Munch Now

營業中

休息中

中午同三位同學一齊食飯，一人嗌咗一個餐，其中兩個嗌咗餐廳嘅全日早餐，兩個就嗌普通飯。送餐嘅時候，嗰兩個全日早餐嚟到完全唔係我同朋友叫嘅嘢食，就同職員講，之後職員嚟對多幾次單我哋都話唔係所以就再落多次單，呢個時候我哋都冇乜所謂。之後等餐時間大家都冇嘢做就睇電話，所以職員送另外兩個飯嚟嘅時候，另外兩位朋友冇留意到冇即時回應，之後就被一位女職員用「玩電話嗰兩位」叫住形容，我哋都有即時講唔好意思，但係呢個時侯個職員既態度已經令我哋感到唔太好。過咗一陣，嗰位女職員再行過嚟態度好差咁問：「嗰兩位玩電話嘅人，你哋個飯有餐湯仲要唔要上㗎？」我哋都比佢嘅形容同語氣嚇親即刻答唔使啦唔該。但係我認為如果個餐湯係本身個飯跟嘅，應該直接送上嚟而唔係問我哋仲要唔要甚至用咁嘅字眼嚟形容我兩位同學問。之後全日早餐送到後，啲沙律菜好苦，嗌咗兩杯嘢飲，都係我哋幾乎食完成個餐先有職員問我哋係咪有嘢飲未到先沖俾我哋，杯阿華田十分淡味，幾乎同飲水一樣。成餐飯，先有落錯單嘅情況，然後有職員態度嘅問題，又有上錯餐嘅情況，所以大家都食得有啲唔開心，諗住快啲食完俾咗錢就走。之後拎張單嘅時候發覺計多咗錢，就同其中一位職員講，佢都即刻話幫

喺西餐廳嚟講，可以做到$100樓下嘅價錢都算幾有盛價比。原本睇 Menu 嘅樣子好似製作得比較平凡，無太大期望。但我覺得食物質素可以係話 above mean 的。我同朋友入去食左個Set Dinner ~🥩西冷牛扒配煎煙鴨胸配白飯（少飯）煙鴨胸煎得幾靚仔。西冷牛扒係Default 全熟的。伴碟的菜蔬都焗得幾香。🦐煎虎蝦黑松露闊條麵虎蝦有兩隻，適合懶人食用，連殼都幫手剝埋打開，放在餐碟上都易食。🎃南瓜甘荀忌廉湯配蒜蓉多士南瓜湯加了忌廉幾滑身，有甘荀粒粒。味道唔想太濃烈，蒜蓉多士比較濃味，浸左落湯都幾適合。🌹玫瑰胎菊花茶難得有養生茶可以係西餐廳可以飲，選擇都有唔少。Surpisingly仲會是一壼花茶上枱，材料都足夠的。餐枱已經有熱水煲可以自由加上再添飲。

直到現時，有兩間餐廳從未幫襯過係人生一大遺憾，一間係頂頂大名嘅馬料水雍雅山房，已再無機會原址幫襯，大家都知原址已變成私樓.另一間係諾士佛台 Munch!一講哩間餐廳，充滿感動! 一路食一直好忐忑!話說千禧年代香港只有兩位御廚，其中一位係 Kent Yip，創立 Munch 餐廳，不但自己攞到藍帶，獲獎無數，連帶佢嘅學徒亦都做出得獎菜式! 雖然有如此超高成就但為人包容又敦厚，臉上常掛親切笑容，相比起依家小小成就卻巴巴閉閉高資態嘅所謂廚師，Kent Yip 愛低調作風卻令小弟更敬重欣賞，可惜英年早逝，小弟亦有幸於他在生之年跟他學點皮毛，但一直無緣幫襯佢間餐廳，之後諾士佛台亦轉為其他餐廳，就再無機會幫襯.遺憾到依家!早兩日揸車經過，竟然係家住嘅土瓜灣區見到哩間叫 Munch Now 嘅餐廳，餐廳裝修風格似當年 Munch，唔知係咪兩間餐廳有關連，打電話去問接聽嘅妹妹都唔清楚，於是當晚就衝落去打聽一下.打開份 Menu 好多心水食品，女友小熊見意點一份二人 Set，頭盤煙肉蘑菇芝士焗蠔，法式煎紐西蘭羊扒，鮮蝦牛油雜菇軟蓋蟹配油酥餅，黑椒離菇牛柳絲炒天使麵，女友小熊點百香果檸檬茶，我當然點大愛嘅

土瓜灣最近開左間新餐廳，今日一家三口黎試下～點了3個餐：原隻軟殼蟹伴鮮茄燴意粉，蘑菇汁龍脷魚柳伴滑蛋蓋飯 ＆ 千島至尊薄餅……另外加左牛角包＆餐湯,兩個大人飲咖啡，小朋友飲橙汁。3個餐都好好味，而且份量唔少，非常滿足……最重要係價格唔貴，絕對物超所值。我們平日黎食都好多人，weekend 相信要排隊了。Menu選擇非常多，密d黎食都唔怕悶，約多d朋友仲可以一次過試唔同既嘢食餐廳有戶外位，啱晒有寵物人士👍P.S. 聽侍應講遲d會做埋早餐，值得期待😀

呢排番工辛苦，再加上做完gym 見到附近開左間新西餐，就試下...我估係因為新開張，所以價值非常相宜，晚餐都係100內，可以一戰。套餐包左一個主菜同一客湯。我當日飲嘅好似係忌廉湯。男朋友叫左個雜扒餐，我就左個burger 餐。可能新開張有啲未準備好，所以我地等左一段時間先有野食。雜扒餐有雞扒 豬扒雙拼，都係啲普普通通的扒，正正常常。不過side dish 薯條炸得幾好食，如果可以多啲就好。burger 餐個包似係嘉頓包，所以唔算大個，但係塊肉都算厚+juicy, 所以食落對女仔嚟講都飽肚～希望佢地呢個價位可以keep 耐啲，等我地可以再試埋其他野～