MiSS‧Mixian Sour Spicy 米線專門店 (已結業)

真係撞鬼，今日撞左入間，都開左好多年，平時行過睇相都好吸引的食店。結果，真係冇下次，後悔冇係見到有人發爛落完單後閃人時跟住閃。話說今日行左好耐都唔知食乜好，食過既餐廳又唔想再食；終於入左依間咁既餐廳。講真，佢都開左好多年，以前都行過過好多次，見佢門面都OK，同食物相都唔錯幾吸引的。但入到去，比個餐牌係過左膠既A4紙，再比支筆我地自己寫...己經唔太高興，連畫都冇得睇下，只係靠頭先係門口望左2眼既餐牌黎點餐。都未落完單，隔2張枱有個大叔係度發爛，大罵話等左成20分鐘都冇野食，自已趕時間，等多5分鐘冇野食黎就走人。叫D阿姐好快D催廚房出餐。結果，我地落完單，過左5分鐘，個男人既餐都未到，佢真係起身就走。之後我隔離枱對母女重話如果我地等多陣都未有食物到，我地都走囉。都唔知係我好彩定唔好彩，落單後勁快就有野到，連隔幾張枱既先生都出聲問，做乜最遲黎既客人食物重到先過佢地，佢地D野上左一半後就冇晒影。仔仔叫既燒肉飯，個人覺得都冇乜野，但仔仔勁唔滿意，話好難食，原來佢睇相係大舊肉，但出黎係肥牛片。而且個汁都真係幾濃味的，就咁食真係有D難食，但配飯係可接受的。蕃茄牛舌飯，失望到爆，亦極度難食，因為冇圖

本身就是一個蕃茄控很多人接受不了的茄膏味，我卻大愛很多次搭巴士時經過此店終於試了正藉下午茶時間我點了蕃茄厚切烏冬，加配凍檸檬柚子茶～先說食物質素烏冬很滑很煙靭、豬扒尚算juicy，但個人覺得不夠入味。最期待的蕃茄湯底，很濃很杰，當大夾雜少許新鮮蕃茄。但個人覺得太甜，想多喝兩口湯也沰喝不下。飲品正常～環境與服務環境裝修光猛，舒服，但看到有烏蠅飛侍應都很落力，但落單時有點混亂價錢～一碗烏冬36蚊，加3蚊凍飲，合理價但估不到要收10%服務費，最後埋單43蚊

好耐以前試過一次無咩特別，上星期同男友路經決定再試下，先發現原來而家主打緊蕃茄湯底米線。作為一個茄控絕對要試試佢加九蚊有生菜 - 一般啦，唔算太清甜，蠔油可以多返少少炸雞翼 - 夠香脆，但味道唔夠入味豬排米線配招牌蕃茄蛋花湯 - 湯底有驚喜！因為呢種湯底平時好少見（聯想起星座冰室），夠香濃，但略嫌甜咗少少。反而豬排係失望既，太淋一啲都唔似豬排。茄控嚟講會因為個湯底再返嚟食，但可能下次會試下其他餸。

待應安排混亂，單身客可以獨佔四人卡位，二人就安排在細小的二人枱，入座後要再三要求才遞上落單膠片，特製筆書寫上有點困難。過一會阿姐送餐，將載有米線及兩杯豆漿的餐盤放在我面前的枱上，然後把兩碗米線送到對面枱的食客，原來只是豆漿係我們的，真奇怪。幾分鐘後米綫來了，味道一般，清湯牛腩比較正常，而蕃茄豚肉米線就用了下等打邊爐用的薄切豬肉，大部分都是肥膏。進食其間旁邊的食客不是投訴落錯單，就是漏單。從二月開始還好意思收加一服務，不會有下次！

首先，我點左碗番茄湯底+雞扒米線 食落去面還面 番茄湯還番茄湯 仲要番茄湯係酸之後，環境方面，我坐近水吧位置 好不幸地 佢地唔知係咪忙得濟 打倒左杯可樂 彈左少少落我隻腳 衫同面 真係炆左 呢間絕對會bad list 唔會再去 最後， 我食哂雞扒就算數 ！

