MX (䨇寓商場) (已結業)

星期日放假，唔想出街食，人又多，又要搵位，決定買外買回家享用。用Apps落單買左三個午餐。焗豬扒飯：有青豆、有番茄、有洋蔥和紅蘿蔔、又有炒飯底、還有一塊豬扒，豬扒不是厚的.沒有咬口.芝士又不多，醬汁就嫌多咗啲。豆腐肉燥叉燒飯套餐：滷水豆腐都幾入味，肉燥就嫌少咗啲，半肥瘦叉燒適中，好有口感，又好食。奶茶：美心奶茶冇得頂，茶味濃郁，好飲。咖喱牛腩飯：有2朵西蘭花和1件翠玉瓜、翠玉瓜太厚了，沒有入味，唔好食。牛腩比較少，細細粒又唔靭，咖哩有加椰奶，香滑，不是太辣，尚可。

在屯門的一個細小商場內有一間美心餐廳，位置比較偏僻，商場人流不太多，但幫襯餐廳的人卻不少，就係有個價廉物美的下午茶餐呢！下午茶餐款式不少，中式西式都有，任君選擇，而且價錢相宜！我選擇了公司三文治，食物質素相當不俗，連一杯熱飲只係$35！餐廳內設有燒味部，燒味相當吸引是另一個好選擇！

唔想落街食早餐，又想食中式及西式早餐，用Apps下單order早餐，接受網上付款 💳，最快 30 分鐘火速送遞美食。連鎖快餐MX嘅早餐有糯米雞、🦞龍蝦濃湯腸仔螺絲粉、🐽火腿通粉、🐔雞扒、🐣炒蛋、🍞烘吐司、🍹紅豆冰、☕咖啡。在家慢慢嘆😋熱辣辣嘅早餐🥪🥙🍜🍝🍹☕🥤

位於屯門碼頭新樓既mx，開左吾係好耐，位置同兆禧輕鐵站好近，但我都係第一次試食，成個商場得返依間mx同惠康，好易搵到位置，入到去環境好新淨同好有時尚感既快餐店今次我買左外賣返去屋企食 ，買完票之後可以黎到等候區坐低等叫號碼超貼心既安排超快就有野食！呢到既員工非常熱情同有禮，今次買野食既體會好好黎到食物既重點！！！今次買左sir滑雞超級有驚喜首先成個餐只賣$53,但係有好多野，首先有無骨既海南雞！之後有芝麻醬沙律，仲有湯 同一個油飯，醬都好齊全！呢個餐真係好抵 ！因為雞好滑好好食 ，油飯非常香 ，湯係佛手瓜湯 好入味真係超愛呢個餐！take eat easy!!

平時我都好少去大型連鎖餐廳食飯，不過呢間美心又真係好近，所以試一試。先講環境，呢間都算幾寬敞，其中有張枱係high chair, 我啲仔女最鍾意坐嗰張枱。食物方面都ok嘅，但純計食物，始終都係茶記好啲。附帶一提，呢間美心啲職員好有禮貌，我最欣賞呢樣嘢

星期一, 又係兩公婆撑枱腳食早餐時間, 日前收到美心MX寄嚟嘅9折卡, 惠顧任何正價食品, 都可以有9折優惠. 咁今日就去試下啦!龍蝦湯螺絲粉+魚柳+粗麥多士+熱檸水 $35.00 龍蝦湯螺絲粉--龍蝦湯味濃而且比較杰身, 可以掛喺螺絲粉上, 入口每啖都有龍蝦湯味魚柳--炸得外面香脆, 內裡嫩滑, 一啲都咁老, 略嫌味道淡了少許.龍蝦湯螺絲粉+雞扒+粗麥多士+熱奶茶 $35.00--雞扒--嫩滑夠入味粗麥多士--新鮮烘起, 香脆有咬口熱奶茶--係用黑白淡奶, 入口濃滑總數 $70.00    (9折後 $63.00)