NENE CHICKEN (朗豪坊)

營業中

休息中

我覺得哩間炸雞店非常差，軟件的評分是真的還是假的？（本人很少給差評，但這次進食體驗極差，希望各位看評分軟件選擇餐廳的時候可以多考慮一下）先講下味道，炸雞非常地一般且雞肉係乾嘅，皮不夠酥脆，連韓式炸雞的邊都沒沾到。芝士有糊的味道，年糕係酸嘅，味道不夠正宗。年糕不夠軟糯，煮得太爛了。總之味道不值得那個價格再者是服務態度，如果是人太多可以理解，但是如今沒多少人還是會怠慢客人，連前菜（蘿蔔、泡菜）也得自己叫總而言之這間餐廳不值得去消費

這家炸雞店開了在朗豪坊很久了，一直沒機會試，但最近朋友說有放題優惠，可以買四送一，那就借機會去試一下！我們到達的時間約6點半，人還不算多，不用排隊就可以進去了，不過場內也有6-7成客人了，在肺炎期間也算是人多？ 一開始聽朋友說是任選3款炸雞放題（$138），但入座以後才發現是由店家指定了3款（PS 可看圖是哪3款），沒有我們想吃的口味，所以我們就選了11款的炸雞放題吧（$158），反正也只是多付$20元，我們還有買四送一的優惠~由於我們是4個人，有3款額外的小吃（？）可以選，分別是nene芝士火鍋，芝士蛋伴泡菜炒飯？和芝士炒年糕拌拉麵，我們都覺得後面兩個都有點浪費胃容量，所以就選了芝士火鍋了。但芝士火鍋太淡了，又沒有拉絲什麼的，像普通白汁一樣，不推薦。炸雞方面，都炸得外脆內軟，也有肉汁。每一款炸雞我們都有叫，但都覺得1.5個辣椒以上的辣炸雞不好吃，不過這是個人口味~其他口味都不錯，例如初雪炸雞有濃濃的芝士粉芝士控必點，蒜香醬油炸雞比較惹味，芝辣初雪炸雞的味道有層次感也好吃。

最近NENE CHICKEN旺角店推出炸雞放題11點至6點有一款口味炸雞及薯條放題$99而三款及十一款口味的放題則沒有限時段，分別為$138及$158全部均限時90分鐘四人同行一人免費及送三選一的主食沒有飲料供應，需另外加錢原來$138的三款口味已經指定好最後決定吃$158的十一款口味首先第一盤的炸雞有芝辣初雪炸雞、蒜香醬油炸雞、大蔥炸雞、韓式甜辣炸雞、大韓廚師炸雞、Master Curry炸雞其實都是同一款炸雞，最後拌上不同的醬汁炸雞的肉汁很水嫩多汁，熱騰騰的炸得外皮沒有半點油份，像薯片般脆口最美味的是Master Curry炸雞，濃郁芬芳的咖哩香粉，叫人欲罷不能蒜香醬油炸雞較為多水份，帶點甜，正好中和熱氣感大蔥炸雞奇怪的是吃到有些wasabi味，而芝辣初雪及韓式甜辣炸雞也不錯大韓廚師炸雞是所有炸雞中最辣的，有點受不住主食選了芝士火鍋，可用來沾炸雞吃蠟燭的熱度已足夠溶化芝士而又不會燒焦芝士的味度偏淡第二盤多了白郡主炸雞濃濃的忌廉醬也很配搭最後一盤多了初雪炸雞芝士味超級濃烈，極多芝士粉，非常喜歡吃總結一下，漏單情況也很嚴重，選了很多口味，結果只來了部份而且只吃了大概三至四碟炸雞，又有點

經過旺角朗豪坊見到nene chicken又唔似套餐價錢幾抵所以便來一試～ 點了炸雞達人和芝士泡菜炒飯 lunch set 配有飲品.如果同桃子一樣都係有選擇困難症的話 呢款炸雞達人就啱晒你啦💁🏻‍♀️ 一共有七款口味的無骨雞肉～味道分別係原味、甜辣、芥末、初雪、白群主、辣醬和醬油 辣醬是火雞醬的辣度🌶 十分驚喜✨桃子認為是咁多款中最惹味的😋.另外點了芝士泡菜炒飯🥘 芝士味道濃郁🧀 配上雞蛋和泡菜味道超搭 而且分量超多 適合多人share嚟食.整體來講雖然味道不算太驚艷 但性價比還好 喜歡食炸雞嘅朋友 不妨午餐來一試

