MX (新葵興商場) (已結業)

冇比較冇傷害！上次食咗個垃圾級別海南雞飯。今次見到有海雞飯，真係要食返一個正常嘅，去拉返個平衡。今次係公司附近，諗住求其快食。叫左個冇骨海南雞飯，啖啖肉，絕對係肥雞，但皮下脂肪唔會厚，相當有質素。個人認為比的泰式餐廳更加好食，更加滑溜！抵讚配油飯，正常。仲有泰式青瓜，少少酸夠晒醒胃，有多個清補涼湯，清補涼好似冇落味精，非常之清甜。仲有幾舊瘦肉，誠意十足。$57完勝之前某茶記。環境勉強ok,部份疏化開始爛爛地，算整潔

美心呢個酸菜魚米線，只有辣味冇酸味😩，魚片唔滑😟，酸菜口感似榨菜😑，配料唔知點解會有乾蒜片😵，呢個餐完全搵笨，想食酸菜魚既朋友真心唔好試，伏到飛天。賣相，還可以。👎🏻魚片，唔滑。👎🏻酸菜，切到好碎，冇口感，似榨菜。👎🏻湯，有辣味冇酸味。👎🏻好多乾蒜，唔知咩事。👎🏻其實酸菜魚真心唔係好關乾蒜事，但結果成碗都係乾蒜，美心管理層諗d新菜式時，唔該唔好為做而做，飲食係要色香味，而唔係得個名同樣！👎🏻👎🏻👎🏻

12:00去到餐廳 自助落單 完成落單 號碼B924 入到去 冇人執台 過了20分 先開始有人執台 眼見最少 一半台有客食緊 一半台都執 等餐一直等 等到 12:33分 隔離台個阿叔睇唔過眼 叫去出去問 我出到去櫃台 啲阿姐超唔好態度 好似一年冇出糧咁 我欠左佢咁 其後有個服飾不一樣嘅員工過嚟（懷疑係經理）都係死老母咁嘅面口一路搵單一路搵 搵左5分鐘 最後發現漏單唔緊要 即做 我叫左個乜乜東南亞雞髀飯 四十幾 加個菜 $74蚊 個雞髀變咗雞槌 M記個啲雞翼size嘅雞槌 嚴重違反商品說明條例 懶得投訴影相比大家睇 ！希望減少苦主 ！食物質素 完全唔入流 ！ 即做都仲要凍嘅！食唔食 自己諗！ 我就此生都唔會再食 ！

今日在社交平台看到今晚全綫美心晚餐七折.特意來到新葵興商場MX美心晚飯.已經好耐無幫襯過.都唔知佢哋啲味道是否有改進.在懷疑心大心細.有無咁大隻蛤乸隨街跳.不過無乜所謂.有的更加開心.落咗單埋單.果然係有七折。 今晚選餐如下： 1. 芝士茄焗豬扒飯 X1 $45元 2. 套餐口水雲雞半隻 X1 $58元 配蟲草花排骨湯 X1 (免費）埋單：103元 特別折扣$30.9元總結：$72.1元美心特價七折晚餐芝士茄焗豬扒飯套餐：口水雞半隻.配蟲草花排骨湯（免費）

好耐冇食MX早餐， 依家d美心裝修咁高級，有格調 🤭 好彩價錢都係親民 （應該算係）都係點份普通嘢食，通粉配火腿、太陽蛋，粗麥多士，再加杯熱奶茶。早餐我自己就鍾意至少食熱辣辣既野，有湯水既粉面類就最岩，味道其實就冇咩特別，但係不過不失，滿足既早餐呢間鋪頭都幾大，好多位，今日weekend一大清早，八點幾黎食，都係fill 左一半位。而且整體鋪頭都係比較自助式，有自助調味料、托盤收集站，食飽記住自己執番托盤。

還記得以前都不會去美心吃飯，因為覺得美心的裝修很舊很舊，沒有一點會想進去的衝動。現在這幾年間，有很多美心都裝修變成了美心MX。如果你不跟我說這間是美心又看不到它名字的話我都不會相信這時美心呢！當我走到點餐位置看看餐單有什麼吃，發現這裡也有咖喱，我以前常吃別的集團餐廳都會吃他們的咖喱，這次也點咖喱來試試吧。咖喱來的時候可以感覺到是剛剛新鮮拿出來的，因為真的很熱。香氣也隨空氣飄過來。吃一口咖喱，連鎖餐廳的咖喱都好濃郁，這間也不例外。吃下去會有濃濃的香料味出來。如果價錢便宜一點會更好！

