Mix & Match (已結業)

自從上年12月份幫襯過之後, 都有一段時間無來了一來新年聚會多,食滯左, 二來無良公司年尾無雙糧出, 所以要過緊日子上星期六, 老婆大人生日, 最終又來左返呢度慶祝一入到去, 侍應都認得我地, 都話我地做乜唔來幫襯, 唯有一笑置之老婆喜歡食牛, 所以先點了一個紐西蘭牛柳餐 $138, 六成熟另外, 我唔知食乜好, 侍應就推介了一個 美國黑毛豬 (點菜時不知價的)湯, 係薏米什菜忌廉湯, 什菜切到好細粒, 薏米太多, 有點喧賓奪主的感覺主菜, 牛柳真係六成熟, 好juicy 黑毛豬, 煎完再加芝士焗, 所以豬扒好香芝士味, 而且又係好juicy, 無估到豬扒都可以甘多肉汁配菜有煎薯片, 好好味, 但沙津的黑醋就太酸了甜品 : 木糠布丁, 好cream好好味飲品 : 餐廳現在有酒牌, 所以叫了一杯白酒SODA, OK啦, 唔識分白酒好與不好埋單, $280有找, 原來個黑毛豬只係 $98, 好抵食呢, 而且呢個係屬於廚師推介, 所以在餐牌上係無的, 下次去時, 大家可以多口問下另外, 我個人意見, 食牛扒時, 可以問下侍應D扒係厚切還是薄切因為之前試過一次叫 安格斯西冷扒

因為見到D食評寫到咁好, 今晚去左Mix & Match試下，叫左兩個 set dinner，間野昏昏暗暗環境 OK ，但 waitress 多過客，成歺飯比人望住嚟食，好唔自在！先上西蘭花忌廉湯~~好水......配成尺長麵包條，個人認為是好睇唔好食。我叫左個燒雞歺，半隻小雞，肉好滑，但冇味嘅！但個老闆仍枱枱叫人食燒雞 law......甜品藍莓毛士，超級甜，我冇食到！羊仔嗰個西冷扒歺佢都話只係麻麻，佢叫七成熟，但塊扒有九成熟攞！份量又細.....定價在元朗區算貴，只是不收加一又抵返少許。另外要提此店不收信用卡，要帶備足夠現金去。

今日Day-off.同個朋友去試下～叫咗個for二人的兩磅八西冷dinner.餐湯同前菜（雜菜沙律）都唔錯，到個主菜到的時候，我同我朋友都呆咗．．點止兩磅八呀？？三磅都唔止～～唔知大家屋企係咪用一尺尺的地板呢？塊扒差不多咁大～不過我就唔知佢哋係咪日日都有～仲要好好味呀～～！！佢哋個甜品仲要係自家制雪糕～五個Good呀～！兩個人食咗四百幾蚊～我自己都覺得好貴，但真係好正！

因為見到D食評寫到咁好, 我同家姐今日去左Mix & Match試下個lunch~見到個menu有四款lunch set, 都冇乜邊個似好食... 最後決定左要白汁羊柳扁意粉同埋咖哩龍利柳意粉... waitress話冇白汁羊柳扁意粉... 咁唯有試下個燒西冷配古典黑椒汁...今日個湯係雜菜湯... 太酸同埋好水... 我覺得安娜餐廳個紅湯好飲好多... 配埋個餅乾條... 雖然幾脆... 但唔似new york cafe咁有個sauce... 所以好乾... 唔太好食...首先個咖哩龍利柳意粉... 做好算唔錯... 個咖哩幾有椰香味... 但個意粉好似冇落到蒜油... 係呢樣差左D...個燒西冷配古典黑椒汁呢... 原來古典黑椒汁即係得個辣字既黑椒汁咁解... 西冷太韌啦... 或者係我對佢既expectation太高啦... 始終價錢咁平, 冇得同CWB果D餐廳比... 就連同區既new york cafe都冇得比...後來連燒西冷都冇埋... 有對couple決定唔食... 走左之後D waitress仲好大聲討論呢件事... 當時有好多客係度架... 唔該下次細聲D啦!我唔會

