NENE CHICKEN (朗豪坊)

營業中

休息中

剛與朋友逛完朗豪坊，覺得肚子餓就去找餐廳吃個飽。於是，我們就到了朗豪坊上層的韓式料理餐廳，店內環境舒適，還可看到一些韓星的相片。如果你是三五成群過來這間店吃的話，這頁餐牌可能挺適合的，因為它有二人餐以及四人餐可供選擇。小菜未到，當然先來一杯吧，哈哈!這碟是雙重滋味炸雞，它的玩法是可從餐牌揀選其中兩種口味，而今次我點選了初雪炸雞及大韓廚師炸雞。大韓廚師炸雞在餐牌有三條辣椒的辣度級數，如果怕吃辣的朋友要小心選擇呀，因為我本人喜歡吃辣，而不是太吃得辣，吃了都覺得很辣呀，但是又很好吃，這下令我處於想吃又怕吃的心情呀，哈哈! 這個是金大人串燒拼盤，份量足夠，而且可以食到不同的食材，確實不錯。這間餐廳整體上食物質素不錯，而且性價比亦很高，與朋友聚聚吃個飯也是不錯的選擇。

今次試左nene雙重滋味炸雞 當然試左大家都推薦既初雪炸雞 其實即係芝士味既炸雞面頭再鋪滿芝士粉 一上碟就聞到好香 另一隻味就簡左蒜香炸雞 同樣好香個味較濃同埋小小小小鹹 但都好好味只係略嫌唔係幾夠熱 唔係一上檯會出曬煙果隻但勝在可以一啖成舊擺落口 唔知係咪因為等野食到果陣太口痕 係咁食曬d前菜 雖然個泡菜同芽菜都唔係幾夠凍 但都好食唔係話會超辣果隻同埋好開胃 因為都需要一段上菜時間最後係比我地食曬 所以個紫菜包飯黎到我地都開始飽飽地 依個脆炸紫菜蝦卷雖然貴左dd 但都幾多料最重要既係佢冇出面既紫菜包飯咁油 平時食果d連個紫菜面都係令既 最後叫左杯野飲 就係招牌鯊魚唔知咩咩 即係成杯野都係紫色好靚既 今次叫左個進化版 含酒精既 但飲落去好似冇咩分別 都係糖水

同朋友好耐都冇食過韓國炸雞!!於是我哋二話不說就上咗呢一間餐廳去食。估吾到平日七點幾嘅時候人流都多㗎，好彩我地最後唔駛等好耐就有位！餐廳裏面嘅位置都幾寬闊，而且空間感幾大所以坐落去都幾舒服，唔會好逼，而且顏色都係以黃白色為主，感覺幾舒服。睇睇餐牌先，炸雞嘅選擇同口味都超級多，令到我呢個選擇困難症嘅人都揀咗好耐都揀唔到。最後搵咗個最好嘅方法，就係叫咗佢哋嘅雙重滋味炸雞，可以揀兩款唔同嘅口味任君選擇，等我同朋友都可以試多兩種味道。最後我哋嘅炸雞叫咗初雪炸雞同蒜香醬油炸雞，先講一講佢個初雪炸雞，上網睇留言啲人個個都大贊，果然芝士味道激重，而且有幾款唔同嘅芝士粉鋪左上去，炸雞外皮香脆加上濃郁嘅芝士味簡直係罪惡之選，一啖接一啖。另外一款蒜香醬油炸雞都一流，佢嘅蒜蓉味唔會太重，加上炸雞表面撒左好多黑白芝麻，食落去就更加香。所有炸雞都掌握得剛剛好，肉質唔會好老，不過大家記得剛上枱唔好急着食啊，因為真係裏面嘅肉汁真係好熱！另外我哋叫咗一份勁量級雞蛋卷，裏面配有芝士同泡菜，個份量一上枱，基本上已經嚇親我同朋友，因為真係冇想像過會咁大份，四五個人share食都食到。雞蛋卷好有蛋香，而且實實在在，而上面嘅蟹

