Mini Friday (銀城廣場) (已結業)

旺角呢邊其實好多樓上餐廳，不過我成日懶得搵，都會係地舖搵食就算，今日朋友約食飯終於有機會去到其中一間，地點原來都幾方便，係銀城樓上~Mini Friday 一坐低送左呢個脆脆，似係新年食油器果d feel，如果有醬點下可能好啲🤔鐘意食薯仔又想飽肚的我次次都會叫薯條，見餐牌有個咸蛋黃薯角$78，就叫左黎試下，都ok，上枱熱辣辣，又大份，成班朋友叫黎咬下吹下水都唔錯。之後叫左個set dinner share，燒春雞$218，包沙律🥗同1杯飲品。隻雞份量都唔細，而且出乎意料地幾好食，切開隻雞仲係好juicy，好入味同好滑，唔錯。仲有個大大鑊海鮮飯$258，痴線勁大份量，淨係食呢個飯都飽🙈不過呢個飯令人小失望，我覺得唔夠入味，辣味仲出過海鮮味，或者餐廳可以考慮下d野份量唔洗咁大份，就好似海鮮飯其實海鮮緊要過飯，足d料，少食多滋味嘛😌

我哋見到依間西餐評分十分唔錯 地點方便就揀咗嚟試試炸脆片餐前小食 幾脆口🤪田園沙律沙律上面有啲橙色粒粒 咬開係一個果汁醬 配蔬菜酸酸甜甜咁 不錯芝士蝦肉漢堡蝦肉漢堡重蝦味 絕對係偷工減料👍🏻是日晚餐- 法式香草烤雞烤雞嘅size好大 我一個人都食唔晒 切開依隻烤雞嘅時候 feel到哂佢爆汁嘅威力🤩🤩雞肉都幾嫩滑 雞嘅表面烤得好香脆香口👍🏻👍🏻心太軟配士多啤梨雪糕焗得好好食 麵粉比例調較得好好 食落朱古力漿好滑💜💜👏🏻👏🏻1蚊是日甜品 芒果慕絲蛋糕

dinner time食西餐廳真係好舒服，同朋友一齊上，點咗兩個特色嘅菜式，都好特別❤出品做得出色，而且用料上乘，一餐飯落嚟，感覺都好滿意🥰佢哋嘅Pizza非常Yummy,焦香嘅餅底夠薄，所以口感香脆~而且面頭有好多濃郁嘅芝士，食落去仲有拉絲嘅感覺😍火腿有鹹香，而且肉味濃，入口非常豐富~上邊有少少火箭菜，清新嘅搭配，唔會覺得好油膩！另外一個我哋叫咗佢哋嘅招牌威靈頓牛扒，諗唔到份量都幾足🤤而且酥皮好香口，加埋入邊半生熟嘅牛扒，邪惡得來好食！

出到旺角周圍人頭湧湧，想搵間餐廳靜靜地食下野都好難。於是我哋就向樓上餐廳進發，發掘到一間又抵食又好坐既西餐廳。餐廳位於9樓，卡位旁邊都採用左落地大玻璃，可以俯瞰西洋菜街。一邊望住人來人往嘅西洋菜街，一邊靜靜咁享受一餐午餐感覺唔錯👍🏻。唔知係咪就嚟聖誕節，餐廳嘅佈置都加添左一點聖誕氣氛🎄午餐$50到$100都有，最重要嘅係唔使+10%👏🏻👏🏻又包餐湯又包左嘢飲又坐我舒服，咁抵食去邊到搵！講真呢啲價錢冰室茶餐廳都要，仲要坐得唔舒服！香煎美國大雞扒配香草燒汁 $68炭烤澳洲肉眼扒配黑松露燒汁 $108雞扒真係好大塊又厚肉，入面充滿咗肉汁同口感嫩滑，可謂皮脆肉嫩👍🏻意粉有咬口，唔係好似出邊嗰啲煮到一pat pat斷開晒咁。大大份食得晒都飽到上心口！肉眼扒我哋叫咗七成熟，望落去好似有少少生，不過冇血水食落都算OK！塊扒唔會好多肥膏同筋，脂肪分布都係算平均，肉質有咬口，唔會係好似出邊餐廳用鬆肉粉拿到舊肉無味又無口感👍🏻總括而言某啲方面有待改進，但總括而言佢嘅質素都算對得起個價錢，所以都係抵食嘅！

