MX (新葵興商場) (已結業)

今日去唔成旅行，由機場返到黎費事煩就入左黎食晚餐。本來諗住食個焗豬，貪佢穩陣唔會出事。但可惜賣晒😐，就即刻點個貴野發洩吓咁啦：巴西肉眼扒餐。但點解會連黑椒汁都無埋😑，好算，燒汁都勉強接受。等左幾分鐘就響鐘攞得，鐵板同埋扒都熱辣辣但個薯蓉竟然係凍嘅，或者咁講，係室溫😑。唔理住，拿拿臨試下塊主角扒先，一切開😡全熟，成吋厚嘅扒係全熟嘅。呢一刻已無言了，塊扒醃到太腍連肉味都醃走左。用左最快嘅速度吞晒落肚之後走人，心情太差，仲俾餐咁嘅野插多一刀，只能說我輸了。本來係想俾劣評的，但係個人因素影響多少賽果，掹車邊合格算數😔