My Little Coffee (已結業)

行第三次，皇天不負有心人，終於食到！個Classic 手打牛肉芝士漢堡好厚身，要擘到個口好大先咬得到，加上材料新鮮，牛肉都幾juicy，食到最後唔為意肉汁漏到一檯都係😂，$44真係超值，加$6仲可以配埋薯角，新鮮香脆，微辣，好惹味😋配埋一杯Cappuccino ，泡沫豐盈，總共盛惠$60，我仲問佢係咪計少咗？原來主食加$10可配幾款熱咖啡，抵到暈！👍店內有少量文宣，門口貼有告示暫時唔招內地人士，有露天位，旁邊話仲有間舖都係佢哋嘅，不過此店有少少難搵，我第一次來時跟地址在工廈內兜咗幾圈，要靠問人先找到，之後認住建榮街同建安街交界，即7.11對面、小食店旁邊條樓梯行上去就係啦！

屯門工業神秘coffee shop屯門人真係要黎呢度一試其實呢度都幾偏 不過有時間想靜下同朋友傾下計 黎呢度都真係唔錯呢度coffee shop採用既係自助形式自己睇下牆上既menu 再番位拎張紙寫低要食d咩同飲d咩 寫埋件數 再去遞比職員 順便比埋錢 之後職員就會作準備新鮮煮好再嗌你過黎自取食完就自己拎番d餐具比職員 又或者放係架專裝用過既杯碟車度 而其實個人幾鐘意呢種風格 自助形式咁樣 咁講番鋪頭先都幾舒服既坐得 裝修比人既感覺既格調都好舒適 唔會覺得細細間有壓迫感 我同朋友黎果陣得一位客人 可能果陣都晏 3點幾 同埋平日 無咩人先黎兩杯野飲一杯係mocha 我果杯係熱朱古力奶我果個幾好飲 朱古力味都幾濃 唔會偏甜 適中咁至於食物方面我依加打呢篇食評 都已經寄掛住果漢堡喇我同朋友一樣都叫左 自家製手打純牛肉芝士漢堡 我個人就好憎食洋蔥 而我成日叫漢堡又唔記得走洋蔥 不過佢呢度係我唯一會食洋蔥而唔挑走既漢堡！ 因為d洋蔥煮得好淋 入晒汁既味道 完全無左洋蔥對我黎講既臭味而個肉 中間有少少粉紅 唔會過熟 煮既時間岩岩好適中 厚度大家睇相都會見到 同埋好juicy唔乾身 而我自己就幾鐘意

公司附近唔係大排檔就係連鎖店難得搵到一間隱世小店。食物非常之美味、店員好有禮貌好友善、就好像去到相熟鄰居的小咖啡館。非常自在。食咗一個BBQ醬菠蘿牛肉漢堡包🍔。好juicy，牛肉好新鮮。朋友點的咖啡是牛奶咖啡，本人因為某些問題點了棉花糖朱古力奶。另外叫咗一個雞扒糖心蛋飯。沒有味精好好食。

『獨樂樂，我還是比較喜歡眾樂樂』好慘呀😢阿張琴日返工掉低左我一個喺屯門食自己🤧為咗彌補呢種寂寞嘅感覺，我決定食好啲！但因為我平時食開軟飯，又唔可以食得太貴🤫唯有搵間看似性價比高啲嘅店家試一試！最後搵到黎工業中心🏢真係有啲服左自己，最估唔到嘅係🤔細細間鋪隱世得黎又幾多人食，平日食lunch時間都要等位啊～阿梁點餐🧒🏻1）$40 《自家製手打100%純牛肉漢堡》評分（10分滿分）：7⃣食評💬：味道可以😌感覺健康，食得出係自家製手打😆牛肉嘅口感係比較鬆化同埋食落冇咁重口味，不過食到有少少牛筋🙈如果想要食得健康，呢個都係不二之選，價錢亦係十分之親民！2）跟漢堡+$10 《Hot Cappuccino 單買$25》評分（10分滿分）：8⃣食評💬：雖然我冇飲開咖啡，對咖啡嘅認識亦唔多，不過都覺得可以接受👍🏻而且我怕苦，今次仲大膽嘗試唔加糖咁飲☕係就係有少少苦澀味(苦澀 慢慢向著心裡滲🙈)，但咖啡嘅香味抵消返，足以令我成杯飲埋佢🤣丫～我仲好怕咖啡帶有酸味，好在呢杯完全無！留意返👉🏻落單係要自己寫紙仔，店家有兩間鋪，食完之後係響右邊間鋪到俾錢My Little Coffee (屯門)📍屯門建泰街6號恆威工