見到老母喺whatsapp講咁就試下啦，book咗六點半準時到準時入坐，呢點要讚既👍🏻叫咗一個三文魚扒, 一個黑椒牛扒7成熟, 奉送餐湯, 沙律同餐飲, Unfortunately, Starter已經係靚嘢嘅前奏...隨餐附送嘅沙律, 胡麻醬加菜。菜唔係特別新鮮, 整體一般。餐湯係南瓜湯, 睇樣就知啲香草擺明係一嘢倒落去, 完全無用茜隔住咁倒, 毫無擺設技巧可言。其次, 味道亦好一般, 太鹹, 而且唔知點解南瓜有啲酸味, 整體好一般。到主菜啦, 三文魚扒同埋黑椒牛扒 (Medium Well), 三文魚扒配忌廉汁, 忌廉汁完全冇味, 淨係得pat醬。三文魚扒就還好, 整體都算熟同埋新鮮嘅。薯菜係黑松露薯蓉, 小粟米, 小紅蘿蔔同埋蘆筍, 上面講嘅除咗小紅蘿蔔係熟之外, 其他全部都係凍嘅。黑松露薯蓉直頭唔好食, 完全係用松露分到落薯蓉度, 根本一啲香味都冇。小紅蘿蔔就還好, 但其餘兩樣就不予評論。 老母食嘅主菜就係黑椒牛扒 (Medium Well)。先唔好講佢嘅味道, 明眼人都知塊扒根本就咁煎完就算, 毫無炭香同其他香味可言。出去食牛扒如果毫無碳香倒不如自己返屋企煎好過🤷🏻‍♂️ 食落

上一次食完覺得質素中規中矩，環境舒服情程好過茶記，又好過CAFÉ要收加一服務費，諗住再一試都無妨。*餐湯雜菜湯，好淡好淡，明顯一層水一層湯 *香煎盲鰭魚配香草忌廉汁意粉 $58盲鰭魚連皮煎，口感香脆，略嫌鹹左少少，而且解凍時間唔夠有好大陣雪味，伴碟的四季豆煎太乾身意粉份量亦都好少，食完都唔夠飽。味道雖然都有少少蕃茄汁調味，但真係好少，唔係每條意粉都上色，感覺好似食緊白烚意粉。整體評分：味道：👍👍服務：👍👍👍 價錢：👍👍 👍回頭指數：👍👍 飽肚指數: 👍 👍 

和同事一齊去旺角剪頭髮，之後搵餐廳食飯，佢知道銀城廣場有間Mini Friday，提供多元化食物的多國菜餐廳。之前在觀塘分店食過，味道唔錯，今晚就同我試吓呢間。入座後先送上薄脆小食。晚市套餐比較豐富，包田園沙律、是日餐湯、咖啡或茶。原隻法式香草烤雞：春雞好大隻，份量十足，外皮燒到金黃色，熱辣辣香噴噴！燒嘅時間啱啱好，皮脆肉嫩，肉汁豐富又入味，再配埋蘆荀、粟米仔，紅蘿蔔和黃薯蓉，更添色彩和味道！加一蚊有是日甜品千島海鮮薄餅：批底是薄批底，配料很足很豐富，蝦仁大隻爽口，芝士可以拉絲，味道很濃郁。薯條即叫即炸，香脆可口。

今日收工約左朋友黎Mini Friday食飯，呢個朋友好中意食香口野，又好中意影相打卡厄like，呢度既招牌火焰豬手真係岩晒佢😂 我地另外仲叫左個DIY Pasta，揀左辣味茄汁併雞柳加大啡菇意式燴飯share～個燴飯幾分鐘就黎到好有效率😯 出晒煙新鮮熱辣👏辣茄汁既辣度比我地預期高但係都接受到，飯粒軟硬剛剛好，口感非常唔錯，仲索晒啲辣茄汁👍雞柳份量唔多同埋唔知點解會連住雞皮😅 但勝在夠嫰滑，配埋爆汁既菇，好食！😋店員送上豬手之後就會點火俾食客影相，影完相仲會幫我地切好晒，唔駛食咁狼狽😁豬皮超級香脆！！😍 味道唔會過鹹，裡面肉質好嫩滑，配埋芥末醬真係無得頂！😝呢度環境舒適氣氛浪漫，好彩我地未夠7點就黎到，因為好快已經愈黎愈full🙈我身邊有幾個朋友都好中意食西餐，黎緊聖誕又多個聚餐好選擇😁👏

