MOS Burger

營業中

休息中

外賣仲有折頭所以今年作為食客嘅我都會選擇外賣因為可以少啲接觸二來就可以享受優惠🤣估唔到原來和牛漢堡都幾出色喎等候時間唔係好耐但係可以整得出一個好似啱啱即刻整俾你嘅感覺絕對唔同其他好多好多間連鎖店嗰個品牌真係食得出薯條係新鮮炸出嚟而且個包同埋嗰啲餡料係好似即刻預備咁滯雖然呢個都係我誇張咗少少但係感覺上佢嘅誠意係十足嘅價錢來講呢如果你單買一個包仲要係講緊和牛漢堡我夠覺得相當之抵啦因為都係差唔多$30左右至於你話要額外加薯條同埋嘢飲$23感覺上可能會貴咗少少啦咁樣加法但係如果成個餐有一個水準來講50幾蚊食你好過食另一間超級大嘅連鎖快餐店所以我係非常之推介

午餐時段好多人，要等位，舖頭唔算大，衛生麻麻地，甘岩我坐果張枱又搖，枱條邊仲爛左飛起曬！野菜八爪魚漢堡，炸得好脆好足料，仲有好多沙律醬椰菜絲，一齊食唔會油膩，兩者好夾，好好味！海鮮藜麥珍珠堡，d飯壓得好靚，唔會食到散修修！同樣地有好多料，個醬汁好味！兩個包都有跟餐，薯條新鮮熱辣辣，好粗一條，份量幾多！雞塊都好食，我揀咗配甜辣醬，個包裝係勁勁勁難開，撕極都撕唔到，搞左好耐，眼見其他客人都出現同樣開唔到既問題！

叫了個蕃茄牛肉堡，最好吃的是牛肉漢堡，有肉汁，不乾身，而且很大塊。薯條炸得很脆，我覺得mos burger的賣點就是薯條很大條，不像麥當勞一樣軟棉棉。快餐之中，它是挺貴的，但是如果有人對薯條特別有要求，可以一試。

之前突然好想食MOS burger，見到佢哋出咗個八爪魚餅漢堡好似幾好味咁，就試咗喇。一咬開其實個八爪魚餅就好似新鮮炸嘅泰式蝦餅一樣，只不過唔係蝦，就換咗做八爪魚，咬開仲見到好多一粒粒嘅八爪魚，唔怪之得有鮮味又彈牙啦。至於包面呢，就比麥當勞嘅鬆軟好多，係類似甜餐包咁，配埋醬汁同埋生菜絲一齊食，係有一種好特別嘅日西式風格。如果食厭咗M記嘅，都可以換下口味。咁當然啦，佢分店冇Ｍ記咁多，所以行過就可以試吓啦。不過依個八爪魚餅漢堡好似係期間限定，但其實冇嘅話食佢地個蝦餅漢堡都係差唔多。

最愛呢度嘅牛蒡珍珠堡，好味之餘仲要營養豐富，補充左平時好難食夠嘅膳食纖維。我亦都好鍾意呢度嘅薯條粗身有薯味，比起其他快餐店好食得多。雖然價錢有少少貴，不過好味都係值得。

今朝好早去到沙田咁就搵個地方食早餐行行下發現有大快活 但d餐唔係咁岩就去隔離嘅mos burger試試平時午餐晚餐就有食過但mos burger早餐真係第一次食猶豫左陣 食burger好定沙律早餐好最後揀左雞肉沙律餐好快搵到位等左唔洗5分鐘職員就拎左餐比我先試佢個炒蛋講真我第一次食咁難食嘅炒蛋好老又冇咩味雞肉都係好淡某某 口感又「鞋」加少少黑椒上去比較易入口個沙律就唔錯 個醬ok至於個多士 完全唔脆好難咬成個餐最好食嘅一定係個粟米湯對比其他食物屬正常水準 不過係一粒原粒粟米都冇最後總結係食番佢嘅burger好d

