MOS Burger (荃新天地一期)

營業中

休息中

食完火鍋覺得唔係好夠飽﹐所以黎左呢度食野之前同男友分別都食過摩斯漢堡同元氣漢堡﹐所以諗住今次試d唔同d既本來想食評價幾好既三本蝦堡同埋炸雞﹐但係竟然兩樣都無﹐唉…. > < 之後見到有吉烈炸蝦堡﹐都係蝦0者… 就即管試下啦﹗覺得依度薯條麻麻﹐試左薯餅食完既感覺係… 好失望﹗個包有兩種醬揀(芥辣沙律醬或酸瓜沙律醬)﹐我地揀左酸瓜果隻﹐但食時好似唔係好食到d醬﹐得好少﹐淨係食到牛油味…同埋入面d蝦都幾奇怪﹐同個包唔係太夾﹐同D生菜絲又唔係好夾…食落又冷又熱0甘﹐好麻麻. 薯餅甜甜的﹐內有青豆﹐係日式果隻﹐個人十分唔鍾意…下次還是叫返有牛肉的漢堡較好….

我未去過日本, 不知道元祖是何樣. 認識MOS是去年到台北旅遊時, 驚歎為什麼香港沒有這樣細緻的漢堡. 後來MOS落步香港, 我亦一直感覺香港的出品不如台灣. 調味材料皆出一源, 但每每細位就是不到位, 要不是菜蔬沒有瀝乾, 就是漢堡外觀不妥當. 然隨著時間過去, 這種感覺是漸漸淡忘了, 直至今天吃到這個炸蝦堡...不一樣! 的的確確是不一樣! 在台灣吃時印象最深的正是炸蝦堡, 要知道蝦要用作漢堡材料相當不易, 要不打成膠做蝦餅, 不然原隻混雜菜薯泥去做漢堡. 記憶中的蝦堡炸得透徹, 咬開白煙即噴出來, 吃下不但蝦肉彈牙有甜味, 蝦漢堡更是非常結實, 咬每一口也是非常分明的. 現在我拿在手上的卻完全是兩碼事, 漢堡扒的蝦肉還好, 但本身炸得不夠熱, 更重要是完全不結實, 咬一口就掉了兩只蝦下來, 有碎濕濕的感覺. 其他問題如菜絲有水份, 醬汁過少的問題更不消說. 其實不止荃灣, 香港MOS給我的感覺都是走了樣, 究竟是什麼地方出錯了. 沒有比對是不會有高下的, 但為什麼台灣行, 香港不行, 是哪裡出錯了?

次次都食 normal 既 burger今次試下 rice burger ... lunch 點了一份 :薑燒豚肉珍珠堡 + 薯條 + 抹茶鮮奶 $ 40珍珠堡的飯比較鬆散...食得較"論盡"... 食到周圍都係...薑燒豚肉味道好好... 有少少洋蔥...汁好味...不過豚肉好似"肥牛"咁... 肥的部分帶"un"...薯條同上次一樣都唔係太好食... 好粉...抹茶鮮奶 - 好飲...唔甜又好滑...正...不過要跟餐要加$5轉飲... 同勁好冰粒...

不知如何，最近認為Openrice的食評有點做馬，可能是賣廣告吧！這餐吃於八月某晚上，本來已吃完真壽司，但又口癢，於是便走過來吃。服務態度很好，忘記了點飲品他會告訴你，不像某M字頭餐廳。可沒想到的是，原來他們會把餐送過來，還不應叫它做「快餐店」呢！食物方面，飽看似小小的，但實際上裏面的餡十分多，而且亦很新鮮，牛肉竟是有汁的。再看看雞腿，炸十分脆，非常好！這餐也是難忘的一餐。

本來想食三本蝦,但搵唔到menu上有寫所以便叫了黑醋雞肉burger加薯條點餐後搵位坐,不久便有staff送上野食全部新鮮煮,好熱先食左果包,d醋味同雞肉唔match而且d雞肉很鞋,仲連住d肥膏食完包再食薯條已經凍哂,不過勝在夠粗但好似冇係沙田食果間咁好味如果下次黎食建議同朋友先一人一半一個人先食包,一個人食薯條再叫多個餐,再一人一半咁就可以熱辣辣食哂成個餐啦^^

因為路經荃灣........第一次去荃新天地 mos burger 分店... 唔錯 ... 感覺比沙田 food court 的要好...但 menu 上有好多 burger 係冇得供應的...本來打算試試 rice burger 但又冇我想食的那款...最後都是招牌 mos burger 啦$ 42 摩斯元氣漢堡...跟餐 salad + 汽水 $ 37 摩斯芝士漢堡...跟餐薯條 + 汽水摩斯元氣漢堡 ... 唔錯 ... 好多生菜又夠新鮮 ... 摩斯芝士漢堡 ... 多洋蔥夠香口 ...沙律配和風醋汁 ... 包括有生菜、粟米粒、蕃茄1條、青椒絲2條 ... 呢次唔太新鮮喇薯條 ... 真係比較遜色喇 ...burger 就真係 freshness 好食dd 但... mos 又比 freshness 快好多喎...但薯條就真係唔夠人地既薯格好食喇 ... 不過 mos 既 salad 又真係唔錯喎...結論係...2間都不相伯仲...哈哈服務方面 : 荃新天地 branch 比沙田好得多... 員工工作效率高... 好快有野食...

