MOO MOO Plus (百德新街) (已結業)

【🍔漢堡包｜沿海Chill之夜】之前食過觀塘店，今次約咗朋友係姜濤灣，大家就不約而同地想食漢堡，就揀咗MooMooPlus了，可以飲酒，傾吓偈，覺得近海幾Chill呢！食咗咩【🍔經典漢堡和薯條🍟】漢堡選擇都幾多，我哋係經典同軟殼蟹之間2選1。最後經典漢堡勝出🍔經典漢堡包括：芝士、蕃茄、生菜、炒甜洋蔥。未有太多嘅醬汁，但受熱熔咗嘅芝士好啱味，就算無太多汁醬都好好。漢堡扒肉質夠硬淨，切開都無尷尬散開。漢堡扒夠牛肉味，肉汁唔算好多，但口感同味道好好。蕃茄同生菜都好清新，如果可以多少少就好啦！我最欣賞炒甜洋蔥，甜洋蔥厚厚的放在漢堡上，好惹味。【雞翼9隻】可以揀6隻或9隻上，6隻可以混兩種味，9隻就混3款，我哋揀咗9隻呀！🍔水牛城雞翼未有藍芝士嘅味道，但就微微酸辣感覺，幾刺激！🍔咸蛋黃黃金雞翼咸蛋黃醬非常出色，惹味香口，係我哋最愛。🍔BBQ風味雞翼配上類似茄醬，味道都幾好，簡簡單單不過不失。【🍔Moo Moo beer🍺 】餐廳原來有自家釀制啤酒，HH沒有buy1get1, 但有減$10優惠，抵試！啤酒幾清甜，淡淡花香、果香類型、襯晒雞翼、漢堡薯條，好夾。下次再食

同男朋友行經銅鑼灣，見到呢間餐廳有我至愛咸豬手，雖然200幾蚊，比好多德國餐廳稍貴，不過我同男友都係豬手控，就入內一試， 叫咗咸豬手 雞翼,同埋炸魚薯條，卡邦尼意粉 唔食猶自可，一試就試到全港獨有嘅豬手乾，炸到又乾又硬，食左幾舊，真係無法再食， 脆皮乳豬， 都係塊皮脆啫， 冇諗過啲肉？ 都可以變脆皮， 大廚功力 可見一斑 ，絕對係非一般 ， 炸魚薯條又黑又乾，伴碟嘅檸檬， 仲乾過我荷包 根本都唔係新鮮檸檬， 另一碟雞翼， 一樣又黑又燶 ， 一陣苦味 ， 大佬 ，唔係淋啲汁上去，就可以矇騙過關㗎 ， 至於卡邦尼意粉 ，同茶記出品冇分別， 不過都叫可以擺得落口 ，冇投訴！ 呢啲餐廳， 啲食材唔識處理， 就不如唔好買啦！ 咁樣一隻豬手買二百幾蚊， 搵笨只會有一次， 超市買隻豬手 ，自己用氣炸鍋炸， 都靚過佢， 炸魚薯條，美心早餐靚過佢， 算吧啦！ 唯有通知身邊老友 ，永不幫襯👎🏻， 呢啲咁嘅餐廳， 真係多謝夾盛惠👏🏻👏🏻👏🏻 請各位食客用雪亮眼睛去評價， 幾百蚊係咪應該佢畀我😡😡😡

前排有個同事lunch 想搵個地方chill 下食下飯 就提議去呢間餐廳 地理位置雖然係fashion walk 不過就面向避風塘 有d似去左西貢嘅感覺😂 差d唔記得左番緊工諗住叫杯啤酒🍻 原來餐廳有個90分鐘任食青口放題 但我地得一個鐘lunch 所以就自製左個放題🫣白酒忌廉汁煮青口 ($168)同事呢款係最傳統嘅口味 白酒唔會好濃 個汁好適合點粗薯條🍟食 薯條多到滿瀉 好好味👍🏻 而青口雖然唔算好大粒 不過就同樣堆到山咁 其實2個人share 都一定夠 喇沙煮青口🇲🇾 ($168)因為每人叫一份青口 當然試下佢唔同味 呢款喇沙味幾香濃 不過就唔係椰香味個種 係偏辣少少 不過好開胃 配埋個麵包 索晒D汁好好食 西班牙式煮青口🇪🇸 ($168)呢款同樣係辣辣地 不過就多左啲三色椒同辣肉腸 酸酸辣辣 估唔到同青口咁夾

