Morokok (家樂坊)

營業中

休息中

這間走摩洛哥風的泰越式的餐廳，環境宽敞舒服，更設有室外座位。餐牌選擇頗多，價錢合理。泰式柚子蝦沙律的份量頗大，蝦隻大而爽口，醬汁調得不錯，酸酸辣辣，柚子清爽，十分開胃。越式蒜香蜜糖牛油雞翼，大大碟只需$68, 雞翼切開一半變成單骨雞翼，方便食又比較入味。香炒醉貓海鮮水晶炒河粉，水晶河粉比一般河粉闊同彈牙，口感煙煙韌韌，醉貓是形容味道香辣，好惹味，仲有辣醬俾客人自由調味。點了椰子雪糕做甜品，好香椰子味，還有椰子肉及花生。

見到佢到新出左泰邊爐，所以突登黎試下，個湯底我哋揀咗泰式冬蔭，個湯底超濃，好入味同好索汁，呢個湯底真係淥咩都好食😋另外仲有一個泰式汁俾你點，呢個醬都係好好食👍🏻招牌泰式火山排骨$168嚟到店員會淋酒，點埋火，完全忍唔住瘋狂影相🤣好壯觀🤣排骨有六大個，估唔到都幾多肉，個汁酸酸辣辣勁開胃😋泰式炸蠔餅$128呢個真係黐線，大過我塊面，勁多蠔，而且啲蠔都好大隻，加埋啲蛋香，呢個真係好推薦💖好抵食啊😛泰式街頭薄餅，配香蕉，煉奶榛子醬$78因為太耐冇去泰國真係有啲掛住泰式薄餅，所以飯後甜品就揀咗呢個，真係有喺泰國食嘅感覺，又香又脆，勁多醬，超級邪惡😈

去旺角行街閨蜜話想食呢間！ 之前食過都係下午茶比較多，今次食晚餐！泰式正宗冬蔭功海鮮湯 $168 🇹🇭🍲最近天氣凍咗好多，於是我哋叫咗熱辣辣嘅冬陰功湯，入邊好多海鮮，暖心得來又唔怕肥！仲有打邊爐嘅感覺！🤭泰式香茅雞翼 $68外層酥脆，鍾意佢嗰隻泰式辣醬點落去特別好食！泰式燒雞 $198 🍗即叫即整，佢話需要等20分鐘以上，咁我哋就一路傾心事，一路慢慢等！閨蜜話嗰隻燒雞嫩口，好好食😋！雙色芒果糯米飯（碟豆花，斑蘭）$98 🥭🍚食泰國嘢，當然唔少得芒果糯米飯呢個甜品，大大塊芒果，新鮮同埋香甜。賣相好靚，蝶豆花同埋斑斕味嘅糯米飯，搭配椰汁好好食。鍾意佢啲糯米飯夠的骰，啱晒我哋呢啲注重減肥又貪靚嘅女仔。

一向都鍾意嚟Morokok，除咗食物質素高同服務殷勤，位置好方便，氣氛好chill，環境又靚火山排骨做到泰國風味，肉質嫩滑一絲絲，湯底酸酸辣辣入晒味，一啖湯一啖肉好滋味，擺盤又靚蠔仔煎蛋，份量十足，上菜時有啲震撼，蠔仔鮮味十足，處理得好乾淨，煎蛋脆邊口感好好，好惹味一人邊爐揀咗冬陰功湯底，濃而不膩，蛋麵蛋香十足又掛湯，有種撈麵嘅濃稠口感，牛肉香濃，丸類爽口彈牙，蔬菜鮮甜泰式奶茶好香濃，口感好順滑選擇好多，份量十足，擺盤精美，款款都好吸引店面同環境都好靚，裝修同佈置都好用心，輕奢風嘅感覺，又有格調，仲有個空中花園，室內外地方又大又闊落，好啱包場開party，值得一試

這天跟朋友到旺角逛街，朋友帶我到這家店吃飯，原來現在家樂坊上面開了那麼多餐廳，這間泰國菜很有文青風格！🌴✨ 店內以簡約工業風為主，搭配綠植點綴，每個角落都很打卡，還有一個大平台，可惜今天冷了點，還是留在室內吃飯！😌💕首先我們點了 泰式一人火鍋 🍲🌿 椰奶湯底有點冬蔭公的味道，湯底濃郁香辣，配料有牛肉、丸、菇、南瓜、鴨血、蛋麵等等！🥩🥬 火鍋的熱氣騰騰，充滿泰國熱情！另外又點了 泰式酸辣燒魷魚筒 🦑🔥魷魚筒燒得外脆內嫩，搭配泰式酸辣醬，酸中帶辣，辣中帶鮮，魷魚筒燒得恰到好處，外層微微焦香，內裡卻保持著彈牙的口感，鮮味十足。甜品點了 雙色芒果糯米飯 🥭🍚 這道雙色芒果糯米飯擺款很精美，芒果旁邊伴上紫芋及斑蘭糯米飯！🌈👀 糯米飯軟糯香甜，搭配新鮮芒果和椰奶，甜而不膩，新鮮芒果的果濃郁，酸甜多汁，與糯米飯的口感形成完美對比。

