Monkey Cafe

營業中

休息中

餐廳環境安靜，人流不多，因為當晚在酒店住宿，package 包了早餐及下午茶，味道不錯，所以就近訂了在這裡晚餐，openrice 預訂dinner set 有8折優惠，食物味道賣相都不錯，鴨胸比較出色，有點燒鴨香味肉很嫩，不愛吃鴨胸的都可以接受，配菜芋泥好吃，但晚餐的款式選擇較少，如果可以有多點不同肉類選擇會更好，甜品可選蛋糕或movenpick雪糕，餐包及蛋糕有驚喜，餐包熱辣辣很鬆軟，芝士蛋糕味道不會太濃太淡好吃，還可以安排寫上生日祝福，滿意

Monkey Cafe今天約了朋友到湾仔駿景酒店吃晚餐，餐廳環境舒適，設計簡约，好適合年青 人聚腳好去處，享受美味時，感覺工作人員的服務也很貼身。叫了一個滋味海鮮2人套餐原隻波士頓龍蝦丶蝦丶扇貝青口---凍海鮮冷盤丶好有鮮甜味，口感零人覺得新鮮。香蒜大蜆意粉---意粉爽而有蒜香味道，真想再添吃。香煎三文魚柳---煎魚柳非常嫩滑，魚肉柔軟细膩，入囗溶化，外皮微微炸脆彈牙。飯後甜品係名牌雪榚，飲品叫了 latte及普通咖啡一杯，這餐晚飯吃得好開心😜總結餐廳環境好優雅，食物質素好好食，加上服務好好，推介。

Staycation 包埋早餐、所以早上9點去到歺廳、無乜人、可能住酒店人不多、早餐系set、看看歺牌選擇不多、一共有4款。歺廳環境明亮優雅、枱與枱之間極之濶落、系度嘆个早餐、咪話唔正🥰早餐点了C+D、一个系皮蛋鹹肉粥配豉油皇炒麫、另一个系自選太陽旦配雜肉腸、沙律菜及薯餅。👆皮蛋鹹肉粥正正常常、無乜特別、不過炒麫、外觀唔錯、食落去感覺麻麻、比大牌檔差😔👆份量徧少、不過味道都唔錯、若有早餐自助或半自助就開心好多🤪、希望酒店能夠改善一下🙄👆好彩有鮮奶配粟米片就任食有個corner 位擺了不同款式粟米片、任意配搭、依個安排加番分💯👆重有咖啡/鮮奶/橙汁任飲、都好正、咖啡都有幾個選擇有carpentino/ latte/ coffee/espresso、拎左杯latte、另一个普通咖啡、都幾好飲、有酒店出品水準、抵贊👍👍👍

平日去，貪呢度無乜人食。咁岩又做緊折。叫左呢個下午茶杯甜酒好飲，好易入口。朋友們都讚不絕口。如果唔要甜酒，可以轉果汁。四款咸點，鮑魚同下面塊餅唔多夾。分開食好啲。鮑魚都算彈牙，加左芝麻都幾特別，似罐頭鮑味，下次買罐頭鮑魚都可以加芝麻芝士年糕，好軟綿綿。Parma ham 薄身，不太咸。都幾岩我口味。可惜唔夠香。一口牛，幾入味，亦不硬。好食😋甜品得三款。馬卡龍，味道是合適的，香港口味，不太甜，不過未做到外脆的感覺，可能拎出嚟太耐先食。不過都好食既。因為係我至愛。蜜桃撻， 上面紅色係山楂粒脆脆，酸酸甜甜。反而蜜桃味道無特別，下面仲要係全部cream，感覺單調左啲。反而用左朱古力作餅底，即刻好食左。不得不讚係柚子慕絲蛋糕，非常清新，好有驚喜。連朋友都大讚。不過我地影相影得太耐，搞到都淋晒。如果雪凍啲，呢個一定好好食綠茶鬆餅，係有綠茶味既，但一啲都唔鬆。草莓醬唔錯 但個cream 質地好奇怪。整體嚟講食物係中規中矩，只有一兩樣特別有驚喜。不過呢度真係好靜無乜人，好舒服，計傾一流。我平日去，加埋只有三枱客仲要同佢地距離好遠食物唔多，我要連鬆餅都食晒先夠飽。但前後加埋有兩杯野飲就一流。我叫左一杯甜