今日番工整天期待著的就係放工去食雞，八點幾去到armarm好唔洗等位，聽聞依間韓國第一食雞連鎖餐廳好似好厲害，仲要劉在錫代言 一直都好想食，今日終於比我到 menu其實有set叫，有二人餐同四人餐，都好似幾多野幾抵食 但我地兩個小鳥胃，唔想做大嘥鬼先散叫 首先叫左個NENE雙重滋味炸雞，一次過試曬兩隻味有一個係必食既叫初雪炸雞，另一隻味叫左蒜香，因為個人唔係幾好甜醬所以冇試甜辣味 但友人話應該係第二好食既 同埋叫左個脆炸紫菜蝦卷 仲有杯鯊魚野飲叫shark attack season two 分別係有酒精同冇 除左用黎打卡個味冇咩特別普通有氣果汁 因為條鯊魚係用黎做糖水用既 整體黎講一碟雞係夠兩個人食既 再食埋個紫菜包飯都飽飽地

好耐未吃過炸雞啦，今次想試就搵間勁啲嘅試吓。今日來到嘅NeNe Chicken有將近20年歷史，佢除咗經營餐廳，仲有自己嘅食品生產工場以確保質量。據講目前有過干間分店，係韓國第一炸雞品牌。接近下午茶時間來到，諗住下午茶平啲人少啲，誰不知呢度係冇下午茶嘅，但都有啲lunch set 吃，一啲都唔貴。未嗌嘢已經有嘢吃啦，就係前菜嘅泡菜同埋醃製酸蘿蔔，泡菜正正常常好味，而酸蘿蔔令我回想童年嘅味道，估唔估到我喺邊度鄉下？？話明吃炸雞，又想試多D味道，一定要嗌呢個炸雞達人，分别有初雪，甜辣，蒜香醬油，大蔥，白郡主，大韓厨師及芥辣7種味道。由於同朋友share嘅關係，我揀咗其中三樣，第一件就係大韓厨師，即刻辣到我飲咗半杯青提子蘇打，之後試咗初雪，灑滿芝士粉的雞件保持外層香脆，内裹嫩滑，好味。有個小小提議，可唔可以好似某間小籠包店咁，有張紙仔話明各種味道，咁最辣嗰件放到最尾吃就好好多。另一lunch set就係烤牛肉蛋包飯伴流心芝味吉列豬排，賣相唔錯，流心芝味豬扒勁流心，勁邪惡，帶著少少罪惡感吃埋佢

今日同朋友去咗朗豪坊嘅nene chicken食飯,入去睇下個餐牌先，見到佢做緊一個新出嘅二人浪漫邂逅套餐裏面。包括左半份炸雞，一份薄餅，兩杯特別嘅士多啤梨特飲，再加上其他小食沙律，價錢都非常之相宜！不過由於我同朋友主要想食炸雞為主，所以我哋就冇叫到呢一個咁抵食嘅套餐。反而我哋就叫咗雙重滋味炸雞，呢一個好處就係佢嘅口味可以任君選擇，唔會好似出面嘅炸雞店咁樣，half half chicken只係得原味同埋甜辣醬味，相反你可以任揀其他特別口味，確實唔錯！最後我哋就分別叫咗蒜香口味同埋芝士口味，先講下個蒜香口味先，個蒜味唔算太重，而且味道比較偏甜，應該係佢嘅蒜蓉醬有加上蜜糖醬，而且雞皮同雞肉中間嗰層脂肪都已經炸走左，所以食落去一啲都唔油膩。雞皮嘅香脆加上裏面鮮嫩雞肉簡直係一流呀！而且每食一啖肉汁都流晒出嚟，超正！另外嗰款芝士口味就相對比較「流亅，不過芝士味極重，鍾意芝士嘅一定唔可以放過！而因為我哋叫咗無骨炸雞，所以食落去都係啖啖肉,好方便。炸雞份量極多，兩個人食都唔會覺得少。小食方面，我哋仲叫咗一個雞蛋卷。見到旁邊枱枱都叫咗，睇嚟係必食嘅菜式！食完發現果然名不虛傳，雞蛋卷裏面嘅芝士超多，每

Happy Friday!今日放工同朋友去朗豪坊食Nene Chicken，八點幾去到等位約半小時。兩個人叫左一個蒜香醬油炸雞，一杯西柚梳打，一杯Blue Ocean梳打。炸雞係即叫即製，上枱時熱辣辣，但可能煮得太耐，炸雞略嫌唔夠嫩滑。一大碟炸雞兩個人都夠食，想叫多個小食都食唔落，想試多幾款食物的話，建議三至四人去食。環境方面，地方夠光猛，有三四部電視播放韓國組合MV，亦有籃放置個人物品，唔使攬住個袋食，整體而言滿意！

