MOMO

營業中

休息中

中式餃子食得多，尼泊爾餃子真係比較少食。呢個小店位於天水圍新北江商場，主要都係做外賣為主，主面都係放到1-2張枱。🥟蒸雞肉餃子(10隻) $45★★★★☆雞肉餃會包做圓形好似小籠包，外皮同一般餃子皮唔同係半透明，食落煙煙韌韌好特別，有啲似中式粉裹皮咁，最有驚喜係個雞肉餡，已經係雞肉泥質感，完全唔鞋仲好JUICY爆汁。而佢個辣汁都好正，食落個味道有層次，食得出有幾款調味料，但唔會太勁頂唔住。🥟香煎豬肉餃子 $50★★★★☆豬肉餃子係半月型，同我地平時食開餃子差唔多，係食開亦係熟悉同認知嘅味道，冇雞肉蒸餃咁驚喜。餃子即煎脆口，但可能炸嘅會更香口。🌟總括：雞肉蒸餃有驚喜，呢間絕對會再ENCORE！下次再試埋佢其他野食。

行過尼泊爾餃子店嗰陣，胃口直接被吸引過嚟。冇錯，我就係嚟試下呢啲講到好味得滯嘅餃子。招牌蒸豬肉餃子咬落去肉汁四溢，㗎啫㗎啫嘅肉醬同歡快彈牙嘅餃皮完美融合，一啖餃子，滿嘴生津。望落簡單嘅豬肉填餡，但味道層次豐富，嗌正！再嚟試下佢哋嘅湯上雞肉餃子。呢個就真係有驚喜咗，畀 full 分都唔怕誇！湯底鮮美，啖啖肉感嘅雞肉餃子喺肚裏頭暖笠笠，啖啖滿足。重點嚟講，呢啲餃子食落去有種唔同嘅新鮮感。係咁樣有層次有驚喜嘅味道，加上得意嘅辣醬，一試難忘！呢度嘅食物，真係可圈可點，令人一次又一次嚟探秘。下次我一定會再約埋三五知己，再嚟試吓！總之呢度嘅嘢食，真係值得一試！👍👅💥

I'd like to thank the chefs and the owners of this place for opening this shop. I'm very impressed by the quality and taste of the momos. If you're a fan of Pana Puri I'd also recommend you to try it here. I've tried most of their offers now and my personal favorite are the pan friend momos. Though it's just because I like the texture. The other options are just as tasty.If I had to give one negative, and it is hard to find, the sauce for the momos could be a bit spicier. However, I think the le

早前都同朋友試過呢間位置新北江商場既momo，momo無解錯就應該係餃子既意思，之前就試話煎同煎既2種，俾我感覺就叫做還好啦，其實同一般餃子差不多，係有豬肉餡同雞肉餡，格左咁耐今日老友話想挑戰下d當地地道特色咁話喎，所以今日又再黎食個午餐啦。小店其實主力係做外賣，堂食基本上只有1小張枱，再多d人就要坐出面，但始終係商場範圍相對會無咁舒服同埋會比較熱，所以一般都係外賣多。咖哩雞烤麥餅套餐先講講咖哩就比較水汪汪果種，有d雞肉同薯仔粒，咖哩味少少唔太重，都唔會好辣，烤麥餅就比較薄身，同埋不算好熱，可以撕開再包住d咖哩雞薯仔黎食，比較似上網睇人介紹印度小食果種，感覺幾正宗，但我個人比較鍾意濃d既咖哩同埋厚少少既Naan，所以覺得一般d，另外套餐跟飲品只有罐裝汽水選擇。烤雞檸檬飯呢個飯列左做配菜類所以無餐跟的，比較奇怪，飯係用印度米，食之前加少少檸檬汁，又幾夾，烤雞烤得幾香口，唔會好乾，面頭加左d綠色既醬，唔係太食得出係咩醬，但都ok，呢個飯比較容易接受。panipuri今日既重頭戲黎啦，其實老友今日黎就係想挑戰佢，呢樣係印度好常見既街頭小食，睇過好多youtuber都挑戰過，鐘意既話佢好食，唔

關於新北江嘅尼泊爾餃子店，位置都真係比較難搵😂要好熟悉新北江先會去到呢個迂迴曲折嘅地方，第一次去嘅時候真係覺得好似迷宮，想食呢間再行返轉頭就好似搵唔到🙈🙈🙈尼泊爾煎豬肉餃子 🥟🥟外皮夠晒脆 豬肉餡都好足料 啖啖都係肉 加埋佢尼泊爾特製醬 （辣辣地既味道，真係愈食愈過隱）完全與港式中式餃子 有區別之分 但煎既餃子，油份始終會比較多，下次再食真係可以試下蒸既餃子～ 店舖內兩位外藉店員 😄相當親切 有禮貌 笑容都令人有放鬆既感覺 價錢亦經濟實惠

