐/🧃有機堅果及乾果意式田園沙律伴牛油果 $223新鮮的有機蔬菜加上熟得剛好食牛油果粒、乾果粒，再淋上意大利黑醋，作為前菜，開胃又清新/🧃意式燒走地雞半隻配有機時令蔬菜 $298燒雞火候控制得剛剛好，皮燒得脆卜卜，但肉質仍然保持到唔會太硬，難怪成為餐廳招牌菜之一。/🧃海鮮意大利扁面蕃茄汁 $298意粉做到掛汁效果，酸甜的意式蕃茄汁加上帶子、大蝦和蜆， 如果份量再多少少更好！/🧃Coffee Affogato ice cream $52餐廳採用Lavazza 咖啡，本來以為是平常的雪糕再淋上Espresso，原來是咖啡加上一小球雪糕，混合後味道幾特別/🧃Sweet Rose organic tea $58同一般市面上玫瑰花茶唔同，草本味比較濃，有點似香草茶的味道/#food #foodie #hkfood #hkfoodie #foodporn #foodstag

親子食飯放電好去處⚡️科學園- Meraviglia Bar e Ristoranteweekend 學校放假，係時候帶敏仔去玩下食下野啦，平時踩單車去科學園就多，帶埋個仔搭車去又真係第一次，餐廳地方很大，室內室外都有設施玩仲有書睇，而家長們坐喺落地玻璃室內，看顧小朋友都好方便。餐廳以歐洲堡壘做主題，近門口有pizza 區見到廚師整緊食物，而門口中間有不同既玩具如煮飯仔、攀爬架、圖書閣等，而穿過落地玻璃座位後，推門外出，便有戶外玩樂設施，如吹氣彈床、攀爬架、繩網等等，很多小朋友周圍玩好開心。我地嗌左個Pizza Hawaiian $318，因為敏仔好鐘意芝士同菠蘿，一上枱熱辣辣芝士拉芝好正🤤跟著點左Roasted Free Range Half Chicken $328，烤雞外皮香脆，有陣淡淡的胡椒同鹽味，側邊有啲烤意大利蔬菜。老公點了Salmon Carpaccio $288，味道類似三文魚他他，在三文魚刺身上有生洋蔥、蕃茄、橄欖、配以意大利黑醋及橄欖油，酸甜開胃。食評總結：小朋友食意大利菜嘅玩樂小天地，家長們可以休閒地坐喺度望住小朋友玩，非常適合一家人過嚟食。不過提提大家，餐廳設有最

假日到科學園附近騎單車，享受陽光與悠閒的午後時光。發現一家受歡迎的親子餐廳，一位難求等了半個鐘才入座。餐廳空間寬敞，還有許多兒童遊樂的設施。座位數多全場可以容納超過百人，有提供室內和戶外的座位，餐牌選擇很豐富，價位偏高。🍕Bread🍕 Roasted Free Range Half Chicken 💰HKD 328烤雞現場製作等了近20分鐘，外皮金黃看了令人垂涎欲滴。店家貼心的切成數塊容易分食。外皮酥脆而雞肉軟嫩多汁，就連雞胸肉也不乾柴。🍕 Pizza Prosciutto 💰HKD368義式餐廳必試pizza。基本款的風乾火腿味道很新鮮不會難咬，搭配箭菜相得益彰。餅皮Q彈有些厚度，兩層之間包有肉醬，嚐起來口感更豐富。整體而言，環境舒適且對於有小朋友的家庭友善，食物選擇多且份量十足，餐點味道有一定水平

我今日有幸造訪Meraviglia Bar e Ristorante，呢間位於科學園嘅意大利餐廳真係好出色！我嘅朋友話呢度嘅食物好好食，所以我就走入去嚐一嚐。雖然科學園有啲遠，但入到去餐廳嘅環境真係好優美，餐廳又大又舒適，啱啱好啱吹水同埋放鬆，仲有地方俾小朋友玩，而且餐廳歡迎寵物入內，真係好貼心啊！呢間餐廳只用全天然無激素肉同蔬菜，大部份都係有機嘅，而家種嘅香草都係自家種殖，真係好注重食材嘅質素同埋健康飲食。意式餐廳嘅一大特色就係餐前會有麵包，呢度嘅麵包好軟同埋暖暖地，真係好開胃！我試咗意式燒走地雞半隻配有機時令蔬菜同埋串茄，呢隻燒雞雖然係半隻，但份量十足，啖啖肉得黎又滑，而且塊皮又薄又脆，無多餘肥膏，真係好出色。而且佢嘅配菜好清甜，配埋燒左嘅蔬菜同茄子，食完都唔膩口，真係一個好完美嘅餐飲體驗～另外，我特別鍾意家鄉風味嘅乳豬配有機蔬菜同薯角。呢個菜真係非常出色，乳豬烤得好酥脆，口感好嫩，沾住啲醬汁食真係好開胃！而且加埋有機蔬菜同埋薯角，味道好滿足，特別係薯角，烤得好香脆，味道真係超出預期！

Meraviglia Bar e Ristorante 真係一間環境寬敞舒服，仲有落地玻璃對住湖景嘅音樂噴泉 ⛲️，真係好浪漫啊！等食物期間，餐廳友善地奉上手作意式脆卜卜餅乾條同埋熱辣辣軟熟麵包，即刻帶你進入美味世界。而我就好鍾意佢哋嘅意式田園沙律同牛油果 🥑，沙律菜內有鮮果亦加入一啲混合有機堅果同乾果，再加上一啲黑甜醋，帶你入口清新 🌿 又開胃。如果你係蜆控，一定要試下佢哋嘅白酒煮蜆意大利扁意粉。新鮮大蜆無沙，粒粒脹卜卜鮮甜有肉，意粉軟身帶酒香，而且整個烹調技巧掌握得好好啊！真係一款必試嘅佳餚。如果你想試下啲唔同嘅，就可以揀佢哋嘅＂家鄉風味乳豬＂配鮮松露薯蓉同埋有機蔬菜啦！全碟色香味俱全，烤有機蔬菜有6-7款，乳豬外皮油光明亮薄得脆口，肉質柔嫩多汁，風味獨特，真係好值得一試。不過最令我驚喜嘅係佢哋嘅意式燒走地雞半隻配有機時令蔬菜及串茄 🌟，用既係走地雞雞皮燒得香脆有多餘油脂，雞肉鮮嫩多汁，雖然係半隻雞，但都分量十足。而且配菜有意瓜，燈籠椒，粟米，西蘭花，串茄，時令有機蔬菜都咁多樣性，營養十分均衡，真係一道完美嘅主菜！總括而言，Meraviglia Bar e Ristorante 真係