三款口味嘅青口任refill，包括經典白酒忌廉，喇沙及西班牙風味，每位都只係$328，仲包兩杯飲品。🤍經典白酒忌廉 Classic White Wine /w Cream濃味Creamy感覺相當配青口 ，藍青口肉質肥美多汁，無沙，無渣，肉質都算細滑。經典白酒忌廉汁香濃帶有海水鹹香，奶香豐富而且帶少少白酒甜味。🧡喇沙Laksa 唔睇menu以為係泰式冬陰功味，可能無椰奶，所以更顯東南亞口味嘅鮮辣，而且食落感覺有少少酸，不過食食下又會搵返喇沙湯嘅感覺。❤️西班牙風味配有西班牙辣肉腸，Jalapeño及燈籠椒。第一啖真係有少少食唔慣，感覺酸辣好似唔多配青口，可能未試過咁嘅配搭，但食食下又幾鍾意個辣汁帶起青口鮮甜。💚蒜蓉法包多士外香脆而且香蒜味十足，中間麵包軟熟，我就最鍾意點白酒忌廉汁一齊食😋。💛薯條新鮮即炸薯條，熱辣辣，條條香脆。💙white peach earl grey 桃味好出，有淡淡earl grey清香，加上有氣soda，份外清新。

同事之前話想食青口放題，之後佢又見呢度好似幾抵咁😙$275連加一，90分鐘任食3款🐚青口同🍟薯條~所以就訂左今日來食了😎要留意嘅係，呢個放題係要之前俾左錢留位先~去到餐廳大概係七點鐘，時間尚早，餐廳唔算多人~餐廳唔係淨做🐚青口放題，都有D客係食🥘散餐~坐低後叫左🍻三杯啤酒，就叫青口了😎飲品方面冇加錢任飲，只有happy hour，🍻啤酒比正價平少少~🍻Asahi、1664同Guinness都係大路啤酒~但我見Moo Moo Beer好似幾特別咁，就叫左了😏Moo Moo Beer係中間高身個杯，本身 $58，happy hour平 $10~果香味好重，好易入口，唔錯😚重頭戲青口來了😎我地計過數，每人食2碟就回到本，所以真係叫左6碟😂🍷白酒忌廉汁煮青口呢個係三個味入面最好食嘅👍每一碟份量都好多，青口幾大隻😳同埋成碟只有一兩隻係唔開口，可以接受~白酒忌廉汁比較杰身，唔會稀瀝瀝，點包同薯條都好好食~所以最後叫左四碟😏🐚喇沙煮青口本身諗住會食到香濃🥥椰奶味，點知食唔出🤦‍♀️只係食到辣味，同埋食多幾隻青口都覺得幾鹹下🤦‍♀️我唔係幾識欣賞，所以食左幾隻就停手了😓🥓西班牙式煮青口本身我地訂個陣係話🦞

點咗雞翼，雞肉冇肉味，調味一般😔。點咗豬手，切得細件又乾又燶😝，退返比餐廳，餐廳侍應推薦豬肋條，豬肉都係冇肉味，調味都係一般😔。點咗nachos，比餐牌細碟，味道都係一般😑。點咗moo moo draft beer - OK!

