Mr. Steak Buffet à la minute (已搬遷) 新店位置

哩間係肥BB食過最貴的自助餐, 約$550連加一，肥BB起度介紹三大必食推介1) 生蠔（8.5/10） 最花時間排隊，每次四隻，即開即食，所以食到少少海水咸味，唔腥，夠曬新鮮！ 最少食十隻是常識吧！2) 鵝肝(8.5/10) 時間剛剛好，唔會變曬粉狀，配合蘋果肉桂汁，不會太油膩3️⃣酥皮龍蝦湯（8/10） 夠濃，有蝦粒，酥皮更多牛油香味會更好！三大失望位：青口，和牛壽喜燒，長腳蟹唔係太減就係唔新鮮驚喜位：DIY留言心太軟寫左個留言俾佢之後，即刻焗，可以影番幾張呃LIKE相留念~整體換碟速度快，算不錯啊!

兩位自助午餐加埋四百幾蚊。刺身好新鮮，海鮮都新鮮，佢會不斷上新，但我就覺得比較咸。心太軟可以寫低心意卡比職員，佢會幫你寫係碟度，呢個一定要試下。👍🏻👍🏻沙律有好多唔同款式，都值得一試。男朋友上左鏡牛乳布丁都唔錯

唔知食邊間buffet，去openrice搵，見到這店名好熟，蘋果有介紹過，應該唔差，價錢ok,就決定食這間。但食過之後唔會再食第二次。第一，雖然食物多款，有沙拉、冷盤、芝士、壽司、冷面、刺身、甜品、牛………等等，但最值得食只有蟹腳，真係超多肉。食三文魚，只有佢先最好食，其他刺身係垃圾。還有牛，每次只可以有兩片，我行走了幾次，真係好累。最後甜品，蛋糕一般，其他都好好食。～～～真係無下次～～～

上星期Book jor Mr. Steak Buffet食730pm7pm 到樓下已經有一部專lift 比大家排隊上上到去坐底靠窗個景係唔錯😍一開始大家都排隊拎左龍蝦，蟹腳，麵包蟹先（最好係不停會加，唔洗怕無份食😆）龍蝦用叉一叉，成個肉拆左出黎爽口又有龍蝦味💕 長蟹腳用剪刀剪開，原條「蟹柳」好正之後就排隊拎生蠔，即開生蠔新鮮👏🏻👏🏻再行入d有熟食有極品和牛配金菇同埋燒牛肉！！絕對係抵讚！唔食牛牛既朋友 一樣可以簡其他熟食～瑤柱西蘭花 係碎d 不過都好夠味👍🏼再拎好多人都拎既酥皮海鮮湯酥皮鬆化，個湯濃郁，仲有唔只一隻鮮蝦係入面😍（我數左有3隻）再想飽肚d 既可以食埋福建炒飯/意粉(想健康小小食個沙拉➡️好似係會健康d 🙄)當然唔少得日式既刺身同「壽B 」壽司款食唔算太多，有玉子，腐皮，甜蝦...不過勝在細細件 食曬禁多款都得刺身就有赤貝，虎蝦，油甘魚，三文魚⋯⋯我就食左三文魚，象拔蚌同帶子（帶子一般）有肥美既三文魚，同爽甜象拔蚌 我食完又排，排完又食（掛住食無影到😭）最後當然唔少得甜品😍😍😍有多款蛋糕 ，鮮果撻，布丁，燉蛋等等果日放既小甜品好似好多款 其他認真睇 隔三四行會重複我簡左我最想

慶祝好友失戀 決定去食餐好的。Mr steak buffet食過兩次 今個月做緊四人同行 一人免費 嘩 抵到呢。凍海鮮真是好吸引。長腳蟹 龍蝦 麵包蟹全部大大隻 又鮮甜 肉質全部都爽口彈牙 拆拆拆 食食食 停唔到口。魚生 壽司種類好多 特別是壽司 好多特色小卷 而且細細舊 可以試多幾款。冷盤種類多不勝數 淨係凍肉都不少選擇 而且全部都是新鮮靚料。掛住食 熱盤唔記得影相😂 鵝肝唔少得 夠香夠滑。燒韓牛勁正 牛味夠濃。壽喜燒日牛又滑 配埋金菇 食極唔停口。天婦羅 串燒 蒸海鮮～魚 扇貝 真是好多種類 無辦法食曬。燉湯今日係人參燉雞 足料 不過稍微咸左點。甜品～蛋糕種類好多。我主攻Movenpick雪糕 有四五種味道 仲有配料可以任加。另外非食不可的絕對是心太軟 即焗 朱古力味夠濃 流心做得剛剛好。好味之餘 仲可以叫廚師畫公仔同寫字 哈哈。買三送一太抵 決定六月尾前去多一次。