今次嚟咗香港英皇駿景酒店嘅Monkey cafe，book咗滋味海鮮二人套餐，晚上7點15分，去到餐廳人客唔多，可能平時的關係。海鮮拼盤餐係包一個海鮮拼盤，主菜係一個蒜香大蜆意粉，另一個香煎三文魚柳，包兩杯餐前飲品，再包兩杯餐後飲品咖啡或茶，而餐前飲品叫咗一杯白酒同埋一杯橙汁，甜品系movepick雪糕。餐廳環境雅緻，座位都闊落，坐得非常之舒服，唔錯唔錯。海鮮拼盤就包咗原隻龍蝦，扇貝，蝦同青口，原隻龍蝦開咗邊超鮮甜，食到龍蝦嘅鮮甜味，very good🤩扇貝也不俗鮮甜，蝦也非常新鮮彈牙👍青口就普普通通正正常常。香蒜大蜆意粉同香煎三文魚柳一齊上枱，大蜆意粉好重嘅蒜香味而意粉煙韌適中，屬於水準之作，香煎三文魚緊緊熟，配上忌廉汁好惹味😋甜品係movepick雪糕分別叫咗個雲呢拿味，另一個系合桃味，兩款雪糕味道都唔錯，不過個人口味比較喜歡合桃味，幾特別👍👍👍最後飲品就叫咗一杯普通咖啡同cappuccino，兩杯飲品都好濃沃咖啡味。最後都講下呢度啲侍應非常非常之有禮貌，一流嘅服務價錢又唔貴，環境寧靜，好適宜三五知己喺度hea吓，好值得推介。

朋友相約我到這家西餐廳享用午餐，它位置遠離灣仔繁盛的大街，人流不多，餐廳亦未滿座，添了一份寧靜。地方寛闊，沙發卡座舒適，牆身的綠化裝飾，有環保概念。午餐包括頭盤（沙律或湯）、主菜（有五款選擇）以及飲品，還可以加$28配甜品/雪糕。我們點了不同的主菜互相分享。餐前麵包充滿芝麻香，質地雖然帶點硬身，但塗上牛油口感不錯。是日周打魚湯溫度高，入口暖笠笠，湯煮得濃稠，配料有西芹和周打魚。忌廉波菜雞肉意粉選用了青醬汁，表面灑了大量芝士粉，味道濃濃的。磨菇爽口，而雞肉煮得軟腍。意大利粉嫰滑，沾滿了醬汁，很惹味。香煎法國鴨胸鴨胸賣相整齊，已預先切開一片片。外皮煎得香脆，肉質煙韌亦不失細嫰。配菜顏色豐富，拼砌得很漂亮，其中最特別的是黃色像蛋糕的物體，它其實是薯仔，軟滑而味道甜美濃郁。香煎三文魚柳份量相當大，表面有一大片半溶的芝士。三文魚魚油味濃，煎得入味，剛剛好熟透而口感嫰滑。吃過主菜後，我們決定點一客甜品，是紅桑子蛋糕。表面插上蝴蝶裝飾，而蛋糕粉紅色，賣相迷人。內裡的慕絲甜美而不會令人太飽滯，控制得很好。整體來說，食物質素無可挑剔，而服務員熱情有禮，因食客不多，照顧周到。

今日九度 🥶 點呢個冬日暖暖下午茶。有海蝦蛋沙律三文治 （其實係一口海蝦蛋沙律三文治），跟住有個鴨肝多士配蘋果蓉，唔係好食到蘋果蓉味；但係成件係好味嘅 😜 水牛芝士蕃茄配黑魚子醬多士，個水牛芝士非常好👍 巴馬火腿配蜜瓜；蜜瓜very good。 法國栗子撻係成個T set裏邊最好食嘅，榛子朱古力 mousse 蛋糕，朋友話甜咗少少。跟住係精選一口馬卡龍 （一口係我自己加😅）最後有英式杏仁鬆餅配果jam及cream cheese。再加一個水果茶（可惜冇 refill)，兩位488。我覺得唔錯，環境非常好，夠靜冇乜人。非常啱傾偈，可以再嚟試 👍

聖誕節半自助餐，食物質素好，我地主菜選左燒牛肉，火雞，及海鮮意大利粉，份量又足夠，食得很飽，自助部分有湯，沙律，蝦，青哂，煙三文魚，另外每人一件鴨肝，生果，macaron, 蛋糕等，另一個movenpick雪糕食物refill 得好快，無限飲品更是貼心服務，我地重另叫左house wine 及 sprinkling wine都ok,聖誕節飲酒高興下服務員態度非常友善，有禮貌，重有聖誕老人及小丑扭波波，地方唔大，但氣氛很好，會再次幫襯

疫情中的一個聖誕前夕晚餐，朋友介绍去一間西 餐廳， 本來沒有什麼期望， 不過這晚我一進入餐廳時， 服務員很貼心的帶領到座位， 介紹我家人開始進餐， 其後又把聖誕老人及聖誕小姐帶來我枱， 制造聖誕氣氛， 全家感覺聖誕節開始嚟了， 食物質素也很美味， 尤其是牛扒， 有些五星酒店也比不上， 一片開心的晚上， 不知不覺的到了吃甜品， 每樣食物水準也很好， 期望情人節再來

賣相一般但味道一流！環境舒服寧靜，好適合想傾計的情侶閨蜜朋友去食。服務可以處理温和啲！叫左二個套餐，一個美國安格斯肉眼扒（七成熟），主廚處理得合到好處，值得食，份量就夠女仔食！另一個就香蒜辣椒大硯意大利麵，味道同樣好，可以辣多少少啲就完美！有餐包，有餐湯（蘑菇湯）偏咸，有餐飲同有少甜品。