今日同朋友嚟到旺角 突然口痕話想食炸雞 上次因爲d事食吾到好出名的Nene 今次終於有機會😍😍😍 我地晏就1.幾去到 吾係好多人 所以都吾洗排隊~ 因為吾係好餓 所以我地兩個女仔淨係點左盤炸雞share食😙 今次我地就叫左好多人推薦的初雪炸雞🍗 等左一陣就有得食🥰炸雞係新鮮炸的 一拎上到熱辣辣 面頭鋪左一層芝士粉 上面放左d新鮮炸的薯片 薯片好有薯仔味 果然新鮮係吾同d😚😚😚炸雞咬落好juicy!!! 肉汁鎖緊係炸皮入面 但略嫌炸皮有啲厚同太少芝士粉 但炸雞咁juicy加曬分👍🏼👍🏼👍🏼👍🏼推薦:⭐️⭐️⭐️⭐️

NeNe Chicken (旺角)旺角亞皆老街8號朗豪坊11樓30號舖同朋友喺旺角打完波，做完運動想放縱一下，突然想食韓國炸雞🍗，於是去食呢間韓國過江龍😂-🔸韓式雜菇炒粉絲叫咗個炒粉絲主食試吓👍🏼粉絲好香麻油味 加上有不同種類嘅雜菇口感非常豐富 雜菇味道亦好香 口感非常爽脆每條粉絲都充滿麻油嘅香味 食起上嚟好滑但係好食得來都有啲油 明白無可避免嘅😅🔸BBQ烤肉PIZZA🍕另外亦都有叫埋佢哋嘅pizza🍕試吓🤗有各種烤肉及香腸 配上燒烤醬 非常香帶甜👍🏼呢個配搭嘅Pizza 啱晒好似我咁嘅食肉獸🤤啖啖肉非常滿足 但食多兩塊 都開始有啲滯😅🔸烤雞雙拼🍗今次試咗兩個唔同味道 醬油味 同忌廉洋蔥味專程嚟食雞 但對烤雞非常失望😟首先賣相非常唔要得 啲醬汁飛到周圍都係完全冇presentation可言 非常馬虎味道方面尚算可以 雞肉味道OK唔會係好鞋好乾 但略嫌有啲鬆散。。。個洋蔥醬略嫌有啲淡 個人覺得唔算太有特色如果賣相可以做得更好 整體感覺會好好多👿

是日拎左半日假做Body check， 檢查完畢非常肚餓，見到韓國炸雞仲要有lunch set一於試試。一講起劉在錫就會諗起Nene Chicken，雖然入座當日已經轉左女團代言，但佢既魅力依然強勁! 星期一至五12點至5點提供Main menu上沒有的午市套餐，4個人黎食就最抵，買三送一黎到叫左最出名既炸雞達人，一次試七款口味，一個人食份量剛好。呢度既食物即叫即製，等既時候可以先食入座送上的小食。泡菜比超市買到既包裝更容易入口。無咁酸之餘辣味都恰到好處，不會被嗆到。佢既泡菜吸哂蔥香，平一般泡菜更帶甜。另外有醃蘿蔔，食不同口味炸雞途中可以清新味蕾。醬油: 醬汁最稀既一款，但因為炸皮有獨特配方? 底部有汁浸住脆皮依然頗脆。與其話係醬油味，更近以日式燒肉汁。甜甜地易入口，好有驚喜!初雪: 人氣之選。原味炸雞上舖滿芝士粉，幾乎一半食炸雞既客人都會點佢。如果嗌全份初雪炸雞視覺效果應該幾震撼。附上一片類似薯片既野，應該係木薯片。大蔥: 以Wasabi為基底，面頭舖上好多大蔥絲，重口味卻又好過癮。呢隻wasabi汁少少吉脷但唔刺鼻，我心水top 3之一。甜辣: 佢既醬汁好似麥芽糖咁包住炸雞，凍左都

一次愛上既韓國連鎖店，今次已經係食第6,7次😂水準一樣咁好見枱枱都叫左2人餐，我地今次都唔散叫，要左個2人餐，照樣可以簡2款炸雞食，仲有2杯野飲，芝士火鍋同拉麵簡芝士火鍋我都係第一次食，店員就話係點雞食既，但係我地覺得炸雞已經有味係到，再點啲芝士好似會好怪，所以我地冇咁做，但又冇可能就咁飲，所以我地冇乜點到佢拉麵我係每次黎必叫，佢有啲似韓國火雞麵，不是死辣，是辣帶點甜，仲有我最中意既年糕，魚糕，必食！