見咁多人讚，今日約左朋友去試試。好鍾意食刺身嘅我就覺得三文魚刺身5掂，每份得2片，每次叫左2份先得4片，又細又5肥美！話明Mr Steak所以塊扒燒得好好👍🏼我都食左2塊😁甜品都幾多款，味道不過不失，較為特別就係個心太軟，可即席寫上你想寫嘅字，寫字畫花個司傅手勢無得頂，快靚正👍🏼👍🏼冷喬麥麵個汁做到恰到好處,另外一讚係柚子醃蓮藕片同牛蒡都非常爽脆入味😋整體黎講都抵食嘅，lunch buffet $208加一

一家人慶祝生日，今年選擇咗mr.steak我早三日就定位，七點半個場只得後備位，好彩當日都有位，提一提大家五位以上要落一千完定金，去到一坐下侍應好細心地比籃子我地放手袋七點半食得我第一時間去攞龍蝦同麵包蟹，仲有長腳蟹，龍蝦肉好爽好甜，麵包蟹都好好味不過本人都係喜愛食長腳蟹多啲，長腳蟹又鮮又甜又有啲海水味，我好鍾意，刺生就差小小只得三文魚，帶子，甜蝦，赤貝，食完頭盤，我就快快食本月推介日本和牛同韓國韓牛，日本和牛係一片片像火鍋肥牛，咁當然好味好多啦！和牛肉好有肉味又唔像個啲講到自己a4a5個啲得個肥字嘅和牛，韓牛就像平常自助餐啲薄牛肉，本人嫌肥肉多咗啲，仲有好多熟食，因本人食唔到咁多嘢所以放棄食熟食，雖然好飽啦！但我都係喝咗兩種湯，蘇皮龍蝦湯，個湯好甜好好味有龍蝦肉，第二種係人參雞湯，本人勁喜愛因為人參味唔重，因為本人唔愛甘味，但依個湯好清，唔甘，雞味好重，好味，飲完依個湯消化咗唔小，係時侯食甜品，甜品無太多好講普通啦！只有一樣其他地方小有啲係心太軟，心太軟碟上可以寫上字樣問畫畫，哄老婆一流

朋友將要到國內工作，因此一行8人選擇了去Mr. Steak為他Farewell！一坐底，2個雪糕精朋友已經等不了先去拿Haagen-Dazs 先吃，當appetizer！其餘當然去排隊拿生蠔及魚生刺身！生蠔有2款，都算大隻和生鮮！刺身亦肥美吸引！遇著人龍太長，最好先選擇吃長腳蟹，非常多肉又鮮甜！還有鵝肝，豐腴油潤，小小一片非常滋味，口腔充滿鵝油香，但是膽固醇太高，我不敢多吃…一口和牛偏乾身，欠缺Juicy感。燒牛扒則十分不錯！甜品角最吸引當然要數任吃的Haagen-Dazs雪糕，有Belgian Chocolate, Strawberry, Vanilla, Cookies & cream, 還有Caramel Biscuit & Cream , Banana & cream！選擇十分多，雪糕精的開心天地！約10時突然refill的chocolate fondant , 差不多全個餐廳的人都起哄了去搶…..不過太甜了….完全吃不下…. 甜品角另有一個最受歡迎的特式，就是心太軟朱古力，還可以要求在碟上寫上要求的字句！我們當然藉此為朋友製作了一個小surprise啦！這裡雖然嘈吵，但是氣氛