MIX & MATCH 可能已經成為左我地既飯堂了12月18日, 結婚三周年紀念以前通常會係香港九龍食buffet的, 但呢間既西餐唔錯, 所以返來元朗慶祝之前一日book左台, 所以來到唔擔心無位要等是晚的入座率有八成, 證明好野就自然有人會欣賞的安格斯肉眼扒, 五成熟, 因為佢地今次既肉眼比較薄身, 所以好容易就過熟但肉味都好濃的, 而且無乜筋, 都值得encour煙三文魚意粉, 意粉係即粉的, 好有咬口加上白汁和煙三魚, 好味好味是晚甜品係朱古力蛋糕, 係蛋糕面層淋上朱古力醬做到脆皮效果意猶未盡之外, 又問侍應姐姐有乜甜品好味佢推介左酥皮藍莓伴意大利雪糕好味呀, 酥皮有濃濃的牛油香, 加上藍莓醬, 掂另外意大利雪糕係自家製的 (佢地話), 唔太甜, 入面有粒粒果仁, 好食如果見到一個靚仔,應該係廚師/老闆你對食物有意見的話, 可以反映俾佢知道

因為突然想食意粉，就入左呢一間餐廳食下西餐佢介紹左一個叫黑豚肉扒o既野就算餐牌/或者是日晚餐牌都冇....朋友食左個大蝦意粉，兩碟都睇得出用心去整唔係求其炒埋一碟就算果隻雖然係佢特別推介o既菜式，但係呢兩個餐其中一個仲跟一杯特色咖啡，都唔使100蚊個....出面單叫都唔只呢個價啦所以希望有機會可以再品質呢間用心去做o既餐廳

自開張以來，一直蠢蠢欲試，日前與龍及中同聚餐來了吃飯；平日的晚上人不多，昏黃的環境頗有情調。 晚餐(包湯、甜品及飲品)約四款選擇由$88-168，如散叫食物也可以加$20配餐，選擇不少。是晚我們點了一份晚餐，再散叫risotto、pizza(+$20轉餐)以及甜品：　是晚餐湯--菠菜忌廉湯x2-湯夠熱、忌廉味又香滑，以餐湯來計絕對是收貨有餘。麵包條-個人認為是好睇唔好食，寧願店方改供應鬆軟餐包，配合湯會更滋味。蘑菇意大利飯-想不到此飯口感十分正宗，調味也不俗，有點意外；不過蘑菇切得均勻也不缺了香味，可以改進一下。大蝦忌廉汁墨魚麵-要彈大蝦不夠新鮮，甚至有點霉身口感；那條已經不脆的脆條也顯得多餘。幸而墨魚麵口感適中，配以濃淡得宜的忌廉汁，味道不錯；而且餐廳很用心裝飾每一道菜，令人食得高興也值得讚。莎樂美pizza-落單後店方會提供專用餐具及調味，令人感覺頗專業，不過味道不如預期：pizza薄是夠薄了，但不算香脆，口味偏酸卻沒有莎樂美應有的咸香，水準只很一般。另外一提這店pizza指定是12"大小，要人多才好點!跟餐甜品x2-質感極之柔滑，吃下去有濃烈酒香，店方稱此為「奶凍」，我覺得應該