一向都愛吃炸物😋這次來到旺角試這間Nene chicken, 看來人氣很旺。餐廳環境簡潔，，以白色和黃色爲主，黃色很有芝士的感覺😋令人想立即叫芝士炸雞。天花有正方形吊燈，很有特式，感覺新穎，時尚。店內很多人客，平日也很受歡迎。前菜有kimchi同酸蘿蔔,甜酸度剛剛好，十分開胃食物選擇很多，想了很久我們點了韓國x墨西哥風味脆薯，薯條夠脆，又多牛肉碎沙律醬，兩者味道非常配合，味道一流！上菜速度十分快，又有水提供，服務很好，很滿意。主菜當然要點炸雞吧！點了雙重滋味炸雞（無骨），選了甜辣和蒜香。甜辣的，辣度剛剛好，又甜甜的，很美味。還有杏仁片在上面，令醬汁不會太溜。蒜香味很香很惹味，外皮很鬆脆，雞肉筤嫩滑，味道岩岩好，啖啖肉，很好吃😋整體是有質素的炸雞😋會再來

自從公司搬左後少左去朗豪坊食飯，剛好假期約左同事朋友去行下，行完大家都有少少攰就決定早d食完晚飯返去。每次黎NeNe必點初雪炸雞今次食仍然會點，除左初雪炸雞外仲點左款新推出既避風塘味但NeNe chicken大玩食字將塘變成糖帶出炸雞會多份甜味。初雪炸雞水準依舊芝士味香得黎又唔會太濃而且甜甜地唔會單一芝士香味感覺又無咁膩，雞皮乾而脆內裹炸雞肉帶點雞肉汁但有少少部位比連乾。避風糖味係炸雞面上鋪滿炸蒜及辣椒聞落十分香但食感覺無聞咁重避風塘味，反而咬落糖比較突出。個人都係比較鍾意初雪炸雞多。2人食一份炸雞都已經好夠，所以再加飲品就啱啱好。lychee blue butterfly將荔枝糖漿加上藍碟豆花而成唔會太甜本身碟豆花無咩味但紫色既外觀就十分吸精。柚子梳打既柚子漿都幾多攪拌後梳打中和柚子甜味解渴十分好。

今日約咗男朋友食飯，旺角當然係最好嘅選擇啦，之前去過葵芳食呢間NeNe chicken，都覺得幾好食，今次到嚟到位於朗豪坊嘅分店試吓。一打開Menu，真係全部都係炸雞啊！我哋得兩個人，就決定要一碟炸雞同埋一碟飯share嚟食。前菜:-初雪炸雞: 一上菜就聞到濃濃嘅芝士味呀，原來係芝士粉嘅味道，而唔係嗰啲所謂邪惡拉絲嘅芝士味！炸雞炸得脆卜卜，個皮一D都唔硬，但入面就幾juicy，唔錯呢~~-韓式手抓飯:我哋今次揀咗吞拿魚做配菜，再配埋魚籽同青瓜粒，以及紫菜碎。店員介紹我哋用手套，自己包住唔同嘅材料食，但係我哋就比較想用匙羹😅。泡菜飯再加埋啲配料，好有韓式風味，有特色呢！-整體份量都幾多，兩個人食絕對唔會唔夠飽！

下雨天去左朗豪坊覓食！剛去完韓國，好掛住韓國美食，中午係另一店子食左餐韓餐不對辨的，唯有下午茶揀過間炸雞店再試下！炸雞店不用等位已可馬上入座，座位也不少，環境寬敞光猛，我們點了雙重滋味炸雞$178（有骨全雞的：招牌炸雞+韓式甜辣炸雞)等左20分鐘，炸雞到了，嘩！超大碟啊！每款雞各有8件雞左右。先試原味招牌炸雞，由於係啱啱炸起，真係又熱又香脆，肉又嫩，連雞胸也不嚡啊！覺得同韓國的沒兩樣哦！韓式甜辣炸雞個醬都好開胃，但由於太多醬汁，所以外皮無咁脆，但都是一樣肉嫩！如想食啖啖肉的，可㨂無骨雞件，只係$188呢間炸雞真係唔錯，大家不妨一試！睇下！雞脾肉真係又嫩又多汁架！點埋蜜糖芥末醬仲有提鮮作用添食左咁多炸雞，食番D餐廳提供的甜酸蘿蔔及泡菜，解膩一下