💛今日同朋友想搵間坐得舒服 可以慢慢食 慢慢傾嘅餐廳Lunch 朋友醒起之前試過呢間嘅🍔唔錯 所以再帶我嚟 #懲罰 💛平日下晝 過咗lunch time 時間 所以絕對唔駛等位有Lunch Set 可惜今期冇🍔😅😅先每日嚟個 #餐湯 是日係 #蕃茄雜菜湯 #炭燒澳汁羊架配紅酒汁 $98可以配意粉/飯/薯蓉 呢個值得推介🙌🏼🙌🏼揀咗七成熟 上碟仲有少少紅 所以肉質仲幾嫩 一啲都唔蘇 而且唔會好肥 比例幾好個紅酒汁唔會好濃 但又調到羊架味揀咗配薯蓉 原來係 #黑松露薯蓉講真 薯蓉賣相唔係好得 不過味道得 帶有點點黑松露香 更唔會濃味到蓋過羊架👍🏻#炭燒澳洲肉眼扒配黑松露燒汁 $108塊扒唔算好大 不過肉質幾嫩 口感唔錯不過個汁就唔覺有黑松露😅😅 外表似羊架個汁 食落口似黑椒汁🤣🤣不過唔知佢係咩汁的話 會覺得個汁好惹味 同塊扒亦都好match除咗薯蓉之外 仲有豆角同車厘茄 做配菜食咗咁多肉 有返啲蔬菜冇咁膩😉另外仲配有餐飲 冇加一雖然呢餐冇咩驚喜 但各樣都唔錯 羊架相對👍🏻👍🏻=====================#黃色經濟圈 #yellowmk #yellow旺角 #yellowca

朋友今日帶我去銀城廣場的Mini Friday食lunch~ 佢哋話坐得舒服又抵食～ 果然環境唔錯👍🏻，lunch set 不用加一，有餐湯、主菜、飲品，都算豐富～ 👍🏻炭爐澳洲羊架配紅酒汁 $98 🥩有兩件羊架，我哋叫咗七成熟，好淋，味道好好👍🏻 加$12可以轉薯條，都唔錯👍🏻🍟炭爐澳洲肉眼扒配黑松露燒汁 $108 🥩肉眼扒都係七成熟，好大件😍 肉質都唔錯，味道都好好👍🏻 好味😋 午餐抵食之選～

今次約咗個舊同學出嚟食飯，我拋磚引玉推薦咗旺角Mini Friday呢間西餐廳，因為之前食過觀塘嘅分店，覺得食物質素唔錯，價錢亦都唔算貴😌性價比幾高😝加上旺角呢間分店位於銀城廣場，地點更加方便，一於就試吓佢🥰首先一坐低，枱面就已經放咗兜墨西哥脆片喺度，作為餐前小食都幾唔錯🥰之前食過有千島醬點嚟食，今次冇咗，如果有就好喇🤔嘢食方面，我哋分別嗌咗威靈頓牛柳($358)，卡邦尼扁意粉($108)同埋鹹蛋黃醬雞翼($68)。首先講吓個威靈頓牛柳，睇開我食評嘅都知我好鍾意食牛🥩上次喺觀塘見到其他人食果陣已經覺得好吸引，所以今次就決定試吓佢🥰一嚟到果然冇令我失望，侍應一擺低已經聞到好香酥皮味😳我哋嗌咗五成熟，切開之後可以見到入面舊牛柳係鮮嫩嘅粉紅色🤤煮得啱啱好冇overcooked，連埋酥皮同埋入面嘅蘑菇碎一齊食好滿足🤤而配菜嘅薯蓉都算幾滑，同埋幾香牛油味～卡邦尼意粉係我最鍾意食嘅意粉🤣呢間餐廳唔係用普通意粉，而係用扁意粉，食落口感同平時嘅唔同🤔不過都係好食嘅🤣而佢嘅卡邦尼意粉亦都加咗隻溫泉蛋，雖然唔係正宗做法，不過意粉撈埋溫泉蛋汁一齊食都好好食🤤而雞翼炸得好香脆，表面嘅鹹蛋黃醬都好足料，一擺低已