見到有放題就走過來試下啦點知坐咗係到落完單十幾分鐘水都無杯，單就落咗架啦， 只不過雞都未到你做得放題就炸定啦。十幾分鐘後， 到咗啦。我食完第頭三件麥樂雞size既， 再叫時，又等多十幾分鐘。。。你d人舉手又唔理， 野食又上得慢都唔知你點做生意手套又唔比，真係服咗你

好耐之前食過nene，覺得質素唔錯又抵食。呢幾日心血來潮又想食炸雞，首選就係nene chicken！去到時間尚早，唔洗排隊～ 點知換來係咁失望...揀咗呢個有七款炸雞嘅午市套餐，啲炸雞每一舊都差唔多味，分別就係佢哋加左唔同嘅粉或者sauce... 所以我都分唔到邊個打邊個份量亦都少咗好多感覺到佢哋煮食求其左好多，呢個價錢比咁嘅分量，我覺得唔係好抵 做出泥又完全唔係以前嗰種質素... 下次轉場食其他算*_*

📍🇭🇰 NeNe Chicken.係疫情嚴重下，心情、精神至不然都受到影響，但是肚餓始終都要食野！唔想煮又難得出街吃返一餐好少少先！.抗疫下，好多餐廳都出現不同的優惠！.我第一次吃NeNe炸雞，一次過可以用每位$158的價錢試食哂11款的炸雞！係任點，總之你仲食得落就可以點！.但補充一句，吃完真係好口渴！而飲品就不包括任點當中，要另點啦，但可以俾大家帶外買飲品入去送，都唔錯！.今次仲試點左兩杯飲品，分別是Jeju Island drink ($58) 同埋西柚梳打 ($38)! 真係化悲憤為食糧，再一起努力抗疫！ 💪🏻💪🏻

Nene Chicken之前係韓國食過好好食，令人十分懷念！個日咁岩行過見朗豪坊有，仲有炸雞放題添！所以決定去一試！價錢唔算特吃平，因為我地兩人本生食量唔大，158一位加埋，散叫可能仲平！但為左可以試晒咁多隻味，我地決定試下個炸雞放題！我地估唔到黎到既炸雞係炸雞件之餘，雖然佢好似好多隻味咁，但原來舊舊雞係一樣，只係佢後期加左唔同既汁上去！！痴線極難食！ 食KFC仲好食！嬲到相都冇影，坐低十五分鐘就走左！永冇下次！

好難食，第一次幫襯，間鋪個間格好差，舉左手侍應都見你吾到。叫左卡邦尼炒年糕，好細碟，d年糕硬既，𡁻左好耐先𡁻到，未煮熟。價錢又貴又吾好食。炸雞還可以。冇推薦菜式。

對上一次係大埔分店無食炸雞後，今次係旺角分店食返個最招牌出名既炸雞先😆唔知係咪下午茶時段黎食，所以無乜人，唔洗等位就入得🌟半半炸雞好味道😋😋😋😋左邊係韓式辣味，右邊係初雪🌟啲調味粉非常非常足夠，一食落口唔可以太大力🤣唔係啲粉會吸哂落喉嚨會咳😆初雪好好味，香濃芝士味，咸香得黎又好岩同雞件一齊食！另外個隻味有啲辣，鐘意食辣既大家就千其唔好錯過！雞件唔會好柴，啖啖肉，兩個人分都每人6-7舊😍芝士韓式年糕拉麵好味道😋😋😋😋繼續食呢個年糕拉麵！每次黎都會叫！大份又飽又抵食！而且仲有拉絲😳完成係食又正，影相又正，如果女仔黎食，3個人share一份都得，份量非常足夠！枱上面好有心，會附上鐵桶比客人裝住啲骨💕會繼續幫襯定期🌟