餐廳位於旺角家樂坊，以摩洛哥風為主題，有勁多打卡位，好似去咗外國旅行咁，另外仲有個靚靚戶外用餐位置，超級適合約朋友仔嚟傾偈Chill吓。而食物方面就主打多款經典嘅泰式料理，會話整體價格合理，地點方便，值得一試。最近新推泰式一人火鍋，包含美國牛板腱、豬紅、豬肉丸、花枝丸、娃娃菜、粟米、冬菇、南瓜，以及任選一款麵同湯底。椰奶味香帶微微酸甜，金邊粉吸滿湯汁，搭配多款新鮮配料都幾滿足，呢個價錢呢個質素出邊快餐做唔到。招牌火山排骨有酒香氣，排骨有成七大塊，啖啖肉，食肉獸表示滿足。另有鐵板炸蠔餅，超級無敵大份，炸至金黃色、酥脆可口，皮薄唔油膩，蠔大粒飽滿又唔腥，點埋醬汁可提鮮。最後以街頭薄餅作結，香蕉夠甜，搭配煉奶同榛子朱古力醬大人小朋友都啱食。

Morokok (家樂坊)，位於旺角登打士街56號家樂坊8樓801號舖。 店內環境舒適，有打卡位，餐廳主打泰式fusion菜📝，午餐 ～ 青檸雞胸牛油果沙律+ 玫瑰咖啡$109、 泰式柚子虎蝦沙律 + 冬陰功湯 + 虎蝦金邊粉+泰式街頭薄餅配香蕉煉奶及榛子朱古力醬+ 凍檸檬蜜$128。 ▫️青檸雞胸牛油果沙律 ～ 健康而有益嘅午餐， 沙律菜爽脆， 但牛油果份量少，雞胸亦好鞋。 ▫️玫瑰咖啡 ～ 咖啡味唔算濃，有玫瑰花香作點綴。 ▫️虎蝦金邊粉 ～ 金邊粉炒得幾香， 酸酸甜甜的。 ▫️泰式柚子虎蝦沙律 ～ 柚子酸酸的，虎蝦爽口，醒胃惹味。 ▫️冬陰功湯 ～ 太鹹， 飲幾啖已經唔想飲了。 ▫️凍檸檬蜜～ 味道正常。 ▫️泰式街頭薄餅配香蕉煉奶及榛子朱古力醬 ～ 餐廳忘記上甜品。 整體環境舒適，中午用餐沒有限時。

罪行一：服務員服務態度超差我們剛到店時，只有10%滿座。那位男侍應安排一張皮革已破爛的卡位給我們。我們當時即時反映，但他堅決不能調動，我們再三要求才肯給我們調到其他位置。罪行二：店員根本沒有服務質素可言店面想找個人都難，要水杯沒人理，叫加水沒人理。臨尾 last call 那男侍應問都問得衰過人。佢覺得咁唔願意做不如早d 退休。罪行三：食物水準差很多食物都像翻熱菜式，例如烤餅、燒雞，像已經做了很久，放進微波爐或焗爐再翻熱的那種。罪行四：外面廁所極污糟三間食肆用兩個廁所，廁所得果兩隔！又臭又污糟！想嘔！

Morokok呢間餐廳一入到去感覺好舒服，裝修得幾靚，而且都幾大，有室內同室外座位，而佢哋嘅menu選擇都算多，樣樣食物望落都幾吸引，賣相都算唔錯。但可惜嘅係，我地叫咗幾款菜式，全部都勁咸，就連個沙律都好咸，食完勁口渴。而服務員都算幾多，但就冇人做嘢，個個企哂喺吧枱傾計，完全冇人理我地，有咩須要都要親自行埋去叫佢地，咁其實都唔洗請咁多員工啦。整體來說，環境唔錯，坐得舒適，但食物太咸，而且服務不周到。

早兩日去，用OpenRice book位有85折，去到話每人至少order 一杯野飲，就算個餐已經包咗野飲都要再 order野飲，最後冇本事賺佢呢個85折 😓埋單話只收 Alipay, WeChat pay，話現金就最好唔駛點找因為冇散紙🧐如果我當日帶唔夠現金又冇嗰兩樣支付方式真係唔知會點。仲有 service 真係kick kick 哋，特別係企門口有個後生仔侍應講野鬼食泥，冇笑容，好似前世欠咗佢咁唯一讚嘅係個邊爐椰奶雞湯底味道幾好,但個邊爐set 百幾蚊得5片牛，豬紅咁平嘅嘢都要切到咁薄好似好矜貴咁。真係再去呢間嘢？！不了！

