MSITU CAFE (已結業)

今日出觀塘攞完相，疫情期間都唔夠膽再安排咩節目，隨意揀咗附近呢間新開嘅MSITU CAFE，坐低食吓野飲吓咖啡，打發時間。入面環境非常寬敞，餐枱排列疏落，予人滿滿嘅私人空間。叫咗set lunch後，店員先奉上餐前小食，呢個多士上面鋪上經醃製過嘅蕃茄粒同洋蔥粒，仲有大量香草調味，甚有西班牙風味。菠蘿植系雞肉漢堡(Plant-based Chicken Burger with Pineapple)雖然係一個素食，但味道絕不遜色，而且像真度都好高。漢堡入面有原片菠蘿、素雞漢堡、生菜、蕃茄同青瓜，菠蘿仲有燒烤過，可去除過多嘅水份，令整個漢堡唔會太濕潤。素雞漢堡真係好似真雞肉漢堡，睇到有肉嘅纖維同紋理，調味適中唔會過鹹。漢堡仲配有薯仔沙律，薯仔新鮮而口感綿密，非常可口。扒帶子香蒜意粉(Grilled Scallop Penne with Pesto)總共有四粒帶子，而且佢哋仲係選用日本北海道帶子，用料上乘，除咗蒜香仲有蒜片，每條長通粉都掛有白汁，非常美味。食過主菜，當然要試下甜品，我自己就鍾意呢個抹茶意大利芝士餅(Matcha Tiramisu)，茶味濃度剛剛好，同時亦能中和芝士嘅油膩感。日本

MSITU CAFE 香港九龍觀塘鴻圖道36號地舖真係好多公司WFH, 連平日人多車多, 塞到無位行架觀塘,今日都變得水靜海飛。難得今日放ANNUAL LEAVE 去海濱行下食下LUNCH,再去工廈開倉舖到SHOPPING。CAFÉ 行簡約風格路線, 沒有浮誇的裝修, 沒有壓迫感。女朋友怕肥, 點左$108 CHICKEN CAESAR SALAD, 雞肉份量好多呀, 一定會夠飽呢!LUNCH MENU 仲有PASTA / BURGER , 我就點左 $168 煙三文魚露筍忌廉意粉，彈牙同個忌廉汁鹹鹹香香。lunch set 包coffeeCOFFEE 及CAKE 肚有空間架話, 是推薦項目。下午茶時段食件蛋糕飲COFFEE, 是件多麼賞心奪目的事。brownie 是我最愛架蛋糕，濃郁朱古力香，濕潤架蛋糕。LUNCH 在觀塘區是中上消費, 店架氣氛環境其實幾岩傾野同傾生意, 相信能吸引附上上班族來光顧。

在牛頭角工廈臨立的街道，新開了這間精緻的MSITU cafe 店。餐廳樓底高，空間感十足，櫃檯前的一棵配有閃燈的紫色櫻花樹最為吸睛，最岩呃like影相吧。餐牌選擇不算多，主要有沙律，意粉，漢堡及咖啡/茶。餐前小食有份黑醋蕃茄麵包，酸咪咪的蕃茄很開胃，如果麵包可以烘一烘就更好了。雞胸肉凱撒沙律（$108), 好欣賞這裡的雞肉不是凍冰冰及實的的，而是暖身而又軟淋的肉質，還要是人手撕開的一梳梳雞肉，份量頗多，配上新鮮沙律菜，煙肉碎，芝士碎及沙律醬，簡單又清新。蒜辣扒大蝦扁意粉（$178), 賣相精緻，有四隻燒得香身，而爽口彈口的大蝦舖面。扁意粉的軟硬度煮得剛好，我一向比較乾炒的意粉，這個炒得不會太油，味道微辣，充滿蒜香味，好味。餐飲的Matcha Latte亦有靚靚拉花，令人開心。

呢間係觀塘新開嘅Cafe，環境非常靚，餐廳入邊有一棵好靚嘅櫻花，打卡一流。打開餐牌，見到呢度都有幾多選擇。今日嚟呢度食lunch，點左芝士牛肉漢堡同埋三文魚露筍香草忌廉汁意粉，仲跟埋前菜啊！芝士牛漢堡用咗竹炭麵包，感覺幾特別，入邊嘅漢堡扒亦都好Juicy。至於個意粉，望落去好colorful，有三文魚同埋鮮嫩嘅蘆筍，再加埋好香嘅松子仁，好味道。飲品方面，我地點左matcha latte同埋熱朱古力，又靚又好味。

今日去觀塘行街經過見到間新開cafe 地方幾大，裝修都幾chill就決定入去飲杯咖啡今日嗌咗杯Mocha 一啖就好濃嘅咖啡味再透出少少嘅朱古力味好啱我🤤🤤🤤朋友叫咗個雙花沙律甜甜哋嘅柚子醬好清新😋下次要去試下佢個意粉先見到隔離枱食好似好正咁😌

今日喺觀塘買嘢，行過見到有一間裝修得幾好嘅cafe，地方闊落，所以一於同男朋友入嚟食個lunch。由於我哋唔算太肚餓，所以我哋就叫咗一份煙三文魚扒伴雜菜沙律同埋一份蒜辣扒大蝦扁意粉，至於飲品就叫咗一杯Matcha latte 同埋一杯Honey peach fruit tea。呢間餐廳好貼心，會有免費送嘅前菜同埋曲奇畀我哋食，前菜嘅多士整得好香脆，上面嘅配料酸酸甜甜咁樣好開胃，真係好啱做餐前小食。沙律煙三文魚擺得好靚，真係好似一朵花咁，入面仲有好多沙律菜蕃茄仔同埋青瓜，食落好清新，而且都好足料有好多塊煙三文魚。意粉超好食，同埋好大碟，數落有四隻大蝦咁多，大蝦好彈牙，調味亦都好好食，有少少辣，而蒜蓉味亦都好夠。我哋都有叫到甜品，叫咗一份朱古力布朗尼蛋糕，蛋糕上面有合桃，整體夠濕潤，朱古力味好濃，係幾出色嘅蛋糕。飲品都唔錯，蜜桃茶清新，唔會太甜，蜜桃香味天然，而matcha latte 好重 matcha 味， 上面嘅拉花都好靚啱曬用嚟打卡。呢間cafe整體好唔錯坐得好舒服，而且播住音樂氣氛好舒服，超適合同朋友傾計。溫馨提示：原來佢係冇加一架咁樣就真係更加抵，建議嚟開觀塘都可以試下，我諗一