MX (中華總商會大廈) (已結業)

我一直很欣賞美心快餐的食物，種類經常推陣出新，味道維持高水準。今次品評的中環分店，最值得改善的地方是燒味部人手不足。試過多次叫了燒味部的套餐，如海南雞或是燒味飯，每次都要等需要等數十分鐘。有一次，一向少嘮叨的我，也按不住黑面，對職員說︰「我碟雞要切幾耐呢！」由於美心食物質素高，才吸引這麼多食客。就因為有這麼多食客，美心務必要增加人手。要明白，食物的質素、職員的服務態度及效率，是連鎖經營快餐店致勝之道。

深海魚柳餐\\\\\\\，有炸魚柳，炒旦，茄汁豆，一片多士，　＄２０．身為主角的魚柳，　脆是夠脆的，　可惜魚肉乾又鞋，又無魚味，麥當勞的魚柳包好過佢\\\\\\\幾倍．炒旦是整個餐\\\\\\\中唯一算ok的，都算嫩滑，　可惜略為凍了，　不過，　食快餐\\\\\\\店都預左的．茄汁豆簡直凍冰冰，又硬，　又係唔掂！多士切得好薄，　所以烘完之後變得乾晒！真係好失望！一個差的早餐\\\\\\\，　絶對影響一天的心情！

本蟲一向喜歡美心集團的出品，皆因他們的品質控制做得好，食物和服務質素有保證，即使未必次次做足一百分，但也不會擔心他們不及格。有時早放工見有點餓都會去這兒食個下午茶餐醫醫肚。從早到晚，美心以下午茶的時段做得最好，食物款式多、價錢平、服務快夾好，一向都深受低收入階層和退休人士喜愛。是日趕及六時前入內，叫了一碗燒鴨瀨連凍鴛鴦才二十元。不知從何時開始，美心的燒臘以鴨代鵝，儘管兩者相似，但其實口感截然不同，後者始終較佳，因肉嫩而皮香，鴨則總是質地較硬。只是一街之隔，對面國金商場的食肆動軋便一千幾百，但這兒卻只要十多廿元，而且食物往往都只是差不多，令人不禁慨嘆香港貧富懸殊問題之嚴重。

美心快餐\一向是我至愛之一, 然而, 中環這所分店真是要不得.喫個早餐\, 近11點, 很多款式早已賣得乾淨. 只得叫粥+羅白糕. 走到取食物的counter, 店員說羅白糕賣完了, 要腸粉吧.好了, 給我什麼呢? 碎的腸粉, 還要在腸粉上加醬料(注: 平時醬料是另碟給客人的, 由客人自己判斷加多少), 我已感surprised. 一吃下去, 明了, 腸粉又\"淋\"又冷, 似是隔了夜的碎頭碎尾, 淋上醬料是希望我不察覺吧. 算, 趕時間, 吃了兩\"粒\"唔吃.粥呢, 看下去不滿一碗, 吃下去更令人叫救命. 是麥皮加粥的味, 猜想是粥不夠, 加點麥皮去補足. 吃了一啖, 冇可能再吃多一口. 如非趕時間, 一定找食環署來弄個明白.

(28/12/06)早上好想食通粉,買走一碗火腿蛋通,火腿無煎過,白灼,攪到成碗都好寡。lunch再光顧,白汁雜菌意粉+片蒜蓉包。唉...唔夠雜菌&汁又淡,淨意粉乾"芹"咁。芝麻蒜蓉包,好靚,不過請左同事食。咖啡ok,無攪暈,奶沉晒底。

其實而家d快餐店已經做到超越了以往快餐店只提供的普通簡便飯餐。而家天氣涼涼地，紛紛推出火鍋。概念非常好的，即使一個人，都可以食到火鍋，其好!個晚同男友試了呢度的墨魚滑番茄湯底火鍋。我地第一次係快餐店食火鍋。配料幾豐富，有約六片肥牛，有一碟蟹子墨魚滑，有兩隻蝦，有豆腐，有雞塊，菜，蓮藕，南瓜，粉絲，米線，魚片，金菇，粟米，腐竹，冬菇。只係四十幾蚊。抵。值得推介的是蟹子墨魚滑，蟹子扑扑趣，墨魚滑又彈牙。幾好幾好。番茄湯底幾清新，小小酸，與配料配合得非常好。值得一讚的是，呢度清潔嬸嬸非常殷勤，笑容好恭。

曾經因為啲嘢差咗，價錢又貴過人，所以有一排冇幫襯美心嘅午飯。星期六開OT，見冇乜人，入嚟食咗個煎蛋焗脆口豬扒飯，連餐飲$28，大家樂依家都要咁嘅價錢。好彩結果冇令我失望，豬扒確係脆口，亦冇大家樂嘅焗豬扒飯咁漏，水準回升。