朋友被IG$128一人火鍋廣告吸引，所以約埋一齊去試，上去就有點伏，個餐得四片肉左右，兩片薄粟米，兩款丸（各兩粒），豬紅（細粒仲要切片），兩粒冬菇少量娃娃菜，跟一細碗金邊粉或麵，包一杯青檸水/茶，泰式奶茶要加$8，湯底有三款選擇（冬蔭、椰子雞、船麵），整體黎講就真係唔抵，出去食碗粉都好過食佢。既然去到就睇下仲有咩可以叫散叫，好多嘢都標明售罄，想叫海南雞飯但揾均都無，但就可以單點海南雞同白/油飯，唔知係咩經營之道，泰式和牛炒飯、蝦醬通菜、泰式木瓜沙律（鹹）食物正常唔叫出色，但略嫌少貴。諗住環境靜，當晚都坐唔滿。本來對食物都一般。點知食出火黎，坐坐下突然一股涼風突襲，原來係啲員工出入無順手關好露台門，啲風就係咁吹入黎我地個位，食到應，提過啲員工，開頭都有留意下，每當感受到涼意就知有人無關門，已起身自己去閂，點知轉頭啲員工又閂淨一半，即時要求員工可唔可以留意返，我地係黎食飯，唔係黎食風，後尾啲員工先醒目。坐左成晚無人會主動加主加湯執枱，等緊甜品時終於有位男職員話執枱，點知執左少部分就走左，原來佢清其他枱，坦白講全都唔係多客，既然有心揾人出鱔稿就唔該攪返好啲服務啦，呢間餐廳真係可一不可再，無試

服務 :我經 openrice 訂座，如期按時出席。點知事後收到 openrice 通知話餐廳指我缺席，然後要喺48 小時之內上傳資訊打一大抽野同單據証明已出席。當時個店員同我講單點食物先有85 折，飲品甜品同埋 set 無折，我話 ok.. 即係其實個店員都知我係經 openrice book 位啦，你話人多忙中有錯我接受，但係我幾乎係第一檯入去都咁樣成班 staff 都發夢咁，lunch 時段已經唔係太多人，仲掛住喺水吧圍埋吹水，埋單要個客自己走去搵佢地埋，黑口黑面好似欠咗佢地咁食物：質素唔好提喇。我加叫咗一碟青木瓜沙律，夾起粒蒜，竟然係連皮，我當有失誤，但係我發覺全碟啲蒜都係連皮 ... 咁可能我見識少，或者地道泰國青木瓜沙律真係連皮俾客食呢。個茶呢 ... 諗住泰國餐廳點都用手標紅茶沖，點知係 lipton 嚟

今天想吃泰國菜，經網站找尋找到了morokok，見食評也不差，所以一試。食物水平也不算差，但所有食物在上枱時也是微暖的，所以食用口感欠佳。實在失望。加上一開始就上晒所有我們點的食品，就連甜品也一併送上。因此在嘗用頭盤，其餘食物也凍了。。。。。。。。。。。。。。。。。。。。。。。。。。。。。。

時：平日中午地，環境繼2021年紅過，有和服借同影相，稱泰越嘢好好味。2024了，終於有時間黎食，可惜可惜可惜1.無咩人流，唔滿，全港經濟差2.打卡位無曬，戶外好舊好舊好鬼舊，戶外都唔夠好mood3.枱有污垢，污糟到抹不掉，碗碟有點破損4.食物一般5.食物飲品也貴人.男侍應讚，有禮，用功打工，加油。食：出事了，set lunch 永遠不是我杯茶叫左有碟豆花班蘭芒果糯米飯碟豆花個糯米飯球，嗰心燶左，中心部分乾爆，變石頭，唉。。。。。。。份量十分少其他班蘭芒果幾好味都扣分讚賞：只有個蝦餅，兩個字好味，三個字真彈牙飲：太貴了性價比：偏低

和牛干炒牛河选用鲜嫩的和牛，与河粉一同翻炒。河粉的滑爽和和牛的鲜美相得益彰，口感丰富。和牛的油脂在炒制过程中融化，使得整道菜肴更加香浓，伴随少许酱油的咸香，令味道更加层次分明。### 椰汁鸡汤椰汁鸡汤是一道清爽的汤品，采用新鲜的椰子水和鸡肉炖煮而成。汤汁醇厚，椰香浓郁，鸡肉鲜嫩。喝上一口，能感受到椰子的清甜与鸡肉的鲜美交织，既温润又滋补，非常适合秋冬季节享用。### 小吃拼盘小吃拼盘包括虾饼、猪颈肉和炸鸡翅，各具特色。- **虾饼**：外脆内嫩，虾肉的鲜味浓厚，配以微微的香料，口感丰富。- **猪颈肉**：肉质鲜嫩多汁，搭配独特的腌制酱料，味道香浓，带有一丝甜味。- **炸鸡翅**：外皮酥脆，肉质鲜嫩，炸制得恰到好处，搭配辣酱或甜酱，风味独特，令人垂涎。这道小吃拼盘适合与朋友分享，丰富的口感和味道让人一试成主顾。