影片
電話號碼
66624809
營業時間
今日營業
全日休息
星期一
全日休息
星期二至日
12:00 - 20:00
以上資料只供參考, 請與餐廳確認詳情
岩岩開個陣好多人排，所以冇食過。前幾日經過見到人潮已退，終於可以試一試👍🏻好多口味，第一次食揀左個原味撻同兩個一口tiramisu，分別都係原味同阿華田味。原味tiramisu蛋撻，上層係tiramisu醬加蝴蝶酥👍🏻tiramisu醬夠滑，蝴蝶酥夠香脆，好食既。蛋撻係曲奇皮，有啲淋左，個人比較中意酥皮多啲。兩個一口tiramisu都好食，阿華田味夠重👍🏻厚味既手指餅有啲乾，如果浸多少少咖啡或油就好。
繼續閱讀
將Tiramisu 模造成長條狀，賣相係幾靚嘅，容易切成一份份，喺銷售嘅時候可以賣得快啲，但無晒 Tiramisu 嘅韻味。 試咗件 Tiramisu 朱古力杯，期望愈大，失望愈大。 而家嘅甜品只有外觀，沒有內涵。第一個反感係啲Cream 打老晒起粒、無層次、沒細膩，失敗咗都照抆落去。抆水泥起粒都要再打過啦，更何況你地係整蛋糕嘅， 一啲職業操手都無。 唔講，仲以為係椰絲杯嚟… cream and cheese base 一啲芝士味係食唔出，Cream 多過 cheese, Cream 嘅奶油香味亦都無。 夾層塊蛋糕乾嘅，無索到咖啡，得個顏色，所以中間位一啲咖啡味都無。𢳂到底終於有啲濕咗嘅蛋糕， 但都係得好微嘅咖啡味。 杯蓋塊朱古力做到好厚，貪多嘅人可能會鍾意，但我expect 係摼得碎可以同個 creamy base 混合嚟食，不過唔係嗰回事。 整體嚟講，無論味道、口感、用料都唔掂，寫個名就當係Tiramisu？！ 完全係粗製濫造…有如興趣斑第一堂整嘅手作咁
繼續閱讀
終於同媽咪試到荃灣依間首家現切提拉米蘇專門店，主打零卡糖使用。依家連旺角都開左分店。佢地仲提供一口可愛裝提拉米蘇，可以for派對或散水餅裝😆咁媽咪揀左經典原味提拉米蘇🤤🍰經典原味提拉米蘇 $58口感綿密細膩，入口即化😝而且咖啡味好香好濃，我超鍾意😝啲可可粉增加了苦味同香味，值得一試🤤除左原味，仲有其他多款口味架，大家有機會都可以買黎試下❤️Miss Tira (荃灣)📍荃灣青山公路 - 荃灣段264-298號南豐中心地下A119號舖
繼續閱讀
第二🥈次幫襯Miss Tira，今次有試食，試咗泰式芒果糯米飯tiramisu，正，買咗大紅大紫焦糖椰汁🥥年糕tiramisu（$58），但好似冇紅色同紫色，有個保溫袋好窩心。返到屋企開心🥳share，面層鋪咗麻糬，入面tiramisu有年糕，多層口感，標榜零卡糖，受女士歡迎👏
繼續閱讀
最近喺社交平台經常見到呢間賣現切手Tiramisu嘅舖頭，經常都有好多款唔同味道嘅Tiramisu，而且主張係零卡糖，搞到我心思思想去試吓🤤今日我終於嚟到荃灣分店，見到起碼有10多款唔同味道選擇，例如有經典原味Tiramisu、宇治抹茶年糕Tiramisu、港式糖水楊枝甘露Tiramisu等等。睇到人花多眼亂，不過我呢個抹茶控，當然梗係揀咗宇治抹茶味啦🤣雖然一件Tiramisu要$58，價錢略為有少少貴，但佢size一啲唔細件，而且裏面放咗唔少麻糬，材料十足。淡淡的抹茶甘香配上微甜嘅紅豆蓉，再加上煙煙韌韌嘅麻糬，口感十足，味道相當唔錯👍🏻😋最後我都想稱讚一下呢間舖頭，雖然只係買一件Tiramisu，佢都會送一個保溫袋俾客人，非常細心👍🏻👍🏻👍🏻
繼續閱讀