MOS Burger

營業中

休息中

今日非常黑仔，做完嘅嘢要全部重做一次之外，仲要今日內搞掂。唔想放工都喺度做，於是想去買個三文治，但除咗便利店附近都無其他選擇，而便利店嘅已經唔新鮮。最後揀咗呢間漢堡店，又近又有即叫即整嘅包。捱到兩點幾先嚟，唔使排隊就可以落單，落完單揾個位坐，原來都要5分鐘先有得攞，證明真係即整。打開個包熱烘烘，啱哂暖胃。雞扒連皮，剪得剛好，嫩滑而唔太油膩。菜好新鮮，不過有啲硬，個人比較鐘意食生菜。食哂個飽都有飽感，可以頂到放工。以$27嘅價錢可以買到高質啲嘅包，就算人地個餐包埋汽水薯條都完全無興趣了。食完啱啱返到公司，又夠鐘開工了，唉。