影片
以上資料只供參考, 請與餐廳確認詳情
夜晚想帶埋狗狗出嚟同朋友食野，可以帶埋狗狗又有冷氣慨地方唔多，呢間仲要係酒吧添~店舖裝修係水泥風格，門口位都好打卡able~不過夜晚有少少暗，如果朝早嚟應該個光線會影出嚟靚的，如果夜晚想約朋友出嚟飲嘢又想帶狗狗係唔錯慨選擇! 而且門口嘅位亦都可以比狗狗落地玩吓~ 嘢食方面，我哋叫左焗大啡菇，雞翼拼盤同埋墨魚汁意粉～嘢食方面都幾好食！嘢飲方面有啲特色嘅飲品，今次叫咗有酒精嘅朱古力～我哋下次可以試其他嘢！
繼續閱讀
今晚嚟一個好特別嘅food pairing,whisky加朱古力嘅crossover,粉紅色嘅係腐乳味嘅朱古力,再加上我超鍾意有蘑菇味嘅朱古力勁好味!難得可以食得開心,飲得開心!七點前落order仲要有七折,勁底!🤪🤪其實我之前已經叫咗支香檳!七點前有七折,我覺得仲便宜過之前隔離嗰間酒店!so nice! highly recommended !
繼續閱讀
又到左每月既16號喇，今個月肥肥老公豬帶左我去一個好有回憶既地方，係佐敦一間隱世酒吧，呢個地方特別之處係因為呢度係肥佬同我求婚💍既地方, 呢到雖然係起佐敦，但因為吾係地面所以人流吾多，但環境好舒服好適合一班fd係到食下野傾下計，又或者情侶黎呢度拍吓拖享受吓二人世界。今日我地叫左2杯 cocktail ,我果杯係蜂蜜，檸檬，西柚，好易入口亦好易醉😁😁， 野食方面我推薦佢個雞軟骨有d驚喜 ，總體黎講雖然食物未到大師傅級但絕對唔差，我幾滿意。
繼續閱讀
食飽飯，睇jazz表演同飲番杯，原來呢個地牢酒吧係個世外桃園！設計有格調，一邊係小畫廊，中間係表演位同檯櫈，唔想睇表演只想傾吓偈，就坐近自家小書店的另一邊，消磨一個下午或夜晚都好正。我去嗰晚有jazz表演，一彈一唱Billie Holiday的作品，就咁電吉他同咪，無複雜玩意，感覺好輕鬆舒服。酒吧有酒、咖啡、有汽飲品供應，酒大部分要開一支，杯裝選擇少，嘢食有pizza、nachos、芝士、肉丸之類。幾位侍應態度都好好，唯獨無同我講jazz night 無餐牌上印的happy hour價，我埋單先知
繼續閱讀
呢間Cafe and bar雖然位於佐敦，但佢並唔係位於當眼處，所以人流唔多，亦都未必有好多人認識佢，故此稱佢為隱世當之無愧。 但呢個地方我一去就愛上，到目前為止已經去過三四次，貪佢唔多人流，但環境好好，坐得好舒服。呢間餐廳佢並唔係只有coffee&wine，有時佢會舉辦講座同畫展，仲有好多書可以喺度買，所以不妨用一個下午嘅時間喺度睇下書，飲下野，嘆嚇世界。 如果鍾意飲酒嘅朋友呢度係一個好嘅選擇，因為佢有唔同嘅酒比你揀，店員仲會好細心咁向您推介。 當然唔飲酒嘅朋友都可以飲呢度嘅熱茶，雖然佢只係普通嘅茶包，但係係咁舒服嘅環境中嘆嚇茶，都真係幾爽。
繼續閱讀