NENE CHICKEN (朗豪坊)

營業中

休息中

相約很久沒見的朋友吃個便飯，大家都想食炸雞，就楝左旺角呢間，原來有好多分店，我地最後都係楝左最方便嘅旺角時間可能還早，七點到了，都不用排隊就可以入座。四位，安排了我地坐圓台。 原來以家因爲夏季，推出左個仲夏二人餐，所以我地叫左兩個set來試下。 以上就係可以選擇嘅食品。我負責楝了個健康蒟蒻冷麵。原來個樣係咁，真係幾健康咁，清清地，有一粒蛋，有幾粒芝麻，蒟蒻麵都幾得意，不過最好叫佢地剪定。呢個係粒粒炸雞同章魚丸，炸雞不錯，韓式野都有章魚丸食好搞笑。呢個一定要介紹下，叫麻辣脆炸蝦，幾新式，有四川麻辣味，食落有點像麥樂雞，還有幾塊炸麵包，好脆，還有三款汁點，有隻蜜糖芝士味，幾好味。傾傾下就食咗三個鐘，係時候走了，下次再約過，朋友係要見嘅

好耐無食韓國炸雞🍗 今日同朋友慶祝生日就決定食下佢中意嘅嘢啦😏 平時行朗豪坊都會成日經過NENE CHICKEN 但都無去試 今次終於試到喇～同朋友八點幾嚟到門口都有人等緊位 不過好快就有位luu!入到去見到太多選擇太難揀所以我地決定食個仲夏二人set👭首先嚟到嘅係最開胃嘅前菜：泡菜同埋酸蘿蔔😛其他嘢未嚟到就已經想食晒佢～之後叫嘅嘢都陸續上齊喇皇牌炸雞我地揀咗白群主🤪 份量都ok 有洋蔥喺面～汁比較creamy 唔錯！咬落去啲肉唔會鞋 幾嫩滑😚麻辣脆炸蝦 份量好多！仲有兩塊好似蝦多士咁嘅脆脆～雖然話係麻辣但係其實唔算辣 係有少少麻嘅感覺仲有三款醬汁點！個感覺有啲似甜酸排骨😽健康蒟蒻冷麵 食完頭先啲炸嘢就係時候食返啲唔熱氣嘅嘢🙊食落有啲清清地嘅麻油味 食炸雞食得太重味嘅話可以調劑一下！仲有冷麵嘅質感幾好！夠彈牙唔會一pat嘢咁～～最後就係兩杯soda🤩 食炸雞飲呢啲夠晒gur呀！味道都唔錯添😛😛😛總結！nene chicken可以一試😋😋 炸雞正 份量價錢正常～～～

我地一行9人 每人嗌一個lunch set 再加多一個炸雞白郡主炸雞叫左無骨炸雞 啖啖肉雞炸得好香口 啲粉簿簿一層 不知不覺就食左幾塊炸雞上面放有洋蔥 仲有啲汁 連埋洋蔥一齊食就比較重口味芝士蛋泡菜炒飯呢個餐鐵板上 鐵板維修熱度既關係 啲芝士蛋一黎到已好老好鞋 沒有任何拉絲就感覺海鮮泡菜鍋雖然食物普通賣相平凡 但辣辣地好開胃人參雞一上台仲keep住係度滾緊 隻雞好淋 一拆即連皮帶骨分開晒湯有人參味 湯肉仲有糯米飯 食完呢個餐係10分飽 成個人都好熱好暖芝士炒年糕伴拉麵好多芝士 好多年糕 好多韓式魚餅啲汁都幾辣又係10分邪惡的菜式一定要share食 如果吾係食完應該會漏到即時訓著韓式炒粉絲冇咩特別 清清地咁😂Lunch時間見到好多台客食緊炸雞放題 下次要挑戰

