MOS Burger

營業中

休息中

真 • B.L.T.照燒牛肉漢堡照燒牛肉漢堡十分滑配上煎蛋、芝士、煙肉、蕃茄、生菜加上赤味噌、白味噌及日式醬油而整成既照燒醬，同沙律醬最好食嘅地方莫過於芝士同埋蛋融化咗之後嘅風味，咬落去十分濃郁，但係又唔覺得油膩令人想一啖有一啖咁繼續食落去估唔到喺快餐店都可以食到漢堡專門店嘅感覺。但係我覺得食單層就足夠，雙層嘅話變得好厚，食得很麻煩推薦！

我最近去咗mos burger食，試咗佢哋嘅和牛漢堡配薯格，真係好好味喎！首先，漢堡好軟好嫩，用咗高級嘅和牛肉做，加上啲煙肉、蕃茄同埋生菜，味道豐富，好好味。薯格嘅口感又脆又香，加埋啲調味料，唔會太鹹，煮得剛剛好，好好味。除咗食物好味之外，餐廳嘅服務同環境都好好。服務員好友善又好專業，餐廳環境舒適，氣氛愉悅，好放鬆。總括嚟講，我一定會推介呢間餐廳嘅和牛漢堡配薯格，味道好正，服務同環境都好好，絕對係一個值得去嘅餐廳。如果你鍾意食漢堡，一定要嚟試下佢哋嘅和牛漢堡啊！

夜晚係北角匯睇完戲有d肚餓，落到商場見到好多舖頭都關左門，見到most burger仲開門喎，就隨便叫d野食la叫左兩個餐先$100都唔洗，食到好飽，點解可以咁平😂質素又ok喎！見到佢叫餐加$10就有塊忌廉蕃薯餅，咁抵，我咁啱又想食！甜甜地又香口都好ar！叫左d雞塊，同麥當勞麥樂雞差唔多，味道ok！我既蝦餅包，因為我最仲意食蝦，就叫依個，蝦餅都几有彈性！依個牛肉包我食左啖，牛肉加芝士係唔錯既配搭啊！

一直都好鍾意食MOS Burger😝今次又去食蝦漢堡佢嘅吉列蝦漢堡，炸到好脆口之餘入面仲有大大粒嘅蝦，配搭埋芥末醬，酸酸甜甜真係好好食！同埋點少得配埋佢嘅炸薯條😋大大條，即叫即炸又係好好味❤️每次經過北角都要食MOS Burger🤣🤣！

今日經過MOS burger見到門口擺設左棵櫻花樹係到，頓時思鄉病發作，再望下menu，原來新出左期間限定既富士山珍珠堡，見到櫻花樹旁有座位，所以就入去試試，可以一解我思鄉之情！富士山珍珠堡珍珠飯堡中間有和風烤牛肉及生菜作配料，裡面包裹著一分為二的即炸水煮蛋，再淋上北海道產熔岩芝士和山葵。珍珠飯煙靭彈牙，烤牛肉烤得好焦香，再配上燒汁，十分惹味，山葵份量都幾多，吾會好辣，只係有少少攻鼻，不喜歡山葵的朋友記得點餐時走山葵啊！可能山葵味道太搶，吾太食得出有芝士味。凍抹茶牛奶抹茶味好出，好香濃，入口順滑，飲完後口腔滿滿抹茶味。抹茶提拉米蘇慕斯入口幾軟滑，但可惜無乜抹茶味留意MOS Burger期間限定日本祭主題店只有六間：包括MOS Burger觀塘東廣場店、長沙灣麗閣商場店、北角健威坊店、紅磡黃埔花園店、東涌富東廣場店，以及MOS Café荃灣荃新天地店

今日又嚟食mos burger啦試咗去季節限定嘅和牛套餐58蚊有薯條同埋兩件麥樂雞 都算大呀有配咗三隻咖哩醬燒烤醬同埋日式醬 都叫做幾好味啲包好食啲咁星期五晚都係坐滿人不過感覺都係舒服嘅如果我喺日本嘅話我諗我都會揀mos burger呢 今日加咗六蚊 配咗一個綠茶拿鐵 覺得麻麻地 成日有種衝動大好想試曬mos burger嘅所有包我要努力加油

今天假期帶囡囡同屋企人來一田行！經過MOS BURGER、坐低想食少少野！點了兩個包、一個薯條、86元、還算不錯！包的味道裡面的肉也是外脆內軟！不過等的時間比較長點點、值得一贊的是有可以有裝茄汁的小盒子！很衛生！環境也可以望出去！