今日兩個人係元朗慢慢行阿行...行行下就行到過黎呢邊.好,有D肚餓就入黎試下.(還掂一早都想黎試下)入到去都幾好招呼.不過D水真係幾酸下..好嗌野食先...淋黎淋去都唔知食乜好..好彩個女WAITER行過黎話今日既廚師推介有黑豚肉($98).二話不說.好就食呢個..女朋友就要左酥皮海鮮批($88)..兩個都係跟餐...唔使兩分鐘個湯就黎左.西蘭花湯都幾好飲..不過我覺得條麵包仲好食..主菜到...我果個先黎..個男WAITER行過黎介紹.都講得幾好..個黑豚肉加埋D黑松露橄欖油真係好好.好好食仲有果兩舊配菜都幾好食..我淨係知道有一舊係呢個紫蕃薯茸女朋友果個批佢話好好食.我食左舊魚.都幾好食.不過D蜆同埋魷魚就幾硬下..到飲品我地兩個都加多左$8..我飲朱古力.女朋友就飲芒果梳打.杯朱古力個味都幾似係迪士尼果杯..芒果梳打.我就冇試.不過女朋友話好好飲..甜品我就覺得NO GOOD.不過女朋友話OK.總括.都係一個唔錯既晚餐...埋第202.唔使加一.GOOD不過唔知間野點解咁小人...可能仲係新餐廳

幫襯過兩次, 好同意呢間西餐既水準好得, 值得推介第一次幫襯, 係下午茶, 佢個tiramisu好得, 食完好想encour之後個大廚/老闆, 見我地拎住本餐牌係度睇, 就建議來我地來試佢既晚餐於是, 隔左一個星期, 我地就來幫襯佢既晚餐第一次, 梗係平平地試佢既一般晚餐但原來, 侍應話, 餐牌內的main course加$20, 都會轉為晚餐的我點的係 白酒藍青口意粉, 個意粉煮得剛剛好, 有咬口藍青口有淡淡的白酒味, 如果加多少少忌廉汁, 相信會更岩我老婆點的係肉眼扒, 好掂呀, 真係六成熟左右, 有肉味, 又無乜筋伴碟的, 除了菜沙律外, 還有煎薯仔和薯蓉, 但老婆要的是意粉, 所以佢地又另上了一小碟的意粉, 都係即煮的, 好有咬口, 麵條亦好香蛋味甜品係雪糕, 一般貨仔, 所以我地又叫了tiramisu來食, 份量同下午茶的一樣 所以係求建議大家, 想食tiramisu, 可以下午茶先來一試, 價錢一樣, 仲有杯飲品添兩個晚餐連tiramisu, $210有找, 可能未為人熟悉, 所以只有6成滿座, 坐得舒服, 唔會嘈真係值得推介俾元朗友

真係好開心除了New York Cafe & Bar外, 元朗最近又多咗間有水準嘅西餐廳可能新嘅關係, 知名度未高, 未係有好多人幫襯, 我同老公都係行過幾次留意到呢間餐廳先入去幫襯,我們覺得食物質素同服務都好好, 雖然仍然有好多進步的空間, 但係在元朗區來說, 已經算係物有所值 今次係lunch來幫襯可能時間比較遲, 其中一款意粉Set已經賣晒,咁我選擇了芝士焗龍脷柳蘑菇飯, 老公點了俄國忌廉燴牛柳配意粉餐湯: 南瓜湯附送餅乾條, 老公話Okay, 不過稀咗啲, 我就覺得唔係咁好飲, 飲咗兩啖, 俾埋老公飲,因為我幾唔鍾意飲南瓜湯, 希望下次可以試到其他味道嘅湯啦老公嘅俄國忌廉燴牛柳配意粉先來, 我同老公一齊試食,俄國忌廉汁味道特別, 有少許似牛腩汁, 牛柳唔韌, 紅籮卜腍且甜, 與俄國忌廉汁味道很配合, 意粉煮得唔錯, 整體上幾好味, 老公食得好滿意如果意粉份量可以再加多些就更加好喇 我的芝士蘑菇焗龍脷柳飯亦都好好味, 好香亦焗得好靚,不過略嫌蘑菇汁不夠, 食到底, 飯已沒有蘑菇汁拌着吃, 影響了少許美味程度, 但仍然是欣賞的餐茶: 凍奶茶和凍檸檬茶亦不俗, 我覺得凍奶茶仲幾好飲