朋友被門口的初雪炸雞所吸引，所以今晚選了這間店食晚飯。一進店內 當然選擇這初雪炸雞，我們叫了個牛油果豆腐沙律，亦不少得叫了韓國沙冰。食品來了 兩碟份量不小。先說牛油果沙律 雖然麵包上的綠茶醬有點甜，但個沙律還算合格。再講番個主菜初雪炸雞，個然最面的初雪 是車打芝士 味道濃郁 雞肉夠juice 個味道唔錯。而今次入座時間為8：40剛好在happy hour時段 買二送一 的確好正。這家韓式店亦設有會員制，入會後即享九折及三張$100coupon 但暫時未有考慮入會了

誰要炸雞放題！？《NeNe Chicken》是一家很值得刷刷刷的韓國炸雞店！NeNe Chicken 家在Facebook有公佈任食炸雞的日期啦！明天9月25日星期三也是「任食炸雞」天！⠀⠀⠀⠀⠀⠀⠀⠀⠀⠀⠀⠀早段時間第一刷已令我食到超飽超滿足的！牛、雞、豬 當然來一個去骨炸雞最爽，然後單點了「芝士蛋伴烤牛肉炒飯」&「海鮮炒粉絲」！她她我推薦你「海鮮炒粉絲」！這是我經過也要外賣回家的韓國粉絲！⠀⠀⠀⠀⠀⠀⠀⠀⠀⠀⠀⠀🍖「任食炸雞」任食炸雞總共有10款，排名不分先後～⠀⠀⠀⠀⠀⠀⠀⠀⠀⠀⠀⠀🍗韓式甜辣炸雞🌶 Spicy & Sweet味道就像甜酸醬加咕嚕肉的味道⠀⠀⠀⠀⠀⠀⠀⠀⠀⠀⠀⠀🍗初雪炸雞 Cheese Snowing味道就像芝士泡面的芝士調味粉⠀⠀⠀⠀⠀⠀⠀⠀⠀⠀⠀⠀🍗白郡主炸雞 Creamy & Crunchy味道是冰冰的乳酪洋蔥配熱辣辣炸雞❤️⠀⠀⠀⠀⠀⠀⠀⠀⠀⠀⠀⠀🍗大韓廚師炸雞🌶🌶🌶 Hot Bling味道是超有誠意的辣！喜歡韓國辣的朋友會喜愛！⠀⠀⠀⠀⠀⠀⠀⠀⠀⠀⠀⠀🍗蒜香醬油炸雞🌶 Soy Sause & Gaelic味道是「雞如其名」，甜甜的醬油，蒜味是融化於醬油之中

突然間好想食韓國炸雞，甘岩同朋友出旺角，搵下附近邊度有炸雞食，記得之前食過nene chicken都幾好食，所以今次決定食番依間啦一如以住，依間野真係好多人，我地大概7點半到，都要等半個鐘先入到去甘我地見到佢有個新set好似幾抵食又有新野試下就決定叫左依個set之前食過炸雞，所以今次決定試下新野，我地揀左NENE炸雞拼章魚燒，是細塊的炸雞加上沙律醬，加上沙津醬後變得非常惹味，正章魚燒則不過不失，入面的章魚肉都幾大粒，吾錯因為見到有麻辣，所以我就忍吾住叫左，炸漿比較硬生，口感幾特別，有啖啖的麻辣味，怕吃辣的也不用怕，但不得不提的是旁邊的配醬，其中一個是牛油蜜糖醬，同個炸蝦非常夾最後仲有個蒟蒻冷面，冷面食落十分彈牙，配上微酸的冷面汁，食落非常開胃

食物方面，我地3人都係炸雞任食，炸雞非常嫩滑，但味道一般，冇一款特別好食，有啲失望。3人行送杯shark attack, 打卡唔錯，飲落怪怪地，椰子味較重，落左士多啤梨糖漿好飲少少，我地3個冇1個鍾意飲，唔知係咪口味問題...服務方面，坐落15分鐘都冇水，要出聲，手套又俾漏個，水又好手套又好，乜都要催。炸雞又黎得慢，次次都俾漏款。食左2轉(每轉平均8-10隻)，再落單既時候，有個侍應明明同我對左幾次眼，都唔黎收紙，經過又扮睇我唔到，結果直接行出去俾第個侍應。P.S. 唔會因為服務差而踩食物，純粹客觀評價