當晚叫左個芝士摩斯漢堡，由於店舖入面既食客並唔多，所以好快就有得食當充滿微笑同禮貌既姐姐幫我令個餐過黎之後，我就開始食野喇個包望落都唔錯，有相為証不過食落口個包係凍凍地，醬汁味道亦都不足，炸雞炸得還可以，如果呢個餐唔係食我四十幾蚊既我諗我會"gur"D

推介元氣漢堡，佢d牛肉好有肉味，最緊要d醬汁做得好味，有個黑醋雞漢堡都好好味架!講真宜家老麥d野都唔平la，呢到俾多幾蚊至十幾蚊質素就好咁多，最近都成為mos burger既常客喇。新出左熱狗系列，個凱撒熱狗就麻麻地，可能我食果陣攤左一陣﹐d菜出水﹐個包淋哂，佢係叫番佢d burger 穩鎮d。

鋪頭有行面壁檯可以望到商場既大電視，成檯人一邊食一邊睇北京奧運，真開心~有少少失望既地方係我地只不過係8點鐘入去，薯條同沙律都賣哂或者係唔供應，冇得食薯條!!唯有珍珠堡+炸雞，另一個就跟蝴蝶蝦。個米堡熱辣辣，但係唔夠汁，有o的乾~炸雞都係偏乾但係都可以接受~個蝦就好唔得，一o的味道都冇...雖然有5隻...不過食完都冇人想再拎黎食~

２００８／７／２７下午茶幾個月前，這個商場還是死城般，只有幾間餐廳營業中。今天的四點多過到來，商場的裝潢令我眼前一亮：特別是中間的小小人做園林休憩區，加埋大電視，感覺一流。在這間店子小小的MOS吃點東西，沒有下午茶餐就要了一個海鮮珍珠堡，再加22元配沙律和汽水。即叫即做的，等了五分鐘左右。炸海鮮有蝦有帶子的，新鮮炸起脆口非常，裡面的汁保持著，而較傑質地的甜醬汁就多到瀉，不過米飯索盡後都幾美味(如果配麵包的話就過份多了)，兩層的米堡夠堅挺，米飯不會咬到散開出來。沙律配上千島汁，有栗米粒﹑西生菜﹑青瓜片等，份量很少，不過用料超級新鮮，味道十分清甜，吃到爽爽聲，是水隔得不夠耐，吃到一半已有2茶匙的水在底了。對上一次幫襯mos是她初初在旺角開業的那段時間，今次是比上一次滿意的!不過件頭依舊很細，所以肚餓來吃的話，一個餐絕對不夠填飽肚子呢!

星期一的晚飯…忽然想食漢堡包，近近地…選了mos burger我要了Mos cheese burger配薯條餐，男朋友要了黑醋saku saku雞肉漢堡餐配炸蝦。Cheese burger，個sauce幾好，肉就一般男朋友那個雞肉漢堡我沒試，賣相ok吧跟餐的我要了iced lemon tea…但茶味超淡薯條…雖然不能比…但還是麥記好吃Burger…當然是最愛的shake em buns好吃，一分錢一分貨

我今日去左食一個咖哩熱狗a餐,有埋薯條同可樂,其實所謂咖哩熱狗,係一隻普通熱狗加一些咖哩汁,味道只係一般,而且三十二蚊有點不值...另外薯條不夠熱,不夠脆,似乎今餐有點失望...

仲記得開業時排隊都要0.5hr-1hr,琴日下周經過見到荃新天地無人,咪入去食個黑醋雞扒飽套餐!人少少,好好坐!個飽即整,所以塊雞仲脆,配埋黑醋,酸酸地好開胃,好好味!今日心思思,又去左買外賣返屋企食,食左摩斯芝士漢堡配加大薯條轉橙汁$4x,下午茶餐脆香雞堡飽+可樂$18,薑汁豚肉rice burger$20,雖然拎到番屋企比堂食凍左,但個摩斯芝士漢堡勁多醬,好好味!個薯條又唔會話成條淋哂!睇到張海報好似全日制學生會有9折,下次帶埋個仔仔去食享受埋個折頭先!

同阿POOH 去行荃灣新天地,行行下有D肚餓,見到呢到都開左間MOS BURGER,諗住試下,唔係食飯時間,所以唔多人,唔駛等位,2個人叫左一個餐芝士漢堡餐(包一杯汽水,一包薯條)個包真係幾好食,漢堡都幾有牛味,加埋芝士同洋蔥蕃茄醬,都幾好食o值得一讚係店內有個洗手盆,方便食完野可以洗手,(因為食時d醬汁都有機會食到一手都係)

正逐一試荃新天地既食肆，繼北京人家、和樂後，今次輪到MOS Burger。之前去過MOS既其他分店食，總覺這裡的burger比較Freshness的小。今次叫一份脆雞burger餐，也有同樣感覺。飽雖小，但雞是剛剛炸起，仍燙口的。新鮮炸的雞配千島醬，加上大量爽口的菜絲，咁既配搭又怎會不好吃呢?老豆要左個Rice Burger，問佢好唔好食，評價也是正面的。我本人幾鐘意食Burger，不論西式日式定港式，我都不會放過。而在我家附近開了這家質素不俗的日式漢堡店，相信我會是常客。