曾駐尖東既My Little Coffee係我以前番夜放工後最中意食早餐既地方，呢間係一間聾啞人士既共融cafe。超掛住番完一晚夜之後既蜜糖雞扒餐，仲有幾壺吾同咖啡豆既咖啡自助任飲，可惜因為加租既關係，最終尖東店結業😔相隔一年，無意間發現原來宜家落腳係屯門工廠區，即刻要黎支持一下🥰 記住上佢地ig check下營業時間先好去牙😎自家製手打純牛肉芝士漢堡 $40BBQ醬菠蘿煙肉純牛堡 $45 +$6 薯角Latte +$10Flat white +$10雖然無咗至愛雞扒餐😭，但係手打牛肉漢堡都好味😋。BBQ醬菠蘿個隻好爆汁，不過我鐘意淨芝士牛肉多啲，牛肉味濃啲，吾會比醬料味蓋住，塊牛肉一啲都吾乾，漢堡包都有稍微烘過，$40蚊黎講好高質👍🏻

都唔太難搵，可能我好彩😂黎食早餐，叫左個純牛堡同菠蘿煙肉牛堡，純牛堡好好食，但菠蘿煙肉牛堡更加好食，入面雖然只係好普通咁用BBQ汁，但味道同啲配料出奇地夾，出面好多漢堡入面啲配料每件都好食，但一齊食硬係會覺得啲味唔夾，令到成個包都唔好食，但佢個煙肉牛堡真係好味👍🏻highly recommend!!咖啡唔差，叫左一杯cappuccino 同一杯latte，跟包叫只係$10同$12，唔跟包好似都係廿幾蚊，勁抵！

一向中意搵啲隱世小店幫襯下既我，今次就係網上搵到位於工業區既呢間Coffee Shop。對於位置黎講，係有少少難搵。的確係比較''隱世''。樓梯下會見到一個指示牌，要經一條小樓梯上去，就會見到一道藍色大門...坐位吾算話好多，但佢係分開兩邊門自由咁坐。雖然我吾係好食得牛，但店員都好悉心介紹佢地有既餐我就擇左個夏威夷照燒雞漢堡 ($42) ，再加薯角 ($6)。而佢既漢堡既汁都好多下，入面有生菜、菠蘿、雞扒等等，味道好似係小丸子醬汁。我覺得還可以喇，都幾大份既，略嫌個汁搞到個麵包皮好淋，啲汁多到不停流，如果有刀會好d。食完個漢堡好口渴，呢度有個自助區，可以飲下水。黎得Coffee shop，我就跟餐嗌左杯熱既Cappuccino ($10) 黎飲下，佢既口感都幾順滑，咖啡味幾香。如果有件cake食下就正喇！我覺得呢間小店既店員好有禮，而且係度hea又吾會趕你走，幾舒適，下次我會再黎試下佢既自家製手打 100%純牛肉漢堡!

🐯I love the warm welcoming from everyone in the cafe. 🐑The handmade beef burger ($38) was really great, yummy and juicy, spiced up with the crispy fries and the soda drink by adding $10 only!🐮The hot flat white($25) has a well balance between the taste of milk and coffee, smooth and hot enough, the milk foam stayed till the end.🐵There are 6-8 seats inside. The staff said they will hold coffee making/latte art tutorial class by appointment, can't waitbo join one later !✨Hope the staff can keep th