NeNe Chicken (新都會廣場) (已結業)

都食過幾次呢間炸雞，覺得味道幾好食，又飽肚，平時閒日都要排隊，所以今次特登訂左位。終於黎到店，由於之前食過佢既炸雞放題，所以食過曬咁多款，始終係白群主炸雞最好食👍🏻酸酸甜甜，勁開胃，可以食曬成盤都得🤣之後叫多個年糕拉麵，辣辣地，唔食得辣既朋友可能會有少少頂唔順既，但係食得辣既人就0挑戰😂年糕味道甜甜辣辣，又勁多汁，食到最後都唔覺乾！好好！因為食過另一間好旺既分店，完全唔掂，無汁，乾到擺左幾日咁，好難食。所以葵芳呢間幾好！推薦👍🏻

近排沉醉於在家煮食，買買埋埋一堆鵝肝、羊架儲定脂肪過冬，媽媽又投訴我冇新意，諗黎諗去都唔知煮咩好，就直接帶佢去葵芳間NeNe chicken食韓國菜👍🏻由於好少去葵芳嘅原因，搵咗間NeNe chicken都okay耐，一去到就見到個靚女餐牌💃🏻賞心悅目，唔食得都睇得我地點左3樣野：1. 蔘雞湯2. 炸蝦壽司卷3. 雙重滋味烤雞1. 蔘雞湯NeNe chicken嘅蔘雞湯同之前系韓國食嘅無乜分別，好食👍🏻 而且入面嘅糯米仲煮得好淋，吸晒雞汁精華。 店員仲俾咗胡椒鹽，配雞肉食2. 炸蝦壽司卷好surprised佢會新鮮炸出黎，外面炸到卜卜炸，入面嘅飯又軟軟甘，好正，未食完蔘雞湯，就已經食完個壽司卷🍙3. 雙重滋味烤雞落order時，waiter都同我地講左雞係鮮烤，要等around 15mins，不過都好，一次過上菜，d餸吹到凍晒就無甘正了，我哋食食下就上左烤雞，熱辣辣而且雞肉好juicy😁😋

平時好少食韓國野，因為唔鐘意咁熱氣既炸雞，同埋得２個人食都唔知食到ｄ乜。今日行過見到出左新野，朋友話呢間nene chicken 係好多地方都有分店，見到除左炸雞仲有章魚小丸子同麻辣炸蝦，好似幾過癮，所以就試下。章魚小丸子拼炸雞，每樣有４粒，２個人食每人都有２粒，都幾飽肚，不過炸雞外面有好多醬汁，所以唔覺得熱氣，而雞肉都好juicy，感覺唔錯喎！另外個麻辣炸蝦都幾大盤，呢陣麻辣味１ｄ都唔覺得食緊韓國野，直頭想加碗白飯黎食！

新都會宜家愈黎愈多野食, weekend lunch hour間間都好多人, 行行下見到角落頭有間nene chicken, 記得之前係旺角都食過, 炸雞好好食, 所以就食佢啦~一坐低就有韓式泡菜, 酸羅白都脆卜卜, 好夠酸, 好開胃! 一行3人叫左1個2人餐就算, 會有一個小食, 一個主食, 同埋一個水冷麵, 包2個野飲, 其中一杯係沙冰~其實3個人都幾夠食, 因為d野都幾大份~同埋出菜都熱辣辣, 即叫即整架!

之前係韓國旅行嘅時候有食過ne ne chicken，覺得吾錯，所以今日就試下香港店嘅水準。炸雞叫左雙拼，分别係白郡主口味同蒜香醬油口味。兩款嘅調味都岩岩好，但炸嘅火候差左d。裡面嘅肉已經老左少少，冇曬汁，外皮更加係有d硬，吾係脆。泡菜勁量級雞蛋卷，真係好大份，餡料幾多，亦好嫩滑，切開會有蛋汁流出黎。芝士炒年糕拉麵，尼個正正常常，係小辣嘅程度，吾係好食得辣嘅人都接受到。提子梳打水，吾會難飲嘅，不過就吾係好值尼個價。

呢間舖都開左幾耐，出名食炸雞，啲炸雞的確唔錯，皮薄，好入味，細細件容易食，肉質唔會乾，嗌左份辣既，又辣味好夠，喜歡食辣既朋友好鍾意。飲品方面，隻杯好靚，味道就不過不失啦～

Stuck in Kwai Fong, boyfriend and I came to NeNe  Chicken for dinner as it was the only place that had room. It was busy but they still gave us a table immediately with a prompt warning there was a 90 minute dining time.Menu is in English, Chinese and Korean. Though focusing on fried chicken, they also have other Korean dishes and pretty good value meal sets.We decided to just order fried chicken decided on two flavors ($178). Spring onion on the left and snowing cheese chicken on the right.  As

1.接待人員問幾多位之後，只叫人坐二人枱，完全冇要帶位嘅意思。2.落單時候好似喝人咁「要咩」「睇唔到」「你指住啲乜」非常唔耐煩咁款。3.送錯餐，叫返佢轉頭已經一支箭衝走咗，根住黑晒口面要客睇佢面色，仲要一句唔好意思都冇。4.送啱餐呢，最大大力放上枱嘅，汁都彈晒出嚟（芝士年糕拉面）。5.埋單又係，對住外國人就笑笑口，一收返香港人錢就講嘢冇尾音，多謝都冇句。新開個時食過以為太忙先至冇乜服務可言，點知依家冇人幫襯都一樣係咁。