好失望, 今次一行8人到場。一早訂好位, 係要俾訂金嘅! 到達後被安排到窗邊位置, omg...無風無冷氣?? 我地坐左30分鐘真係出汗...因為有BB 我地叫佢俾風扇, 佢地話要share嘅, 冷氣又係中央, 無得教, 唯有叫佢狂俾冰水。 好!到食物嗱! 唔多種類, 又無咩睇頭。生蠔每次排成15分鐘先拎到4隻, 仲要俾佢好徹底地洗走所有海水味, 成隻蠔無哂味~ 肉類ok la, 都係果幾味。不過佢每日限量嘅吞拿魚腩係真係好味, 雖然我果份未完全解凍, 但都叫有樣食特別啲。甜品.....無樣掂 @-@' 點解咁高分??? 失望 xxxxxxx

生日飯, 本來打算是主力食蠔同蟹腳, 結果係牛同蟹腳至正, 刺身同蠔就一般5:15-7:15的一場, 會較好, 因為這個時間, 都要排隊取生蠔, 都要排5分鐘以上, 如果是晚市, 我估會排得更耐~~~~~芝士都OK, 每人都切得好, 不會搞到一"PAT"野螺肉 那些冷盤, 就一麻麻~~~咖哩不太入味~~~~有個甜味的大根和牛煲, 呢個整得好入味!!!!!!! 其它甜品,就無咩試到沙律都好新鮮~~~~~不過我主力想食蟹腳, 所以無吃到沙律, 只取了生菜去包住牛肉夾著吃 (^^ 睇得韓綜藝多, 學韓國人食法, 嘻嘻~~)**服務員態度好好, 幫手拍相時, 叫同事拿住在我們枱上的大碟, 待個大碟不會遮住個CAKE

請半日假，係主要目的 ---- Mr Steak 早場自助餐！5：15 - 7：15 pm平均每個人平$100~~而且早場比較少人，以上星期五為例~~只有20%客人，比起下一場長期客滿！我地有絕對優勢！平時排生蠔要15-30分鐘~~今日只要3-5分鐘~~鴨肝一煎起，人人有份，唔駛爭！大家先睇下我週圍亂影~~可能2點先係Sogno Cafe+ 食完Lunch~~5：15 真係完全唔餓….每樣野只係試左少少~~生蠔即開即洗即食！肥美！十分鮮甜！連我唔餓，都食左10隻！長腳蟹，真係十分推介！我食過咁多間星級酒店自助餐~~真係Mr Steak 最出色！隻隻都勁長勁粗！重點係鮮甜多汁！鴨肝食左2塊~~個汁配得唔好，所比較油~~而且無多士…. 得大大件蒜蓉包選擇…Ham有2種，夠咸香~~但只係食左一轉~~因為比芝士吸引左！！有4、5種選擇！！其中合桃芝士最出色！其他熱盤我都無食…直接轉戰甜品~~~名物：牛奶布丁果然出色，又香又滑~~濃濃奶味~~~即制心太軟配任食haagen dazs~~而且有即場劃公仔服務！！下圖係我同男友Q版公仔~~其他甜品水準正常~~無特別難食，但又唔會令人一試再試~~名物：

尋日HIGH完TEA點都要今日食埋個晚餐先係常識架嘛MR STEAK我本身自已就食過2次2次都係平日今次選了星期日晚早段食因為又平多小小嘛橫點5點15對我們來說都不算太早不過今晚明顯多人到嚇親我搆到食得好趕因為限時2小時淨係排生蠔隊都排了1小時啦下次真係要午餐或平日先黎實在太多人因為客人多但食物貴精不貴多生蠔方面今晚都幾新鮮size就每次都不幸地得細細隻不過都夠海水味海膽方面今晚明顯唔點因為不太新鮮長腳蟹都比較咸和牛都炒得唔錯鴨肝老公說好味我就嫌鞋得制甜品雪糕就因為時間關係食唔到咁制不過心太軟因為必定要食啦可以畫公仔嘛不過真係好好味只需400元位可以食到即開生蠔海膽,和牛,心太軟,長腳蟹Haagen-Dazs雪糕雖然食唔哂亦都不可以慢慢嘆但都確實值回票價喜歡食蠔的一定要平日黎試