今日經過沙田新城市諗唔到食乜就黎左呢間mos burger沙田真係個好地方，咩都有居民質素都特別高因為實在太掛住呢到d包今日就嗌左呢個黑醋雞肉漢堡酸酸甜甜，雞肉炸得岩岩好，唔想食蝦堡可以叫呢個！另外個包本身就好好味，食落有少少甜甜地但d椰菜絲就一般啦，唔算好新鮮，但都冇得咁多要求架啦～另外加左個炸薯條，粗薯，好味過平時食開嘅幼薯好多，食落亦都更有滿足感！但當然價錢都比M字頭貴一倍。簡簡單單，一餐多謝$49

同女朋友去新城市食晚飯兼行街街，發現好耐無食過mos burger就去食下。餐廳係半自助形式，買完餐攞咗牌坐低，有嘢食店員就會送過嚟。就咁食一個包份量太細，所以一定要嗌餐。摩斯芝士漢堡，單層牛肉($28)。個包好軟熟，牛肉同芝士唔算話非常好食，不過勝在有大大片蕃茄。重點係果pat蕃茄醬，好惹味，仲有啲洋蔥粒。烤牛肉珍珠堡($27)。飯面煎得唔夠香脆，牛肉太鹹，唯一可取係食好耐都仲熱辣辣。大厚切薯條($22)。夠脆夠熱，贏咗麥記。北海道南瓜薯餅($21)。放到最後先食，入面都仲係熱。裏面啖啖甜南瓜好足料，必食推介。藍莓乳酪($3)。第一啖飲落去超級酸，一定要撈埋面頭嘅藍莓果醬同忌廉先至好味啲。乾薑味汽水($0)。好少快餐店有呢個選擇，唔錯。

講起快餐店，除咗M記、KFC之外其實我都成日去Mos Burger🍔佢嘅香港官方網頁會提供唔同餐點嘅營養素資料咁就可以知道自己放咗咩落肚方便plan好diet😆而且佢有啲配搭都唔會太heavy要400-500kcal內解決到一餐絕對冇難度👌🏽唔係最好嘅option但對於keep fit、又冇時間meal prep/想約人食飯嘅人有nutrition facts會令你可以外食都係on track/食得放心😌✅金平牛蒡珍珠堡 $25 幾濃味、而且係素食option！一個大約係280kcal，食完唔會話好飽🤔勝在係白飯做carbs、冇麵包咁processed，飽足感多啲！適合需要慳quota同冇時間自煮嘅日子佢蛋白質唔多，所以我通常會1. 飲返包奶/食yogurt/兩隻蛋 (total ~450kcal)2. 去天仁買返杯無糖芋香鮮奶綠 (total ~500-550kcal)又有treat自己/食好西嘅滿足感❤️可能你會覺得食個飯團咪仲好不過呢到可以坐低慢慢食 約朋友一齊食又得係唔同計法嘅～✅元氣漢堡 $27唔想食M記扁塌塌嘅Burger但厚肉juicy啲嘅安格斯系列起碼都600kcal起跳

今日同朋友一齊係沙田新城市廣場搵早餐食本身想去大快活但冇位，所以黎隔離呢間mos burger 以往很喜歡食mos burger，但從來冇試過早餐。早餐依家好多元化，有三文治，熱狗，漢堡，全日早餐，同埋牛角包！朋友食三文治，所以我就試試佢個牛角包！芝士火腿牛角包牛角包好大，遠遠蓋過了配菜，但想講牛角包絕對是主角，牛油味十足，而且烘到勁脆。可惜芝士仲係凍冰冰，如果能夠烘熱，一個美好嘅早餐就滿足啦大量生菜，仲有少少沙律醬，有機會會食埋其他口味