韓國炸雞熱潮有增無減🇰🇷韓國人氣炸雞店Nenechicken 推出左仲夏二人套餐☀️我叫左大韓廚師炸雞(半份)🍗呢款炸雞比起甜辣炸雞更加辣🌶加上皮脆肉嫩嘅炸雞，仲有少少肉汁🐔溶岩芝士皇室豬肋骨X炸魷魚🐷🦑芝士係由一個麵包盛載，表面上有小量香草🌿芝士主要為流質，小部分芝士有牽絲，味道偏奶味🧀而豬肋骨經醃過，有少少似燒烤醬味，魷魚食落彈牙🤤NeNe雞肉沙律🥗雞肉分量頗多，而 NeNe Soda 西柚飲落比較唔甜🍹而 NeNe Soda 青提子雖然甜啲，但飲落清新啲

早排同朋友去咗旺角朗豪坊特登試下呢一間韓國過江龍炸雞叫nene chicken,咁呢間炸雞呢價錢相對嚟講呢又唔算十分之貴,咁肥雞同朋友呢就嗌咗個忌廉洋蔥炸雞,首先講一講佢個sources先,咁佢啲洋蔥配埋忌廉食落去非常之爽口,忌廉點都會有少少漏,但係配埋新鮮爽脆嘅洋蔥,喺一種甜同有感覺之中帶有微酸嘅口感味道十分之清新，加上佢嘅炸雞亦都非常之新鮮 ，炸出嚟個脆皮又唔會話好厚，所以肥雞大推，另一樣嘢呢就係個紫菜飛魚子手握飯 呢碟餸呢肥雞喺ig就睇人睇得多啦 ，將所有材料撈埋一齊，每一口飯都充滿住泡菜紫菜同埋飛魚子脆口嘅口感 肥雞覺得非常之出色

食韓式炸雞又多個新選擇！😍雖然 Nene chicken 已經登陸香港一段時間，不過我自己就第一次去。但原來依家逢星期三做緊炸雞放題，雖然以我自己食量可能散叫會抵D，但炸雞放題$158 可以試矖十款味道，已經抵返😋雖然最後試左六隻味已經飽左🙈😂不過每隻味都唔錯，而且可以每隻味叫一兩隻唔會限住一叫要叫六隻或者一份份上。炸雞放題有90分鐘但唔使擔心落單後要等好耐炸好，雖然佢全部都係即點即炸，不過出得好快，仲熱到辣口😋, 我自己都食得辣會推薦芝辣初雪炸雞同甜辣炸雞🍗另外可以加$20 任飲汽水 加$33 任飲草韓國啤酒HITE

可能因為呢排睇得多韓劇，心思思好想食炸雞🍗，知道朗豪坊有間幾岀名嘅韓國連鎖炸雞店，就決定去試下。餐廳喺11樓，我地黎得早，唔洗等位就入得。餐廳都幾闊落，睇睇menu，見到有個summer set 幾吸引，又有炸雞，就唔左揀右揀，點咗個二人set喇。初雪炸雞(半份)好好味呀果然係人氣之選。濃厚嘅芝士香氣撲鼻，呢個口味好正，香濃得黎又唔會太鹹或太重口味，調配得好岀色。雞肉有肉汁，唔會炸到太乾身。麻辣脆炸蝦🍤外表好似咕嚕肉，但其實係炸蝦，醬汁食落麻辣又甜甜地，幾特別。另外有兩小件蟹肉多士，蟹味濃又香口，都幾有驚喜。健康蒟蒻冷麵個麵幾清新，個湯有少少酒味，我自己加泡菜一齊食，辣辣地，味道更豐富。NeNe Soda好colorful 嘅飲品系列，有7色選擇。我地點咗青提子同柚子味，唔太甜，都幾fresh。