位於旺角銀城樓上既西餐廳餐廳內燈光少少昏暗 每張枱有一盞燈照住可以專注同自己嘅朋友傾偈食嘢感覺不錯一坐低枱面已放咗一份脆脆唔洗另加錢 仲有八至十塊咁多 食落一啲都唔油膩 好香口叫咗兩個set dinner 餐湯係清清地既羅宋湯 唔係好濃味 但絕對夠味 沙律亦有驚喜 個沙律醬應該有特別調教過 仲加左少少爆爆珠 其中係一份DIY意粉 好鍾意呢個操作可以揀自己鍾意嘅面、醬汁、餸菜自由配搭雖然價錢就唔平 但係份量比起一般西餐都算大 色香味俱全 食完係幾滿足嘅溫泉蛋忌廉汁 汁好多 好香濃奶油味 蛋黃香亦好出 鴨胸完全係非一般 超級超級嫩口 亦唔係醃製個種唔會咸到傻 加$48半隻龍蝦 都有一隻手掌咁大 多肉多膏 新鮮爽甜另外要咗隻燒春雞 呢個簡直世界級係我食過所有燒春雞入邊最嫩滑既 切開嘅時候爆汁 雞油香衝曬出尼 煮到9.5成熟 會見到啲啲啲啲粉紅色既雞肉 佢嘅配菜薯蓉仲加左些少嘅黑松露 很有誠意

約咗親戚食晚飯並且交收一啲嘢。親戚話去Mini Friday度食西餐。親戚在網上預book，有88折。間餐廳比較有romantic,光線比較暗，如果有老花的長輩們,必定要搵啲後生仔睇menu。我們order咗，田園沙律、雞翼、Parma Ham pizza、龍蝦海鮮意粉、明太子忌廉帶子手捲粉。田園沙律上面有啲橙色嘅波波,幾好味但係真係食唔出係什麼，蔬菜新鮮, 醬汁調得幾好味。個parma ham pizza好味道, parma ham 唔鹹, pizza 有啲啲辣，pizza餅皮好鬆脆。雞翼醬汁調得幾好味有啲辣，雞皮有 啲脆口。龍蝦海鮮意粉，賣相好靚。龍蝦細細隻，都可以分到三小件，另外蟹鉗都有啲肉食。蕃茄汁意粉味道恰到好處。唔太酸太甜。明太子忌廉手捲，冇特別，味道一般。消費合理，四個人平均都係200蚊樓下。

其實一直都好想試吓威靈頓牛柳🤤，今次終於有機會去試吓！餐廳就搵咗我同朋友嘅中心點，就係旺角啦！去到餐廳好多人🤔，好在朋友有Book定枱，所以一到就有得入去。餐廳環境偏暗，仲有啲燈飾💡，都幾靚！-🍴皇牌威靈頓牛柳🐂($358) - 雖然餐牌上寫住製作需時，但係感覺都唔會要等好耐😆。唔好睇好似好大舊，原來頭尾都係酥皮，中間部分先有牛柳😮。酥皮好鬆脆，仲好香，牛柳煮得啱啱好，唔會太生或者太熟😚，配埋個醬都幾好食。除咗牛柳之外，都有唔少配菜，包括薯蓉、粟米仔。-🍴龍蝦西班牙海鮮飯🦞🥘($258) - 依個飯唔知點解等咗好耐先嚟，飯上充滿唔同海鮮，有龍蝦、蜆、魚🐟、墨魚仔🦑同蝦🦐。另外飯入面都會有黑橄欖，好迷你嘅蝦仔同蜆仔，全部都偏乾身，如果可以濕少少會好啲。味道上幾唔錯👍🏻，龍蝦都幾新鮮，食到佢嘅鮮味。飯量好多，應該差唔多夠4個男仔食量😱。-🍴蒜片欖油菠菜扁意粉🍝(DIY Pasta)($168) - 可以自選汁、粉同配料。蒜片欖油會有少少辣，都幾香，同埋會食上癮😂。意粉因為係set嘅關係，會包埋一個田園沙律🥗、是日餐湯同一杯餐飲☕️。-🍴香烤美式BBQ豬肋骨🐖(dinner set)($228

個羊都可以; 但佢menu寫住係推介既皇牌和牛威靈頓, 一d牛味都無,仲要好硬, $328簡直垃圾!都唔使考究佢個和牛係黎自邊度｡其實皇牌都做唔好,大家真係唔使諗呢間野有無心做｡竟然仲有咁多個like, 就算佢野食普通正常既,都唔合理啦,好明顯全部都係由金錢堆砌出黎既假象｡你睇佢既相已經睇得出佢唔係正宗既西餐;唔緊要, 但都唔好咁難食呀 ｡豉油西餐有豉油西餐既好, 豉油西餐都可以好食; 但我真係未食過難食到咁既豉油西餐!