過了一個很舒適的下午，下午茶的量不多，但每樣都很精緻，味道不錯。尤其是鹹點， 10分出色。火腿加蜜瓜、炸蟹肉餅、無花果鴨肝多士等。炸蟹肉餅被炸得香脆，蟹肉新鮮美味；無花果鴨肝多士也美味，鴨肝肥美，配上了無花果和香味，很好味。

上OpenRice,睇下灣仔銅鑼灣區有甚麼環境較好餐廳。見英皇駿景酒店的西餐廳食評唔錯，立刻星期六訂兩位，星期日同老伴撐下枱腳。酒店車場不大，酒店後巷有很多車輛，可能代泊就是把車泊到這裏，不理了，反正代客泊車，有人照顧座駕，不用擔心就好了。到達餐廳，只有四人，兩枱客。站在門外等了一會才有職員走出來，真有點茶餐廳感覺，明明餐廳内客人少得出奇，職員都不知走到哪兒去。後來職員安排了一張小枱給我二人坐，枱面細，放東西真不方便，要求一張大點的枱，職員拒絕，指著一張放了兩套餐具的較大枱面，說那是別人訂了套餐的。算了吧，反正只是想食個安靜午飯。點了餐，食物還可以，是熱的，可是來錯了一個餐，職員很快換了個正確的給我。吃完午餐，我們很快便離開，因為感覺不好。離開時，餐廳只有三枱客，仍是有大量空櫈空枱。感覺是餐廳職員太馬虎，只顧自己說笑閒聊，根本不像身處酒店西餐廳，也怪不得有那麼多好評，價錢又不太貴，卻沒客幫襯，希望管理層會好好管理下餐廳職員，以免浪費了一間有好餐廳。

和好友到灣仔參加了一年一度的珠寶展，買了心頭好！行得很累，因為這餐廳地點有點遠，所以坐的士到了這裡用餐，選這裡主要是貪這裡是酒店，可以舒舒服服坐下傾計詳談。這晚人不多，總共只有4枱人，我和好友點了一份沙律，一份漢堡包。沙律的分量不多，三文魚不夠肥美，幸好沙律菜算是新鮮，沙律醬足夠，吃起也十分可口。而漢堡包有驚喜，那漢堡扒及芝士味道濃郁，十分出色！可以encore! 完美的晚餐，當然不能沒有甜品，我點了朱古力心太軟，我十分滿意我的朱古力心太軟。朋友點了炸雪糕，我嘗了一口朋友的甜品，它不是我杯茶。因為網上訂位有7折，結賬$400，價錢算是合理。買了心頭好，吃過美味的晚餐，過了愉快的一晚

跟酒店住宿package賣，唔係特別抵不過都抵左。可以揀午餐或者晚餐價錢一樣，既然包左梗係食最貴啦。揀咗最貴嘅$178 牛扒配帶子，得兩安士。對女仔來講都還可以。仲配一個羅宋湯加餐包。羅宋湯好有味道。牛扒同帶子都好鮮。本身以為只係花園餐廳味道，識落樣樣野都好有酒店質素餐廳氣氛好好，好寧靜，唔係太多客，每一圍枱都有足夠嘅私隱。餐廳服務亦都好好，添水同埋收嘢食都好快。餐廳有懷舊設計，啲沙發好舒服。如果想寧靜可以選擇此餐廳

搵地方食飯，要因應食飯對象而作選擇，食肆環境、食物質素或食物類型等要決。如果同媽咪食，最重要食肆環境，必要條件係寧靜同舒服，呢度正正符合呢兩大條件，可能因為地點唔方便啦，所以人客稀少，星期六中午就只得我哋一枱客。🍴餐包&羅宋湯(跟餐)💎💎💎💎好少地方有白芝麻包，咬落非常軟熟，白芝麻又夠香；羅宋湯好香濃，唔會重味精，超多蔬菜🍴經典懷舊餐－4安士美國安格斯牛柳配鐵板帶子 $178💎💎💎我比較鍾意食牛，所以叫咗4安士牛柳5成熟，牛柳有牛味但唔夠腍同juicy，熟成度還可以，帶子雖然鐵板過但完全無味，薯條外脆內軟有薯味，仲有特別嘅入味茄子做配菜🍴午餐－雞肉蘑菇蕃茄汁意粉 $98💎💎💎💎極力推介呢個意粉，意粉剛好煙韌彈牙，蕃茄汁用上好多新鮮蕃茄做成，味道同濕潤度呈完美，唔會太稀或者杰身，令意粉非常掛汁，雞肉有啲鞋身，唯一一個小缺點，而菇菌輕炒過，大大件帶點爽口，一大碟瞬間被k.o.二人共消費：$304