因為梁老闆好想試呢間嘅buffet  佢貪佢有和牛、蟹腳，同佢最愛嘅生蠔約左七點半，早少少到，但企到佢入得去果時先知，要排隊⋯⋯⋯⋯果度又細又迫，完全睇唔到佢有隊形？入到去勁多人排隊⋯所以避開⋯拎左啲唔係主流先沙律打個底先！個個都走去拎生蠔蟹腳，反而無咩人排，鵝肝同和牛但當你見到佢炒啲牛呢，真係減少食慾⋯佢好求其咁用兩個「產」搞兩野，你會見到啲牛，曡埋一齊，有啲啡有啲紅咁⋯果日刻我心諗都唔方好食，但又唔係喎！炒得咁衰都有牛味喎！但好似平時打邊爐果啲肥牛味無咩特別燒生蠔：唔識欣賞，食落去我覺得有啲啲怪唔知鵝肝定鴨肝，太熟豬手好好味！啲皮好煙韌啲肉都好淋！正其他兩樣唔知咩來，麻麻地三文魚好肥好多油好好味，其他我唔好，梁老闆話都新鮮過左第一轉，少好多人，佢地開始狂食生蠔，我唔好，但梁老闆同我肥仔各自拎左六七轉，應該幾好味蟹腳算大隻，有蟹味，唔係得個咸字總結：除左牛，同生蠔，蟹腳，呢啲主流，其他熟食，除左豬手，其他都唔掂，以五百蚊一個人，我覺得可以有好多選擇服務方面，我諗佢地真係好狠忙，有時多人到燥就無咩表情，但主動幫你執下野倒下水最鐘意係以下呢個我見好多人唔只寫生日，有啲會多謝爸爸媽媽，等大

食自助餐的話有平有貴，通常平的就只有平料，不會有生蠔呀鵝肝呀和牛呀等好料。這個地方卻有中上級的食物，中下的價錢，值得推薦。這裡的特色是無限的高質素生蠔供應，生蠔每晚四款，從美國海岸到蘇格蘭愛爾蘭，從法國對海到北非南非，以至塔斯曼妮亞的都有。生蠔都是中等體積，很新鮮每次排隊四個可以自己選擇，師傅也會禮貌的回答食客有關生蠔的詢問與建議。鵝肝也是一定會有的主打，通常一片鵝肝放在一片同等大小的多士上，香濃多脂，入口即化美味非常。和牛通常是澳洲和牛，很柔軟很多雪花，一片片煎熟很香口，多汁多油脂，絕對是人間美味。長腳蟹腳也是很搶手的主打，鮮甜多汁肉也很多，最開心是補充得很快，可以大量的不斷食。其他的海鮮如青口貝類也很出色，鮮甜。魚生類質量也很不錯值得食，只是海膽每次得丁點未免太小家。除了以上，也有芝士帕馬火腿沙拉美等高價食品，每樣的種類都很多，其他肉類湯類飯類也很出色多選擇，鐵板燒一流。焗龍蝦很香很入味鮮甜，泰式生蝦肉很彈牙醬汁酸辣開胃，偶然有的黑松露醬以及魚子醬都很香而且有很深奧的滋味。甜品方面，優質北海道布丁任添最令人高興，雪糕心太軟也很不錯，種種類類的各色甜品再度刺激了已經很飽的本人的胃口。

上個星期同女朋友預祝生日，經上網搜尋一番後，很多網友都推介銅鑼灣的Mr.Steak Buffet，由於之前book咗抬，所以不消2分鐘就幫我地安排到座位，我們立刻到處觀望有乜好嘢食，首先看見即開生蠔就已經兩眼發光了，還有美味的青口，生蠔同青口都好新鮮，經過兩三輪進攻後，我地就向雪場蟹腳進發，蟹腳鮮甜無比，沒有太多海水咸味，跟著我地就向魚生進攻，魚生都算可接受，種類也有四五種，但我只想食我的至愛。。。海膽！！不過太令我失望每次只可拿一點點，就是青瓜片上的一點！接着我地就向網友推介的鵝肝同和牛進發，鵝肝十分肥美，而且仲無限量供應，但和牛就只是一般，其他食物都十分美味！最後我地就食甜品了，種類繁多，我最喜愛就是北海道3.6牛乳布丁同，即製棉花糖了！