好味過麥當勞好多。更可配搭沙拉，非常好的配搭。北角這間MOS burger 的服務一流。好耐未見過D cashier 咁有耐性對長者講解會員制度。值得加許👍🏼👍🏼！一定會再去。

Mos Burger～與媽去食lunch🌟田園沙律🥗$24🌟吉列蝦堡🍔$28🌟芒果乳酪drink+$3burger看上去很好👍，但我就暫時不敢試了，吃了沙律🥗，試了兩口那杯芒果乳酪drink，整體感覺比M記好食得多。😋價錢也不貴🙈

期間限定的吉列野菜八爪魚漢堡（$26，加$20轉包細薯條及飲品的套餐）吉列野菜餅內有很多不同款的蔬菜，如粟米、蘿蔔、生菜等等，感覺很清新，完全沒有炸過的油膩感。外皮很脆，不過炸得有少少偏黑。加了八爪魚的野菜餅，有點像大阪燒的味道。還加了明太子沙律醬，味道很夾，加上微熱烘過的包，及很多的蔬菜，值得一試！熱檸茶是用twinning breakfast tea茶包，用來沖檸茶很好喝。粗薯條是我的摯愛，可惜薯條不夠脆...

今日好想食burger，見mos burger無咩人，就行左入去。今次叫左吉列蝦漢堡，有啖啖蝦肉，同埋超多既菜絲，比起其他連鎖快餐店，感覺健康好多，同埋佢地係點完餐就可以坐低，有職員送餐過黎。呢個包可以揀他他醬，或者芥末醬，我口快快叫左後者，個醬係wasabi芥末沙律，好攻鼻，平日少食wasabi既我，實在係好刺激😂 但都幾惹味。之前食過佢地既薯條好唔錯，係粗身直薯。今次就加錢配左咖啡同炸雞塊set，雞塊加埋bbq sause都好正，呢餐好滿足。

成日都幫襯佢ge早餐，佢ge包係好食ge，今日如常叫左個魚柳包and 熱檸水，個包一如以往係好食ge，不過一打開杯熱檸水，微檸檬頭尾個到兩薄片?!駛唔駛咁慳皮？督完都完全冇檸檬味

同事話好耐冇食叫我陪佢食，中午時間去到，排隊排10幾個人左右排了10分鐘左右便可以點餐今次同同事食一樣一包蝦堡配他他醬再加上粗薯條及雞件，飲品方面我點了粟米湯而同事就飲抹茶鮮奶由於店舖內實在太多人所以我哋決定外賣，等餐的時間比較來大約要15分鐘，因為我見他們的漢堡都是即整， 所以呢個時間我覺得都可以接受，蝦堡的蝦我覺得炸得很脆很新鮮，但是反而我覺得薯條相對上就沒那麼新鮮有一點軟，二粟米湯就保持住很熱這個我很喜歡昵！

平時好少食Mos Burger今日肚餓經過見到Menu幾吸引 就同男朋友入左去 靜靜地 又坐得舒服 食完仲可以傾下計叫完餐先知 原來Mos Burger有捧餐服務會有人將食物送到你面前 坐定定等一陣 五分鐘就有得食 我今次食咗特級和牛漢堡 比我想像好食漢堡扒夠熱 好多肉汁 又唔會太咸個日式醬汁甜甜地 我覺得好過平時落沙律醬加埋啲番茄同生菜 都幾夾 另外我好中意佢個麵包 同其他連鎖快餐店唔同 軟熟啲 不過要加22蚊先有薯條同汽水 其實都幾貴 成個餐夾埋 要五十幾蚊 好在呢度啲薯條係粗薯條 我中意有啲失望我包薯條唔係好新鮮 淋左啲

今日非常黑仔，做完嘅嘢要全部重做一次之外，仲要今日內搞掂。唔想放工都喺度做，於是想去買個三文治，但除咗便利店附近都無其他選擇，而便利店嘅已經唔新鮮。最後揀咗呢間漢堡店，又近又有即叫即整嘅包。捱到兩點幾先嚟，唔使排隊就可以落單，落完單揾個位坐，原來都要5分鐘先有得攞，證明真係即整。打開個包熱烘烘，啱哂暖胃。雞扒連皮，剪得剛好，嫩滑而唔太油膩。菜好新鮮，不過有啲硬，個人比較鐘意食生菜。食哂個飽都有飽感，可以頂到放工。以$27嘅價錢可以買到高質啲嘅包，就算人地個餐包埋汽水薯條都完全無興趣了。食完啱啱返到公司，又夠鐘開工了，唉。