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 🤩 classic moo w cajun fries 168佢地嘅牛都係grass fed beef 🥩 20% fat 80% meat 所以食落會有少少少少乾身。但係同佢地有butter 過嘅 custom-made buns 加番茄同菜就balance 返😎再望下個海食住Chicken and mushroom penne in tomato sauce 148 hahaha 有feel 😉 如果想食lunch combo 都有架慢慢選ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ ◇◇◇◇◇◇◇◇◇🔎 #cass_burger🔎 #cass_cwb🔎 #cass_銅鑼灣

餐廳有室內、室外，好chill~👧🏻經典之堡配薯條 $168用安格斯牛肉，特別既moo moo汁，再配上蕃茄+芝士，有d洋蔥，令到成個包食落甜甜地，而牛肉亦唔會過鹹，又多肉汁，薯條份量多，唔驚唔夠飽！👧🏻香脆雞翼6件 $88佢有4個醬可以揀，仲有雙拼，好可惜遲左去食，已經無哂鹹蛋黃味，所以就叫哂蜜糖味，d蜜糖多到浸住雞翼，真係好開心，我仲用薯條點蜜糖食，雙重滋味！！其實佢仲有個任食青口，下次會想去試試😎😎

90分鐘青口放題每碟都好精美有兩塊香脆既蒜蓉包做拌碟青口有3款選擇  - 西班牙口味, 經典白酒忌廉同埋喇沙口味西班牙口味用左西班牙肉腸chorizo煮帶一種鹹香味, 初時食會覺得比較重口味但愈食愈惹味3款之中最鍾意係白酒忌廉法國藍青口配汁味道又香又滑除左蒜蓉包我仲會用薯條蘸汁吃喇沙口味 - 因為唔同族群和地區做法同味道有好大差異,所以無統一既標準呢到既喇沙椰味無咁重, 辣味會比較突出配青口濃厚得來又唔會過膩3款口味各有特色, 唔會重複而且每碟都係海量咁多, 但只有1-2隻係無肉/唔開口Cajun friesCajun係一種辣香料, 薯條偏粗身炸得再脆d會更正飲品方砷Pear Lime Cinnamon想像唔到既組合, 但係好熟悉既味道呢個MIX & MATCH出黎係話梅口味食咁多款口味青口之後用黎REFRESH就岩岩好

食盡銅鑼灣之西式 — MOO MOO Plus————————————————今日lunch係去左銅鑼灣搵野食，見到呢間食burger既餐廳門面都大間又唔洗排隊，就走入去trytry佢既lunch set啦！😆🔸Classic Moo with fries $128order完好快就有得食，薯條值得一讚炸得唔錯，仲有d調味粉夠惹味😋，Burget水準正常，選用手打牛肉，有牛味🐮🔸 肉醬意粉 $78肉醬意粉面層都落左好多芝士，番茄味道足，份量唔會話太小，幾好😁每個lunch set都已經包咗是日餐湯或者沙律，同埋coffee or tea，佢既餐湯都幾大一碗嫁！💭Overall comment:今次仲追加咗香煎鵝肝$38同香煎龍蝦半隻$80，味道又幾唔錯，可以一試😆

1. 墨西哥粟米片（$118）92/100分量都幾多，除咗粟米片多，最緊要係醬汁都多，有牛油果蓉、蕃茄肉醬、芝士同埋酸忌廉，好邪惡，但係好好食，必食推介！2. 心太軟蛋糕（$68）90/100心太軟朱古力味濃郁，好流心，好好食！3. 鮮果雪葩（$78）88/100揀咗桃味，唔會太甜，好香桃味，好食！總結：環境舒服，好chill，音樂好啱聽，食物好食，服務殷勤。見到隔離枱食任食青口，好似好好食咁，下次都可以試下！