放假天，早上活動完結時，差不多2:30，又想食紅豆冰，於是等MX 下午茶餐食。這個餐包紅豆冰，又有肉，又有米粉，很合心意。油脾入味，不會太咸，很易入口，肉地還幾好，不會過「林」；米粉大大份，最適合未食午餐又真是相當肚餓的女士。米粉軟硬適中，味道也不錯。至於杯紅豆冰，紅豆適量，不會太「林」，味道也可以接受。整體而言，對於一個相當餓又想食熱食和豆冰的成年人，這個餐又快又飽肚又不貴又就腳，快閃吃完就很滿足地回家去。

去葵興個客度到做Support，攪掂已經8點半，近地鐵站，又凍又餓，搵到間MX, 勉為其難，照殺。點知，單人火鍋無晒牛鍋，唯有食鐵板，就係咁樣，燒焦了。古語有云：金玉其外，敗絮其中。中咗！睇個樣，好地地，食落口，多筋多肥。個湯：咸到失真。

全場只有一個執台亞姐，野食尚可，但衛生差評, 明顯是分工問題。點單的員工根本閒置，而清理台面時，足足十多分鐘冇人理，叫亞姐時，明顯故意當你透明，唯有叫點野食亞姐幫手叫下清潔亞姐， 點知直接點番個客自己再去搵清潔亞姐，劣評，機械化營運不代表服務同步下降數級

There's bad fast food: American burger chains that serve up chemical concoctions that will transform an otherwise healthy body into a fat disaster. Then there's the rare good fast food: restaurants that serve better quality foods that cater to a variety of tastes. That's MX in a nutshell. It's not gourmet. Don't come for the ambience. Eat at MX when you are pressed for time and want a tasty, healthy meal that is fit for human consumption.

今日落好大雨，費事煩就去咗美心M X買外賣食，叫咗兩個小菜套餐，配老火湯同白飯，小菜套餐選擇唔多，我哋揀咗咕嚕肉同埋魚香茄子，味道麻麻地，魚香茄子煮得唔夠耐，無咩味，咕嚕肉都還可以接受，但下次未必會再試。

大家都係屬於美心集團, 我真係搞唔清楚MX, 同美心MX嘅分別, 究竟兩間有乜嘢分別呢? 點解會要出現一啲咁相似又本身係同一品牌嘅嘢呢?都唔理得咁多, 最緊要係好食同埋平, 有一日 做義工之前, 我就食咗一個幾好食嘅早餐。就係呢個 "魚柳炒滑蛋早餐" 炸魚柳好大件, 除佐炸得金黃色之外啲魚肉係滑滑嫩嫩, 就咁食已經好好味, 點埋少少沙律醬嚟食就更加好味, 炒滑蛋都好大分, 雞蛋真係炒得好滑溜好香口, 放少少沙律醬係雞蛋嗰度食又係另一種滋味。得啦我知道就嚟比賽要減肥, 食個早餐啫, 嗰杯可樂唔係我飲嘅, 係El姑飲嘅, 滿意未。

呢一排都好少食快餐連鎖，今日要去葵興做野所以搵左間連鎖快餐來食， menu 好多野選擇，又出現選擇困難症，算啦為左唔中伏去食連鎖快餐不死食物，就係“焗豬扒飯”, 各大連鎖(即敗家樂，同大塊活)食呢個飯一定唔中伏!不得不提既其實真係唔差，$40 有大大塊豬扒，而且仲要係炒飯底，加上仲有番茄，紅蘿蔔，洋蔥，磨菇，青豆，個炒飯有蛋花tim! 冇得輸!!! 好味又滿足，真係很大唷!!! 不過要加錢 $6 熱飲，同 $9凍飲就狼左少少

鐵板飯近日推出雞柳和豚肉2款$46加送汽水或麵豉湯, 味道OK, 豚肉可以, 但分量少, 雞柳味道OK, 但已煮熟, 所以肉質較乾, 等候時間, 視乎是否多人等候, 因為都只得一個姐姐, 燒板和安排配飯送.

今日去唔成旅行，由機場返到黎費事煩就入左黎食晚餐。本來諗住食個焗豬，貪佢穩陣唔會出事。但可惜賣晒😐，就即刻點個貴野發洩吓咁啦：巴西肉眼扒餐。但點解會連黑椒汁都無埋😑，好算，燒汁都勉強接受。等左幾分鐘就響鐘攞得，鐵板同埋扒都熱辣辣但個薯蓉竟然係凍嘅，或者咁講，係室溫😑。唔理住，拿拿臨試下塊主角扒先，一切開😡全熟，成吋厚嘅扒係全熟嘅。呢一刻已無言了，塊扒醃到太腍連肉味都醃走左。用左最快嘅速度吞晒落肚之後走人，心情太差，仲俾餐咁嘅野插多一刀，只能說我輸了。本來係想俾劣評的，但係個人因素影響多少賽果，掹車邊合格算數😔