.《MoMo》Chill Fat推介：🌕🌕🌕🌗🌑（5🌕最高）平時返工附近嘅餐廳已經食過哂喇，生活幾咁苦悶，今次用外賣平台落Order試下尼泊爾特色美食-《MoMo》，主食以尼泊爾餃子MoMo為主，所以餐廳名勁Match！蒸雞肉餃子配香辣薯仔 $60外貌有啲似小籠包，但皮嘅質感比較有咬口，即使外賣送到嚟公司都唔會比水蒸氣搞到糊哂，餡料比較清淡，可以配埋附送嘅酸咖哩汁一齊食，酸酸地幾開胃！而香辣薯仔個味道你一食就知道係南亞菜，嗰種特別嘅香草味令人記憶好深刻…煎豬肉餃子 $54估唔到送到過嚟個皮仲脆，好得意嘅口感，除左豬肉餡仲有小小軟骨嘅感覺，不過煎餃子嘅油有小小多，相反我中意食蒸餃子多啲…作為天水圍區少有嘅尼泊爾餃子，可以試吓，睇下會唔會刷新你對尼泊爾菜嘅認知！

之前一路幫襯開覺得好抵食又好味，近呢1-2個月好似轉左手，menu都有d唔同，packing同人手都唔同左，上次食已經覺得味道差左，諗住可能一時失手，今日再試多次，點知仲嚇人，買完外賣一返到去打開，已經見到隻小小強痴住左喺餃子皮上面，真係嚇Q死，食都未食已經唔開胃。。。個餃子外貌亦比之前差，而家好似岩岩巉巉咁，仲有嗰兩舊隨餐附送嘅lollipop chicken, 之前係脆炸雞，而家又咸又唔脆又油，d肉又鞋，完全唔同晒feel🥺應該唔會再泥了

呢間尼泊爾餃子店都開左一段時間，但次次行親新北江搵野食既時候都醒唔起佢，可能因為佢唔係開係多餐廳個條行到。蒸豬肉餃子（10隻）🐷 $38從來都未試過尼泊爾菜，一開始有啲擔心香料會有陣怪味🙈，會唔岩香港人口味，但兩款餃子就咁食落其實同平時食開既差唔多味，但一點中間橙色既辣醬，即刻食出分別來，原來重點係係個醬到🤭。雞肉餃子（湯上，6隻）🐔 $43呢個係有埋麵，份量都多，味道有驚喜，下次會再叫👍🏻呢度豬肉同雞肉餃子既包法唔同，咁樣就唔會撈錯🤣，呢點需要讚好👍🏻🔸座位唔多，得兩張枱🔸即叫即蒸🔸可以混合口味

2018年喺尼泊爾差唔多日日都必食momo， 自從疫症冇得去旅行就一直冇再食過今日難得入嚟天水圍新北江，朋友介紹呢一間momo好好食，所以決定一試😛鋪頭超細應該主打外賣， 入面兩位外籍廚師態度親切🥰👍🏻momo即叫即整，所以都要等待一下嗌左個套餐，整緊嘅時候已經聞到係久違既尼泊爾嘅味道🥺👍🏻🤤由於買外賣返到屋企已經唔係最熱嘅狀態🥺一食落去， 雞肉餃皮薄餡靚，有汁，係熟悉嘅味道🥺好感動🥺👍🏻👍🏻👍🏻👍🏻份量好多，要分啲比朋友食🤣再點埋佢自家製嘅橙色醬汁，味道好夾，點下點下就食晒啲醬👍🏻🤣本身對佢個辣薯仔冇乜期望，點知原來薯仔再加埋啲芫茜，再加啲蕃茄茸，味道都係咁夾， 辣辣地好開胃😝如果再經過一定會再食👍🏻👍🏻👍🏻❤️

我係香港初次接觸呢款尼泊爾美食嘅地方,唔係係尼泊爾小店林立嘅佐敦廟街,唔係係尖沙咀/中環呢啲多異國菜食嘅地方,而係係新界大西北 - 天水圍新北江商場💥.當年(其實只係舊年)因為一首 #天水圍ganggang (同好請揮手)而專程入嚟新北江 (新北江啲人hup我驚驚...🎼)而素聞新北江多小店,臥虎藏龍,而行下行下竟然發現一間門面掛滿西藏五彩經幡另又有🇳🇵國旗,細探之下原來係專門賣尼泊爾餃子🥟嘅店,第一次見好新奇,而店主都係地道尼泊爾人,非常親切好客..($38)呢度餐牌列係門口,專做momo, 除左蒸,仲有煎同炸,另有蕃茄湯餃形式,煮法多樣,而momo 嘅餡只有雞肉/豬肉或素菜(因為尼泊爾人大多信奉印度教,而印度教唔食牛)第一次食要左 蒸豬肉餃,最原汁原味,即叫即蒸. 第一次食得出momo 同平時食開嘅中式餃子唔同嘅係,皮比較薄身,裡面係多汁,而中間呢個橙橙地色嘅辣醬,係momo 嘅靈魂所在,酸酸辣辣落了蕃茄,另外加入了少量芫荽嘅味道,非常惹味,瞬間已經清哂十隻,而自此之後亦都引起我對momo嘅興趣, 不時發掘下香港一啲正宗地道momo..由於鋪面唔大,主要都係做外賣街坊生意,之後有時