NeNe在剛開業的時候吃過一次，當時都覺得它挺好食的，雞有雞味，每款雞都有其特別醃製過的味道，因此現在做放題，當然要前來試試看，怎料……價錢是十分便宜的，有三個價錢任君選擇，當然愈貴的，吃的種類愈多；我們便選了中價的，有三款不同味道，怎料……竟然雞的味道完全一樣！我們不忿氣，立即升級，這次款式雖然多，但味道都是一模一樣！他們的造法應該是全部炸雞倒模出來後再灑上餐牌上的味道，感覺似在吃X樂雞，點(jack)上不同的醬汁或味粉。結果靠這個從來沒有熱過的 fondue來加味，但朋友們縱使任食都早早停手了。

今次第一次去呢間NENE CHICKEN 🍗 食韓國炸雞 因為最近有個優惠$158 任食11款炸雞 仲要4人同行3人收費添呀！😱吾洗諗緊係即刻去食啦～有11 款口味嘅炸雞 甜辣炸雞- 講到韓式炸雞呢款一定必試啦 甜甜地重口味必食！但就吾太辣既初雪炸雞-表面有層薄薄既粉包住 都係甜甜地既蒜香醬油炸雞- 呢款幾好食 推介！幾重蒜味 有醬油係面 鹹鹹地中和返啱啱甜味嘅炸雞招牌炸雞- 一開始食覺得冇咩特別 但食食下其他重口味既炸雞之後就發現原來原味冇其他咁膩 而且仲比較脆添～ Master Curry 炸雞- 表面既咖喱粉好好食 好似咖喱味杯麵個味咁呀哈哈Captain chilli 炸雞- 呢款係超級辣呀🥵🌶如果食得辣可以挑戰下呢個雞蛋芝士泡菜炒飯係送既好多芝士同雞蛋 有個主食 吾洗淨係食炸雞咁悶

呢幾日見到社交平台post 出話有任食炸雞。咁見屋企人之前係任食時段嚟食過話都出得快又唔差。所以就去試啦，點知就中大伏！嚟到食完第一round，應該係6、7舊之後，等左半個鐘都仲未有第二round,期間已經再落左兩次。好啦，到差唔多9個字之後佢嚟左一碟得4舊嘅雞（似係求其塞住我地把口）。即係我俾$158任食11款炸雞，淨係食到兩round夾埋得個十零舊，仲衰過我叫一碟正價嘅。呢間野真係完全唔推介！！！以後都唔會再食亦都唔會推薦人嚟食！

落單，waitress一直以鄙視嘅語氣目光回應（例如被人睥被人jaap），我諗我未至於坐低食餐飯都會討人厭到咁囉🤷🏼‍♂️上菜，同一位waitress，繼續鄙視，檯上放左幾碟野要郁郁先夠位嘅時候，佢以惡劣嘅語氣叫我搬開d d dish，大概接近鬧人嘅程度(WHAT??)，我黎食餐飯被人鬧係乜野事?????幾個月再來光顧，完全大失所望。即使食物質素如何（其實比以前倒退了一點），因為呢d咁嘅垃圾service我唔會再黎，亦建議睇到呢個review嘅大家為免食到成肚氣另覓好去處啦☺️

去之前上過OpenRice見到咁多劣評以為係同行惡意中傷 諗住俾次機會佢啦 點知試完真係好伏 唔會再有下次！［長文慎入］只問唔鍾意閱讀既 可以skip左下面總之就「「難食 服務差 上雞慢 唔好去」」1. 未食過咁難食炸雞 睇圖啦 睇圖都應該覺得唔吸引 同埋唔同味既雞放埋同一碟 d汁撈埋晒 好似食廚餘2. 任食限時90分鐘 第一碟雞係快上既 但order左8件 黎左6件 之後呢 等左35分鐘都未上第二round既雞 好彩有加錢叫其他野頂下肚 周圍幾枱都有呢個情況 有D直頭第一round既雞都未上 呢個時間我朋友忍唔住喇開口話佢 恭喜晒 我地得到一大碟「完」「全」「唔」「關」「事」既炸雞 無論數量同口味都同我地叫既有好大出入 3. D侍應態度勁差 落單自問諗好晒佢一埋黎就直接講 喂！但係我地未講完佢已經想收埋我地個餐牌擰轉面走 喂！我地未講完呀D炸雞黎到錯晒 同個女侍應confirm黎左果D係乜 佢串串貢加一幅嫌我地阻住佢既樣咁答句「係掛」某d口味冇晒又冇人同我地講 仲有好多好多 打唔晒 字太多總結：難食 服務差 上雞慢 唔好去