Mr. Steak Buffet à la minute (已搬遷) 新店位置

慶祝好友失戀 決定去食餐好的。Mr steak buffet食過兩次 今個月做緊四人同行 一人免費 嘩 抵到呢。凍海鮮真是好吸引。長腳蟹 龍蝦 麵包蟹全部大大隻 又鮮甜 肉質全部都爽口彈牙 拆拆拆 食食食 停唔到口。魚生 壽司種類好多 特別是壽司 好多特色小卷 而且細細舊 可以試多幾款。冷盤種類多不勝數 淨係凍肉都不少選擇 而且全部都是新鮮靚料。掛住食 熱盤唔記得影相😂 鵝肝唔少得 夠香夠滑。燒韓牛勁正 牛味夠濃。壽喜燒日牛又滑 配埋金菇 食極唔停口。天婦羅 串燒 蒸海鮮～魚 扇貝 真是好多種類 無辦法食曬。燉湯今日係人參燉雞 足料 不過稍微咸左點。甜品～蛋糕種類好多。我主攻Movenpick雪糕 有四五種味道 仲有配料可以任加。另外非食不可的絕對是心太軟 即焗 朱古力味夠濃 流心做得剛剛好。好味之餘 仲可以叫廚師畫公仔同寫字 哈哈。買三送一太抵 決定六月尾前去多一次。