咁耐冇食，行過見佢多咗好多新嘢，又坐到成鋪都係客，諗住再試下啦。。。勁難食，坐得衰，冇下次。。。一個字伏。。。蕃茄湯底好假，豆卜完全冇味，芝士腸硬到好似啱啱解完凍冇煮過咁。。。完全唔知自己食緊咩

有次經過成日見到佢門面好似好吸引同望落幾多人去食咁就去左試下啦叫左兩個面同小食 仲有野飲香煎雞排蟹棒米線雞排係煎得唔錯仲有少少肉汁個蕃茄湯都ok啦北美特切雞腿肉米線雞腿肉幾嫩幾好食同朋友食個個米線個湯底都係一樣都係茄湯唔算太差但有啲淡同有啲味精味小食拼盤炸得幾脆口不過不失野飲方便阿華田豆漿上面有啲阿華田嘅脆脆幾特別但飲落豆漿嘅比例多過阿華田但都唔算好難飲其實啲野食都算係ok唯一一樣就係覺得佢啲員工好似比較慢一拍咁唔多想理你咁😂😂

呢間餐廳老闆應深明包裝的重要性，設計做得很好，只是沒乖乖做功課打算隨便吃一餐就⋯⋯⋯伏已中。厚切五味豬扒魚春卷蕃茄濃湯米線 $56 - 不見得豬扒是厚切，也沒吃得出五味，味道類似香茅味，但炸得外脆內鬆軟及juicy。魚春卷腥到不得知了⋯⋯係非常廉價嘅感覺。至於湯底，相信外邊吃的加茄膏也無可厚非，但喝得出9成是茄汁茄膏的味道，完全沒有鮮茄的鮮甜。北美特切牛肉麻辣米線/ 配孜然雞翼- 首先北美特切牛肉只不過係普通肥牛，而孜然雞翼好貼題，孜然粉是後上，孜然粉加到完全蓋住雞翼，但也難掩蓋掩雞翼炸過籠很乾很乾。麻辣湯不夠麻不夠辣，最初吃下來還算順口但偏油，有花椒調味，但吃到尾段有點嗆喉。整體麻辣湯尚算是ok 的。雖然都見到大家話態度都好差，但好好彩地當日serve 我嘅店員又幾好喎，見我多野拎仲主動均問我地使唔使轉枱添。只不過食物嘅質素就真係大有進步空間了，回頭機會應該就唔會了

厚切五味豬扒茄蛋湯米線+凍豆漿 HKD 36 （下午茶價）厚切五味豬扒：厚度和大小尚算可以，不太分辨到哪五味，有點類似香茅味，豬扒肉質頗嫩且多汁，肥肉只在最右一塊的邊位豬扒與米線是分開上的，唯兩者相隔差不多十五分鐘，不知道是否下午茶時間的緣故，要等待達至某數量才開爐烹煮北美特切牛肉茄蛋湯讚岐烏冬+熱咖啡 HKD 28 （下午茶價）北美特切牛肉：普通肥牛讚岐烏冬：普通烏冬茄蛋湯：店舖到處貼上茄蛋湯的廣告，桌上也貼著一個大蕃茄貼紙，列舉蕃茄的好處，令人有點期待這個鎮店之寶的湯底。上桌時，茄蛋湯是熱騰騰的，不斷冒出一縷縷白煙，同時蛋絲阡陌縱橫於紅紅的蕃茄湯。呷一口，竟不是新鮮蕃茄淆製，有點失望！食店的市場推廣略嫌太多，如「厚切五味」豬扒、「北美特切」牛肉和「讚岐」烏冬，故事實和期待有太大落差。食店以價錢和份量取勝，凍豆漿和烏冬都不需要額外收費，如以下午茶價錢去衡量份量和食物質素，還算是不錯的選擇。

所謂嘅讚岐烏冬，其實只係普通粗烏冬。等了半個鐘頭有多，催了幾次。雞扒凍冰冰，湯底又錯，完全唔入味，難食到爆，屋企自己煮都仲好食過佢。讚岐烏冬喎...所謂嘅茄蛋湯底...