一、兩年前食過，特登再食多次。lunch時段人流多，鋪頭細細間，有2張枱仔俾食客堂食。叫左雞肉餃子套餐($50)，豬肉餃子套餐($50)。每個套餐配小食辣薯仔/炸雞，飲品。餃子質素冇變，依然好味道。餡料多，一咬爆汁。而且餡料屬結實，加埋醬汁食更好味。雞肉餃子外型同平時既唔同，夠特別。而豬肉餃子既外型，就係半月款，同平時既似。炸雞唔係平時既炸法，食落唔油膩，肉嫩，感覺唔似炸但香口，唔熱氣。而辣薯仔份量都幾多，大大件，調味唔會過重，辣味接受到，唔屬好辣。整體，好開心可以食到其他國家既特色菜，唔好睇少10隻餃子，食到一半，已經好有飽足感。

MOMO超級好味，我唔係住天水圍，但係一有機會嚟我就會買嚟食！皮薄多汁嘅尼泊爾餃子值得大家一試再試，我一般都係叫雞肉餡，因為自己好怕豬肉味，都係個人喜好，同行嘅男朋友食咗豬肉餡佢話好好味，一d都無我驚嘅豬腥味，大家都可以試下。另外，佢地點餃子個降汁簡直係成餐飯嘅靈魂。個醬汁自己真係整唔到，食唔太出係咩，我食得出有薑、蒜、芫荽同辣椒嘅味，好有層次感，應掛仲有好多尼泊爾獨有嘅特色調味係入面，真係好好味。$50個Set B套餐仲有個炆薯仔，好似係用點餃子個汁炆出嚟，辣辣地幾惹味，炆得好軟好入味。點解我唔係住天水圍

平時好少會過黎呢邊，雖然知道呢到好多野食，但實在太似一個迷宮，所以難得過黎睇e生，就黎試下佢本身搵極都搵唔到(路痴)，諗住放棄食其他，點知突然又見到見到menu發現有3種餃，有選擇困難嘅我決定叫mix埋嘅豬同veggie，店家好好人咁比我當成一個餐即叫即整，熱辣辣，好食， 我仲用埋薯仔d醬點黎食我唔食得辣都覺得好食，係咁狂點d醬，一口一隻餃，岩岩好，另外薯仔都好野味下次有機會都會encore黎試試雞肉

今日要到天水圍工作，所以去咗新北江食飯，食完飯之後估唔到比我遇到MoMo, 其實MoMo即係尼泊爾餃子🥟唔係四周圍都會食到，今日比我遇到咁有緣，就算啱啱食咗飯，都要再食啊😋我本身自己就非常之鍾意食餃子，認識呢一款尼泊爾餃子係因為我上份工作嘅關係同事介紹，當我一試過之後真係愛上，仲會間唔中去佐敦食下，佐敦有間Momo都幾好食。👍😋其實佢嘅外型有啲似上海小籠包，但係又冇小籠包咁多汁。餡料方面有豬肉，雞肉同素菜，其實係似小籠包造型的餃子，不過皮係比較煙韌，如果唔醬將係比較清淡嘅，而且可以選擇蒸，炸同埋湯三種做法，我最鍾意食蒸餃。佢呢間嘅momo整得真係唔錯,$35/10粒都幾合理， 皮薄餡靚而且都算多汁，即叫即蒸，上枱嘅時候仲係熱辣辣，一啖一個非常過癮，重點係佢隻辣醬，佢隻辣醬少少辣，又唔會話好攻鼻，總之同呢隻餃子係非常之夾，保守估計如果普通一餐我應該可以食50粒，真係好美味😋佢嘅老闆娘態度都好友善，我見佢地方細細得四五個位，主要做外賣多，但係都keep住有人嚟食, 就知道大家都已經成為momo嘅捧場客了😋______________________________店名：MOMO馬拉雅餃子環

雖然餐廳座位數量只有大約6個，但lunch好多人黎食，外賣既人亦多。即叫即熟。可以單叫餃子/有set。叫左set B($50)，包括有雞肉餃子10隻，辣薯仔，飲品。餃子圓碌碌，蒸完熱辣辣上枱。好多汁，而且超級多餡，皮係有口感既薄，但唔係小籠包既薄皮。中間既醬中辣，幾有特色，平時冇食過。另外仲有素菜餃子/豬肉餡。除左蒸，仲有炸款添。一個人食10隻，係會好飽。薯仔煮到軟軟地，好似薯蓉口感，都仍然係一件件外形。微辣，大約有10幾件。食物即蒸，有2個姐姐打理鋪頭，大約等10mins左右就送上餃子。整體，平平地，又食到咁多餡既餃子，支持小店。