影片
更多
2019-08-03
517 瀏覽
同女朋友去新城市食晚飯兼行街街，發現好耐無食過mos burger就去食下。餐廳係半自助形式，買完餐攞咗牌坐低，有嘢食店員就會送過嚟。就咁食一個包份量太細，所以一定要嗌餐。摩斯芝士漢堡，單層牛肉($28)。個包好軟熟，牛肉同芝士唔算話非常好食，不過勝在有大大片蕃茄。重點係果pat蕃茄醬，好惹味，仲有啲洋蔥粒。烤牛肉珍珠堡($27)。飯面煎得唔夠香脆，牛肉太鹹，唯一可取係食好耐都仲熱辣辣。大厚切薯條($22)。夠脆夠熱，贏咗麥記。北海道南瓜薯餅($21)。放到最後先食，入面都仲係熱。裏面啖啖甜南瓜好足料，必食推介。藍莓乳酪($3)。第一啖飲落去超級酸，一定要撈埋面頭嘅藍莓果醬同忌廉先至好味啲。乾薑味汽水($0)。好少快餐店有呢個選擇，唔錯。
就咁食一個包份量太細，所以一定要嗌餐。
摩斯芝士漢堡，單層牛肉($28)。個包好軟熟，牛肉同芝士唔算話非常好食，不過勝在有大大片蕃茄。重點係果pat蕃茄醬，好惹味，仲有啲洋蔥粒。
烤牛肉珍珠堡($27)。飯面煎得唔夠香脆，牛肉太鹹，唯一可取係食好耐都仲熱辣辣。
大厚切薯條($22)。夠脆夠熱，贏咗麥記。
北海道南瓜薯餅($21)。放到最後先食，入面都仲係熱。裏面啖啖甜南瓜好足料，必食推介。
藍莓乳酪($3)。第一啖飲落去超級酸，一定要撈埋面頭嘅藍莓果醬同忌廉先至好味啲。
乾薑味汽水($0)。好少快餐店有呢個選擇，唔錯。
張貼