之前幫襯過觀塘嘅分店，burger十分之出色，今次到訪銅鑼灣嘅分店，據聞呢間嘅青口唔錯。餐廳有個$250一位，90分鐘無限任食青口，呢個set 有三款口味，包括經典白酒忌廉、西班牙風味同喇沙味。三款口味各有風格，個人偏愛經典白酒忌廉口味。經典白酒忌廉 - 忌廉味香濃，帶微微酒香，入口creamy。青口大大隻，肉質鮮甜。西班牙風味：帶點酸甜，有少少辣，入面配有辣肉腸同蕃茄salsa ，好開胃。喇沙：呢款亦都好惹味，帶少少辣。入口有香濃嘅喇沙味，啱晒重口味嘅朋友。除咗青口之外，亦提供蒜蓉包比你點埋汁食，真係夠晒滋味。蒜蓉焗得好香脆，帶有蒜蓉味，點汁一流。套餐加$30，有埋薯條，薯條炸得好香脆，無論點茄汁定青口汁，都好好味。另外點左杯Blue or purple? - 呢杯Cocktail本身係紫藍色，加入佢提供嘅syrup，就變咗好夢幻嘅漸變粉紫色。入口味道清新，啱晒連埋青口一齊食。餐廳座位闊落，仲有outdoor 座位，可以對住海景食青口或者burger，感覺又幾chill。

繁華嘅銅鑼灣出名吃喝玩樂，應有盡有嘅地方而百德新街更加係著名嘅商業大街,鍾意食burger🍔嘅我,為大家推介喺百德新街Fashion walk附近叫Moo Moo餐廳裝修環境非常時尚，有特色，可以同一班friend👫收工飲下酒🥂吹吓水的好地方。Classic Moo &Cajun fries大大的burger,充滿牛肉味的漢堡扒，加上炒過的洋蔥🧅更加入味，2個字好味😋薯條🍟炸到好脆，外脆內嫩，份量都好多，2個人都食唔哂🤭Meator pizza手工pizza有肉丸，Parma ham，辣肉腸，個餅底好脆，有煙煙韌韌嘅感覺😳，份量係2人食就岩岩好👍餐廳仲有其他套餐，大家不妨可以試下。Overall 可以一班人吹水，飲酒🍻的好地方

综合菜，港產凱撒，非州Pizza:真係大開眼界，新春期間，同朋友午飯小叙，行經銅鑼灣，見到此店環境舒適，面向海旁，就决定在此開餐，就此開始驚人午餐體驗，先來餐湯，什菜湯，一上枱，原來呢間係西班牙餐廳，流行凍湯，個湯唔止唔熱，連温都唔係，叫左侍應投訴，即時取走，幾分鐘換上熱湯，味道太酸，呢個純屬個人口味，所以便欣然接受，接着頭盤凱撒沙律，吓！又長見識，幾時開始凱撒沙律不用羅文生菜，而用一堆不知名蔬菜，加幾粒面包碎扮凱撒，叫侍應過嚟，同佢講我叫凱撒，呢個係乜？然後佢叫我等等，然後有一位，唔知係老闆定經理嘅中年男人， 向我解釋， 因為新春期間 ， 蔬菜商休息，未能提供貨源，因此冇用羅文菜，我話冇菜，貴公司應該停止售賣，最後呢位中年男仕面有難色，禮貌地話幫我取消， 下一道菜非州辣肉腸pizza（如圖）真係經典，嗰邊完全燶黑，一氣之下，再叫老闆物體替我埋單，然後狠斥佢哋賣垃圾食物，香港飲食業低迷，唔可以怪經濟，現在解禁時期，應該開始經濟復甦，不過提供如此質素食物，又點幫襯啊，唔執笠真係奇蹟👍🏻

銅鑼灣E出口直行出海旁，中午來到海邊食飯，有吧枱可以望住遊艇會方向食飯，感覺好chill。忌廉湯忌廉味好濃，牛油奶香味較重，有蜆肉。經典之堡配薯條 | $128 午餐有跟湯或沙律及飲品。餐廳不做漢堡一開二，但好在都易切，加了煙肉$12。麵包皮軟純，牛肉薄身有肉汁。意大利辣香腸薄餅 | $88Lunch set 薄餅還有夏威夷、雞肉、意大利香腸三款選擇，餅底厚度適中，芝士夠多又濃味。炒菠菜 | +$48第一次在西餐廳加on side 菠菜，好特別。蒜蓉菠菜好中式🤣，蒜蓉好香但菠菜偏鹹。