在一眾快餐連鎖店中, Mos burger最合我的口味。昨日路過沙田連城廣場, 打算外帶一個餐回家吃。由於Mos burger沙田分店並不算大, 點單的地方面向陝窄的商場走廊, 所以點單時小心被別人撞到, 要注意安全。Mos burger單點一個漢堡大約二十多元, 如果跟餐的話比較便宜, 會額外再多一款小食和餐飲, 配搭亦不算少, 總共有7款。我點了一個吉列蝦漢堡($27), 再加A餐($19)薯條+橙汁(原本是可樂, 但向店員確認過可以轉其他飲品)。大約5分鐘後就順利取走。吉列蝦漢堡裡面餡料不算多, 吉列蝦不會太薄, 而且蝦的份量比想像多, 不會出現只有炸粉的情況。醬汁則有沙律醬, 吉列加沙律醬是黃金組合, 好食是預期之內, 而且有沙律醬作伴, 吃起來不會太乾。薯條雖然不算粗身, 但要比mc donald的好吃, 炸得剛剛好, 不會炸過頭。如果路過連城廣場又想吃快餐, 不防考慮一下mos burger.

好多人都會當Mos burger係快餐店，但我就就唔覺佢係。營運模式可能係一間快餐店，但包嘅質素，就絕對超越一間快餐店應有嘅質素。今次都係食元氣漢堡，再配餐揀咗粗薯條同埋汽水。 包嘅材料明顯都算係新鮮，生菜同蕃茄食落都好有水分，非常爽口。好好彩地，粗薯條係啱啱炸起嘅，食落仍然係好脆口，同埋都幾有熱度。雖然Mos burger 起價錢上絕對唔夠市面嘅快餐店比，但食物嘅質素就比一般嘅快餐店為好。 不過每次食都略嫌份量較少，午餐還好晚餐真係唔夠飽。

由於趕住見客既關係，麥麥又無左，要諗快餐即時諗唔到有邊幾間，上openrice就見到有呢間，咁就拿拿臨去買個餐拎走。我叫左個吉列蝦漢堡餐+黃金粟米湯+厚切薯條(大)買完叫我等5-8分鐘，心諗都無咩人仲要等咁耐？點知3分鐘左右都比到個外賣我了，check一check，叫佢杯湯分開裝，因為費時倒瀉既關係，再問佢拎蕃汁同埋裝蕃汁既兜仔。拎左個外賣我都已經邊行邊食薯條，但d薯條唔夠脆，仲好林，都熱既，但我唔perfect d薯條係咁林.....之前食既都唔會差得咁緊要，但今日就真係差.....粟米湯ok既，好飲無問題。個包就......被壓到咁既樣...太乾..唔太好食...呢間分店...不可一不可再..👎🏻👎🏻👎🏻👎🏻

和牛漢堡食極唔厭2018/09/22我和兩個家很喜歡到此店食早餐，依區咩快餐店都有咁濟，但m記的牛肉真係同此店差好遠，m記的又乾有又薄，此店的和牛堡，牛肉多肉汁，厚身。如果單叫包來說約$30一個，m記都近依個價，但質素就有所不及。不這此店+$25變餐有細薯條，加埋係有啲貴。但根餐加$6有的熱抹茶一直都係好我嘅至愛，雖然有啲甜，但好香滑。法式和牛堡有芝士同用了黑椒汁，相比下普通的和牛有蕃茄，多啲菜絲，兩款我都中意。我們仲常客到做了VIP有折，係誘人嘅和牛漢堡令我地不時都會衝去食早餐。早餐有平少少的餐，$30有埋餐飲，食牛角包或多士為主。

我係mos burger fans，每次都去食同一個餐。今次就第一次去一間mos burger環境衛生好差，地下滿佈垃圾，可惜買咗嘢食先搵位唯有嗱嗱臨食完快走......我集慣咗食完薯條，先食個牛蒡珍珠堡，雖然唔係到咗即食，但從來都未試過會咁快凍，係凍！我自知唔係一放低即食，所以都無同返店員講，但我幾肯定我食嘢速度無比平時慢，而從來都未試過咁。快。凍!!!本來唔想浪費，但細細但珍珠堡，有1/3個太凍，我真係唔想博肚痛....