入面環境衛生差,鋪面鋪晒塵,服務差,因為夜晚10:00幾去食,呀姐趕收工,問多兩句就唔內煩,問個餐單好難睇咩,食物到咗係好難食,叫咗佢地個招牌豬排,講真可能周圍一間茶餐廳都好食過佢地,以後唔會幫襯!

被相片厚切豬扒吸引，點左一碗豬扒魚春卷酸辣湯底。失望。1。豬扒不算厚，大x活更厚，味道除了咸，食唔到5味2。米線，又淋又碎，不彈牙，不煙勒3。湯底，酸菜幾條，加一pat微辣肉碎，配清湯，極差的酸辣湯底。4。魚卷，好油，咬落有油ji出來整體，除了坐位闊敞，無可取。5。服務一般，2點入座，原來有下午茶，但服務員無提供餐牌😞6。價錢方面，一碗米線，2個餸，一杯汽水，$56。米線陣會食得更開心。如果好食，$70都覺得值，但招牌豬扒太不外如是，可以話差。。。

呢間野食完真係冇下次，得一個樓面係正常其餘幾個樓面態度差又heahea共，叫極唔願郁，上菜亂七八糟，未見過一間店既服務咁弊糟！食果個鴛鴦鍋火鍋果個壽喜燒湯底又冇味，所謂有星推介既小食都唔灼食！呢間店咁差仲撐到今日真係揀啱地段囉！

呢間米線食店係信和附近，近地鐵站，幾方便既食野地方。店面都唔細，睇落可以容納到二十幾個人。食物類別除左米線之外，仲有烏冬啊 麵啊之類，另外仲有一日份既火鍋一入到去 有張紙係檯面上，落單係自己用筆填寫既，填完就可以交比店員。一般係有個主食同一杯野飲。我叫左呢度既雞比肉米線，然後仲有一杯豆漿，係幾好食 價錢就係50$有找，如果下午茶既話，$30都有找，幾抵食。上菜速度合理，服務員態度都OK，有笑容，埋單既話就係食完出去counter埋單。

9點幾上完堂 餓到個肚打晒鼓覺得好想食肉啊~~但係又食唔起牛角咁貴旺角呢頭既肉類定食我地就諗起呢間餐廳啦~我同朋友已經唔係第一次食次次黎親呢到都係食呢個餐平時我會食牛肉但可能太夜來了 咁岩賣晒所以我地兩個都叫左豚肉成個餐$59 但包左既嘢都唔少次次都覺得佢好大碗飯HAHA成個餐包左一碟肉、一碗飯、一碗仔既沙律同埋一杯嘢飲另外佢呢排做緊加配優惠我地就加左$10要個炸芝士竹輪同埋加$12有塊雞扒咁相對上個雞扒會抵食D呢個豚肉我地最欣賞佢既地方就係個汁!係好有日式風味 調較得甜甜地咁煮到淋晒又好入味既洋蔥都好好味~~~雖然佢比咁大碗飯但有呢個肉係到 要食晒碗飯都其實唔難!呢個洋律有日式芝麻醬~~~有呢個醬汁既加持通常都會好味亦都可以為啖啖肉既口感帶來一啲清新~芝士竹輪就一向都咁好食而佢亦都唔會炸到好油我就叫左凍豆漿唔知點解今次個豆漿同平時有D唔同今次就FEEL到係好少甜本身我就鐘意唔太甜既所以覺得呢個就岩晒我口味不過可能有D人會覺得太淡 唔夠濃味本身食果個肉仲偏向重口味D咁飲番個淡D既嘢飲就岩晒了朋友就叫左杯巨峰提子乳酪梳打都唔錯 味道唔會太淡整體黎講都唔錯 D叔叔姨姨服務態度都OK但成日都