MOS Burger (置富第一城)

營業中

休息中

廚房冧哂檔，收銀阿姐外賣平台住落單但唔提醒d客要等好耐，堂食客外賣客外送車手全世界等餐。我落外賣平台張自取單話準備時間20分鐘，系統表示已出餐可自取，去到未做起問下要等幾耐，俾收銀阿姐教訓話你唔識野呀，外賣平台單落單係預訂單，廚房唔會做你張單先架，要做完堂食先排到你，佢咩理論？我都廢事同佢講咁多，阿姐你咁得閒教訓個客，不如入廚房睇下仲要等幾耐安撫客人啦！ 仲要用好不忿既態度同個客爭論外賣平台自取單既定義，何必呢？

成日食mos burger 作為明太子愛好者見到佢出明太子 就嚟試但係意外地個對個明太子包有啲失望 因為個包整體係甜口 （可能因為舊蛋？個明太子醬都冇話好重口 我鐘意食咸包多啲所以覺得麻麻但呢啲就各人口味唔同啦叫咗杯檸茶同薯條食完就去返學了～

一見到mos burger 出新飽，真係會忍唔住叫埋同事同我一齊出去食！明太子吉列蝦漢堡，原來佢之前出過，只係我miss 左，miss 左嘅感覺就好似錯失左一次中六合彩嘅機會！明太子醬多到湧出黎，吉列蝦維持水平，一樣咁好食，好juicy 嘅感覺，佢厚到我一口咬唔哂！我諗我會再食！

今日early dinner 又係揀咗mos burger既新包「真．B.L.T. 照燒牛肉漢堡」原來BLT係對應番佢既3款配料：B = Bacon煙肉L = Lettuce生菜T = Tomato番茄今日店員好有心機個包砌得好靚haha煙肉又煎到微焦脆生菜唔會跌晒出嚟芝士又剛剛好在漢堡上，唔會溶到痴住包裝紙食快餐既小確幸

以前返工ot時總到附近mos burger買定一個餐充飢。所以知道屋企附近開了間mos burger，嘗試多次光顧，但都full house，今日決定叫外賣。MOS burger的漢堡雖然相對比較袖珍，但中間的選肉都是厚厚的，醬汁滿滿，就連塊芝士都特別好味，絕不遜色。今次order了四個漢堡1個熱狗一個小食一杯飲品。四個包分別有炸蝦，炸雞及炸豬扒，加埋秘製的他他醬，簡直無械可擊。我本人不愛在漢堡內夾蕃茄，所以淡淡的生菜已是最好的配搭。熱狗是傳統的長香腸，很脆皮，$26都算抵食。追加的小食是北海道南瓜薯餅，外脆內軟，很值得再encore。但今次杯iced latte就有點失望，只是奶水般。整體mos burger的性價比都算高，$2x有個單包，套餐都是$5x，算是食正宗美式漢堡餐的首選。

今次第一次去食，諗住都係一般東西，點知又幾好食喎，試咗個脆雞、脆蝦漢堡包，裏面嘅餡，都係即時炸的，非常之鬆脆，不過薯條就揀咗粗嗰隻，反而薯條就一般，套餐仲可以揀配薯條/或沙律👍🏻

本人今天早上9點多到這裡惠顧早餐，叫了一份F餐當中包括炒蛋，腸仔，兩塊多士和涷啡，當時店舖不算人多，只有兩三枱客人，我排隊等候時，排第一位是一位小姐堂食，排第二位是先生是外賣，我排第三位是堂食，所以落單後做完安心出行和量度體溫後便找位置坐下來，但係等了很久也沒有到來，因為排第一位的小姐到齊晒，我也見到廚房不停出外賣，我便詢問店員為何早餐未到，她竟然回答我因為外賣多，所以要先清外賣，這算係什麼答案，咁即係話如果不停有外賣入，咁是否堂食顧客要等到收鋪？😡😡😡

好開心！呢一間比我好有日本感覺嘅餐廳，終於開到屋企附近啦！以前每一次去日本旅行，我都會買mos burger想JR食，貪佢包裝方便，味道又好🤗🤗🤗呢一年，冇得去日本旅行，估唔到終於可以係屋企樓下食到呢間日本快餐☺️💜晚市時段唔做堂食💜餐牌啱啱佢做緊優惠，只要買嘢食，就會送呢一個優惠券㗎。我覺得都幾抵喎，又送汽水又送薯條，買餐仲可以扣$5添！😆💜等待中💜熱檸茶💜雙層摩斯芝士漢堡&蝦堡味道我就唔分享啦，始終快餐店大家都知道個味道如何㗎啦！不過作為平日收工嘅快閃晚餐，有一間快靚正嘅Mos burger喺屋企附近，點樣都係覺得開心嘅！🥰🥰🥰