店員服務態度差，上菜時間非常長，服務員人多到會漏單，建議可以去惠康買韓國即食麵，炒年糕仲好味過佢地煮既，味道非常淡，份量很少，吃唔飽，咁差就唔好學人開舖啦，真係蝦人未吃過韓國野啊

鍾意炸雞既我 今次就試左近年好興既韓式炸雞 NE NE chicken 有外賣同堂食,分別有4個份量 而堂食就只有三個份量 —無輕量級選擇 而雞就有無骨 同有骨選擇而今次 我同一位女性朋友就選擇左雙拼勁量級—招牌炸雞同蒜醬炸雞如果兩個女仔嚟講 份量都好夠 而招牌炸雞有配一款醬，味道配搭得都唔錯雞既質感都滑同多汁。但美中不足既係 炸粉同雞肉比例做得唔夠好，炸粉比較多同厚，未能做到啖啖肉。最後埋單加一 $206 價錢都合理 但我覺得而個質素配而個價錢就唔係話叫好抵食啦

選了左手邊的二人餐。前菜，一坐低就有。Pink lemonade原來唔係粉紅色，是藍色的味道好似檸七咁囉。估唔到韓式炸雞店整的西式意粉都掂喎意粉軟硬適中，奶油味香濃，煙肉略嫌少左dd，配埋幾條年糕，又幾突別。衰在這跟意粉一齊上，同時間食唔切兩碟，但甜甜地，好味又足料。+$5可以選多1款味道。左：芝士粉；右：甜酸。老實講，兩個人食完兩碟粉麵已經飽得七七八八，呢碟雞，食到尾都係頂住個肚再塞先清到怪唔得見到隔離枱攞盒仔打包。

Angel 真係好耐未試過炸雞啤酒啦！🍗🍻🍺🍻🍺🍻雖然是朋友講起即興，馬上就去食的，今日朋友介紹的葵芳有間叫 Ne Ne Chicken 🍗 口碑不錯👍🏻，可以試下。💕💕💕餐廳氣氛以韓式為主題，你會看見電視螢幕上，不停播放韓國女子組合的歌曲，音樂以輕鬆感覺為主💗💗💗我們點了招牌炸雞加醬油炸雞🍗同啤酒🍻招牌炸雞香脆的，都幾好食。不過醬油炸雞就一般般，醬汁太濃，有點鹹，我不太建議點醬油口味。

韓國炸雞嘅餐廳開得越嚟越多，去到邊都會有一間喺左近。今次去咗葵芳，而葵芳嘅代表就係NENE CHICKEN。雖然話嚟到炸雞店應該食炸雞，但奈何兩個人食半份炸雞又太熱氣，跟住見到menu有個叫金大人串燒拼盤，賣相都好得喎，所以就叫咗過嚟試下。上菜嘅時候個滿足感真係爆燈，睇起上嚟感覺好豐富。佢有好多唔同嘅串燒燒雞，雞翼等等，同時都有少量炸雞。啱曬我哋呢啲唔想太熱氣嘅人。而拼盤中間嘅芝士留心菜包亦都係好好食，芝士份量十足。韓國紫菜卷。我唔太記得佢全名係乜嘢，不過我覺得呢個卷物就太過肥膩喇。因為佢拎咗成個卷物去炸，仲加咗好多沙律醬，食咗一半都冇食咯青提子梳打。PINK LEAMON TEA檸檬茶賣相就幾特別嘅，有少女嘅粉紅色，不過味道就冇乜特別。提子梳打就係梳打加糖水嘅味道，不過不失啦。成餐飯嘅敗筆就係紫菜卷，我相信揀過第二樣應該會好食啲嘅。

Nene chicken 收工梗係搵好嘢食啦去完葵廣掃街，當然係要食個正餐啦喺新都會廣場見到一間我好耐都未食過嘅餐廳之前食佢個潘多拉雞已經覺得好出色可惜由於掃完街嘅關係唔再挑戰份量十足嘅潘多拉今次同個朋友就叫咗個雙重滋味雞翼招牌炸雞+蒜香醬油炸雞一次試兩個味唔錯招牌食落口比較脆身有咬口蒜香比較奇怪口感一般😅Kay gor 比較唔推介酸甜感覺配炸雞感覺一般P.S Kay Gor 開左專業啦, 多多支持最後當然要叫配啤酒隊隊啦總結我覺得潘多拉帶芝士較出色😍

Nene Chicken隔離有另一間韓國餐廳，見呢間主打炸雞就入左去食(雖然最後一啲雞都冇食到。未落order已經先上泡菜。叫左兩但lunch set。一個係海鮮豆腐湯。好大碗飯不過啲飯好濕又好黏，一pat pat咁。個鍋料都幾夠既，不過個蛋唔知做乜，人地應該好靚咁係個湯既面，但係佢上枱已經同啲海鮮痴埋一舊。啲豆腐同蛋白口感一樣，如果唔係見到有蛋黃，都唔知我係食緊豆腐定蛋。另一個係芝士年糕伴拉麵。辣醬伴以甜味，加上拉麵口感適中，係好食既，仲有好多魚蛋魚餅，但係芝士問係好溶到，同埋年糕好鬼冧。