又一個工作既午餐時間，今日建議左同事來nene chicken食午餐，點解？因為大家都好中意韓國野！來呢到有得聽韓國歌，睇mv，如果聲畫同步就更好，當然最緊要係食到正宗既韓國食品！我都食過幾次，之前食過海鮮拉麵，蛋包飯，今次叫左韓國炸雞漢堡加薯條，配凍咖啡🤗唯一缺點就係等得比較耐，對於食飯只有一個鐘既我係有啲心急，anyway，等左15分鐘，終於有野食！咁耐既原因係因為薯條即炸，每條都辣口！粗薯條有咬口同香口😋炸雞漢堡個炸雞配左韓式醬汁，有啲醋味，炸雞肉汁幾充足，入面有兩片鮮蕃茄，個漢堡唔會太高身，稍微壓下就可以一啖食入口，都不錯👍🏻凍啡就不過不失啦，可以濃味返啲，太多冰搞到淡晒🤭值得一提呢到食lunch有買三送一優惠，減完加一仲有幾蚊折頭嫁😏👍🏻

放工之後去左旺角行街，行到朗豪坊既時候發現左一間食韓國菜既餐廳，佢既環境都唔錯。好耐冇食過韓國菜，就一個人入左去食晚餐。門口寫住用餐時間係限時90分鐘，相信餐廳應該好受歡迎，不過我呢段時期就唔算好多人，唔使等位都可以入到去。打開餐牌，見到有好多韓國既傳統菜式，特別係有好吸引既炸雞，可惜今日得自己一個，叫炸雞應該食唔落，等下次約朋友過黎食炸雞啦！仲有好多特式野飲！未點菜既時候會有呢啲醃蘿蔔食，酸酸地，好開胃。我點左份迷你明太子雞蛋卷，雖然係咪你，但其實都幾大份。蛋卷入面既芝士係拉絲既，好正啊！仲有呢個脆炸紫菜蝦卷，蝦卷層次豐富，外脆內軟，又有好多料，正！高估左自己既食量，一個人食淨左一半，唯有打包聽日返工當lunch la!

We came here for lunch. The location is very convenient and had many people there. The restaurant is suited for young people gathering. Service was acceptable. Their chicken can pick bone or boneless,if you want to convenient to eating, you can eat boneless chicken. But in my opinion, eating boneless is funny. The food well one plate can feed two people. We chose 韓式甜辣炸雞 and 蒜香醬油炸雞. The two types of chicken we had were quite good. But I am fans for sweet chili sauce and like their taste. Food wa

#中意嘅請分享請點讚🍻----------😋雙重芝味炸雞 $188今次就揀左初雪炸雞+韓式甜辣炸雞。初雪炸雞即係面頭加咗好多芝士粉，芝士味好香，芝士係偏甜。而韓式甜辣炸雞面頭加咗甜辣醬， 醬汁好多亦好平均，炸雞加咗醬汁仍然好脆口。炸雞炸粉唔會好厚，炸雞亦唔會太油，而且雞肉嫩滑。另外可以揀冇骨/有骨， 冇瓜可以食到啖啖肉，揀有骨嘅會畀埋手套。😋芝士炒年糕拌拉麵 $112拉麵上面加咗好多芝士，醬汁係小辣偏甜。年糕口感煙韌，唔會過淋/過硬，除左年糕仲有一隻雞蛋魚糕魚片。😋脆炸芝士蝦卷 $90蝦捲入面有酸蘿蔔、青瓜絲、蟹柳、炸蝦，同平時嘅韓式飯卷有啲相似。最大特色係蝦卷炸過，所以表皮嘅紫菜好脆好香口，加埋沙律醬好夾。----------🔎NeNe Chicken🚩旺角亞皆老街8號朗豪坊11樓30號舖🚩元朗元龍街9號形點一期1樓1026號舖🚩葵芳興芳路223號新都會廣場L1層185號舖🚩將軍澳重華路8號東港城2樓225號舖🚩大埔安邦路9號大埔超級城B區2樓287-295號舖