(15/10/05)星期六要返工,通常都鍾意買份好d的早餐。好早前有個上海式早餐,有肉包, 但成日都賣晒。今朝見$13有兩個包,一杯野飲,即刻買。雖然個皮好似超市賣的急凍皮,但個餡雖然好肉丸狀,但味道好good,唔覺勁肥肉,主要菜夠多,口感好好。

一向鐘意試新野，今日見美心快餐出咗彩光咖啡同朱古力批，就不妨一試啦........但真係好攞命，杯咖啡同實際相片差九丈遠就遇咗咯，但係飲落郤只有咖啡既苦味，再加埋啲脆皮朱古力豆同方形啫喱，一輪苦澀既咖啡突然又來個甜而脆既朱古力，真係頗為難以接受；而朱古力批既無朱古力味，有的就是一大堆合桃，口感頗像合桃糕...兩者配合，簡直失敗之作；而朋友就叫咗個正常既肉絲湯麵配司華力腸薯條，薯條"忠於原著"，居然完全無落鹽調味，而肉絲湯麵既湯底，就如水加鹽調出來一樣，淡中帶咸，個麵更是半熟狀態，口感仿如橡筋，最正常係杯奶茶同條腸，個餐食咗半個之後，己經搞到朋友連晚飯時份都覺得無胃口...(唔係講笑，係真係令到個胃唔多爽..!!!)美心快餐實在必須改善..!!!

講真, 真係好多年冇幫襯過快餐店(麥當當除外), 昨日睇到報紙訪問大快活個老板, 佢話做0左咁多年快餐店, 最賣得不外乎果幾樣: 焗豬扒飯, 雜扒餐, 粟米肉粒飯等等, 要專心做好呢幾樣云云. 可能就係睇0左呢篇報導, 昨晚一個人唔知食咩好, 心血來潮, 行0左入去美心快餐, 要0左個酥皮龍蝦湯雜扒餐$36(有燒汁同黑椒汁揀, 我要0左燒汁), 加$3要杯可樂飲.$36 個餐, 好多雜扒, 有薯條, 有雜菜, 仲有半支粟米,非常大堆頭, 抵食到真係唔可以再要求d咩. 倒d汁落個鐵板, 滋滋聲, 好夠熱, 味道同預料中一樣, 香腸同豬扒係最好食, 牛扒略韌, 煙肉幾咸, 雞扒ok, d雜菜加0左汁都幾好食, 薯條當然係炸得過0左火, 可惜我有d期望0既粟米就霎到冇乜味乜濟.至於個酥皮龍蝦湯, 入面冇咩料係預0左, 只有三條假蟹拑, 咁0既價位我當然唔會同正宗0既龍蝦濃湯作任何比較(一個正宗龍蝦濃湯0既價錢可以食兩三個呢d餐啦), 不過個湯除0左頗鹹外, 都食得出係有龍蝦味, 外面0既酥皮點湯都幾好, 不過就焗得太脆, 搣落0黎果下彈到周圍都係.環境幾好坐, 一洗我對快餐店0既印象, 我

非常同意KC 講法,今年美心d火雞真係食得過。估吾到今年整得好味之外,仲要吾鞋,幾juicy幾滑。可以食得落幾件o既,你都咪話差o牙。

因為半日市，全公司都係放半日，所以各部門的聖誕聯歡都集中在中午過後，淨係今日下晝都要走三場。三場都係到會，分別係Munch、Citysuper同美心。坦白講，到會食物都係大同小異，都係火雞、串燒、菜沙律、咖哩牛腩咁，好似只係將幾間食肆的下晝飯盒裝埋一大盒來吃一樣，完全欠缺吸引力。因為應節，三度的火雞也有吃，在沒有期望的情況下，反而覺得美心的烤美國火雞不差。原隻雞大大隻，切肉，雞肉不過熟，肉質竟然唔韌，所以是吃完一塊又要一塊，在到會都好少吃得到入得口的火雞了。

What's the best 快餐店(chain) in HK? I vote for Maxim's. Its Chinese BBQs and chicken legs give them high marks. Though I don't think it makes the best milk tea.

平安夜因為我d 同事放哂假, 所以得番我一個人食晏好慘慘咁去美心買飯盒, 原來地有聖誕大$35), 嘩! 好多野食, 有沙律, 有周打魚湯, 有包, 有牛排, 有火雞有布丁, 凍飲仲唔駛加錢呀! 食得好飽, 可以去除少少寂寞感..